翠林餐廳

营业中

休息中

住左係附近好耐，不過由於佢係乙明邨平台..所以好遲先發現有呢間茶餐廳先講講環境~裡面D位都好寬敞，坐得好舒服，而且唔會好污糟咁我通常都係下午茶時間去，所以冇乜人，唔駛等位晚餐時間人都不少，但未至於滿座，都可以坐到卡位再講服務~D人既服務態度都幾好，幾friendly不過記性麻麻，成日都要催好多次真係唔知好嬲定好笑~ 好彩夜晚食飯都唔會趕時間，所以我可以接受下午茶就未試過要催，可能個時精神D？XD食物質素不錯，價錢亦合理食鐵板餐，$5x-7x就有一份包餐湯(中式湯)、多士、野飲同鐵板份量好大，女仔未必食得晒~味道不錯，個多士我特別欣賞 : )野飲我試過凍奶茶同凍華田奶茶真係麻麻地，茶底唔靚，同我一樣對奶茶有所追求既唔建議叫奶茶後來退而求其次叫凍華田，華田不錯，開得好濃 ^^下午茶試過西多士同炸雞脾+沙律西多士整得不錯，唔算薄，亦唔算厚，一般吧~炸雞脾炸得恰到好處，平時唔鍾意食炸野既我都有D驚喜沙律都係咁上下...雜果加少少蔬菜，中規中矩p.s. 有寵物既朋友可以坐門口~ 周不時都見到有狗主坐係外面

不經不覺翠林開張都接近一年記得翠林開張係年三十晚仲舞龍舞獅添我每星期都會去幫襯兩三次就係咁我同翠林個後生仔(應該係老闆)都有兩句頭兩個月都好好食,但之後就好似差左少少我就問個後生仔原來佢地廚房內部發生左少少問題但我都依然有繼續支持,因為我覺得個後生仔真係好俾心機去做早兩日去食,得知佢地換左一班星級廚師試左之後真係得喎我地一家5口叫左個羊腩煲 , 椒鹽鮮尤 同埋 鹹魚蒸肉餅羊腩煲 : 味道同肉質都識中椒鹽鮮尤 : 炸得夠乾身鹹魚蒸肉餅 : 用新鮮豬肉突別好食食物質素雖然重要,加上有露天座位,係度食飯仲有人情味點可以唔繼續支持

第一次做食家~~~~~我d朋友叫我去食飯本身去對面廣東x食飯點知有喜酒唔想去其他地方食~~~對面有間餐廳就入左去食.因我食煙出左去座同2個朋友.叫左個羊腩煲~~同咕嚕肉食落都幾有水準~~d朋友同我講話唔係幾好食但食落都有酒家水準~~~~之後多口問下個老闆先之換左廚房~~~~~~講多陣飲多幾支啤酒都去左3小時~~~~~~比錢先係200元到3個人都係每人67元~~~~~~都可以接受~~~~~+可以食下煙

剛開張時都OK, 但依家越來越差...=.=今日媽媽放假，落左黎食早餐，叫左兩個精選早餐，蕃茄湯牛肉豬潤縲絲粉＋奶油豬仔包。一來，個蕃茄湯底呢，係得淡橙色，完全無味，二來，個奶油豬仔包，係有蒜蓉味囉！同坐收銀台既兩個後生仔講，佢只係話無可能，但會跟進~~

第一次叫呢間外賣, 亦都係最後一次.以為$48應該好食同唔會少得去邊一打開個盒得8小舊. 少到嚇呆o左! 服務態度差, 打去問佢點解$48得咁少, 乜都話唔知.味道有d怪, 唔似平時出面食果d介未沙拉骨, 又乾, 又貴又唔抵!!!!!!.睇將相就知個賣相唔得.唔會再幫襯...

二月中旬‧晴又是另一個在沙田區練習的日子，一行三人，上次吃了廣東館，今次就試這間新店子。這裡外表看來似茶記，但看清楚餐牌，其實是小菜館，還有海鮮吃的。要了千層豆腐、半隻沙薑雞、涼瓜炒蛋及胡椒豬肚湯，據聞這裡的碟頭很大，三菜一湯，三個人該是夠吃了。先來一大窩胡椒豬肚湯，看湯料，有胡椒有豬肚有鹹菜，還加入了雞脾菇，但喝起來，卻是沒有什麼胡椒豬肚湯的味道，當是例湯喝吧。沙薑雞幾滑，雞皮厚厚的，沒有什麼肉可吃，不過味道夠，下飯都不錯。涼瓜炒蛋好吃，涼欣切幼條，吃起來仍保留甘苦之餘，也留有口感，蛋炒得嫩滑，份量也多，吃來吃去也有剩的，吃得過。千層豆腐說是「自製」的，吃起來就似是玉子豆腐，口感很鬆軟。切成方塊再炸，配上的是芝士焗龍蝦的杰杰芝士汁，想不到的有趣，也值得下一試。這裡的白飯，非常大碗，正常食量的話，三人應吃不下兩碗。埋單每人六十，幾經濟。值得一提的是這裡極油煙，對此反感的朋友，選別處好了。