美心西餅 (大埔墟站)

营业中

休息中

今日跑完步馨合合，唔想食飯，所以決定去買Cheese cake 同切餅，估唔到係，職員好好比個盒我，仲提我小心攞，避免啲餅跌倒，臨走仲提放雪櫃（不過最後我無放到所以食落真係差啲）

今日又係另外一個朋友嘅生日，我就預先去美心訂咗個蛋糕比佢。因為佢係好鍾意柴犬，所以我就揀咗呢個好得意嘅狗狗蛋糕俾佢。首先佢個樣都真係好得意啦，但食落去真係甜到爆炸。佢對耳仔、眼、成個鼻同口、同埋對腳、仲有個生日牌都係朱古力，已經係好甜。點知佢個鼻下面嗰一大塊米色嘅嘢原來全部都係糖嚟嘅，仲甜過嗰啲朱古力，真係完全食唔落口。唯一食得落口嗰個蛋糕，只係一個普通嘅海綿蛋糕，真係得個樣靚。我建議買返佢平時嗰啲蛋糕仲穩陣

美心西餅的芝士包有驚喜！物價高漲，早餐有時簡單買一個麵包都要$10起，而且吃完也不飽肚今次介紹呢個@粒粒芝士皇冠包」軟麵包加上粒粒芝士，啖啖芝士好味道，而家只售優惠價$16！抵食又飽肚！

每次行山或其他戶外活動，總喜歡到美心選購麵包作午餐。雖然大埔站內有很多其他選擇，但始終感到美心的較合口味，而且選擇又多又健康。尢其是有很多大大個的麵包，有南瓜提子，麥片等，全部只是十多元，好味又扺吃。

今天， 突然好想食下甜品，所以去美心看一看，有冇新的甜品推出。近近地，就在大埔買左1個，同朋友分享一起食。 好彩唔介意食什麼，原本諗住一個一件蛋糕，不過又見到平時都有得買，就諗住嚐試一新出的甜品。🧁朱古力蛋糕卷：朋友話唔係一般的蛋糕。 我就覺得好食過之前有一個3.6北海道牛奶蛋卷，口感好味點，不太甜。 🥧朱古力蛋糕卷 ： 雖然口感不及大師級，但是口感層次，有軟，有Q，有脆口的。 我喜歡整蛋糕，又喜歡食甜品，不過唔想煩，簡單地滿足餵食感，就滿足了。在casher 俾錢時，見到有新甜品。 下次有機會都買0黎食下，食左甜品，人會開心點平日都會見到的甜品，簡單食茶，買0黎探班，探朋友…都不錯choices! 見到美心都一直有新蛋糕款出來。 望落又得意，小朋友最喜歡了。

-2月14日很忙😣只好不在正日慶祝囉(ovo)♥《雜莓紅絲絨軟芝士忌廉蛋糕》蛋糕軟綿綿，配上軟芝士忌廉🤤士多啤梨又軟又甜，兩個人剛剛好！看到又流口水了，紅紅粉粉的超美🥰♥

經過火車站見到D蛋糕幾正咁～飲喜酒必收到嘅餅咭～終於大派用場～身上有張美心餅咭就要2件～補D錢要多袋牛奶排包啦百爵茶雲朵蛋糕賣相一般～D cream好似溶溶地加上爵茶粉加得唔太平均～切得又唔齊～蛋糕軟熟～但cream同蛋糕嘅分層唔太平均～所以企唔揾～好彩味道算係幾濃百爵茶香藍莓焗芝士切餅～芝士蛋糕上有藍莓醬+3粒新鮮藍莓～醬偏甜～芝士餅偏乾～但整體上還可以如果用依個價錢嚟講算係咁～不竟一分錢一分貨～廿蚊左右嘅係走平民路線～所以賣相有出入係正常～整體算係新鮮下次可以再試下其他口味

得知這間餅店推出了伯爵茶蛋糕，便一直等待著試。這天，晚上8時多，看到雪櫃還有一件切餅，便急不及待買來試試看。未食已經聞到陣陣伯爵茶香，這蛋糕底層夾了伯爵茶布甸，吃下去，有不同口感。另外，有淡淡的伯爵茶味，而布甸就甜了一點，蛋糕本身感覺就乾身了一點，不知道是擺放時間太久還是其他原因，乾身鞋口，破壞了整件蛋糕

晏就午餐後經過東海堂望到紫薯蛋糕極為吸引再望一望隔離 有下午茶特價Tiramisu cake ($39) 蛋糕質地不多挺身 太淋 想切都難而且大部分都是cream 只是中間位置的蛋糕有分幾層蛋糕有點偷工減料不過味道實在不錯 雪過夜後質感也較好性價比高用作生日蛋糕也不錯

美心西餅作為一間連鎖式店舖，加上係禮宴活動喜貼會派既派餅卡首選，而導致家家户户都會有一張美心西餅劵係屋嫁啦，我都唔例外定時會換番件餅食，之但係我係鐘意甜品又怕太多cream既蛋糕，除左因為怕肥仲有係太甜會好滯。牛乳蛋糕餅底少少鹹，整體個蛋糕唔會好甜，當然廿令蚊貨仔係算味道唔錯，有布丁既質感，但個海綿蛋糕真係低質左d，但係緊係唔會話好食到好似五星級酒店比甜品既水準啦。仲有藍莓朱古力tart都唔錯既，又唔會酸。

我從來都覺得美心蛋糕幾好食，呢個栗子蛋糕唔會太甜個味又唔假，個賣相唔算靚但食落唔會係成口cream ，加上佢有幾層口感真係幾好，有布丁，朱古力脆脆，朱古力蛋糕一口咬落真係唔錯，起碼食完唔會覺得食滯。

我好鐘意食有d提子紅莓既包，經過美心食餅睇下。見到袋裝麵包可以買一件，第二件半價立即買haha 佢既提子包係幾好食，麵包好軟一包有5條到，提子都好多粒粒都甜，正。

經過被這個清新的綠色吸引住，便買一件切餅試試～完全被賣相呃左⋯好睇但味味道唔吸引⋯如果唔係綠色，仲以為食緊普通忌廉蛋糕添食落無乜哈蜜瓜味～係食到最後要慢慢咀嚼，才吃到少少哈蜜瓜味，有點失望

自從黑魔王森林蛋糕推出以來，我就一直想嚐試它的滋味，可是實在不喜歡車厘子，所以一直望而卻步；這天經過美心西餅的時候，竟然給我發現上面是士多啤梨的黑魔王森林蛋糕，於是馬上買回家嚐嚐。黑魔王森林蛋糕 $128原來車厘子會因應季節供應而作出更改，所以才有了這士多啤梨版。Bavarois忌廉、法國朱古力慕絲及海鹽焦糖脆脆組成的黑魔王森林蛋糕，朱古力味道香濃，蛋糕質地香軟，忌廉慕絲則十分幼滑，整體來說不失香甜美味。

星期天早餐吃得太飽，下午便隨便在美心買幾件餅算了。愛吃水果的我每次也會選雜果撻，今次的餅底較以往的軟，本人還是喜歡偏硬、接近曲奇質感的餅底；至於水果大概都浸過了糖水，全都香甜，只是葡萄有核，一不小心咬到，便嚐到苦澀味。雜果條狀蛋糕是最經典的海綿蛋糕，配以不太甜的忌廉，夾心的忌廉不乏雜果，整理不大膩，是餐後甜品的好選擇。黑爵士朱古力是重口味之選，上半部分是brownie般質感，味道非常甜，但如我般的嗜甜者會很受落，惟下半部的朱古力海綿蛋糕略嫌粗糙，大打折扣。