美好

营业中

休息中

沙田一城美好餐厅，选择虽然不太多，但食物属于中上，自助形式，冇人服侍，感觉反而良好，起码唔使一入门口就俾人问几多个，人小唔该你坐门口或搭枱，冇位就话要搭枱啫，大把位都唔知咩嘢心态，分明同老细赶客，环境干净清洁，但座位就比较狭窄，价钱合理，食物抵食味道好过好多快餐店，沙田第一城嚟讲已经系数一数二好食，起码啲份量正正常常，唔似有啲餐厅食𠮶啲牛腩，好似啲粟米肉粒咁大粒，近十年我相信系我食过嘅牛腩最大嚿嘅一间快餐店，我连续三日去食咗午餐，三日都比我有不同嘅惊喜其中一个就系凉瓜火腩饭啲火腩系切到一嚿嚿唔系一片片凉瓜好明显系即炒，无拖过水，食落完全有新鲜嘅感觉。爽脆，唔系煮大镬饭𩠌，好明显系即煮，又试过一个就系土鱿蒸肉饼亦都有惊喜啲肉饼唔系用搅拌机搅烂一坺浆糊系手琢猪肉好明显食到一粒粒，我觉得呢个厨房系用心去做每一个午餐，并不是粗制滥造。