翡翠拉麵小籠包

营业中

休息中

早幾日係10齋日…約咗老友喺九龍灣食飯，點知附近冇乜齋鋪….所以去咗翡翠小籠包…原來裏面都有唔少嘅素食選擇呢度係可以用QR code自己落單我叫咗呢個乾蔥撈麵….的確幾好味你睇佢個款好似冇乜特別…但係的確佢哋嘅麵條教得幾個味道…只係$55仲要+1就唔係幾抵食🤔🤔因為份量唔係好多我仲叫咗呢個數比素鴨…記得好似大概60幾蚊…都幾香口…裏面有冬菇絲….如果食素食嘅選擇都叫做OK當然餐牌仲有其他嘅素食選擇，例如木耳絲…或者一啲金絲卷….😄😄😄

一開始舉手舉了5分鐘冇人理，跟住5分鐘後話轉頭先，之後轉頭走左去做其他嘢完全忘記客人，之後又再重新叫多次先有人理，對餐廳極之失望😮‍💨叫左宮保雞丁味道唔錯，生煎包底部煎得不夠脆身，雪菜毛豆百頁味道正常，炒飯唔夠乾身太濕

太貴太唔抵食, 40蚊罐啤酒, 茗茶/水 計完一個人要成$10 之後仲要再計加一,碟花生仲要唔計茗茶/水 要再另外比錢, 剩係加一同茶水埋單都差唔多成2百蚊乜都冇落過肚 , 總數比差唔多成千蚊5個人但一啲都食唔飽, 啲麵份量又少又貴, 

假日去開九龍灣睇傢俬，到晚飯時間，又想食清淡一點，就見到翡翠拉麵小籠包，不用等位，可能早少少入座，晚上6點半，環境清潔乾淨。鮮肉鍋貼（四隻）$ 52，鍋貼上菜時熱，外皮煎得香脆，餡料有肉汁，配合醋，味道好。上海小籠包（四隻）$ 48，小籠包熱辣辣蒸起，皮薄，餡料多肉汁鮮嫩，味道正常。上海排骨拉麵 $ 78，上海拉麵麵質有少少彈性，排骨有四件，煎炸得唔錯，外面有少少脆，肉唔會太實，湯低正常。嫩雞煨麵 $ 72，湯低清淡，雞肉嫩滑，麵質正常，清清淡淡。乾煸四季豆 $ 85，四季豆炒得爽脆配合肉碎味及醬汁，味道很好。不是雞火炒飯 $92，用雞火炒飯配料，但不用白飯去炒，改用椰菜花碎代替白飯，有健康菜式選擇，迎合健康類型市場，味道好好。

強烈建議匯豐不要盲目為了維持給用戶優惠而推出一些根本不是「優惠」的套餐！！$378二人餐，三份前菜原來是三小碟，四隻小龍包，兩個小菜，兩杯飲品！這個價錢優惠了什麼？😳😳其實重點係提供的食物份量根本就是正價一樣！又偏偏說是7折優惠，既然達不到提供優惠的水平，又何必做呢？這樣會出現雙輸局面，對餐廳及匯豐的形象也不好！翡翠小龍包的食物質素也下降了，賽螃蟹唔好食，小龍包塊皮厚左！難怪星期日中午也不滿座！

啲野食好一般，紅燒肉好“鞋”又乾，皮上面仲要全部都係毛。。。食兩餸飯都唔會喇。。。服務態度差，打算使用優惠券，事先問過，職員回覆五點半後可以用，但入座個陣又話六點後先用得，仲怪責我冇睇清楚。。。之後就係咁提入座時間九十分鐘，明明現場都冇乜人啲客人有咩問題問都唔係好情願答，好似煩住佢哋咁；而且啲職員都唔係好識答，成日都要走去問大粒啲個啲感覺似係係一般茶樓食野咁，言過其實，唔會反去，至少唔會反呢間分店

星期六晚上8點幾9點去到唔洗等，大把位🙇🏾‍♂️🙇🏾‍♂️QR code自助落單方便有個紙蓋cup住杯茶，超心👍🏻宋嫂魚羹$58，分到二人份量，但一人都可以飲晒，幾香口，都算多材料，可以試下。雪菜蝦仁炒飯$98，都係話好大個，兩個人應該都岩岩好。都算多蝦仁👍🏻雪菜炒飯黎計唔算鹹都ok既！唔油，炒飯比較乾身，但略嫌太乾🙇🏾‍♂️上海小籠包（四隻）$45，價錢可接受，包得算唔太差，湯汁好飲👍🏻配薑絲 醋好味👍🏻👍🏻總結：茶要$10一位…..um….個人就覺得唔係太合理，仲要加一😅 平均都偏貴，味道屬一般。真係得小籠包叫做合格

係商場行街行到攰，太肚餓行唔得遠，就入左呢間食。《小食海蜇》份量夠的，而且夠彈牙，口感唔錯，係慘在完全冇味，唔加醋真係食唔到🤦🏻‍♀️《鎮江骨》小食份量，但小菜價錢，入味，但唔夠腍身，咬到牙都軟！《小籠包》皮略厚身，而且偏乾身，普通。《青瓜簾》夠酸夠開胃，但同以前食開少左好多份量，但反而加左價。《不是炒飯》呢咪係蛋炒椰菜花米扮炒飯，係唔油健康之選，但淡而無味，份量都正常。評語大集團價錢，但水準中下自助落單，無人加水，冇人收枱，但要收加一服務費🐵推介：🍌🍌（5🍌為滿分）

今日突然間很想吃上海菜，於是便到這間連鎖集團的餐廳。剛好下午時段見有個滬式下午茶都有不少選擇，$38的有鍋貼、紅油抄手、菜肉雲吞，$48有酸辣湯拉麵、炸醬拉麵，$48有炒飯、排骨湯麵等等，較平時正價便宜很多👍🏻我選了雪菜肉絲湯拉麵，拉麵煙韌，湯底正正常常，肉絲幾好吃，雪菜惹味，不會過鹹。朋友叫了上海排骨湯麵有兩大嚿排骨，炸得非常金黃，望落已吸引，大大啖吃，幾多肉，非常滿足，朋友也十分喜歡。今日不是太肚餓所以沒有叫小食。如果想吃小食也十分多款式，有陳醋西芹拌黑木耳、涼拌小青瓜、酥皮春卷、蔥油餅，連甜品高力豆沙、薑茶湯圓也有，當然亦有上海菜最出名的小籠包！

呢個連鎖上海店都食左好多次，多數家庭聚餐都會揀佢，因為坐得舒服，野食又岩屋企人口味。今次叫左素鵝、鍋貼同埋上海粗炒，呢幾樣份量都唔小，素鵝真係次次都點，好食😋鍋貼煎得岩岩好，皮較厚身但可接受，粗炒偏重口味。

✿ 四川口水雞 $85啲辣味啱啱好，好惹味嘅口水雞，不過啲雞如果滑身啲就好了。✿ 上海小籠包（四隻） $45小籠包好有湯汁，都好食嘅。✿ 紅油牛肉拉麵 $80切成一片片嘅牛肉好軟腍好好食！✿ 瑤柱賽螃蟹 $85濃濃嘅蛋白味，配有瑤柱同絲絲蟹肉，清淡得黎都幾好食。✿ 白飯 $16

和朋友第一次到位於德福商場的上海菜，試試它的下午茶。見餐牌下午茶的種類也多，而且有甜品上海酸辣湯麵不算太辣，少少酸，味道正正常常， 麵質軟，合我口味。雪菜肉絲湯拉麵普通，沒有很大的驚喜。加了$18要高力豆沙和百步香蔥油餅，高力豆沙兩個都很大十分鬆軟幾好味。蔥油餅也算多蔥，炸得脆脆。甜品較麵食優勝。埋單加了$8小食（其實是一碟花生），免茶但加一，兩人共$154。以下午茶來說較為昂貴，但餐廳座位好坐，侍應有禮貌，也可以試試，嚐嚐上海菜做下午茶！

之前同屋企人試過d套餐唔錯，今日大年初一又黎慶祝農曆新年🧧。有2款套餐，揀左個較經濟嘅如意吉祥宴4人套餐。前菜有雞絲粉皮、花雕醉雞🐔、上海小籠包。雞絲份皮好入味，有口感。花雕醉雞好重酒味，未必個個啱食，我就覺得酒味太濃。上海小籠包冇得頂，皮薄餡靚，好味。小菜4選3，4個小菜包括紅燒蹄膀、清炒河蝦仁🦐、紅燒獅子頭、瑤柱賽螃蟹🦀️，甜品係薑茶湯丸🥣紅燒蹄膀無得頂😋份量適中，好淋好入味，正。清炒河蝦仁🦐有驚喜，蝦肉嫩滑，加d醬油餸飯，一流。紅燒獅子頭都係要俾個like，夠熱，好惹味，有口感😋湯🥣類可選酸辣湯🔥或宋嫂魚🐟羹。4位可以選擇唔同嘅湯。酸辣湯辣度適中，好香。仲有兩類飲品可供選擇，豆漿和檸檬🍋薏米水。4位可選不同飲品，不一定要一樣的。檸檬薏米水好好味喔😋一定要提提個甜品，薑茶湯丸🥣，薑茶濃度啱啱好，唔會太辣。今次喺德福呢間分店食飯，坐位也是寛敞舒適，食品有質素，賣相唔錯，整體感覺良好，會再幫襯。

◾️上海小籠包 $42熱焫焫皮亦夠薄，幾多汁，都ok！◾️自選四式拼盤 $138雞絲粉皮·鎮江肴肉·鎮江排骨·美味燻魚燻魚硬左啲，食左少少無再掂過😂雞絲粉皮好多麻醬，唔會難食！肴肉同排骨都幾好食👍🏻◾️宮保雞丁 $80一啲辣都無唔宮保喎🤣雞唔多，但好多我鍾意既腰果😝惹味同少少油膩。◾️椒麻酸菜魚 $135天氣涼左想食少少刺激野，大量酸菜及粉皮，魚塊滑溜，預左唔多🤣辣度剛好，邊食邊流鼻水🤪◾️金銀蛋浸時蔬 $76一定要order菜！無驚喜卻最穩陣🤗◾️嫩雞煨麵 $70阿媽鍾意🤤夠稔夠清，做主食唔錯😌

💥母親大人話想食上海嘢📍翡翠拉麵小籠包｜九龍灣📍埋單 $ 3 X X｜人均消費 $ -#CL九龍灣 #CL四圍食 #CL上海菜⚪️⚪️⚪️⚪️⚪️⚪️⚪️⚪️⚪️⚪️夜晚都要等一陣位，不過都叫好快就入得，佢應該係無SET嘅咁所以我哋全部都散叫😶💟 蟹粉伴毛細麵 $ 9 8以為蟹粉係用大閘蟹嘅會香啲…食落去似平時普通嗰啲蟹膏🤔咁佢又俾埋一碗湯嘅，同埋啲湯同啲面一齊食就會好啲如果唔係就會有啲乾😢但整體味道可以再香啲就好💟 蘿蔔絲酥餅 $ 4 0蘿蔔絲酥餅係最推介嘅👍🏻雖然係細細粒但係即刻整，熱辣辣之餘仲食到一層層酥皮🤤好想encore🥰💟 鮮肉鍋貼 $ 4 4入面其實都同小籠包一樣㗎喇不過個鍋貼煎得趣卜卜入邊仲有湯汁💛🤟🏻不負責任點評好味道🌕🌕🌕🌗🌑性價比🌕🌕🌕🌘🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️