翠園 (黃大仙中心北館)

营业中

休息中

今次4個去食，叫左9樣野食，真心為食同食環境，呢間枱同枱之間好近，不過餐具, 陳設同服務都ok。鐘意食炸野既一定叫鬼唔搭八春卷，XO醬炒腸粉都好食喎，不過等位要有耐性先得。

第一次黎飲茶，星期三下午都算多人，但餐廳人手嚴重不足，大約得四個姐姐負責執野落單，可能因為太忙所以態度一般。嗌左十野食物黎左八樣，追左5次單，冇誇張係真係5次再等左半個鐘頭，但都係冇黎到！最尾賣單又等左15分鐘，好浪費時間，翠園都唔算平，但真係貼錢買難受

家人飯癮大作話想食鮑魚喎！翠園食物標榜不添加味精，而最近匯豐信用卡有幾個套餐有優惠，就去試吓啦！幾款套餐之中鮑魚宴折扣最少，得85折，六位用星期六、日公假$1173。附送鮮橙汁或啤酒先嚟芝士上湯焗原隻大花蝦，花蝦size 都幾大，約10cm長，麵底夠咬口，味道剛剛好呢味叫古法桂花炒魚肚其實係魚肚炒蛋，味道ok ge 雞蛋係我最喜愛食物之一，但炒碎蛋我唔鍾意...而魚肚亦係細細粒....呢粒墨魚丸嘅樣係胡麻山葵脆炸蝦丸，其實都幾有創意，但山葵味道太濃，會蓋過蝦肉鮮味...咁我唯一諗到要咁整嘅原因係雪蝦唔夠味嚟到主菜啦～嘿嘿，因為主菜太受歡迎，影唔切全相鮑魚唔算大，勝在稔身得來有咬口，連食嘢唔多咀嚼嘅人都唔怕哽親，花菇大大粒煮到好稔入味呢味家鄉大盆魚，我都係第一次咁食魚，因為酒樓多數提供炒斑球呀，蒸魚多，咁食又ok wor, 魚湯好鮮甜！比冬瓜盅更甜～魚蛋都好爽口彈牙以前初出茅廬喺佐敦返工，至愛某餐廳薑蔥霸王雞，夠咸夠滑，又可能係一種情懷啦，至今仍然念念不忘所以對呢味菜有d 期待。而翠園呢道蔥花醬油雞亦無令我失望，咸味適中，濃濃豉油香，雞肉亦夠滑可惜最近有感要減肥，無法將滑滑雞皮都食埋最後

對一般大集團嘅酒家一向都無乜好感, 尤其是呢個集團嘅, 又貴又唔好食, 都唔知點解仲有咁多分店, 今次係家庭聚會, 地點由家人選, 好可老人家對大集團有較大信心, 我做細嘅只有2仔底死跟, 無得出聲呀.訂位講咗6點入席, 8點半前要交枱, 我地等齊人都差唔多6:20, 店員一開始已介紹今個月某信用卡嘅特價套餐, 所以無乜點諗就叫咗呢個餐.HK$2,278 十二位, 星期六有呢價格真係幾抵食, 諗住可能唔夠食, 我地加咗2個餸, 但店員話呢個餐好足份量架, 唔洗加餸都一定夠, 但我地話無飯到肚老人家唔習慣, 所以店員都幫我地落咗單. 一上菜就知佢無講錯, 碟碟都好足料, 最好笑係仲大碟過我地後加嘅餸, 真係抵食夾大件.   我今次真係服了, 以後我對佢地都會改觀, 有興趣嘅朋友仔, 快D去食喇, 真心唔錯.

今日忽然好想飲湯，於是同老婆去我地嘅飯堂開飯。先叫左半份嘅是日老火湯（$60），係川貝雪梨豬肉湯，湯頭清清地，夠滋潤，仲有一小碟湯渣食下，有紅蘿蔔同豬肉架，而雖然係半份湯但每人都飲到三碗，幾抵飲。今晚決定唔叫白飯，於是嗌D可以就咁食嘅餸：蒜片一口牛柳粒（$68）-前菜份量，牛柳粒唔多，而且完全見唔到蒜片wor...呢個一般。蘭花帶子炒螺片（$158）例牌-都幾夠鑊氣，碟頭唔算好大，2個人食剛剛好，西蘭花夠爽脆，帶子都算入味，至於螺片個味道我反而覺得似桂花蚌。呢餐我主要因為碗湯而飽，亦因為碗湯而比like!

今天是我親戚的生日，所以就在她樓下的翠園吃飯。我們book了一桌，十一個人，叫了一桌的菜。不知道是否新年的關係店員好熱情，經理都笑口常開。先上的是蝦球野花，還好吧，花有點生生的，不過蝦爽口，茶如果更熱一點會更好。燒豬配的是曼頭皮，油而不肥。飽魚應該是罐頭的，不過汁配得好，咬下去很棒！炒飯因為最後上，所以就沒吃，太飽，賣相還不錯吧？另外魚是我最愛，魚肚子的部分很滑，鼓油也配得剛好。總結這餐飯是完整的！

是日聖誕節，所以下午同屋企人去飲茶。二點半去到等左一陣就有位，原來因爲紅日所以冇下午茶，所以就好少人。先叫左個鮑魚撻，一隻鮑魚不算太細，味道一般炒雜菇幾好味，不過食到一半發現呢個係隻碟唔係碗，幾羹就食晒後面個炸粉菓好油，食左一啖發現有一條好長好粗的頭髮，所以要求換左佢最後呢個龍蝦湯加炸蝦卷，真係完全唔掂，個卷係完全冇味，又油，咬落去就成口油，大家都係咬左一啖就唔要。而個龍蝦湯入面就有半個洋蔥喺度，味道都係好一般以呢個價錢食到咁既質素真係一啲都唔值，每樣都四十幾至五十幾蚊，茶錢又貴，仲有碟花生要比錢。三個人食左四碟野，三百幾蚊唔飽肚，真係no next time

我是翠園的超級fans，每個週末，都會到九龍灣翠園飲茶。過時過節，又會和家人到九龍灣翠園吃做節飯。今天，因為Honey工作地點的關係，所以轉移陣地，到了黃大仙翠園飲茶。為什麼這麼喜歡翠園？翠園的裝修、座位、清潔程度和服務態度，都好好；而且，雖然同是美心集團，但較美心皇宮的服務和食物更出色。今天到來，叫了很多點心，兩口子飽飽得很。酥皮龍蝦湯鮮竹卷：做得比九龍灣店好，鮮竹卷的炸皮很薄，而且，海皇湯非常濃厚，但不太鹹，很鮮美。擔擔面：花生湯也非常濃厚，幸好是細細碗，不太膩。芝麻卷：這是復古色的茶樓甜品，芝麻味香濃，Honey很喜歡。腸粉：但是，腸粉就失色了。腸粉不韌，淋溚溚的，又厚。山竹牛肉和竹筍蝦餃。蝦餃做得非常好，澄麵煙靭，蝦仁非常爽甜。瑤柱魚肚灌湯餃：真材實料濃厚的湯頭，雖然不便宜，但，物有所值！

放假天，與兩老去茗茶嘆點心！平日早上雖有很多人排隊輪侯，不過不消十分鐘已經被安排入座！煎釀三寶 - 媽媽每次均愛點，魚肉份量不少，煎得香口不粉～皮蛋瘦肉粥 - 早上清清地食番碗下火粥！質感一般不算軟綿！瘦肉肉感甚厚，不過肉味不甚突出。香煎蘿蔔糕 - 煎得不油膩，味道淡淡欠缺一種香脆感。鮮蝦腸粉 - 皮層甚厚～蝦大大隻，食落尚算爽口！金錢肚 - 醬汁味道濃郁！金錢肚彈牙煙韌，有著絲毫的爽嚼感。蝦餃 - 皮層尚算薄，蝦仁大隻爽口！一口食一個絕冇難度！牛肉球 - 索上喼汁後變得濕潤！軟熟彈牙的質感，不過味道偏淡～

難得下午得閒，同呀媽兩個人去飲茶，因為有埋BB，所以諗住晌區內揀間舒服啲，就搵咗翠園用apps一早拿定飛，不過去到咁啱過咗，佢哋都肯補番個飛畀我哋等一陣入去平時晌商場行過時成日都有好多人晌到等位，所以佢10分鐘後有位畀我哋入去，我都覺得算可以……兩大一細叫咗5個點心，其中酥皮龍蝦湯海皇卷 ($36) 個點心幾特別，酥皮龍蝦湯配3條炸到好脆嘅海皇卷，個卷配湯嚟食都幾好，不過個湯齋飲就有少少鹹，同埋唔知點解入面配娃娃菜，仲有好大舊，但都算係一個唔錯嘅嘗試…仲有迷你膽膽麵($28) 叫，叫得迷係就當然唔大喇，但個味道都可以，個湯幾清，有花生粒，如果個麵可以再辛辣多啲啲就好喇……另外仲叫咗煎芋頭糕、竹笙上素餃同埋牛腸，幾個都算味道可以，無咩太特別，不過同區嚟講，呢個酒樓就有啲貴…

第一次嚟呢間酒樓食嘢，以前去第二間翠園都ok嘅，但呢間........叫咗：牛腩炒米粉（這是這一餐最好味同似樣嘅嘢），其它點心都係一般般，最差係ox醬炒腸粉，嚟到個個丫大個口，係豉油炒腸粉加一“執”炸過嘅瑤柱絲係面就叫ok醬炒腸粉？起碼都撈埋炒下佢呀！

人手嚴重不足 - 接待處工作人員及樓面態度極差，落單錯漏百出，每樣要求都要等到再次要求第三次才有人跟進。食物 - 全部都是微溫的，什至凍的，份量又少兼質素差！埋單數錢時因員工自己點錯數又要跟我們爭論一番，從未遇到茶樓這麼差！會強烈建議各親戚朋友切勿再次光臨！

花雕蟹肉伊面個面底食落都幾彈，而且看上去都幾足料，成個面都舖了一層蟹肉，仲有一粒粒蟹籽在其中，點知食落真係好淡，又咩蟹味得來直情冇鮮味。薑蔥爆牛柳，個名一聽就會覺得好有氣勢啦，點知個牛係冇咩牛味，又唔夠蔥味亦都唔夠薑味，都唔覺得好爆好有鍋氣，總之係好似食緊一舊純粹調咗味的肉咁。但你又估佢唔到個螺片好好食喎，每一片鮮甜的螺片之間都伴一片青脆的青瓜，係一個好得意的組合，兩片同時放入口食，螺片的鮮甜同青瓜的清爽令人胃口大開! 而且個燒雞都好好，個皮燒到好脆，肉又彈。

自從黃大仙中心開左間翠園酒樓之後，就成為我同家人周日飲茶既好地方!!!今次晏左起身，一嚐佢既下午茶!!!酒樓有幾款下午茶大特價既點心，只係$10.8非常抵食!!金黃色既脆皮炸雲吞，單係賣相已經令人流哂口水!!雲吞皮香脆，入面既餡料唔算多，但都有隻蝦仔!車仔豬腸粉份量都係好少，但以$10.8既價錢黎講絕對合理既!豬腸粉份量雖然少，但質素非常高!!豬腸粉十分軟滑，腸粉皮夠薄，正!另一好味之選，我會推介杞子綿花雞，夠哂養謙顏!雞件夠滑，唔會有雪藏味!綿花夠爽口，又唔會吸左太多雞油!

星期六通常的節目都是去中式茶樓飲茶，翠園則是第一次，十一時到達，仍未需要等位 👍🏻👍🏻。我覺得價錢有點貴，但好好味，連那碟小吃-潮式鹹菜木耳，很好味呢！先說說「酥皮龍蝦湯鮮竹卷」，很特別的一個點心，焗到脆脆的酥皮，濃濃的龍蝦湯，但湯內沒有龍蝦肉，只有娃娃菜😅😅，不過好味的，值得一試，鮮竹卷都炸到脆脆的，把鮮竹卷放入湯內，點着吃，很好吃喎 😋😋。還有粟米魚肚粥，好多魚肚，絕不欺場；酥皮小蛋tart，已沒太多茶樓有這點心了，甜甜的蛋，很回味；及蔗汁糕，真的有清甜的蔗汁味。還吃了：腸粉、蘿蔔糕、雞腳、叉燒酥，雖沒特別，但都好好吃。