翠華餐廳 (已結業)

大清早喺沙田搵早餐食，行勻連城新城市一係西式一係唔抵食，一路掃過沙田廣場喺兩大港式茶餐廳品牌之中揀咗翠華睇得出呢度嘅裝修有花過心思，但燈光偏暗，似乎唔適合茶餐廳嘅格局。如果有心要提高餐廳嘅格調，其實喺咁當眼嘅位置收集用過嘅食具又有啲失色。B餐 沙嗲牛肉即食麵+炒蛋+牛油豬仔(餐飲揀熱奶茶)沙嗲牛嘅調味做得幾好，但嫩滑到冇咗牛肉應有嘅質感，沙嗲汁輕輕喺即食麵上面留低一陣好香嘅牛肉味，麵一煮熟就上碟，所以食到最後都保持彈牙炒蛋炒得出色，剛剛熟仲有啲蛋汁添，入口融化牛油豬仔麻麻，唔夠脆，硬得嚟有啲韌奶茶茶味夠濃可惜欠缺奶香，問侍應攞咗煉奶加落去自製茶走，香滑好多A餐 仿鮑魚火腿絲湯通粉+煎雙蛋+香腸+牛油豬仔(餐飲揀熱咖啡)仿鮑魚絲同火腿絲都唔少，但通粉質量一般，咬落好粉，而且唔彈牙，湯底應該係忌廉雞湯，味精得嚟有啲咸煎雙蛋正常，香腸肉質削削地咖啡有咖啡同奶嘅香味但偏苦澀，加咗好多糖都調和唔到呢個價錢食到咁大份早餐算過得去，不過呢個品牌食到咁嘅質素就令人失望

黎翠華，一定會食佢個奶油豬！又夠香又夠脆，加埋媡奶完全係絕配。🤤🤤🤤冰鎮秋葵都好出色，但最驚喜係個XO醬海蝦球撈麵🤤🤤啲蝦又大粒又夠味，完全唔係普通雪藏個啲冇味蝦仁，個XO醬撈麵真係好好味好好味好好味（好重要所以講3次）🤣希望佢keep到呢個水準啦🙈🙊

今日和媽咪爸爸出了去新城市買金器，買完後大約兩點時媽咪話肚餓，要食午飯，她建議近近地去沙田廣場間翠華食午飯。剛剛這段時候不用等位可以直接入座，侍應安排了我們坐卡位。本來都算唔錯，但點知個卡位一邊係被另一張枱的椅子檔住。我心諗＂放枱都唔使放到咁逼呀嘛？？＂成個位被張子欄住晒，要個食客起身我才可以入到卡位坐。睇睇餐牌，全部都是散叫，但我記得佢是有套餐的，左望望右望望，見到枱上係有另一set餐牌，但全部都是茶餐，早餐餐牌，沒有午餐，後來發現原來他們將午餐只係會在兩邊牆掛住的屏幕顯示，但在我坐的位置，根本就睇唔清楚屏幕上的字，只係好遠距離睇到幾隻字，我覺得好似冇心俾人客睇咁。只可以問侍應午餐的內容，但侍應又好似好不願意的回答的樣子。真係有點火！見午餐都不是太吸引，爸媽只好散叫了一個咖喱牛腩飯兩份吃，和叫了兩個墨西哥奶皇包。而我就選來選去都不知想食什麼，後來見有一個茶餐有脆豬仔包，但茶餐要2:30後才供應，當時還有20分鐘才2:30，唯有等下啦，等爸媽落單先。第一樣上枱係墨西哥奶皇包，爸媽二話不說就拎起大啖大啖的吞落肚，爸爸還食到成身碎添。聽媽咪講話入面奶皇都好熱的。面層都墨西哥餡都幾鬆化。再來

來到沙田翠華吃早餐，平時中午都要等位，早上餐廳裡也是滿滿人外面擺滿現烤出爐麵包，都吸引很多人買菠蘿包+熱奶茶26菠蘿包上的酥油花紋烈的不錯，酥油皮偏碎，咬下去是酥脆的，麵包體鬆軟，不過沒有很扎實，如果翻熱會更好奶茶微澀，淡奶濃

今日食晏揀左遊客心目中最愛既茶餐廳,次次晏晝去食都起碼有十個人拖住喼等緊位,但今日去到居然一反常態無人等位,一去到就有位,實在太開心啦,而且仲有卡位坐。我叫左個午餐,係香煎龍脷柳配鮮蝦,揀左要薯菜,午餐佢包左一碗湯,紅湯比白湯好飲,龍脷柳都幾濃味,但煎得好香脆,蝦都彈牙,有兩個小薯仔,好粉,好軟,配龍脷柳食就可以中和左佢既鹹味。另一位朋友叫左個鮮蝦菠菜餃米粉再加左碟魚湯浸翡翠豆苗,個米粉一黎到以為好細兜但其實成碗米粉,而且仲有五粒鮮蝦菠菜餃,仲要都係大粒既,搞到最後差啲食唔晒碟豆苗。

茶餐廳來說，我最愛翠華。乾淨企理、食物好食、又可用信用卡埋單。翠華的魚柳向來是我的首選，今天便點了菜遠魚柳飯。魚柳大大塊有五塊，先經走油處理的魚柳，食落特別香。魚肉非常彈牙，加入少量薑片炒，香氣又提昇了～蛋白杏仁茶同樣是我至愛，杏仁霜又香又幼滑，加入蛋白煲，清潤又養生。

天氣不好，空氣不好，皮膚同樣不太好，今早出來先看醫生後才可上班。上班前先去吃個早餐先，難得看見不需要排隊，終於有機會來一試，幸好快一步，不一會龍尾已經很長了。簡簡單單吃份一人早餐，”家鄉雪菜肉絲拼蝦米湯米粉” 個名改得很強勁，確實與一般茶記吃的有些許分別，就是有蝦米湯底的鹹香味而且味道相對較濃，又不會太鹹；最開心餐包可以選豬仔包，純粹個人喜好，基本上只要它的地方就一定會加分；還有餐茶，港式奶茶都好好味，入口香濃幼滑，如果大杯一點會更好。

今日早上，突然想出去食早餐。去到餐廳，9點已經排隊入座，不過都算很快有位。入到去，好幸運地安排左一張4 人檯給我們。唔駛同人迫。其實呢次係我第二次黎食野，對上一次係食下午茶。服務員既職責分得好清楚，唔係個個都可落單。日日食麥皮既我，見到佢有個黎麥麥皮。但見到價錢，我真係覺太貴， 仲要唔係餐。所以今日我地叫左一個仿鮑魚片火腿通粉餐及沙爹牛肉麵餐就算。原本想沙爹牛肉想轉埋通粉，但餐牌寫明唔可以轉！很可惜。味道各樣算中規中矩，通粉份量算多。其餘無咩特別。

今天是星期六，早上十時許來到翠華餐廳，竟然不消幾分鐘便可入座。看過餐牌後，仍然是叫回以前吃開的早餐，但竟發覺價錢已由三十二元升至三十七元！我們二人也叫了B餐，飲品竟先來到。熱咖啡也算滑，有咖啡味。熱檸檬🍋茶有多片檸檬，茶味亦濃。今天我們沒有吃炒蛋，而是轉了煎蛋和反蛋，兩者也算合格！小麥牛油餐包也算外脆內軟。沙嗲牛肉麵也過得去，公仔麵仍彈牙，牛肉雖有點沙嗲味但卻有點實和嚡。總結而言，今天的港式早餐也算滿意！

沙田d 餐廳都就黎試得7788.而大型連鎖店呢d野食好多時都係普普通通唔會太好唔會太差唔會有驚喜.但沙田呢間 真係食到我好驚喜.前排因為有優惠所以去左沙田中心既翠華到食.身處一個大商場身爲一間大型連鎖店 竟然冷氣係熱既一路食一路流汗野食就普普通通 普通茶餐廳質素.....見到d內地水貨客 好多食完都急急腳咁走....但 呢間生意都好好 出而長期都排住隊但其實都有真驚喜既就係翠華d面包菠蘿包紅豆菠蘿包同翠華墨西哥奶皇包都係極高質可以話係我食過同類包入面最好食但一定要夠熱菠蘿皮就會勁脆外脆內軟 真係要試試

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！沙田其實一早已經俾內地人佔領，沙田廣場d藥房更係開到成行成市，唔難發現d人大無私樣咁係度pack gip代購。今朝去完銀行，過左11點好多地方都已經無早餐，係得翠華仲有咁就唯有幫襯啦，呢間翠華開左咁多年我都只係幫襯過兩三次，食物質素過得去，只係唔想同內地人迫。睇一睇個餐牌，想食肉丁個餐但想食健康少少想轉米粉，點知俾個黑面侍應搞到無哂癮我：唔該我想要肉丁餐，轉米粉黑面侍應：肉丁面，飲乜？我：轉米粉呀唔該黑面侍應：個底唔俾轉，你再諗下先啦話口未完就一個施單式轉身走左，我真係無言。諗住叫過第二個侍應落單，點知都係會轉介番俾黑面侍應，應該係因為我坐個area佢負責睇，最尾轉左第二個餐有米粉嘅，而女友就見人地食個羅宋湯之類嘅餐，但係我地餐牌上無嘅，咁我估應該俾漏餐

難得入沙田同我死黨Miss Cherry Cat 🐱 食lunch，只係lunch time 傾一陣點係我哋二個嘅風格。🤣🤣因為有排傾🐱猫姐就叫我去翠華，買個出爐麵包做下午茶，我又真係好耐冇食港式麵包🍞，間中回味下都不錯。佢話成日都見大排長龍，去到餐廳門前果真好多人。😎😎今日買咗個新鮮出爐雞尾包，真係好熱辣辣，香噴噴😋😋。每個7蚊，size都算幾大個，麵包好軟熟，芝麻粒香口， 餡料甜絲絲不膩，食得出傳統港式麵包風味。😉😉

服務很差 而且無冷氣陣唔同人講 門口排隊果陣又唔講無冷氣已經3個月 仲未有人處理 又無諗住裝修家住樓上 而家諗唔到食咩都唔會去去到又咩都無 米線又無 河粉又無服務員好似唔想做咁

我諗翠華嘅沙嗲牛肉麵應該係冇得輸嘅。同親男朋友嚟食早餐我哋兩個都一定係叫佢。點解覺得佢冇得輸呢，係因為去親其他茶餐廳食沙嗲牛肉麵多數上餐既時候個湯底係白色，然後得中間嗰一篤沙嗲牛肉係有沙嗲醬，仲要自己都撈返勻佢。但係呢一度嘅湯底似乎一早已經調好咗，牛肉嘅味道啱啱好唔會太咸，麵爽。所以話，都唔講味道住，賣相都已經贏咗大半加埋個豬仔包同埋個炒蛋，個份量真係飽到唔識午餐到夜晚都唔會覺得肚餓。豬仔包隨身唔會硬口，炒蛋都夠滑

Was here last night with my friends. Food service was ok, I was impressed at how fast their service was. As we were headed out to pay the bill, we asked for it to be split. Not only were we refused, the old woman at the cash FRAMED US FOR NOT PAYING FULLY FOR A BILL TWO DAYS AGO! She then told us that it was because of us their establishment lost $16. Absolutely unbelievable! We just landed so there is ABSOLUTELY NO WAY WE COULD HAVE BEEN THERE! THIS PLACE IS A RED FLAG, DO NOT VISIT!