美心烘焙所 (安康商業大廈)

营业中

休息中

我地阿姐生日，為左俾驚喜她，我地買左花同蛋糕俾佢。由於依排好忙，未有時間去遠啲既蛋糕店揀。就咁上網選，選個雙層的，好似特別一點。湯馬仕幫手拎左個蛋糕返嚟之後我地都覺得幾靚。 切開見到原來裏面有咁多層。 有朱古力蛋糕，忌廉，栗子蓉，朱古力碎, 原味忌廉。 頂上有原粒栗子粒, 金箔。 忌廉唔只質地細滑，連搽上的兩層的忌廉層都搽得好靚。栗子蓉甜甜地，幾夠傑！朱古力蛋糕夠濃同細軟。 一個蛋糕，十二個人食都好夠！個蛋糕有啲立體感又夠份量，有金箔響面，都算得體，$288真係好抵！

抹茶千層鮮蛋糕 $168賣相很好，有淡淡的抹茶味，口感細滑，不太甜， 男女老少咸宜。無抹茶不歡既你要試呀！芒果軟心芝士撻 $14芝士同芒果好夾，好香芒果味，唔會太膩。不過我唔係咁鐘意食撻，所以1個就夠啦 ！

一早走去買咗條以為係好好味嘅蛋卷，點知拎到返屋企要食佢嘅時候！講真的真係好嬲🔥點解？原因係佢比普通版的蛋卷也不如，質感一D都無鬆軟嘅感覺，蛋卷唔係應該軟綿綿的嗎？好簡單！因為條蛋卷唔係新鮮嘅！$70蚊唔係貴，但起碼要比D誠意同水準囉。一早入去買，真係冇諗過會係隔夜蛋卷。以後都唔會再買😠

行過位於灣仔既cake lab, 見到d餅同蛋糕好精緻，仲有edible flower 裝飾，同一d特別口味。於是忍唔到口，雖然食過半熟芝士撻係好食，不過今次比d cakes吸引眼球，結果買左個mini cake 食(約一隻手掌大，可分給三至四人)超抵平民價錢，一個$46-50有找。比錢先知原來呢間都係美心既，不過路線好明顯行高檔。 番到屋企，好開心咁拆開大啖食，個earl grey味又ok喎，淡淡既茶香，甜度不over，感覺健康，另外，重點係個海綿cloud cake , 超綿超軟，係有料到既！下次要買個紫薯食先得！結論：抵食，靚，好cloud !

The cakes look nice but the flavor is below average. Ordered a small dessert cake did not even put in a box got it in a paper bag. Needless to say it tipped over on my walk home. Overpriced for what you get. Will never go here again. The cheesecake tasted old, not fresh. Pay more attention to the flavor then the way they look.

剛到灣仔報到，睇下有啲乜早餐啱食，一出地鐵見到一間幾靚既麵包店。 我就買了薯仔包，買左紫薯包俾同事，我仲加左杯Cuppacino.睇到其他包同蛋糕都很吸引！你地睇下呢個天使蛋糕幾靚❤ 薯仔包係包做成薯仔樣，包外面落啲手腳做到好似薯仔既外表，中間唧左啲薯蓉，面就係蛋沙律撈芝士醬再去焗。無論味道同外貌都一流，就只係油份高左少少，唔係日日食就得了！ 我同事嗰個就話酥皮有啲靱到咬唔開，但紫薯就香甜，叫我下次自己試下😂. 杯咖啡就麻麻，係機噤嗰啲，無論味道同奶鮮味到唔夠香，下次唔會再買嫁啦！ 唔買咖啡，但一定會再試其他麵包同蛋糕的！

《靚到爆眼紫薯雲朵蛋糕☁》忍唔住一分鐘前食完個蛋糕，要即刻分享呢個靚到爆炸既蛋糕美食報告😍😍廚窗見到呢個蛋糕真係非常吸睛👀比佢吸吸吸~吸左入間舖度❗入去之前望一望，你估都估唔到原來呢間野係美心集團旗下既，有眼不識泰山😝😝話你知，原來佢地有個雲朵蛋糕系列，件件都超級靚💗靚到個心仔都跳出黎💕💕🎥最岩D相機食先既朋友仔📷呢排紫薯咁HitHit，梗係要整件黎試下先喇🔮🔮講返件Cake外表就靚喇，夠竟有無內涵先🙉首先，底層用左既的雪芳蛋糕糕身口感略嚴唔夠鬆軟！不過好彩蛋糕甜度較低，食落唔怕膩。而佢既Cream算係紫薯味濃。切開蛋糕亦有一層既紫薯Cream，算有誠意。不過講真，呢個價錢黎講可以食到更好味既蛋糕，影相呃Like就得，比我下次就唔幫襯Lu🙉🙉---------------紫薯雲朵蛋糕　$46--------------Maxim’s Cake Lab地址：香港灣仔軒尼詩道145號安康商業大廈地下2號舖--------------想睇多D怪獸周圍食住玩足跡👇👇👇Pls Follow/Like❤Openrice:Tastynthebeast------------

✏️ 美心Cake Lab全新雲朵系列(HKD46/1個) 有紫薯、朱古力、伯爵茶、草莓、檸檬蜜糖、芝麻等7款口味吖🐒🙌🏻唔算甜 生日既朋友都話幾好食～ 中意cream既一定要買黎食😳 買幾個做生日蛋糕唔同味都幾好😙 都唔細個啵⭐️ 買第三件可享半價

美心cake lab最近新岀的cloud cake 系列，共7款味道，嚐了當中的黑森林雲朵蛋糕，士多啤梨雲朵蛋糕及紫薯雲朵蛋糕。 每款售價$46. 蛋糕吃下輕盈，而且細細地，食曬成個都唔會覺得滯膩。 士多啤梨雲朵蛋糕$46: 外形高貴典雅，紅桑子襯著玫瑰花瓣，再有少少金箔作點綴。 蛋糕鬆軟，質感輕而濕潤，還帶些兒戚風蛋糕獨有的韌性。 食味方面，草莓味道不假，入面還有淡淡的玫塊花香，唯一的是若面頭採用whipping cream 而非heavy cream 的話，整體蛋糕的口感結構會來得更一至。 紫薯雲朵蛋糕$46: 除了抹茶外，紫薯甜品同樣受歡迎，薰衣草紫色十分搶眼，面頭配著紫薯忌廉及可食用小花，賣相簡約。 蛋糕入面是紫薯忌廉及原味忌廉，甜度不高，唯紫薯味不太濃，若蛋糕能改用天然紫薯蓉作其餡料，整個效果應該更好！ 黑森林雲朵蛋糕$46: 迷你戚風蛋糕，面頭襯著雪白的忌廉由黑朱古力拼成的花形及車厘子 旁邊更有心思地附上裝有冧酒的小試管，供孩子們隨意加在蛋糕上。 蛋糕入面並非空心，還有忌廉及車厘子果醬。 吃下，蛋糕軟熟不膩，雖然忌廉略微太挺身太厚實，但冧酒的微微嗆辣及車厘子的酸

自從bake芝士撻係香港大熱 好多店都開始爭相仿效賣芝士撻 好似有半熟工房，美心，mcafe等等 小妹試過好多間覺得cake lab是做得最好 even 有過之而無不及CakeLab 是美心集團旗下新設走西式清新精品路線的西餅店 設計以藍、白色為主，而且設有開放式廚房 有別於平時的美心，這裡的西餅麵包結合了傳統食品與現今流行的元素 所以無論是麵包還是西餅都比平時一般的有特色，精緻一點那當然也是貴一點 見新推出了龍蝦湯批，而店裏在做買五送一的promotion 便儘管買來試試 最後買了三款 軟心芝士撻,軟心芒果撻,龍蝦湯批 軟心芝士撻 撻皮用上了曲奇皮, 撻皮鬆脆而且有牛油香 忌廉芝士頗為滑溜呈流心狀，芝士味香濃 而且帶忌廉微酸，香而不膩 軟心芒果撻 撻皮亦是用上了曲奇皮 亦是非常流心可惜無論芒果或芝士味都不突出 高不成低不就略為失望 龍蝦湯批 反而最有驚喜便是這個龍蝦湯批 批是用上酥皮再有一層牛油皮，非常鬆化 一咬就能食到龍蝦湯 龍蝦味幾香濃就好像在食龍蝦酥皮湯一樣而亦都有四粒小龍蝦仔啦，增加口感 雖然價錢不便宜，但頗特別總括而言， 這間cakelab 比現在美心好太多喜歡軟心芝士撻一

睇到雑誌介紹，知道係灣仔，但始終唔就腳，成日想試都冇機會。公司安排到灣仔上堂，上堂地點就係龍蝦批隔一條街，梗係唔放過大好機會去試啦。依個龍蝦湯批，一個售價$30，如買五個送一個。Size就同平時d雞批大dd，其實都幾貴。味道：外脆，中間注滿龍蝦汁（但可以再多d）有兩舊細細龍蝦肉，整體味道我同事話鹹左少少，但都好味，我又覺得唔鹹喎（既然係咁我要買多次食試真d先🙊），同埋個批溫度可以再熟一點。我都外賣左件比老公食，影左張比佢睇，未話比知係咩黎時，佢問係咪蝦干批😑睇番張相又幾似喎近日發現上環信德中心美心餅店都有得賣，仲要賣平$2

灣仔呢間美心Maxim's Cake Lab，同其他美心有啲唔同，蛋糕靚啲，麵包款式特別啲，價錢當然貴啲啦。呢件「龍蝦湯批」就淨係呢間美心先有。雖則本人對酥皮無好感，好怕啲皮整得唔好食，又乾爭爭又硬掘掘，但網上講到咁特別，餓底 唯有硬着頭皮出動啦！拎到番屋企都凍晒，店員話，可以以180C焗3分鐘先食，個皮會脆啲。第一啖，食到佢嘅酥皮，啊，個面係甜甜地架！第二啖，食到佢裡面湯嘅位置，當唔係小龍包嗰啲湯咁液體啦，但係佢又杰又膿，仲好有龍蝦味！第三啖，啊，仲有龍蝦肉架！跟住當然係一啖接一啖啦～ 比起一件$28蚊嘅美心西餅蛋糕，呢件龍蝦湯批$30，我覺得物有所值。

Maxim's Cake Lab流心朱古力芝士撻 $14黎到灣仔...冇奶油唔食Cake Lab朱古力芝士撻既😬一如既往，大部分有賣朱古力芝士撻的食店，芝士味都係欠奉，美心都唔例外，食唔出有芝士味，應該改名叫流心朱古力撻會較好🙈不過，食落朱古力味真係非常非常濃郁，有黑朱古力的濃香，流心效果極佳，配合香脆的撻皮，真的不錯，有人會覺得膩，但身為朱古力控的蕉蕉就愈濃愈愛，$14絕對值得一戰！------------------------------Maxim's Cake Lab (灣仔)灣仔軒尼詩道145號安康商業大廈地下2號舖

食過外賣飯盒，幸好先之前在cake lab買了一個朱古力芝士撻，作為一個完美的午飯。$14一個的朱古力芝士撻，價錢不貴，但食落又不是坊間所說便差，至少喜歡朱古力的我，會覺得它的流心內涵做得很有特色，猶如吃一個心太軟一樣，但有芝士的成份關係，食到一半會比較滯的感覺，不過流心其實係可以自由控制分量，只要凍少少食就唔會太流心，不過我就喜歡它比較流心。而撻皮做得比較鬆，如果可以做番實就更好

放工時間本想進去純萃買麵包，但發現擺放芝士撻，朱古力撻的櫃檯上放著僅餘的一件批，望望名牌，龍蝦湯批，$30一件，嘩! 價錢一點都不便宜。但既然有新產品(可能)，即管又品嚐一下。撻皮是平常雞批的水平，撻面放了小塊龍蝦肉，稍微偏乾，但不乏蝦味，內裡的龍蝦湯凝固成奶油狀，店家有提供匙羹方便顧客。那一口湯，十分濃郁，此物可以encore, 下次要趁熱食，應該會更好味。