羲和小館 (已結業)

食物係唔錯，態度有待改進，成個鐘都唔黎個炒飯，仲要下下提8點交場，7點40分先黎個飯我地唔要啦，個待應話個廚房太慢，我就話你地唔係同一間公司？人手唔夠就影響態度

We ordered the set menu for two $688 as the roasted duck was included in the set and my friend wanna try their duck...Everything was good, 四季豆好野味，個湯都好重海鮮味，個蒸飯同甜品都好好食。平時夜晚好少食飯既我都食多左幾啖成餐飯係唯獨隻鴨唔係好岩我地食，有點騷味。越食越騷 可能國內人比較鍾意呢種味但一定唔係香港人lor.下次可以食佢其他野！

媽一落車就一直上嚟佢決定嘅嚟呢度食，我梗係好喇因為我超喜歡😝而且帶老友試吓😊一坐低唔駛等已經有位中午一點左右梗係即刻嗌個扁皮鴨啦咁正呢度係主菜扁皮鴨嘅配菜同埋包住片皮鴨嘅皮真係好味道！一定嗌芥末鴨掌⋯佢個汁酸味味超好食芥末蝦球⋯個蝦好大隻同埋脆口個汁醬都係好正跟住個粟米餅都係好脆蒸個海鮮飯每人少少⋯少食多滋味甜品梗係要楊枝甘露同埋桃膠啦必食個幾月冇食一樣保持水準我哋食到好開心離開⋯因為每款食物都係用心製作⋯而且我老友都超鍾意吖！食過好多品牌都不及呢度🥳食過就知道啦！

仍是新正頭年初九來倒帶分享年三十晚的團年午餐和晚餐！悠閒的年三十車爸爸正值假期我們可以睡個飽飽然後施施然去吃一頓豐富的團年午餐！地點當然選擇在東涌本來心中想前往Outback開餐可惜去到時竟然大排長龍！不想浪費時間久等的我倆最終選擇到羲和小館吃這頓團年午餐。大好假期先來一隻車爸爸喜歡吃的紅燒煙燻乳鴿＄78，上枱時聞到幽幽的煙燻香氣可惜的是乳鴿弄得又乾又瘦！絕對不是我倆喜歡的質感和味道呢！然後侍應送來了這客前菜滋味青瓜仔＄38，尤記得在羲皇雅苑已經品嚐過這青瓜球印象十分不錯，見這兒有供應便放心地點一客來重溫！這個滋味青瓜仔並非什麼高貴菜式但是心思十足值得欣賞！類似水晶包的通透外皮包裹著爽口的青瓜粒，配合香口汁醬加上食用花的點綴賣相超美之餘味道清香可口。另外我再選多一客羲和小肉餅＄48/4件！這個小肉餅是老北京的一種主食，師傅將肉餅捲成多層吃下來口感十分酥脆香口，下點試管中的香醋同吃解膩之餘可添香很可口呢！坊間不易找到這類特色食品我覺得絕對值得一嚐。最後點多客經典蝦湯泡飯＄78跟車爸爸一同分享！澄黃的蝦湯喝下味道挺濃香而且附有脆米可即場放湯令口感更豐富！

一直都有幫襯開不論疫情與否都會繼續支持嘅因為服務態度食物質素都係超乎想像🥰😋上枱每一件食物都精心炮製用心製作⋯值得推薦💖💯冇訂枱下晝2:30都有幾台客嘅好彩有位😏疫情下6:00冇堂食預早少少食個豐富嘅下午茶當日係年28同以往一樣啦餐牌冇變嘅！今次都叫咗冰鎮鮑魚又叫咗蒸海鮮飯仲有芥末沙律蝦仲有呢個鹹蛋黃豆腐真係好好味夠晒滾熱辣，送飯一流！呢個黑松露豪餅值得推薦甜品梗係唔少得楊枝甘露啦食咗咁多年都係無變嘅精心炮製！埋單之前竟然有一尊金磚咁樣嘅蘿蔔糕！不過好可惜返屋企煎黎食酸左😅非常可惜🤪

下午2點30入座。點左一個擔擔面，半隻鴨。下單起等左一個小時鴨都未到。隔離幾枱遲過我入座，都已經有鴨食上左菜。但我隻鴨都未到。詢問左2次，一位態度良好長髮馬尾深藍制服的侍應回覆會跟進，但都未有。問第3次既時候，有位短髮深藍色制服女侍應回覆 通常要等55分鐘 但我答佢前面3枱入座遲1過我地 下單時間又遲過我地 點解佢會有上菜先呢？ 大家同樣點填鴨 然後該女侍應敷衍回一句 幫你追 就轉身走左多番詢問後 終於上菜 鴨的味道還可以 擔擔面就不了建議大家有空閒既時間先好去食 否則泊車時會好貴🥲

大嶼山行山路線多，今日挑戰了石璧郊遊徑，共行了四小時。行畢乘巴士回東涌市中心搵食。東薈城改變了不少，行了三，四層，搵到一間好抵好抵的中菜館。門前餐牌介紹了午市套餐，$78有五款食物，實在太吸引了。粟米海皇羹材料幾足，有口感。迷你秋葵，迷你紹菜果真迷你。肥牛閔烏冬香口惹味，烏冬吸盡肥牛的脂香，不過略兼少少肥膩。肥牛件數不算太多。建議加少許菜蔬如芽菜，韮王之類更好味。楊枝甘露甜度適中，材料十足，ok 喎！

入到餐廳坐低冇比Menu, 問佢攞已經黑面 第俾我嘅時候因為甘岩消毒手未有9秒9接過Menu. 佢竟然唔耐煩問返我轉頭 “你唔系要menu 咩？‘ 其實我都係慢左2 秒 我為咩要受呀姐既氣 叫左4人餐 前菜得3嚿 唔明 logic 系咩 食物質素正常 但湯味道偏重口味 先上烤鴨皮 但烤鴨未上既時候 竟然上左甜品俾我先 🤦🏽‍♀️服務安排上原全錯哂 烤鴨 上枱熱辣辣 皮脆 鬆化 直得一食 樓面姐姐既服務加語氣重專業過部長 食物ok 但一開始服務已經一肚氣 飽左

今日同媽行街街，想揾緊坐得舒服d既舖頭，就揀左呢間北京菜試吓。🐒會跳舞的片皮鴨（一隻）💰$398呢個係食gimmick野，佢有個八寶盒，入面有配菜，除左有普通既配料之外，特別既地方係有山楂條，紫洋蔥，藍莓醬同爆炸糖，拎黎去包鴨既唔同部位。鴨分左三碟（淨鴨皮，鴨胸連皮，鴨脾連皮）三個部位都有唔同食法，不過個人認為鴨太肥，同埋凍得好快，一凍左就變得更加膩。老實講呢個價錢可以試一次就夠，400蚊應該可以係出面食到質素好好多既片皮鴨。櫻花蝦海鮮籠仔蒸飯🐒💰$98個飯就幾出色，好夠熱，底下有塊荷葉，所以食到底會有淡淡荷葉味，調味方面都清淡，海鮮就係普通急凍野。整體來講，間野服務態度幾好，環境都唔錯，如果行到攰想揾間舒服d既舖頭坐下都ok，但就預左d野會貴d同埋質素都係正常水準。評分：🌕🌕🌗好味：🌕🌕性價比：🌕🌕🌗

山長水遠入到黎，在商場打算找間不用等候的餐廳食過午餐， 諗住可能貴少少唔使等 ，不過中伏了平時好少嘥時間寫食評，今次奉勸大家不要中伏。。。所謂的擔擔麵， 能數出的肉碎粒和兩，三片菜頭菜尾，公仔麵般的湯底，真係難食過自己煮的即食麵。。。。 邊度值68蚊？與餐牌上的圖片相差太遠， 完全不符合商品說明條例！黑松露蝦球伊麵，還可以起碼有幾隻蝦， 但麵質偏向軟身，味道都係一般貨色， 都要成78蚊呢間餐廳仲要每位收返茶價，CP 值低

遠道東涌， OP一吓東涌見到羲和🤔估計應該同尖沙咀老字號有關，即管試吓，裝修不錯，食物質數同價錢，個人應為東涌首選👍🏼$78 set Lunch 加環境值得一讚，不錯的選擇。下次食烤鴨😋

之前行過佢門口，見到個午市套餐好吸引，於是決定同家人一齊黎試下。個套餐有前菜、時菜、主食、湯同甜品。前菜有芋絲同豆腐選擇，蜜汁芋絲即係拔絲芋絲，感覺唔錯。豆腐則較為普通一些，沒什麼特點。主食選了泡飯、燜飯、伊麵，當中最喜歡個伊麵，蝦球夠彈牙，松露醬亦都好香。湯則有海皇同松茸揀，估唔到最想試既海皇太過咸，反而松茸清清地又夠香，幾好。除左午市套餐之外，追加左會跳舞的片皮鴨。廚師會在桌前片皮，之後放到桌上個盒上邊，盒內會有暖包係到，一直暖住片皮鴨。個食法真係幾特別，佢分左鴨皮、鴨胸、鴨腿，前兩者不建議包薄餅食，只要直接點醬料黎食。將鴨皮醮藍莓醬同爆炸糖食，不止減低左油膩感、更感受到爆炸糖和鴨皮在口內跳動，好玩又美味。鴨腿則建議包薄餅食，分左傳統同新式食法，傳統就係平時加青瓜、京蔥、甜麯醬。新式食法就係山揸、紫洋蔥、藍莓醬。連甜品都好合我心意，真係一餐幾滿足的午餐。唯獨有一樣要扣分，食食下野有職員係到掃地，依個感覺有點唔係咁好。

請左幾日AL，準備入愉景度假先係東涌食少少野。羲和雅苑係LCX有，而羲和小館應該係佢比較平既分支。對於d小資情侶又想試下佢隻鴨就岩哂啦。我地lunch個時去食，$78一個set lunch包一碟油菜，一碟小食，湯，主菜同甜品，聽到都覺得好扺。而且而家加$198就可以叫到半隻鴨。鴨就無影到相，但佢可以三食，一個係加爆炸糖，一個係加芥辣，另一個就係最普通食法。前兩個都幾新穎，但吾中意食番平時食就可以啦。最後埋單$300幾真係好扺

1215分下單，叫4樣普通野，等了30分鐘，忍唔住追問一下，才來了一樣，到了1300，仲有3樣野未到，我追問是否不再打算上菜，臨時臨急攞埋2樣甜品俾我，還欠1個飯未到，到了13:11，終於上齊食物了。大家有無限時間的話，不妨練下耐性。我入座時是半滿，若果餐廳滿人，相信忍耐時間會更耐，各位食家睇路。至於味道，全部均屬普通，不算難食，但一定唔係好食，我真心不明白，為何咁多人排隊，貼錢買難受呢？還是假期下，大家已經飢不擇食呢？其實在家叫外賣送上門好過。

提早訂咗台，六點到，六點45分仲未有人幫手落單，無人執台，無餐盤，十幾張台只得一個服務生，啲嘢再好食也唔食啦！真真係勁差。返樓下outback食野，服務好太多。。