美心Food2 (紅磡站)

营业中

休息中

手機外賣嗌魚腐魚蛋米線，無左魚腐，完😩無得報仇😟唔通次次都打開個袋打開晒啲盒嚟睇啲料齊唔齊？講真，唔可以咁樣蝦啲外賣單囉，雖然唔知道管理層會唔會睇到，但都俾啲下次嗌外賣嘅客一個警惕啦。

我和老公到紅磡站做野，順便在站內的美心快餐食午餐。我點了咖哩吉列豬扒飯$50，另外加飯只需加$1，因為我不是很餓。咖哩汁有少辣，比較野味，豬扒切開來，比想像中有份量，食落唔錯。

手機落單外賣自取，等左好耐都算，追左佢幾次，佢就望張枱無就無，大佬張枱都無加過野，點睇都唔會有啦！要開聲叫佢追廚房先肯追，番到去...食食下有啲黑色墨汁嘅野響個米入面...有無毒咖，想講粗口。

地點方便，坐位闊落，與鄰桌有距離，港鐵站內有冷氣提供，早餐大多數平平無奇，只有一樣值得推介，就係出前一丁麵早餐，與坊間餐廳的出前一丁麵味道不同，本人每次都叫爽麵，沙爹牛肉溫泉蛋係首選，但近排出咗新餐單係免治牛肉餅雞扒，雞扒煎得剛剛好係脆面，有牛角包，可以一試，對得住個價錢。

一早起身想食個早餐先搭車返工，去到紅磡站，選擇唔算好多🤔🤔見到美心，地理位置係好方便嘅，食完就可以即刻搭地鐵，站入面又有洗手間。睇睇佢哋嘅電子餐牌，早餐選擇都算幾多，有中式同西式，糯米雞都幾吸引，我見好多人都叫，不過最後我叫咗皮蛋瘦肉粥炒麵套餐😄😄 有埋嘢飲，30幾蚊， OK啦，買完，要自己去櫃檯交飛，等拎食物，跟住就可以搵位。飲品方面，我揀咗熱咖啡，諗住夠晒穩陣…估唔到…佢杯咖啡可以咁差…好淡😮‍💨😮‍💨奶味多過咖啡味，飲咗兩啖，頂唔順，放棄皮蛋瘦肉粥粥比較稀有少少肉絲，皮蛋都有好幾粒，都OK，仲有少少蔥花同花生，口感唔錯。至於炒麵就太鹹，本身覺得份量都比較少，但由於太鹹，佢俾多啲我，都食唔到😅😅炒麵有少少芽菜，蔥，洋蔥，口感係唔差嘅，整體偏油🤔🤔環境方面，餐廳入面好多雀仔，同埋烏蠅飛來飛去，對食客嚟講都幾困擾。而且今次叫既食物同飲品都麻麻地，整體都幾失望

噚日放假無嘢做 所以就去左美心醫肚,嘆左佢地泰式肉碎煎蛋飯,唔太辣適合香港人口味,配埋個冬蔭公先$54,內面仲幾足料有蝦,有魷魚，確實抵食我再换埋杯红豆冰,堪稱美滿的－餐

又來到紅磡車站用膳， 今天選擇了美心food2。喜歡在紅磡車站用餐的原因是， 疫情之下， 人流不多。 如機場般的高樓底， 給我極大的空間感， 令用餐體驗level up。最重要的是能給我在機場禁區用餐的感覺， 拾回遺失兩年多的待機的感覺。✈️自動點餐機加上取餐傳呼器， 帶來了快捷和方便。今天餐廳的客人不少， 但餐廳範圍很大， 每人都可以有充足的距離。不久， 取餐傳呼器閃出紅光並且震動起來， 告訴我的雞扒．腿腸飯已經準備好。美心food2 的確是不同， 食物的賣相已經向我說明了。 $60 是有點兒偏貴， 但給你的就是一分錢一分貨。咖哩汁很香濃不太辣， 雞扒嫩滑皮香。刺穿半熟的煎蛋， 流出滲入白飯， 非常正👍🏻。最後， 在我打這食評的時間， 店員很有禮貌的先問我是否用餐完畢才改走我的餐盤。再加一分

去紅館睇演唱會，諗住近近地係置富都會食晚飯，點知去到人山人海，間間餐廳都坐滿人，又排晒長龍即刻轉移陣地，係火車站二樓揾到位，係美心Food2叫左鮮茄鳳梨焗雞扒飯，即叫即焗，新鮮熱辣，菠蘿雞扒大大塊，另送熱飲1杯朋友有九折優惠，抵食