羲和小館 (已結業)

香港➰東涌咁岩入左東涌 諗左好耐晚餐食咩好🥹最後揀左呢間 因為突然好想食片皮鴨🤣 🦆馳名烤鴨 （一隻） 💸 $448佢有3種食法第一種： 先食烤鴨皮 點上藍莓醬 同爆炸糖一齊食 本身烤鴨皮就好脆同偏油 夾埋甜既藍莓醬同爆炸糖 就變左又甜又油既感覺🙉食1-2塊就足夠🙈🙈🙈🙈第二種：烤鴨肉配芥未醬食 出奇地夾😆第三種：傳統食法 鴨肉配上薄皮加甜醬同青瓜等配料 無得輸🤣🤣 而佢皮量方面都好足夠 唔會話食曬d皮無得用黎包肉👍🏻 好滿意J MY FOOD指數♥️🌤 環境:3.8/5🤵🏻 服務: 3.5/5🍼 味道: 4/5👣 推薦: 🙆🏻‍♀️ （只分推薦與不推薦)

我個前同事推介話要試吓呢一間會跳舞嘅烤鴨。 佢哋個個都話好抵喎，一個餐80幾蚊，不過我哋點會甘心淨係食一個餐吖，我個同事話要食兩個餐再加多半隻烤鴨╮(￣▽￣"")╭ 一開始我都擔心食唔晒，於是乎我淨係叫咗一個餐同埋追加咗半隻鴨。 點知嚟到嘅時候，原來嗰個餐嘅主菜好細兜，而且得一個湯唔夠分。於是乎都係再追加多一個餐，結果真係承佢貴言，嗌咗兩個餐再加半隻燒！ 我哋叫咗牛油大蝦伊麵，而嗰個湯羹我哋係要咗粟米海皇羹。一如期望個大蝦伊麵非常好食，蝦爽脆，但細細碗，其實一個人可以食得晒。結果追加左個XO肥牛炆烏冬(不過唔記得影相)，不過不失，不過佢啲烏冬有少少炆到糊晒。 楊枝甘露都算足料嘅，不過唔使期望太大，。Total: $466題外話: 樓面冇乜侍應，叫極都叫唔到人

又來食好嘢次次都會有驚喜今次都唔例外一坐低梗係落order叫個雞翅湯⋯⋯要盡快落order因為每日限量$200有找非常足料兩個人都可以每人兩碗裏面嘅雞肉仲要好滑～翅都非常多～所以每次一定要叫😆再嚟兩隻冰鎮鮑魚😏切件太方便佢嘅配菜有蘿蔔食用花再叫多一個萵筍超好味再嚟多一個荷葉蒸飯有好多櫻花蝦所以非常香（呢個蒸飯每次都會叫）睇到個樣份量唔多但係每人都可以兩碗佢哋整嘅甜品實在太好味每人一碗楊枝甘露再加紅棗燉桃膠😚（紅棗燉桃膠非常薑汁味重～正）見到隔籬枱有呢個宮廷式美點又試吓的確好意外～原來之前食過不過忘記了（上枱裝飾實在太美觀🤣（打卡一流）四件甜品細細件每人一半試吓食～紅豆糕豆蓉糕～今晚食飽飽已經係差唔多7:30座無虛席出邊仲要等位～大家要食真係早少少☺️（每次都唔會令人失望嘅餐廳）值得推介👍❤️所有員工服務態度非常好令你賓至如歸😍

上星期，我和朋友行街見到裝修幾好的羲和小館～招牌寫住星期一至五：11:30至3:00，午餐$88，好明顯係冇個「起」字。我很開心終於搵到一間又平又抵食嘅午餐，午餐包括：主菜、前菜、湯或飲品、時蔬、甜品🍮。$88有五樣嘢食，簡直係豐富嘅午餐，懷着興奮嘅心情點菜，果然冇令我失望，平均價值$20嘅金湯海皇泡飯，好好味！平均價$20嘅前菜：麻辣秋葵、桂花糖車厘茄，物超所值。平均價值$20嘅凍青檸梳打、海皇羹，好正！平均價隻$20嘅黃芽白～白灼清清地，貴咗啲！平均價值$20嘅甜品楊枝甘露，呢個就麻麻哋唔夠芒果味！總括嚟講，午餐$88另加一合共$100左右，位於東涌東薈城旅遊地點嚟講算抵食，性價比高下次都會幫襯，試吓北京烤鴨

星期日放假，入去東涌行吓揸車去到東薈城搵嘢食，見到呢一間嘢食賣相好似幾好就入咗去試下🙊入到去地方都幾寬闊，輪椅進出方便去到食物方面首先我哋叫咗一個芥末鴨掌－冷盤酸酸地開胃前菜，都真係幾好食👍🏻之後再叫咗一個小食，蜜汁芋絲，口感脆口都幾好食不過要趁熱食，如果唔係麥芽糖溶了痴住難夾🥲去到主菜叫咗半隻片皮鴨👍🏻廚師喺你旁邊面前切，可以影吓相打下卡😍到上菜嘅時候，侍應建議近頭部比較肥可以點糖食，鸭身點芥末食，有八寶盒，新派配搭，餅皮薄，芥末醬冇咁肥膩之後叫咗一個松茸素佛跳牆，但味道一般，青梅小排骨，中規中矩既酸甜排骨，海皇脆米泡飯，要熱食，味道都可以最後叫咗一個楊枝甘露不過真係太甜🙈新派裝潢坐得舒服，4人午市套餐＄688, 埋單共＄800左右. 食物中規中矩，服務都可以味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️

一大隻鴨子經過燒烤後，能產生出如何脆口的表皮呢？答案係：約係6cm x 6cm的面積呀！《羲和小館》在東涌係人氣食店，每到假日晚餐時段都要排隊等候入座。它的片皮鴨係高級受，設有三款不同的食法，並以八寶盒奉上不同的佐料。以鴨胸皮配藍莓醬、爆炸糖，鴨胸肉配芥末醬及鴨腿肉配饃饃皮、京蔥等配料以傳統食法品嚐北京片皮鴨。今次點了個套餐共四位用，但我們六個人食都足夠，十分開心呀！溫馨提示：仲有啤酒汽水，食埋個飯一定滿足。

今次第二次食叫左全隻鴨，（上次食半分太少）但其實份量都係好少完全冇得同北京既烤鴨比。其次味度雖然正常但皮完全不脆。（其實唔脆都不錯，但我見其他人食評係脆，感覺自己應該有點伏了嗎？）以呢個價錢黎講好一般另一碟係和牛份量太少對唔住個價錢，3人食一人兩至三粒冇啦，其他全部係菇……黑松露飯個人認為真係好一般，岩岩上碟好香，但食落口又冇咩黑松露味咁。其他小小不滿朱古力蛋糕雪到冰咁硬食得唔太方便，但味道不錯既。楊枝甘露好味既，但唔明白點解要用塑膠杯放首先唔環保，其次外觀都唔好睇茶餐廳都唔咁上台吧？好似食咁外賣咁。其他菜一般般不過不失，今日晚餐排骨係最好食最後埋單13xx🥲補充因為我係平日晚上食，但門口係一個staff 都冇要客人係門口等😕🤷🏻‍♀️

.🔖羲和小館 | 𝑻𝒖𝒏𝒈 𝑪𝒉𝒖𝒏𝒈難得去開東薈城行街，雖然見到呢間餐廳Openrice評語麻麻，但又想食中菜就一於試下羲和小館👅。.當日差唔多三點左右入座，竟然仲有午市套餐食，就叫咗個牛油大蝦伊麵。套餐仲包一碗白灼蔬菜、秋葵前菜、粟米海皇羹同楊枝甘露甜品🥭。假期午市套餐$138仲包咁多嘢好似好抵咁，點知就中伏了😩。成個餐最好食嘅係秋葵，個大蝦伊麵本身都有啲期望，但食落完全係冇味嘅，真係唔知食緊咩。粟米海皇羹同楊枝甘露都比較稀，似係求奇將啲野煮埋一碟交功課。.另外有額外追加招牌片皮鴨半隻，但份量較少，而且刀功睇得出唔係好專業😂。好彩隻鴨都有油香，肉質算嫩，但個皮烤得唔夠脆。以食北京餐館黎講，呢個片皮鴨就一般般，呢個價錢絕對有更好選擇！醬料都幾多，竟然有比較少見嘅秘製芥末醬、藍莓醬同爆炸糖。💥 而個小籠包個皮超厚，冇咩事都唔會再試。.另外有個小插曲，當日職員上緊片皮鴨嘅時候整跌咗個鴨頭。然後佢就問我哋仲要唔要，唔要就幫我哋丟咗去。😂 我哋當下真係呆一呆，完全冇諗過佢咁反應。心諗你自己整跌完就話幫我地丟咁搞笑嘅，正常邏輯唔係道歉再換過咩？唔理係咪鴨頭，但都係菜式嘅其中一樣野黎架喎。職員之

先講服務 門口個位女待應服務真係奇差又無禮貌。。叫左幾道菜式都係淡而無味？？主打既片皮鴨真係只有噱頭2個字鴨一點都晤好食。。。個皮又奇奇怪怪叫杯飲品份量就得一半。。禁都可以上枱真係晤知咩管理

之前因買左幾張這食肆嘅coupon, 一直未有時間過嚟，所以喺到期前點都要到此一試原來星期六這商場都好多人，我哋12半左右到太約都等左20分鐘至有位。我諗黎到喱度大家都會想試下佢哋嘅烤鴨，我哋都唔例外另外原來星期六都有set lunch ，但就比平時貴少少。最後我哋就叫左：羲和烤鴨、張氏獅子頭、羲和小肉餅、一份lunch set(雞粒燜飯、蜜汁脆芋絲、時菜、金湯海皇羹、薑汁小桃膠）籠仔櫻花蝦海味蒸飯先講羲和烤鴨，烤鴨肉分三個部位分三碟上枱，仲要有多種食法，有位男職員好仔細咁介紹比我哋聽我哋跟足佢嘅教法去食，食到多種口感，有藍莓🫐醬、山楂條夾埋一齊食跳舞食法最攪笑又新奇，加入爆炸糖一齊食真係第一次張氏獅子頭，上枱時只要一個碗仔盛住一個獅子頭加一口白飯，杯茶還要比碗飯大，感覺似玩具多過似一款餸菜。獅子頭肉鬆鬆我，唔會好實，但有甜甜醋味，一口肉加一口飯又幾好食羲和小肉餅原來係用餅皮包住肉碎再卷埋，可自行加入醋，有得玩有得食肉卷表面脆脆，味唔算重，落醋後就只食到醋味籠仔櫻花蝦海味蒸飯，飯面鋪上好多櫻花蝦，好多八爪魚🐙，蝦米🦐，飯好香荷葉味Set lunch 一個價錢包左咁多嘢，感覺都幾抵食今日

本來我約了七點半，我只是遲了十五分鐘，他就叫我重新等飛。於是我便等，等了四十五分鐘，我問他還要等多久？他說多等十分鐘就可以入座了。可是我等了十分鐘又十分鐘，還不可以入座。中間還有很多人不斷入座，他們的解釋是那些人已經預約了。我覺得他服務態度十分之差，最終去了旁邊的餐廳吃飯。

牛油大蝦伊麵無牛油味（很清淡）炒飯味道一般，但夠乾身前菜好食，車厘茄帶微甜特別，秋葵汁惹味粟米海皇羹凍嘅要求要外賣盒時，員工仲放個膠袋落碗炒飯上面宮廷美點是2件無味的凍糕

行完山之後 我想食個飯啫…真係痴孖筋 有位女waitress當我仇人咁 勁串 ，主要因為我冇叫佢地嘅北京填鴨 又話我浪費佢地D餐具同時間 未食已經成肚火，送到黎 喺度唉唉聲 咩事呀 🙄🙄

嚟到東薈城除咗掃Outlet名店平貨之外，都有唔少餐廳美食任君選擇😋。朋友就介紹佢平時嚟到吃開嘅中菜餐廳比我地，一於就try try佢🤣當時週末午飯時間，大約都要等一個鐘😅，後來發現餐廳嘅坐位都好多，反而喺人手安排唔夠，執枱點餐送餐都要等好耐😥，呢方面真係要改善下！餐廳價錢都偏貴，不過都有平價套餐（$128起）可以選擇，有齊曬餐湯、前菜、主食、時蔬、甜品，亦有優惠價可以追加其他熱門菜式。套餐中嘅撈汁秋葵真心推薦😍，醬汁小小麻麻辣辣，配埋新鮮爽口嘅秋葵，少咗滑潺潺嘅感覺，處理得好好👍🏻不得不讚呢度巴蜀口水雞，除咗有四川風味外，都混合咗香港人好鍾意嘅花生芝麻醬，又甜又辣，而且雞肉份量都幾多，鮮嫩多汁😋水煮魚🐟係餐廳明星菜式之一，份量都真係幾多🤣，除左龍脷魚片之外，入面都好多川粉，4個人都夠食👍🏻。不過，對於吃得辣嘅人嚟講，就唔夠辣同麻，相對地淡口味少少🤏🏻相比前兩道菜式，黑松露蠔仔煎蛋就顯得比較普通，就係普通煎蛋😂。不過，加入咗黑松露，味道上係多咗一點層次感😚⚠️注意：餐廳會按人頭另收茶位，亦需加一服務費是日• 點餐📝：🍽週末午市套餐（$128）：- 白灼田園蔬菜- 撈汁秋葵- 粟米海皇羹-

今日走一轉東涌去咗呢間比較新派餐廳食烤鴨 真係不錯皮脆 肉質鮮嫩配佢哋給既醬汁 菜料絶配😋另外叫左個 👏🏻冰鎮鮑魚 要手機📷食先 打卡呀喂🤣幾好喎 夠特別 好味 質感唔會咬唔到個款軟硬度👍🏻👍🏻👍🏻👍🏻👍🏻仲有黑松露蠔餅 💓💓💓💓我最愛既黑松露 再配蠔餅 幾夾喎🤩好香口呀😋我哋仲叫左個海鮮炒飯幾好食😋 味道剛好環境衛生❤️❤️❤️服務態度❤️❤️❤️食物❤️❤️❤️❤️味道❤️❤️❤️❤️