美味天皇

营业中

休息中

美味天皇差不多已成為我飯堂, 成日都唔知食乜好, 一星期最少會去一次, 午餐每日好似都差不多, 但我個人本身都係悶, 食黎食去個幾樣, 所以我接受到, 鐘意呢度一個餐$5X 又有餐飲又有甜品, 仲有得揀食薯格加菜定意粉/飯跟菜, 汁任你配, 非常好👍🏻。今日黎到睇一睇已經決定要食龍利柳意粉, 唔想食太飽, 叫咗多菜少意粉, 再轉埋黑椒汁, 寫單姐姐都冇覺得我煩, 照單落齊, 今時今日好少有咁好服務意粉到啦, 魚柳大塊又幾滑, 菜又夠多, 食完仲有甜品揀, 今日係芒果布甸同朱古力MOUSSE CAKE。

之前跟M先生去過會展，回程時本來想找一間許久以前拍拖來吃過的小café，誰不知已經不在了，再走前幾步看到這間茶餐廳，就吃的東西醫醫肚我自己就要了一份熱狗加一杯凍檸茶，M先生就要了一份西多士和凍奶茶熱狗味道是不錯的，黃芥末醬汁甜甜的很好吃，有我不喜歡的蕃茄，特地挑走了不吃，麵包外層微脆硬，稍有烘過，中間香腸是脆皮的，香脆底有生菜絲，中和了些少味道西多士炸得算香脆，中間牛油一大舊的，糖漿是我們自己任加的，真好！不過西多士稍微較扁平不夠厚身，不夠鬆軟，口感差了點，但味道不錯至於凍檸茶和凍奶茶亦是合格，但不算太出色

同事介紹ㄧ間灣仔西餐廳，說價錢十分便宜。飲食上追求平、靚、正的我，當然不甘落後於人，馬上去試試。我到達餐廳時，正好是午餐時段，等位的人很多。餐廳面積不算小，而且坐位十分擠迫，但也滿足不了等候用餐人士的需求。店主應該是一個充滿童真的人。因為餐廳雖然裝修得十分簡單，但放了許多珍藏的公仔。餐廳的午市套餐選擇不多，只有四款套餐可供選擇，但價錢確實相當平民化。我決定叫一客黑椒牛扒拼天使麵。天使麵的份量相當多，两塊薄牛扒伴着濃濃的黑椒醬汁。這裡的黑椒汁做得偏辣，但也十分惹味。牛扒ㄧ點也不韌，但根的部份卻油膩得很，口感一般。飯後再送上甜品，有芝士蛋糕和紫米糕可供選擇。可惜我選的芝士蛋糕不够鬆軟，而且芝士味道也不够濃，令人失望!

下午一時四十分行經謝菲道，適逢有點餓，走進「美味天皇」試一試這餐廳的套餐。接近二時客人也不小仍有入座率約六七成左右。套餐有四個選擇提供，最終揀選了套餐C（肉眼牛扒黑椒汁意粉)改選點了飯、飲品有(咖啡，奶茶，檸茶，檸水，甚至可選檸蜜加姜，柚子蜜或柑桔蜜，任選一款)，一般餐廳選柚子蜜、柑桔蜜、柑桔蜜、菜蜜通常要另外收費，但美味天皇則毋須加錢選了適合冬天的柑桔蜜。最後加送甜品(Tiramisu或椰汁芒果糕二選一)面積大約兩個麻雀那麼大小。整個套餐份量十足，味道尚算可以，賣相也一般，餐廳環境整潔也不嘈吵，服務員也積極,以$61個午餐在灣仔區來說是中級。最後一提美味天皇不收八達通或信用卡，只接受現金交易，大家也要注意。

灣仔謝斐道除了酒吧之外，其實也有不少平民食肆，尤其在馬會附近的一段，自成一角。平日，不少在灣仔區的上班遊，都會到這裡午膳。晚上，雖然人流少了，但這些平民食肆仍繼續營業，成為靜靜地晚飯的好去處。這次到了謝斐道的美味天皇，由於在晚飯時段，用餐的人不多，所以可以不用等位，甚至可以自選坐位。甫坐下，看到這裡的套餐的性價比甚高，平均消息約60元，已經有餐湯、麵包、主食、飲品及甜品，以這個時段和地段來說，甚為超值﹗值得一提的是，由於近日天氣轉涼，也變得乾燥，這裡跟套可點柚子蜜和柑桔蜜等，不用另多加錢，值得一贊﹗正因為這裡晚上食客不多，基本上可以坐耐一點，跟朋友傾長一點時間也可﹗再者，這裡又靠近港鐵站，行兩個街口又可去到大街，有大量巴士線經過，交通甚為方便。要是傾得晚了，也不用怕沒交通工具回家吧﹗ 

下午茶超正，至愛係薯角。新鮮即炸，香趣一流。地點就腳方便，下午茶相聚，。價錢就十分相宜，仲平過新界茶餐廳。環境企理乾淨，最好就係清靜，比得上coffee shop ，可以靜靜地上下網，做下野。

灣仔d餐廳早餐好多都做到11:30，咁岩喺附近做野，是但入左拍間餐廳食個早餐先！呢間餐廳好多座位，茶餐廳黎講算干淨，多卡位！早餐選擇需不算多，但都搵到一樣岩食。我叫左薑汁烤肉出前一丁湯粉，加熱柚子蜜$31，價錢ok! 薑汁烤肉，一dd 薑汁味都冇，可能烤既時候烤晒？豬肉肉質比較韌，但味道都唔錯，四大塊，冇肥肉，算健康d! 食唔出係唔係出前一丁，不過同平時在家食的出前一丁面質不太一樣。湯底也不是出前一丁的調味料，出面叫出前一丁都會有麻油味湯底。可讚係有三條生菜，唔油，比較健康！熱柚子蜜好甜，可以溝水飲！

灣仔嘅餐廳無論係種類同價錢個range都好闊呢間係小巷嘅餐廳平日lunch time黎都好多人係門口排隊1點前到嘅話通常要等10-15分鐘每日有4款lunch set今次揀左洋蔥汁豬扒加薯菜(可配飯/意粉/薯菜)豬扒有一大一細肉質鬆軟 唔錯唔錯薯菜係薯格加椰菜薯格有種岩岩炸好嘅感覺但因為d汁留左過去放耐左會整淋左椰菜份量都幾多唔會太淋或者太硬整體黎講份量大又抵食味道都算幾好可以滿足到想食平價西餐嘅意欲提外話見到餐廳都幾多人order黑椒牛扒大家不妨一試

叫左個牛扒晚餐，有餐湯、牛油麵包同甜，性格比唔錯紅湯味道似羅宋湯，酸辣度適中，但唔似羅宋湯咁放好多菜，比較可惜。而牛油麵包就正常，都幾鬆軟估唔到係配我最鐘意嘅薯格！份量都算多，外面都幾香脆，夾埋黑椒汁一齊食，正而牛扒都幾淋，雖然茶餐廳牛扒一定係全熟，但整體而言都唔會煎得過熟，值得一讚而甜品方面就有芒果布丁，口感似大菜糕，芒果肉得幾粒，不過仲以價錢七十幾蚊有咁多野，都唔期望會落足料而友人就叫左個公司三文治，豬扒似台式早餐豬扒，薄薄一塊，唔錯最後食牛扒，當然要配可樂！正

原來想跟媽食all day breakfast... 因突然有事，改左去快餐店食早餐。 見餐牌 －保健湯麵餐，幾特別的。。木耳，雲耳，海帶及菜配面， 幫媽order，佢會喜歡。 因配出前一丁，麻油味配上這些素菜好夾， 但好似唔見有木耳。自己要什菇奄列及多士哈哈~都係素菜。 母親節最重要陪媽咪，食咩都無所謂啦~

今天吃了個十分豐盛的午餐。 是日午市套餐有四款，可揀選天使麵、扁意粉、薯菜或者白飯，另還包括甜品及熱飲。  點好午餐後，店員首先為我們送上餐飲，我點了熱檸茶，甚有茶味，茶溫足夠。  A餐-- 煎雞扒香草茄茸汁雞扒軟腍，用刀很容易切開。 雞扒包裹在茄茸醬汁中，甜中帶微酸，正合我胃口。 天使麵幼身，條條分明，不會黏在一起。醬汁與麵分開，可以因應個人喜好沾上醬汁同吃。雞扒兩大件，茄茸醬汁份量亦多，最後我吃剩了1/4。 店員見我們吃得七七八八的時候，便問我們吃什麼甜品，是日有兩款甜品選擇：椰汁紫米糕和提拉米蘇，我和朋友一致選擇了前者。個人覺得紫米糕很好吃，椰汁味和紫米味道濃郁，很香滑，雖然飽，但都把甜品食完。

Went with German veal sausage with fries in the set lunch menu. Sounded good on paper but the sausage was no different from boiled flour - a real disappointment. The criss cross fries and cheese cake were really not bad though. If you end up here, make sure to order a dish that requires no transformation of meat and you should be fine.

灣仔星期六朝早都相信無乜好揀。之前食過x 寶，覺得味道麻麻。 今次就去旁邊果間早餐menu:叫左兩個粉面餐。 等左5 分鐘就上菜。 食得出煎旦同餐肉都新鮮整， 餐肉仲有少少外脆添通粉湯底唔係平時既雞粉湯底，反而係用出前一丁果隻麻油湯底。仲有條新鮮既時菜，我真係好感動埋單每人30. 灣仔差唔多la

叫咗個煙鴨胸鮮果沙律，只係一啲蘋果、哈密瓜同波蘿切粒撈沙律醬啫，但都可以難食，我其實唔係好明。生果係好爽脆，脆到假嘅一樣，而且全無味道，更加冇汁，連沙律醬都冇味嘅。慨嘆香港搵食艱難。

早餐快靚正之選系列之一！今天是公眾假期，灣仔好多茶記都冇開，平時都坐爆棚的今天終於有位涉入去。餐听有兩個舖位咁大架，坐得尚算舒適好多可愛的裝飾很有家的感覺豬柳旦一丁麵、香茅魚餅一丁一丁煮得夠彈、有麻油味，略嫌水過多湯味不夠濃。香茅魚肉，彈牙有香茅味豬柳旦，豬柳很大塊，旦煎得剛好沒有過燶又有流心咖啡、凍檸茶咖啡是西式的即磨咖啡，味道吾錯咖味夠出不太濃沒有苦澀味略有回甘。凍檸茶，有茶味合格，不會過甜。什菌炒旦治平時少有在茶記吃到的，比較健康的感覺，清清淡淡的。沙爹雞絲扁意粉份量還是幾足料的，雞絲亦滑，意粉煮得夠淋，湯是夠味的，但沙爹味不夠出。香滑奶茶味道都吾錯，有茶的甘香，奶夠滑，身為愛奶茶之人也大讚！餐牌種類也算多，而且多種食品選擇，至特別是保健湯麵餐，平時是比較少見出現於茶記的，店員也落力推薦的，哈哈，我承應是愛吃不健康的東東了！不過還幾欣賞這份心思的