義利燒臘飯店

营业中

休息中

家庭小抄，聚會地點，街坊生意。沒有加一服務費。可應客人口味作適當調節味道。小菜有鑊氣，尤其燒鵝出色，皮薄而脆，肉多汁。燒腩仔同樣推薦。還有中午茶市，點心即叫即蒸夠新鮮。價錢合理，值得一試。

經常路過見倒“義利“ 門前燒鵝廣告 好吸引石硤尾屋邨樓下 街坊 老人家 一盅兩件早茶都有優惠點心盅頭飯 相比富臨 咁就唔算底嘅地方比較污糟 冇枱布用餐紙 餐牌肥淋淋 原來用來掃骨C9侍應 冇制服 冇乜招呼 舉手舉到手軟點咗午市餐牌嘅 “八珍炒麵“ 42元送老火湯 冇加一 要收茶錢5元係8珍 但只得 豬潤 瘦肉 尤魚 菜心 蔥.......味道唔錯 大酒樓炒功 但菜&肉亂放上麵面 打風咁麵脆 尤魚 肉 都新鮮嘅

到親戚家食飯，要先在附近“斬料加餸”，見這間餐館堂食的位置燈光火猛，旁邊連著的燒味部已有六七個街坊形成了一條小人龍，有街坊排隊支持，相信品質應該可靠吧~排隊時看見掛著的油雞顏色相當漂亮，反光的深茶色中帶點玫瑰紅，價錢亦相當大眾化呢！玫瑰豉油雞 半隻 $38油雞就是豉油雞的簡稱，傳統會用生抽、老抽、花椒、八角等香料來作滷汁浸雞…雞皮色澤漂亮而未有撕破，吸盡了滷汁的精華，整體肉質嫰滑、皮薄、不太肥、有雞油，能吃到滷汁獨特之風味。由於雞腿的部份位置厚肉，會比較難熟，雞腿骨旁邊帶血，但不是有血水流出的那種，即代表煮雞的時間控制得宜，這雞不會過老。

有些事要辦相約朋友去石硤尾一行剛剛過了兩點幾有點餓大家都想找點東西吃想飲茶又怕下午茶時段茶樓人多朋友知道這裡比較靜帶我來咁可能飯市已經過來到得一枱客講番我地係度食既野好簡單燒肉米粉同燒鴨米粉燒肉要求腩而燒鴨亦要求肶位當然要另外加錢，餐牌亦有寫明送到來就是每人一碗湯米粉餸是另外分開用碟送上大家分享兩碟餸，燒腩份量計件數嚟講數量都幾多，不過咁：佢切得好薄正常一件佢分成兩件，吾係好熱.有微溫好在皮十分脆，仲好有肉味燒鴨肶亦係只得微溫，不過係上肶如果下肶就更加好，皮好脆，肉鞋鴨肉鞋同實就是當然的，最好的夠大隻仲有陣陣花椒八角香味同肉味米粉湯底淡了少少勝在夠熱我地兩個人無聊坐成兩個小時吾好意思加一籠蝦餃反而近四點半是最後落單時間可能要轉做晚市蝦餃不過不失同其他酒樓無分別接近五點成間餐廳一早剩番我地都係吾好阻人埋單走

又到了點心飲早茶的時間了。是日，我再一次來到石硤尾，為的也就是一盅飯，兩籠點心。這一種早餐，也就是我除茶餐廳公仔麵餐之外，我最喜歡食的早餐之一。小時候，我已經是一個飲茶精，一說是出街食飯，我總是會拉著父母說，去飲茶。這一次拜訪的，基本上只可以說是一間茶檔，是點心專門店的古舊版本，是平日坐那些經南昌街上山再入沙田的巴士必定經過的《義利燒臘飯店》又稱《義利點心皇》(不知那一個才是真名字)。早餐時間食點心，鳳爪排骨飯是一個永遠都吃不厭的食品，色水均勻的豉汁鳳爪，帶骨帶厚肉的豉汁排骨，連同甜豉油一起把飯的香味帶出來，在早上吃到如此美味的盅頭飯，感覺是開心的。更滿足的，是飯粒帶煙韌，這是生米蒸出來的飯才有的口感。燒賣往往都是我必食的東西，味道是以普通的豬肉味帶頭，欠缺了海鮮的鮮甜味。不過，論肉感同味道都不算是太差，起碼有足夠的肥豬肉襯托，同有一粒杞子，算是好的。點心二，是山竹牛肉，平平無奇的牛肉球，味道可以叫好食，只是覺得這牛肉球用炒用得多了點，變成了彈牙肉球。不過，加了喼汁之後，把牛肉的味增強了，而且正宗地有菜做餡，沒有說很好，也沒有說差的理由。外表平平無奇的食店，充滿街坊的食店，雖不一定是好

話說有朋友在當區居住, 相約到此食店晚飯. 好喇...去到咁見到佢有些套餐, 大約係有幾個固定既菜, 跟住自己可以揀幾個咁啦! 咁就打算叫一個套餐再加其他野喇. 點知一問下, 起碼有過半數既菜, 唔係話冇貨, 就係話冇做!! 有個亞姐仲話, 佢地其實都想唔做套餐架喇!! (咁你又大大個菜牌放係門口, 連檯上都有呢個套餐既介紹喎!!) 咁好啦, 都算喇... 叫佢有既就算, 聞說佢地既燒雞造得不錯, 咁又叫半隻一試, 點知等下又等....等下又等, 都仲未來到, 嘩....其他野食完喇喎... 仲未到, 再發現隔離檯客, 後過我地入來, 但都有燒雞食喎!! 仲食佐成半喇!! 咁去問d亞姐, 又話燒雞係要等, 要師傅即做, 咁點解人地後來都有得食, 我地未有呢? 又唔答你, 行佐去, 最後我地取消佐佢叫埋單, 仲要死不認落漏單, 態度差得很... 點都唔會再幫襯佢囉, 貼錢買難受...

到義利吃了數次, 如喜歡吃的, 是那個紫蘿牛肉, 因為不是四圍都有這味菜式, 而羊腩煲, 第一次吃, 還算正常, 第二次加叫, 煲中的東菰多了很多, 但羊腩少了一大半, 早知不加單. 而叫了一雙羔蟹, 110元, 蒸了上桌, 蟹細了很多, 被廚房換了, 因為上次叫薑葱蟹煲, 羔蟹疑被換了較細隻的, 所以才叫蒸的, 誰不知連蒸蟹都夠膽換掉, 最近兩次食品, 質素差了, 三個星期前還幾好味道, 尤其薑葱蟹, 葱亦很多, 現在則懷疑換了廚房, 質素差了約20-30%.

石硤尾由細住到大，呢間野以前就真係嘛嘛......不過聽我老豆講響廟街新請左個大廚去幫手....d野好味左好多.......上次同屋企人去，個炸田雞幾好味大家不妨試試呀老實話，價錢方面真係貴左d

襯阿媽生日就請佢去試下...入到去..都ok既...等到媽媽黎點菜既時候...先發現d野好貴...之後買左幾樣野...食物都幾好食...唔太差..因為佢打正旗號係請左新兜記既大廚..所以食物既質素係幾好ga...d野食又夠熱...可惜就係大大間多彩係對面...佢竟然一支可樂買12蚊..對面多彩只係10蚊3支...點頂呢..?**佢無加一ga...所以都唔算係太貴...可以試下...