美好

营业中

休息中

以食過嘅茶餐廳嚟講，美好嘅下午茶確係抵食！尤其係啲拼盤餐樣樣有啲，食完會有種滿足感☺️雞中翼拼盤餐配埋餐飲$40😱😱————————————————————————🐔2件炸雞中翼+1咖哩角+1件春卷炸嘢係熱辣辣上又夠脆🧇半份西多西多有花生醬夾心，食落仲有微微蛋香🍟薯條/🥗沙律沙律份量合理，味道正正常常————————————————————————如果覺得唔夠飽，仲可以加多$12再配碗🍅🥔🐷蕃茄薯仔肉碎通~個湯底有屋企煲嘅湯嘅感覺，有落足蕃茄同薯仔。雖然飲得出有落茄膏，但份量適宜，比起一般茶餐廳嘅蕃茄湯優勝👍🏼

前2日收工去買外賣，等左20分鐘。攞到個外賣反屋企，發現俾錯左。等個20分鐘見到個廚房掛住同女同事吹水，好明顯就係掛住傾計搞到俾錯野。搞到要攞個外賣落去換，搞左40分鐘先有得食

要買 "飛仔" 再自己出去取食物的非連鎖快餐店，已經少之又少。可能在工廠區既舊式飯堂會比較容易找到，但在住宅區、商業區，真係難得一見。然而，在歷史似是悠久但看起仔又唔係好久既沙田第一城，有一間名字叫《美好》的食店。就是保留這類先購票，後自取的食店。是一間介乎茶餐廳同快餐店之間的港式食店。兩次在第一城辦好事，我都專程來，快快趣食個快餐店式既茶餐廳午餐。這一間《美好》，是好典型的一家舊式快餐店。印象中，我細細個已經有幫襯了，印象是俾完錢之後等嗌咪的。不過，時代進步了，今時今日，我地睇電腦屏同埋聽廣播。一見到自己張飛既冧把、或一聽到自己張飛冧把既廣播，就可以出去攞野食啦。第一天來，我要了一份干炒雞扒意粉。雖然是快餐，但也能做到茶餐廳式的即叫即炒，這就是舊式買 "飛仔" 既港式快餐店才有的好出品。味道本身已經足夠，加點辣醬去食，是十分惹味的。而且，這是一份肉多多的炒意粉，是學生哥的浪漫。隔了一段日子，我又出現係第一城了，想快快穀坐低食個 lunch。我又想起《美好》。這一次，我選擇同樣是學生哥的浪漫食品之一，蔥油雞扒蛋飯。脆皮的雞扒，甜甜的醬油，再加上香口的煎蛋同更香口的蔥油。是一個既美味又邪

沙田一城美好餐廳，選擇雖然不太多，但食物屬於中上，自助形式，冇人服侍，感覺反而良好，起碼唔使一入門口就俾人問幾多個，人小唔該你坐門口或搭枱，冇位就話要搭枱啫，大把位都唔知咩嘢心態，分明同老細趕客，環境乾淨清潔，但座位就比較狹窄，價錢合理，食物抵食味道好過好多快餐店，沙田第一城嚟講已經係數一數二好食，起碼啲份量正正常常，唔似有啲餐廳食嗰啲牛腩，好似啲粟米肉粒咁大粒，近十年我相信係我食過嘅牛腩最大嚿嘅一間快餐店，我連續三日去食咗午餐，三日都比我有不同嘅驚喜其中一個就係涼瓜火腩飯啲火腩係切到一嚿嚿唔係一片片涼瓜好明顯係即炒，無拖過水，食落完全有新鮮嘅感覺。爽脆，唔係煮大鑊飯餸，好明顯係即煮，又試過一個就係土魷蒸肉餅亦都有驚喜啲肉餅唔係用攪拌機攪爛一坺漿糊係手琢豬肉好明顯食到一粒粒，我覺得呢個廚房係用心去做每一個午餐，並不是粗製濫造。

尋晚大概9點一兩個字同Honey 先搵野食，附近好多食肆都準備打烊， 見呢間快餐店仲有唔少人，就諗住應該可以正常食一餐啦入到去，收銀阿姐話佢地9點半截單，10點鐘關門，咁我地叫左兩個煲仔菜套餐，金菇肉片粉絲煲同梅茶扣肉飯，再加碟腐乳炒通菜，佢個餐 包左有湯，飯同 薏米水／紅棗xx茶，先講個餸梅菜扣肉，舊肉既肥豬肉嗰邊油林林，食落去成口油，肉嗰邊就鞋十十同好實，好似食緊紙咁，佢既醬汁真係好一般而個金菇肉片粉絲煲既肉片真係唔掂，淡而無味，都無多個字可以形容係得個炒通菜叫做有茶餐廳水準最過份係，明明話10點先關門，有個阿姐9點45分就催促我地走呢間真係無下次，要Black list。。

快餐店嘅早餐好少有銀針粉, 所以決定試下😝🥢家鄉銀針粉 $35另選配 粉果(一粒)/魚蛋燒賣(各兩粒)/牛油方包(半份)叫咗兩份銀針粉, 選配咗一份粉果及一份魚蛋燒賣, 先講講👇:🥢銀針粉賣相一般, 睇落好少餸, 不過個湯底好濃沃, 幾好味, 面頭啲餸攪勻之後, 餸裏面滲出好多油🙄, 可以盛咗一小碗油出嚟, 餸裏面嘅材料有肉絲, 炸魚片絲, 蝦米, 香芹及椰菜, 不過就欠缺咗銀針粉嘅靈魂…菜脯; 銀針粉唔會過粗, 質地唔會太硬或太淋, 口感剛剛好, 不過因為太少餸, 食到最尾淨係食”白粉”囉😅😂🥢粉果皮厚而硬, 難食🥢魚蛋燒賣正常質素☕熱檸茶正常質素魚堅總評性價比 3👍(以5👍為滿分)

未試過外賣自取如此一肚子氣。叫餐後等了十五分鐘，發覺號碼在自己後面十多個的，就是叫同一款食物，只要是堂食，早已取餐享用中了。心想難道是漏單，故攜票到取餐處相詢，得到的答案竟是「未到，你繼續等吖。」與此同時，發覺員工忙碌預備中的，全是堂食的。換句話說，外賣是要等堂食出晒後才會到自己的了。問員工其輪候的原則是否不跟號碼，堂食優先，外賣次之時，冇人出聲。只是一老者叫員工先出我的外賣時，方開始着手去煮。付相同的餐價，外賣每份更要多收兩元，又不佔用你空間座位，仍要客陪末座。如斯「美好」的安排，留給尊貴的堂食客好了。

前兩日又嚟咗美好，今次唔食車仔麵，食佢d炒粉麵。叫咗個揚州炒飯同星洲炒麵。炒嘢要等一陣，飯就快少少。佢炒飯好大兜下，都好足料，夠鑊氣，唔油夠乾身。星洲炒米嚟到都幾好樣，一食落口，咦？咁咸嘅？食咗兩啖，頂唔順，膽粗粗去同個比餐阿姐講好咸喎。佢真係叫廚房換比我，仲教我下次叫“走色”之後又有碟新嘅星洲炒米，今次咸淡啱啱好喇，都係夠鑊氣又夠香嘅。炒粉麵嚟講呢度做得唔錯丫，重點係我話咸佢有得比我換，呢點都幾喜出望外。

美好係沙田第一城都好多年喇，好似有成廿年咁耐。之前好鍾意買佢外賣炒粉麵，貪佢好大盒，近嚟外賣買嚟食，發現細兜咗，就少買咗。今日係第一城唔知食咩好，行過望下d人堂食，其實都大份，應該只係外賣有d縮水。只有車仔麵叫，40蚊度有得加5蚊有杯嘢飲下，就幫襯下。紫菜四寶米線，紫菜夠多，我個人好like紫菜，加分丸就無咩特別，個墨丸好甜，係淨係甜最好舊魚腐，大同味比較好。整體ok，奶茶係有地道奶茶feel，夠濃。環境正常，佢近年裝修過一次，周圍望落算新淨，係坐得密少少。

今日自己一個人嚟咗呢間美好餐廳， 其實之前都嚟過不過最近好似裝咗修 咁其實裝咗修之後，好似都同之前分別不大，係出面對門好似改裝咗，加咗個電子屏幕，anyway 自己一個人有自己嘅浪漫，咁我就叫咗火腩支竹豆腐飯，咁其實overall啲碟飯都ok嘅 ，不過 價錢就普通啦， 叫埋杯凍檸茶道78蚊， 味道我覺得就普通， 自己覺得呢個火腩飯可以做得更加好。 不過自從佢裝咗修之後，啲價錢都好似加咗少少，希望有更多優惠畀我哋呢啲基層市民。