翠園 (黃大仙中心北館)

营业中

休息中

平日的午市，難得不多人。有很多特價的點心，炒粉麵飯及盅頭飯。蘿蔔糕 - 切成六小嚿，味道很淡很粉！點了旁邊的醬也沒甚作用。上湯菜肉雲吞 - 每粒雲吞漲卜卜！皮薄身得來不易穿，餡料亦飽滿。菜與肉的比例平均，不錯呢！櫻花蝦炒飯 - 材料簡單的炒飯，配料亦只有蔥花、幾嚿蝦仁、櫻花蝦乾。不過炒飯炒得很有飯香，而且粒粒分明不乾身。櫻花蝦帶有微微的咸香之餘又脆卜卜，很刺激味蕾！食完主食不得不叫甜品，南瓜黃金餅出乎意料之外地好吃。質感很黏很煙韌，像食糯米磁般的感覺！內裡釀入滿滿的南瓜茸，食落不太甜，很好吃！面層滲上芝麻粒增加口感。

翠園在黃大仙進駐，一直都沒有機會嘗試，適逢放假，就與家人去飲茶。地方很闊落，亦整潔光猛，上菜速度亦算快。鮮蝦腸粉，皮很滑溜不會太厚，蝦亦很爽口。豉汁蒸鳳爪 - 醬汁很入味，鳳爪亦很稔身。不知不覺會食了很多。鑊仔煎三寶 - 配料有茄子，青椒，紅椒及豆腐。魚肉釀得很入味，似手打般的感覺。山竹牛肉球 - 食落很軟綿綿，有蔥花使味道不再單調起來。蟹籽燒賣 - 很滑溜，面層的蝦很爽口。內裡不是肥豬肉，所以感覺健康一點。肉絲炒米 - 米粉炒得唔乾身，有點偏硬。肉絲亦沒有什麼味道，很淡。

美心集團一向有品質保證呢間分店容易訂位最近仲有中銀信用卡優惠就黎幫襯下啦一坐低， 見到有限定菜牌，今期係福建菜整返個翡翠淡糟香螺片究竟紅糟係咩小人食完覺得個汁味道酸酸地， 螺片爽口，甜豆清脆，份量偏少唔知點解呢度竟然有八喜嘅菜式包括呢個蚵仔砵面層焗得好香脆蚵仔數量唔少加埋有啲油炸鬼幾搞鬼蛋味香濃不過好似老火左啲福州芋粿煮海蝦大海蝦雖然開邊但件頭都唔細架肉汁鮮甜質地彈牙走過油，簡直有食緊龍蝦嘅感覺蝦味好出下面墊底嘅就係好特別嘅芋粿唔好怪大鄉里出城，我真係第一次食相信佢將芋頭切絲再用粘米粉澄面糯米粉啲朋友整成糕狀之後切片質地軟糯充滿芋香，用黎吸收大海蝦嘅汁完全fit晒食得出有鑊氣滋陰之選古法扣原條海參原條海參肉厚有咬口唔似澳洲急凍嗰種上面嘅豬肉新鮮唔似雪肉仲加左啲菇碎添伴碟嘅冬菇體型雖小但都係厚身架真係要講句洗鬼自己喺屋企整得咁辛苦咩呢個餸必點啦不得不講我地一坐低唔知呢位係經理定侍應哥哥，好熱心推介將各款信用卡優惠到菜牌特色甚至特色飲品飲法詳細耐心介紹， 真係要俾個like佢

請了半日假的Happy Friday, 要好好珍惜一寸光陰一寸金, 立刻同Honey去 high 靚 tea. 我們一早拿了票, 不用等太久! 蘿蔔糕煎得外脆內軟, 蘿蔔時令當造, 非常鮮甜, 熱辣辣配上 xo醬, 好味道灌湯餃, 湯底清甜, 蝦肉爽滑, 餃子皮薄餡靚 好味加有睇頭三色燒賣王, 鮮甜彈牙配上三種不同的食材選擇給各有喜好的客人, 獨愛冬菇, 很有香味, 也要一試很久沒有嘗試的雞包也非常合味道,最緊要夠熱辣辣香噴噴!甜品桂花糕, 個人一般比較喜好黃糖, 但今次白糖較清香滑琉

最近黃大仙中心大翻新，今個星期日同家人去慈雲山拜完山就去左翠園飲茶!對於唔中意食南瓜既我黎講，都十分喜愛! 南瓜餅炸得兩邊金黃，不單賣相一流，入口沒有太重既南瓜味，反而似食緊煎埋!但因為餡料係南瓜，感覺好似比煎埋健康點呢!~雞包仔係另一個好味之選!入面既餡料份量十足，唔會包既份量多個D餡!而且蒸完之後個雞包仔唔會好乾身，入口鬆軟!整體黎講，質素同味道都很高水準! 

一向覺得翠園是高級食府，這間開在黃大仙平民區，裝修很西餐廳格局，4人方桌很寬敞，齋食環境都很不錯。除夕前一天訂7:30桌，去到未夠7點大把位，但見陸續有人入，便提早入去坐住等。這天在選了一個晚市4人套餐，有龍蝦煲、醉雞鴨舌、陳皮鴨及素菜盤，這個組合比較新鮮，決定一試。另加了一客生煎菜肉包及一客迷你煙三文魚蛋白炒飯。 一頓舒適又美味晚餐與家人共渡除夕夜

上次食完樓上茶樓勁失望，今次終於翠園開，找了星期天去找定位，去到12:15 等4位大約一小時可以入去都合理，去到茶講真吾值＄11，味道冇味得顏色。小食＄12都正常同份量多，原來係可以吾要，下次會識講！～最後我地4位＄380都叫坐得舒服價錢合理。等了大約20分鐘左右野食都黎啦，軟硬腸粉口感幾特別又吾會好油，不錯。馬拉糕好味道夠口感又吾甜，蛋撻太凍吾好味。燒賣夠熱同多料，蝦夠大隻又有豬肉香，不錯。棉花雞份量偏少同冇咁有點失望。魚頭湯以＄35黎講抵食，味道夠濃又香，魚頭都吾少，大約可以倒倒3碗都不錯。