翠林餐廳

营业中

休息中

以前成日係石硤尾果邊街市平台大排檔食飯，估唔到沙田圍呢邊都有間「翠林餐廳」，同樣好有風味，係門口已經感受到大排檔熱鬧既氣氛！ 各式煲類，應有盡有，雙冬羊腩煲、川式麻辣烤魚/酸菜烤魚、花膠雞煲、胡椒豬肚雞煲、麻辣湘川雞煲等等，湘川風味小菜，煲仔飯，普通大排檔地道菜式都有！🌶️酸菜魚 大$208 中$188 小$158 我地叫左個大既🤤 魚肉、芽菜酸菜份量都好多，3-4人都夠食，個湯飲落酸辣香濃，魚片滑溜，魚係選用羅非魚，肉質好鮮甜，食左成煲都唔覺有魚骨🤣，啖啖肉。🦪 煎蠔餅 $88蠔餅表面煎到香脆，內裡煙韌，蠔鮮甜味同蛋香味十足，蠔漲卜卜，份量都多配上最佳拍檔魚露，將鮮味再昇華。🌟臘味煲仔飯 $65 雙拼+12 加拼左油鴨髀，臘味同飯香撲鼻，飯粒分明，吸收晒臘味同油鴨髀既甘香油份，好香口，帶小許焦而不濃既飯焦，啱晒天氣凍食🤤

正一垃圾、都唔知點解有多人幫襯！燒乳鴿炸到過晒火、又貴又唔好食！個瑤柱蛋白炒飯、都唔知佢點樣炒、炒到有魚腥味、好難食XO醬豬頸肉冇味、唔知食咗D乜！ 廈門炒米一D味都冇！ 得白飯就最正常

噚(25-6-2021 Fri)晚老闆請一team人食晚飯,book咗呢間,同事一早預訂咗啲菜色,然後再加,我哋食咗:1. 椒鹽鴨舌我應該係第一次鴨舌,兩個字,脆口.味道: 4分2. 椒鹽鮮魷大大舊,外脆內軟,佐有少少咬唔開,係我已冇牙力?味道: 3分3. 椒鹽茄子茄子都用椒鹽炸,外脆內軟.味道: 4分4. 花膠響螺煲雞個湯好夠味而且鹹淡適中,要飲多一碗.味道: 5分5. 煎蠔餅正常香脆.味道: 5分6. 象拔蚪刺身都OK正常.味道: 3分7. 唔知椒鹽咩菜餃食到大大啖魚肉,菜都有嘅.味道:4分8. 蒜蓉粉絲蒸扇貝蒸得啱啱好,好難唔好食.味道: 4分9. 椒鹽斑馬瀨尿蝦正常size,正常味道.味道: 4分10. 豉汁蒸盤龍鱔Size同味道都正常.味道: 4分11. 豉汁炒蟶子蟶子肉大大條,好爽.味道: 4分12. 清蒸阿拉斯加長腳蟹食其鮮味,冇問題.味道: 5分13. 酸菜煮魚加麵我只食魚肉,已有啲辣.味道: 3分14. 椒鹽九肚魚外脆內軟.味道: 3分15. 清炒西蘭花大大舊仍好爽口.味道: 3分16. 椒絲腐乳炒通菜腐乳味唔多夠,反而食到辣味.味道: 2分服務:好好,飲飽食醉後佢哋

係外賣APP叫左水煮魚片配米線同水煮安格斯牛配飯，送到尼魚片得3細塊都算，打開牛肉嗰個 一塊牛都冇 ，勁野啊，咁即刻打個電話去 ，諗住投訴下，點知電話都吾聽 ！食落又唔係水煮風味勁失望

早餐啲公仔麵不是即煮的，似乎是一早煮熟，之後再加熱水，啲面嘅質地有啲爛，好似食啲隔夜嘅公仔麵咁樣，同以前好唔同，真係唔知點解，咁樣做都唔會慳咗錢，但係啲客人一定會知道，無論如何，但係都唔會再去啦！

晚飯外賣，叫了個(干炒牛河$44)未計餐飲。諗住叫老闆拿個辣椒醬，點知一碰發現盒很輕。打開一看當面向老闆問:點解咁小的？然後他望下盒牛河，唔知點答行左去。我就再等他一會，再問一次老闆，他望一望廚房 竟然答:我地平時D份量係咁架😂。咁加咪野飲成50幾蚊，你俾個份量咁小的飯盒我？你都好過份下。咁辛苦做野都係為左有個飽飯食！真係成肚氣。唉，真無良差差差。 好心你地管下班廚房唔好亂來啦，仲有答問題你都唔好咁求其好無？咁辛苦做野諗住食個飯，點知飯就無，食左成肚氣。

從來，在乙明邨一帶逗留並不是為了食，十次有十次都是因為收拾屋企後，把實際上仍有用的東西拿去位於乙明邭內的慈善機構捐贈。平時東西少，即擺低即走；這一天東西多了，決定泊好車，搞掂後，我們兩口子就決定食埋個 lunch 才走，而就在屋邭的平台，我們看中了這一間《翠林餐廳》。太太要的，是羅漢齋炒麵。好的是，炒麵底做得非常之香脆，而且羅漢齋足料，木耳、雜菇同青菜，縱使有部份的配菜似是罐頭野，但都是爽口可口，質素不差。我肉絲炒麵，是一個味道很清淡的肉絲炒麵。簡單地肉絲、加菇、加芽菜，味道偏淡啊。最好的同樣是炒麵底，而炒麵底本身的味道勝過肉絲的味道啊。最後是奶茶，濃味得很的奶茶，欠缺了滑的口感，加上奶味未達標，我不敢說這是一杯好的奶茶。簡單一餐，沒什麼要求，OK! 

椒鹽尤魚不錯，幾香口又不太油膩，豉汁蒸盲槽，火候剛剛好，魚骨不見血，因為幾新鮮所以肉質滑溜不腥。這樣茶記風格的小館，居然有好幾款生啤，Asahi,1664等有名生啤，價格只是四十幾元一杯。

一直有睇openrice,但是從沒寫過食評！這次不得不給個讚予翠林餐廳！是日晚上到翠林餐廳吃飯提前做冬，前幾天先預訂了菜餚，想不到這裡有酒家的豐富菜式！確實驚喜！來到門外發現露天茶座有户外暖爐，感覺店家非常貼心，在這寒冷的天氣也為食客著想，非常抵讚！冬天坐户外也不會冷了！我們的菜單有8餸1湯先上桌的是金華火腿燉雞湯。店員用上超巨型湯碗盛上湯端出來。店員說雞湯用上2隻雞燉煮7小時！雞湯非常足料，入口鮮甜，充滿濃濃雞香和金華火腿香，而且絕不油膩！這個寒冷的天氣來碗熱騰騰的燉湯感覺非常溫暖也很滋補！當紅炸子雞，就是脆皮炸子雞，雞皮很脆口，肉汁很多，胸位也很滑，骨位非常脆口惹味，真的是色香味俱全！！蒜蓉豆苗，豆苗翠綠，嫩滑富蒜香！熱辣辣非常有獲氣！避風塘炒蟹，肉厚，味鮮，蟹膏美味，很甘香，非常香口惹味！清蒸海班   一直很喜歡清蒸的烹調手法，能完整鎖住海班的原汁原味！海班很新鮮，上桌頗大條的感覺很滿足！魚肉很嫩滑鮮甜，沒有蒸的過火，配上蒸魚的油汁份外滋味！蒜蓉粉絲扇貝 粉絲軟身入味，扇貝很大粒，蒸的剛好彈牙，啖啖肉很鮮甜！芝士大花竹蝦伊麵底 這道菜是我的心水，份量十足！花竹蝦非常大隻，比手掌更

今日同幾個朋友經過翠林餐廳，被門外露天茶座的燈飾吸引到，印象中跟之前的翠林餐廳不一樣，聽朋友講原來轉左手，見環境幾好同埋想試新野既心態所以入去試下。😁露天茶座環境優美，坐得舒服而且景色怡人，氣氛也很不錯！以為這裡是茶餐廳，想不到食物選擇很多元化，中西餐小菜都有，還有海鮮！最意想不到的是還有火鍋！我們點了川式麻辣烤魚，辣雞煲，啫啫鮑魚煲還有小炒皇。店員跟我們說川式烤魚吃完可以像雞煲那樣再打邊爐的，所以我們另外再點一碟手切肥牛！川辣烤魚是用爐一直熱住食的，裡面配料超多，最喜歡內裡的酸菜，很醒胃，，烤魚雖然有湯滾住，但是外皮還是很脆，魚肉還是非常滑！辣度也很剛好！有需要還可要求加辣或少辣！這道菜被非常惹味！辣雞煲也是非常驚喜！有正宗川菜的風味！跟我在大陸吃的味道不相白仲，yummy!!啫啫飽魚煲有豬潤跟鮑魚，兩者都是非常入味！鮑魚很彈牙！也是一道非常好吃的菜式小炒皇也是鮮味無窮，用上九菜腰果蝦乾鮮魷一起炒！非常香口！友人也讚不絕口！最後手切肥牛也很鮮味、用烤魚的湯汁來打邊爐也是超級正！！非常滿意的一餐，想不到屋村有如此好吃的小菜！！會再來試下其他菜式

你覺得呢碟飯值幾錢?我WHATSAPP問了很多人，他們都說20蚊，頂盡25蚊想不到這個飯38元.........一塊扒 一條腸 一塊火腿 一PAT汁+茶/啡最頹既快餐，究竟有咩VALUE加左入去會變成38蚊呢? 會唔會有菜呢? 會唔會有餐具布置呢? 沒有啊啊...最後我發現原來物價真是貴了黑椒汁是甜...有D美極既味............很像不是黑椒....沙田圍公屋屋村....38蚊...

我自己本身就好鐘意食小炒野既, 因為我貪佢夠穫氣又好味嘛, 而且再加埋啤酒既配搭, 真係正到無朋友呀!但可惜我又好怕熱同污糟, 所以好唔容易先搵到一間啱我心水既餐廳呢!哈! 真係無諗過屋邨餐廳居然有小炒會咁有穫氣,而且地方又闊落又乾淨, 最正都係個露天茶座, 真係好舒服餐廳除左炒粉麵外, 仲有多款小菜選擇, 價錢亦唔貴, 經濟又實惠!值得推介既餐廳我地一行4人點選了幾道小菜!羊腩煲 , 薯香子然牛柳粒 , 惹味口水雞 同埋 欖菜麻辣四季豆 羊腩煲 : 味道同肉質都識中, 好入味唔羶薯香黑椒牛柳粒:這個配搭我很喜歡, 因為好惹味可口, 配啤酒一流 惹味口水雞: 好醒胃既小菜, 雞肉嫩滑亦夠辣!欖菜麻辣四季豆: 惹味夠穫氣!

同剛開張比，差了很多 以前睇得出有心搞飲食，靜係個早餐款式已經羸晒沙田圍裝修同環境包括衛生係同區比較好不過而家D野真係唔係太得 , 我係試過佢既麻婆豆腐大碗飯，飯乾已經D豆腐酸..食2啖就結帳走人普通茶餐 .. 相信沙田圍既租金應該唔會高過旺角同樣34蚊 , 旺角區厚牛油多士仲要「看」過 .....呢度就比較遜色一點方包薄，牛油不均回WO肉公仔麵, 普普通通，份量可以接受總結: 沙田圍區收呢個價錢，我諗競爭力較低

住左係附近好耐，不過由於佢係乙明邨平台..所以好遲先發現有呢間茶餐廳先講講環境~裡面D位都好寬敞，坐得好舒服，而且唔會好污糟咁我通常都係下午茶時間去，所以冇乜人，唔駛等位晚餐時間人都不少，但未至於滿座，都可以坐到卡位再講服務~D人既服務態度都幾好，幾friendly不過記性麻麻，成日都要催好多次真係唔知好嬲定好笑~ 好彩夜晚食飯都唔會趕時間，所以我可以接受下午茶就未試過要催，可能個時精神D？XD食物質素不錯，價錢亦合理食鐵板餐，$5x-7x就有一份包餐湯(中式湯)、多士、野飲同鐵板份量好大，女仔未必食得晒~味道不錯，個多士我特別欣賞 : )野飲我試過凍奶茶同凍華田奶茶真係麻麻地，茶底唔靚，同我一樣對奶茶有所追求既唔建議叫奶茶後來退而求其次叫凍華田，華田不錯，開得好濃 ^^下午茶試過西多士同炸雞脾+沙律西多士整得不錯，唔算薄，亦唔算厚，一般吧~炸雞脾炸得恰到好處，平時唔鍾意食炸野既我都有D驚喜沙律都係咁上下...雜果加少少蔬菜，中規中矩p.s. 有寵物既朋友可以坐門口~ 周不時都見到有狗主坐係外面

不經不覺翠林開張都接近一年記得翠林開張係年三十晚仲舞龍舞獅添我每星期都會去幫襯兩三次就係咁我同翠林個後生仔(應該係老闆)都有兩句頭兩個月都好好食,但之後就好似差左少少我就問個後生仔原來佢地廚房內部發生左少少問題但我都依然有繼續支持,因為我覺得個後生仔真係好俾心機去做早兩日去食,得知佢地換左一班星級廚師試左之後真係得喎我地一家5口叫左個羊腩煲 , 椒鹽鮮尤 同埋 鹹魚蒸肉餅羊腩煲 : 味道同肉質都識中椒鹽鮮尤 : 炸得夠乾身鹹魚蒸肉餅 : 用新鮮豬肉突別好食食物質素雖然重要,加上有露天座位,係度食飯仲有人情味點可以唔繼續支持