美源餐廳 (已結業)

去了大圍探朋友，經過見到都好多人排隊，還要等位，食物一般，座位比較窄，服務還可以。「瑞士雞肶」雞肶一大陣雪味和靭，無肉汁，公仔面太淋，瑞士汁還可以「黑椒汁豬扒配煺」黑椒汁香，豬扒都不錯「凍奶茶」茶味不夠

大圍出名多野食，有新有舊，呢間美源就默默地服務街坊好耐，今晚去到，見枱枱都食蒸魚，就叫個蒸魚餐，一條魚一碟炒菜，仲有湯同靚仔，魚好大條，菜好大碟，個老火湯無味精，飲得出係真材實料

茶記是香港的文化，真心希望正正常常的茶記，都會用心維護這個文化，提供優質的食物。但今天的雞扒實在令人感到失望，賣相雖然可以，但入口充滿雪味，粗糙得來又乾又硬。如果師傅未能及時溶雪，那請拿出一點專業，‘飛飛水’再加少許胡椒粉，處理一下。雞蛋情況就好多了，流心蛋，香滑。麵都可以，些微有咬口，無生麵。啡走質量亦正常，香濃但微酸，鍊奶可多放一點。另一方面，香港人現在環保意識都不低，很多食店都走塑，可考慮改用不銹鋼匙羹。

成日都遊走大圍，都未幫親過美源。都係因為佢太低調😂今日走過就來tea 一 tea 好肚餓呀，叫左3個茶餐🤭雞亦腸仔西多士，雞亦薯條西多士，雞脾薯條睇圖就知味道ok.飲品叫左2杯檸茶（凍飲要加錢）另叫左杯什果冰，不過原來中伏...雖然係凍飲唔洗加錢，但係佢就係什果罐頭加冰水。什果都好多既，不過爆甜。最後同檸茶mix埋來飲😂😂甜度岩岩好整體服務都好好，食物都好食。飲品都係叫反普通就得😂唔好試新野。下次可以來試晚餐😝

大圍小店不少但好像美源以家族式經營又 屹立最旺的大圍道多年的真的少見。真的要多多支持他們那份堅持！店內有卡位提供但座位比較狹窄，地方整潔。今次點了一中一西晚餐。通菜炒牛肉通菜牛肉再配上腐乳，從來都是絕配。炒得有獲氣，通菜新鮮，牛肉亦入味，只是鹹少少，需要配白飯。套餐包餐湯或飲品，或加$28轉燉湯。我選了中湯－ 沙葛瘦肉，味道不錯，不是例水貨色。鐵板扒餐－司華力腸配鷄扒上菜時只見到薯條山不見主菜。把薯條分開，原來大約有半碟分量。司華力腸及雞扒同樣煎香口。味道正常，還可。整身食物質數不過不失，沒大驚喜。價錢亦不算便宜但勝在街坊味濃，地點方便。

美源喺大圍都有一般時間，不過成日都只係經過。今次就第一次入去食。咁岩見到餐牌有鐵板餐係牛扒與雞扒間就選左雞扒，因為有多塊漢堡（少食茶餐廳所以為左呢塊漢堡好後悔😭😭😭）鐵板餐包餐飲及白飯。睇落去賣相吸引嘅。不過雞扒煎得不夠金香，其實塊皮可以再煎耐少少。配菜有薯條和西蘭花。整個餐就係正常茶餐廳水準，無咩驚喜同特別。感覺雞扒口感麻麻，而且有種雪味。😓失望。好彩點左黑椒汁，呢隻黑椒汁就要讚下啦，好香而且香中帶有少少刺激嘅辣，好野味。配白飯真係無得彈。👍🏻 不過今次食物質素麻麻，而且價錢都唔算平，應該唔會再黎食啦。😂

姐姐話除左頭3樣唔轉 其他每晚都會轉餐牌我就叫左魚香茄子煲同奶茶奶茶ok雖然未係去到最好飲既奶茶但係茶底算唔錯 只係唔太夠滑同奶味唔太夠主菜上枱 個煲真係好夠熱熱到影相都見到滾緊個煲好足料 好多茄子 冬菇好厚肉個汁重撈飯一流 好多咸魚粒 好惹味而且店員服務好好 下次會再黎試其他小菜

定期會來這裡吃下午茶麵餐, 這個餐有一碗雪菜豬扒麵, 牛油多士和火腿奄列, 再配飲品. 以往通常吃麵的話一定會選沙嗲牛肉, 覺得雪菜要配米粉才合適的, 但吃過這裡的雪菜麵就覺得原來公仔麵跟雪菜都好夾的, 塊豬扒都幾大塊, 薄薄一塊咬落唔嚡口, 幾好. 火腿奄列都算大份, 近火車站有間三洋餐廳那裡的奄列有時會好細份...這裡水準就比較穩定.牛油多士有兩塊, 吃的時候還是暖暖地的, 應該烘起不久. 整體味道都幾好, 會keep住幫襯.

之前見到美源既小菜套餐已經好想試今日唔煮飯就去試試啦叫左晚餐二人餐A餐湯係佛手瓜湯，味道唔錯，甜甜地，冇味精椒鹽骨好食！豬肉鬆軟唔會UN ，而且好惹味！配埋試面既炸蒜粒食，有脆脆的口感！送飯一流勝瓜好甜，去左硬既外皮，令到瓜肉好易入口，雖然魚附同肉丸都唔係手打，但同個湯式都幾夾！不錯

仡立在這裡超過十年我街坊餐廳, 我最鍾意食佢個雞脾下午茶餐一般的下午茶餐很難會見到雞脾配西多士, 因為它們般都是獨立主菜, 一係雞脾配沙律, 唔係就燒雞翼配西多士,但係依度就可以完全滿足到我 !西多士出於油穫而不油, 金黃色, 加上脆邊效果,熱辣辣雞脾食得出唔係炸完又返炸果D, 肉汁豐富, 無雪味, 赤手揸住大大啖咬落去再扯出黎果下真係爽.(寫到吐口水)絕對唔係大_活果D霉爛爛肉質用D香草蓋雪味能夠比較!

今日黎到呢度大約七點鐘，見到佢有一個䱽魚套餐$63，都唔算貴所以叫咗個來試試，大約二十分鐘就有得食喇，條魚一出黎已覺得非常之香，佢地係用咗豉汁蒸的方法去煮，條魚蒸得好淋佢地用D醬料非常之香，最緊要條魚真係非常之大條，大約有9吋，同埋佢地跟個白飯非常之軟，有飯香，正！

晚上於大圍辦完事，跟太太一起找地方晚餐，見這裡門面企理，便來了這裡晚餐。兩個人，要了沙薑雞、蒜蓉扇貝及蒜蓉菜芯。冰鮮雞滲入沙薑的味道，吃來也不會太差。蒜蓉扇貝美味可口，菜芯就有點老了。還要一提的…就是這裡白飯很靚仔。這餐實屬經濟又抵食。

同中學好友去大圍食飯.大家都係窮人, 只好揀啲茶餐廳.這間雖然是茶餐廳, 但卻比較乾淨, 有軟座, 坐得舒服, 環境也不錯, 所以就揀左呢間。入到去啲阿姐都好有禮貎, 又介紹啲魚呀俾我地食.而最後我地揀左海鮮煲同椒鹽肉排.個肉排好快到, 應該係一早煮好, 整返熱俾我地食的, 因為完全冇鑊氣. 不過都好彩未至於食都啲蒸餸味, 算啦, 咁我就隻眼開隻眼閉.啲味都ok的, 咪普通肉排咁既味.而個海鮮煲就真係失望了, 因為完全冇味, 淡到不能, 雖然宜家提倡健康飲食, 但你起碼豉油都加兩滴啦.本來我地都想做個健康飲食大使, 但最後實在係頂唔順淡而無味,(大佬, 你真沙律都有沙律醬味啦), 決定出手叫侍應先生攞啲豉油同辣醬自己加.值得一讚係個例湯, 真材實料, 冇咪精架!賣單兩個人94, 都ok la, 但真係普通到我好辛苦先諗起點樣形容佢啲味好!hea 食的話這裡都是一個不錯的選擇

由於係大圍哥邊反學,所以有時食得多其他,都會去美源食飯. 發覺個餐牌好似唔多變...次次都有"梅子蒸排骨"同"時菜炒烏冬"咁...我朋友每次order炒烏冬個餐唔洗一分鐘就上左堂..好快 可能為左就學生炒定哂掛..但我覺得咁反而唔多夠熱 有D反感...而我叫左個"燒汁雞扒飯" , D燒汁稱得上叫茄汁..唔知點解有茄汁種酸 種味怪怪地..完全唔係平庴D燒汁味.. 而雞扒就普通普通..以學生餐黎講算係咁... 而野飲方面,夠哂大方.凍檸茶夠哂甜,篤完檸檬都仲係幾甜下...下次一定要叫少甜. 餐有跟湯. 24蚊黎講都可一試...

東鐵線半日漫遊後,五點三到此搵食,問阿姐:五時半開始的晚飯套餐如何?阿姐說可以先落單.因不太餓,所以三個人就只叫了一個兩人套餐:兩人套餐B $123 帶子轉魚+$15 = $138蒜茸菜心 - 炒的火候幾好,蒜茸幾香,但菜老,扣分!薑蔥蒸紅鮪 - 夥計五時半食飯,可能時間不吻合緣故,魚蒸過火,不夠滑,又要扣分!枝竹羊腩煲 - 配料有甘筍,薑片,大蒜,蔥,冬菇,枝竹等,味道不錯,羊腩夠淋,幾好食.例湯 - 老黃瓜老火湯,這個湯很靚,老黃瓜淋而不爛.湯夠味道,又沒甚麼味精.掂!鴛鴦 - 茶幾香滑!阿姐為顧客慳荷包,當跟餐計,只收$7.為老闆留客,好野!夥計招呼不錯,六時正,己上座逾八成,一刻鐘後,更全店爆滿,但即使不斷工作或被顧客呼叫,幾位阿姐都只是默默工作,沒有不耐煩的反應.抵讚!此店食物份量頗大,如兩人套餐兩人進食,真的要很努力,再努力,才能完成!埋單$145,但在兩次扣分下,這箇笑臉改為O.K.吧!