美味天皇

营业中

休息中

我同事推薦依間話佢午餐好食，而佢生意亦真係越做越好，由同街細鋪搬大鋪，但講真我食過幾次都唔覺依間食肆特別好食，有時汁味仲怪怪地。佢午餐都係大路茶餐廳，但價錢都唔平，而且仲要咁多人等位，所以都無乜興趣再幫襯。

19/8(六) 6:30pm放工後相約男友於此店略為填填肚子才刹入食展.6點零鐘此店內食客不算多,店子擴充後比以前寬敞,裝潢亦較骨子,柔和燈光配上淺色軟座,感覺簡潔舒適!見還有下午茶供應(至6時半),二話不說點了炒蛋什菌三文治餐跟凍檸水$20及雞翼鮮果沙律餐跟熱咖啡$23.什菌炒蛋三文治--麵包軟熟非常!蘑菇份量頗多,炒蛋口感一般,若滑點會更好!食味尚可!雞翼鮮果沙律--雞翼2隻,體積稱不上大;雞翼食味平平無奇,可炸得再香脆點,肉汁再豐富點!沙律有沙葛,蘋果,哈密瓜,菠蘿,口感爽甜!熱咖啡--即磨咖啡,咖啡味道濃而香,亦沒甚苦澀,合格!凍檸水--大大杯,其實只要做到不過甜,絕不會難飲!服務方面女侍應態度挺親和,$43吃個輕怡晚餐.可以一試!

order果陣d阿姐好多野講-.-我就覺得有d煩,,我叫咩野你都要管= =??..不過我媽咪多野講-.-應佢幾句咁囉d雞排都要幾滑,洋蔥汁幾sweet不過係d豬排"鞋"左小小~~可能一時失手啦??意粉都算好味~~差唔多食完有個好可愛既甜品畫上句號$9x食到我同我媽味飽飽的40幾蚊位食到飽一飽好過去super sandwishes食既-v-

我所講門口做登記那個'肥女人', 佢好'巴蔽',把守住門口;我試過人齊入坐後,諗O下食嘜都比佢'吹吹頁';話我唔可以坐低咁耐都唔叫野食,話我左住佢地做下一轉客,仲叫我望O下出面"我地有好多客仲等緊位O架',講真....講好食大把地方仲好食過佢啦.....服務都好緊要嘛.....因為我地都係'消費者'囉.........

我一向十分討厭D 大鼻既餐廳, 係都要人地齊人先可以入座. 謝斐道Tim's Kitchen 係其一. 有次有個婆婆等位同個孫仔食飯, 咁例牌又要齊人先入得啦. 嘩大佬, 出面天文台酷熱警告, 成33 度(我都差D 中暑), 婆婆問可吾可以入去涼住冷氣等呀(餐廳入面未滿, 重有位), 但個伙計死都話齊人先入得. 我心想"有無攪錯啞!!無位就話姐, 有位都吾俾人入, 使吾使甘寸呀?!". 當然我無謂做"嫁梁", 但都吾順氣吾鬼等去弟道食.....嬲嬲地, 我去左會展對面Grand Hyatt 食豪D, 我話我未齊人重有個朋友黎緊, 個waiter 話"吾緊要. 方吾方便講你朋友個名, 我叫同事係門口等佢帶佢入黎”. ，　今時今日咁既服務態度至係嫁馬!! 我以後都吾會再去Tim's Kitchen. 正一黑店!!

我lunch成日經過都鬼咁多人等位, 於是6月30日dinner同老公黎試吓. 我要咗個黑椒牛柳意粉, 我老公要咗個南瓜汁雞柳飯. 南瓜汁雞柳飯淡茂茂咁, 點知我個黑椒牛柳意粉重奇怪, 個汁勁甜, 真系唔知點解黑椒汁會甜, 最慘我最僧又鹹又甜的食物. 雖然個甜品好好味, 但本人不能原諒佢比啲又鹹又甜的食物比人食.

星期一和友人到此晚膳, 剛好還可以吃到下午茶餐; 茶餐時間至下午六時半. 我們叫了個軟殼蟹沙律, 勁正呀! 全是新鮮生果: 有菠蘿, 蘋果, 青瓜, 粟米等等. 還叫了個set dinner, 肉丸扁意粉, 但沒有什麼特別, 有些像貢丸, 醬爆什麼丸似的. 差不多年多沒有到過這裡吃東西了, 這裡擴張了, 重新裝修, 格調都不錯. 印象中這裡的牛扒水準不錯! 但很久沒有品嚐了. 不知是否仍可保持水準? 熱咖啡就和以往一樣

最近擴張左舖面大左一倍而且分開了吸煙及非吸煙區但食物水準似乎差左同朋友食飯見之前來過幾次都OK於是揀呢間我叫左蒜蓉雞扒薯菜我個friend就要米蘭忌廉海鮮燴意粉西蘭花忌廉湯略稀多士雖然叫左旱底但唔夠脆雞扒薯菜OK 我諗都好難整得難食但我個friend的意粉上菜時一看就知不妙睇到d意粉應該好腍d意粉好散個friend都話個汁好稀同淡蝦又普普通通冇特別cheese cake ok 檸茶很好是近掛飲過的最好拉均只能俾OK佢因為那個意粉有點失望

開飯食評一面倒笑臉，所以對上個星期二(9/5/06)一心試。放工早，仲得切叫茶餐，於是叫豬扒烏冬同吉列豬扒鮮果沙律。豬扒烏冬：豬扒味道唔錯，烏冬質地麻麻。吉列豬扒鮮果沙律：好大碟，份量十足。鮮果真係好新鮮，豬扒亦炸得好香脆。總括講，好味抵食！(茶餐而言)p.s. 環境唔係太滿意，座位都幾窄，而吸煙區同非吸煙區唔係隔得好開。

本來只係想鋸個扒見到呢間一直都覺得好貴既茶餐廳諗住夠飽就算點知一入門口已經見到阿姐們起勢係咁抹地板一尐都唔似一般茶記咁黐立立窗明几潔四個字完全中晒清潔要俾滿分晚餐西蘭花忌廉湯配油多湯濃油多脆主菜羊脾配茄醬竟然有薄荷汁另上而且上菜極快熱騰騰的天使麵同羊脾羊脾份量唔細茄醬係用真茄做成再加上一杯最愛既熱賓身在一號風球中都暖在心頭最後仲有一件小小既芒果蛋糕唔係超好食但係已經令到呢一餐好完美點點細心帶來點點驚喜仲有一份幸福既感覺由此可見一) 做得好自然有人識欣賞(總有一日)二) 幸福其實從來都唔需要複雜不過佢黎抑或唔黎都係可遇不可求(都係總有一日既)

美味天皇以前間舖豆潤咁細見坐都坐得唔舒服自從搬咗去以前新興茶餐\廳間大舖後見坐得寬闊點先去幫襯果然有驚起去過不下十次次次都有水準而且價錢唔貴服務態度好不過沙發位就少咗啲今次食嘅係蒜蓉汁煙鴨胸飯有忌廉湯多士仲有芝士蛋糕忌廉湯夠濃多士就普普通通一件多士個煙鴨胸多入味50大元有找的晚餐\ 仲要有芝士蛋糕都算唔話得當然冇其他地方的好吃總算不過不失最重要係服務態度良好有求必應感受到份真情去serve食客囉唔好忘記佢\唔係一間高級西餐\廳但又高於茶餐\廳的級數

今日同男友食下午茶，男友叫左一碗雞翼烏冬加凍利賓納，雞全翼，味道okey喇．我就要一碟大蝦鮮果沙律加凍檸茶，好多生果：富士蘋果，青瓜，大樹菠蘿，哈蜜瓜，菠蘿，當然有四隻中蝦；ｄ蝦好甜，生果夠新鮮，甜甜酸酸，好開胃，沙律醬幾好味．早餐果ｄ通粉既湯底有木耳，羅宋湯，忌廉湯，仲有幾款（我忘記了），好似幾特別，下次去試下都好．總括黎講都幾好，都好多人黎食，一批食完一批入黎，人來人往，應該要有非吸煙區，同埋有ｄ焗．

由於封路關係,吾係咁方便行咁遠去食飯,咁就去左公司樓下搵野食,知道間野食物都吾錯,平時都吾會黎幫親,事關價錢比起格黎D餐廳貴,但一次半次都冇所謂,真係一分錢一分貨,黑椒西冷扒飯,黑椒香有味,吾係太辣,扒吾會太硬,飯過得去,但價錢都幾貴下,只好月頭先可以再黎.

星期六想原去信和o個間san fra飲coffee的，點知未夠3點已經話收市，要我們去灣仔間，行去個陣，越行越肚餓，於是醫肚先，見佢o地o既下午茶餐好似幾好味，又平，所以一試。 要了炸魚塊和格格薯餐，餐飲本來寫住柑桔檸蜜，點知來到變o左鹹柑桔蜜，魚塊和格格薯都好香脆，值得一提是魚塊並不是手指魚餅，魚食得出頗新鮮，而且冇雪味，不錯。整個茶餐才$22，都幾抵。

平日經過, 呢間鋪都人頭湧湧, 見好多人排隊. 星期六lunchtime黎, 少d人, 就入黎試下. 裝修幾好, 白色的椅子, 感覺都幾乾淨, 可惜太擠迫, 唔好坐.叫左兩個set lunch, 一個係黑椒西冷扒配意粉, 一個係黑椒羊脾配意粉. 坐左一陣就有飲品上, 有柚子蜜同利賓納. 之後就有主菜~~1). 黑椒西冷扒配意粉: 朋友食既, 我試左d, 都幾好味, 黑椒汁夠惹味, 食落去仲有少少甜味, 係一個好出色既黑椒汁~~!!2). 黑椒羊脾配意粉: 意粉其實係天使麵, 煮得剛好, 唔會太淋. 羊脾保留左陣羊味, 好好!! 每碟意粉都有一大堆蔬菜係底, 健康d啦~!另外見到其他人食天婦羅串燒配薯菜, 賣相好靚好吸引, 個天婦羅係幾粒大魚蛋既樣, 薯格炸得又大又香!! 唔怕熱氣既人可以試下!!午餐仲有甜品, 芝士蛋糕略嫌淡左d,蛋味仲大過芝士味. 朱古力蛋糕就好甜好heavy, 食完都好飽.d姐姐既動作就真係好爽快, 態度又好, 藉得一讚!