美味天皇

营业中

休息中

今日5點左右同老表行過黎食tea/early dinner.我地要左芝士火煺飛碟餐$23及大蝦水果沙律餐$23,餐飲要左凍檸茶,凍華田(凍飲加$2).食左個芝士火煺飛碟老表究竟話想食多個,我地再叫左碎旦飛碟$18.芝士火煺飛碟,碎旦飛碟---焗得頗脆口乾身,內餡味道都吾錯,略嫌碎旦太多沙律醬.大蝦水果沙律---水果有蘋果,哈密瓜,青瓜,仲有一種味道似葛既水果,全部都好新鮮.大蝦有4-5隻,亦挺鮮甜爽口.凍檸茶---都幾有茶味而且吾澀口.埋單$68,感覺上lunch/dinner會較抵食.

本人在灣仔區工作，最愛這間食肆。這裡各款食物都做得很出色，所以經常人頭湧湧。我最愛這裡的雜菌奄列，不單雜菌夠多，非常鮮味，而且奄列蛋煎得恰到好處，不會太熟，吃時還有蛋汁流出，真是yummy yummy！奄列很有分量，作為早餐真的可以飽到中午。不過這裡最出名的是自家製的日式芝士蛋糕，質感鬆軟且有淡淡的芝士味，很清新，可單買，亦會隨午飯套餐奉送，記得要試啊！唯一缺點是座位太擠，尤其午飯時間，經常找不到位，坐得不舒服，可以的話還是選早上或下午茶時間才惠顧吧！雜菌奄列$25，早餐價$18(包飲品及牛油方包)日式芝士蛋糕$18，下午茶餐$23(包飲品)

Before 拉闊音樂會:楊千嬅x林一峰, we needed a place for quick dinner. There were a few restaurants on this street, but only this place was full house. Of course, this would be the obvious choice.Set dinner with bread + soup + entree + dessert + tea. Around $50. Bargin dinner.1.忌廉湯:5分, not much taste of 忌廉, below average.2.黑椒汁肉眼牛扒飯:7分, this was good. 牛扒was not 太韌, adding 黑椒汁could easily finish the rice. Better than my expectation.3.雞扒天使麵:6分, this was less satisfactory. 天使麵was too watery. 雞扒ok.4.朱古力蛋糕:5

晚餐四選一(免加一), 西冷扒$55, 其餘三款$45, 要了蕃茄雞扒飯。餐湯得一款唔使揀, 送牛油多或餐包。雞扒當然係雪貨, 不過皮煎得香脆、內裡又唔「鞋」, 上面淋一大灘蕃茄汁, 蕃茄汁帶香草味, 偏甜, 汁多好送飯, 另有西蘭花同幾根椰菜伴碟。食完大碟飯已經好飽。套餐送西餅一件: 芝士旦糕、綠茶旦糕同朱古力旦糕三選一。芝士旦糕沒有什麼芝士味, 鬆鬆軟的似一件雞旦糕。怕咖啡的澀但為了「手磨」兩個字, 最後都叫了手磨咖啡一杯: 好滑, 不過落了兩包糖仍然澀澀地。這個價錢, 這個份量, 這個味道, 抵食過大家樂同大快活, 冇幾何食快餐食完會嗌「好飽」。

2005年7月14日(星期四) 下午1時15分這裡經常有條長龍在門外，我們好不容易才能入座，然後立刻點了兩份午餐，午餐包括主菜、甜品及餐飲。兩份主菜分別是肉眼牛扒黑椒汁配扁意粉【見附圖】($45)及煎豬扒香草蒜茸洋蔥汁配薯菜($40)。主菜：肉眼牛扒肉質嫩滑，配上惹味的黑椒汁及爽滑的扁意粉，質素絕對是水準之上。豬扒就煎得夠腍，沒有油淋淋，而且份量頗多；格仔薯炸得好香脆，配上椰菜又是一味好主菜。甜品：通常有兩款選擇，我們選了芝士蛋糕和朱古力蛋糕各一件；個人認為芝士蛋糕口感不錯，又有頗濃郁的芝士味。至於朱古力蛋糕，賣相都可以，味道卻只是一般。餐飲：個人每次都會叫熱咖啡，因為這裡的咖啡香濃又易入口，值得一試！這裡不設加一，價錢又實惠。個人認為她們的食物用料不錯而且質素穩定，誠意十足，難怪店外經常有食客在等候，這食店真的稱得上「美味天皇」。P.S. 這裡全女班的侍應做事非常有效率，落單和座位安排上快手兼靈活，她們的專業態度確實令人欣賞，現今的年輕一輩應該多多學習！

今日12點黎左呢度食lunch,叫左個燴海鮮素菜南瓜汁扁意粉(可改angel hair/飯/薯菜)個set包餐飲及甜品.燴海鮮素菜南瓜汁扁意粉---size相當巨型,我相信普通1個女仔就算好肚餓都無可能食得晒!2個女仔食都夠晒飽!素菜有椰菜,西蘭花,椰菜花;而菇類都有3,4種;海鮮有螺肉,魷魚,大蝦,細蝦,魚柳,味道偏淡,應該系雪藏既.南瓜汁感覺幾lite,吾錯!餐飲要左咖啡,亦不俗!味道夠香濃.甜品要左日式cheesecake,細細件,都算軟熟.另一選擇系朱古力旦糕.$40有咁高既食物質素,而且服務亦合格,環境都算坐得舒適.strongly recommended!

同朋友行完書展, 夜場(6pm後)入場只$10, 抵睇, 第一晚又唔逼人. 如果唔忍手, 肯定袋幾多錢洗幾多.睇完9:30pm, 搵地方食飯, 我建議自己平日常吃午餐的美味天皇. Set dinner 只係$45-55, 已經有湯、主菜、伴菜、甜品及餐茶, 冇加一. 同午餐價錢竟然一樣!此店晚市頗靜, 一定有位. 我order 肉眼牛扒黑椒汁+扁意粉+日式芝士蛋糕, 朋友order 煎雞扒+扁意粉+朱古力蛋糕.肉眼牛扒七成熟, 質素唔及Outback, 但一定比大X活好.扁意粉水準之作, 軟硬適中, 好過唔少西餐廳.朋友的煎雞扒跟茄茸汁, 有大量蕃茄及磨菇, 足料!日式芝士蛋糕香滑, 朱古力蛋糕朋友大讚.埋單只$102.

雖然餐廳大左同搬左新地方, 之但係蚊又多左, 烏縄又多左, 衛生情況有待改善.侍應雖然多左, 但係落單及上菜之準確度及速度差左. 叫左個羊扒配薯菜, 可以成三十分鐘先有, 仲要發晒爛渣個隻, 先即刻有.茄汁雖然枝枝都咁大枝, 但係唧極都唧唔到, 侍應都冇佢符, 後來我地要將佢個唧咀拆開先倒到d茄汁出黎.甜品方面, 芝士蛋糕略為平凡, 伊藤家好食過佢. 朱古力蛋糕尚可.柚子茶可以杯杯既甜味都唔同, 可能係水吧心情唔好一時輕手一時重手掛?值得一讚既係薯菜, 椰菜煮得好淋, 薯塊炸得好香, 如果唔去哈廸斯可以考慮去哩間. 好佩服餐廳生意可以咁好, 十二點三已經有好多人係出面等位, 一點鐘食的話仲要book枱, 如果唔係都咪使旨意可以入到去, 搬左新鋪, 我覺得唯一進步的, 就係少左油煙味, 同埋d薯菜好食左.

昔日飯堂之一搬到謝斐道148號地下, 位置是福星茶餐廳過幾個舖位. 新舖比舊舖大一倍有多, 易搵位, 亦坐得舒適.午餐仍是$40-45 一個, 沒有餐湯, 但有餐飲及甜品. 伴菜如選薯菜, 會奉上香脆薯格及大量椰菜. 如選意粉, 則是扁身的Linguine. 如選白飯, 不夠吃可要求添飯. 用料交足貨.選了肉眼牛扒+ 薯菜, 走汁. 如此一來肉眼牛扒會被即叫即煎, 而不是用熱汁弄熱, 味更佳. 咖啡味蛋糕上有一層厚厚奶油, size夠細, 只有半件美心蛋糕大小, 剛好吃得下.多了很多新店員, 服務方面未熟手, 但態度很可親, 全像上一代的媽媽輩般努力, 令人感覺像家.

逢星期一又係放假時候又約左另一舊同事係灣仔食野.同事要求到呢一間吃午餐, 基本上係佢飯堂.有一星期起碼有一次黎呢度食.我未到1點到已經見到好多人係門口, 當時係12:50.係門口同阿姐做booking. 門口有哂餐牌, ABCD四款set lunch. 有雞(唔記得定豬), 蜆肉, 牛和羊扒配薯菜.價錢係$40-$45有甜品(free)和飲品($+2)仲有其他小食, 約$18.其實好耐之前去過一次當然都覺得幾好味, 但係地方淺窄, 逼左的.望入去一切依舊, 依然都係咁逼.呢度同有的餐廳一樣, 齊人先入得.約人既就要準時啦等左幾個字同事放午膳趕到黎, 之前已經order定兩份羊+薯菜.等左一兩分鐘入得(13:10).碟頭同普通餐廳差唔多, 味道卻不錯.薯菜一如lazyqueen說格仔埋椰菜. 炸薯幾厚身, 但某幾塊唔脆.羊扒肉嫩但燥味唔夠, 想吃羊但嫌燥味的可以試試.見到隔離果碟配意粉都幾大碟, 可以試試.黑椒汁味道出色, 唔會黑味過強一味死辣.主菜完畢還有Chololate cake同Tiramisu.我要左Tiramisu. 雖然不大正宗但以cake算都幾好味.之後仲有飲品添.此店味

這裏的lunch質素幾好，通常會有四個set揀，平均四十至五十左右啦，包埋甜品同餐飲。今日有雞扒，海鮮，牛扒同埋羊扒。我揀了肉眼牛扒黑椒汁配薯菜。牛扒的汁好好味，D薯菜係格仔薯同埋椰菜，份量好大。我朋友同樣要了牛扒但配意粉，唔係普通意粉，係扁意粉，唔錯。甜品有芝士蛋糕，tiramisu同埋朱古力蛋糕(呢款要自己問的)。雖然細細件，但幾好味。總括來講，除了地方較細有點迫之外，呢度都幾得� !!!!