翡翠拉麵小籠包

营业中

休息中

今日去九龍灣買傢俬路經德福廣埸見到好耐冇食嘅翡翠拉麵小籠包😍心思思入去擦餐飽🤣必叫嘅小籠包依然皮薄餡靚😍黎到熱辣辣即刻想咬啖但要記得小心佢入面嘅熱湯淺晒出嚟😉跟住叫咗佢哋嘅清炒河蝦仁🦐好爽再加埋醋食我停唔到口🙊反而涼拌海蜇略為失色因為真係好淡味淨係加咗啲麻油咁可以不叫！至於雞絲粉皮係好味嘅粉皮入味煙韌但係都真係好細碟 😌之後我比較欣賞燒椒小皮蛋🙌🏻皮蛋好細粒係鵪鶉蛋黎中間有豆腐及小小紅椒青椒粒配麻椒醬汁又係一個醒胃嘅涼拌小食😋最後梗係要食碗擔擔麵🍜碗麵鋪滿芝麻芝麻味重麵質彈牙份量足夠兩個人食😬

星期日想食點心既 但茶樓多數都要排隊 加上二人限聚今次試左平時冇食既蘿蔔絲酥同上海粗抄果然冇令人失望 平時食開辣野環境比起酒樓 當然坐得舒服啦 今次仲坐卡位 舒服d食物 特別係小籠包 真係好好味 多汁 鮮味 但今次仲試左蘿蔔絲酥 咬落去真係勁熱 可以細啖少少咬完 攤涼少少先食雲吞麵：食落清清地 但加埋沖 味道岩岩好 最近想健康少少食清淡d既可以試下 又多雲吞上海粗炒：口感唔錯 味道都幾好 但少左鑊氣 甘比較出面覺得健康d d菇絲係用大菇 食落都幾好口感 今次既體驗係🌟🌟🌟🌟🌟服務都好好 有禮貌 👍🏻

翡翠拉麵小籠包平時都有同屋企人食開，水準都算穩定。嚟到大閘蟹嘅季節想試吓新菜式應下節🤩《蟹粉拌毛細麵》❤️❤️❤️❤️拌麵上枱嘅時候連埋碗湯，食落冇咁乾身。蟹粉分量唔算多但係好香蟹味，連埋一絲絲蟹肉，入口麵已經好滿足。可惜當日下午去食只係試咗呢款蟹粉菜式，果然冇令我失望

翡翠拉麵喺德福商場已經好多年歷史，亦都搬過幾次舖位。我幾喜歡它現在這個店舖裝修風格，同朋友食飯坐得幾舒服。翡翠拉麵我自己一定會嗌的係酸辣湯拉麵，呢度的酸辣湯拉麵非常之多料，味道亦都做得夠正宗，夠濃。不過今次食覺得得辣咗好多，廚師加辣應該重手咗要留意下。翡翠拉麵最特別之處係麵底可以揀唔同嘅麵，而我就發現咗三角麵好好食，因為條麵係三角狀的關係，沾到嘅面汁會更加多，食落比起普通的麵都更有咬感。另外嗌咗一個炒飯，原本冇咩期待，但係竟然覺得幾好食，有陣陣嘅蝦醬味而且飯粒分明，炒得夠乾身。來到翡翠拉麵當然要嗌小籠包，小籠包都做得唔錯，皮薄多汁。見到推介做緊燉湯二十幾蚊，試咗一個，足料又抵飲。

是日家裡只有我一人，便不打算煮製晚餐了，我相約了同樣居住附近的好友一家三口用膳，我們照舊選擇來到一向光顧開的老地方，皆因餐廳與大家住家相近，而且菜式老少咸宜。蟹肉瑤柱小籠包小籠包一籠四件，頂部放有瑤柱絲作點綴，入口外層軟糯柔韌，內餡湯汁佈滿口腔，配料豐富飽滿，豬肉、蟹肉、瑤柱的配搭鮮味十足，味道濃郁香嫩。雪菜蝦仁炒飯炒飯入口鑊氣十足，飯粒炒得乾身，粒粒分明，配菜用上雪菜、蝦仁、雞蛋，增加口感同時炒飯更惹味可口，唯獨蝦仁數量過少，有待改善。山東手抓餅山東手抓餅色澤金黃，煎得層次分明，入口鬆軟可口，味道酥脆鹹香，油分控制得恰到好處，整體香而不膩。合掌瓜紅腰豆煲豬骨湯使用上合掌瓜、紅腰豆、蜜棗、南杏、豬肉煲製的豬骨湯，味道清甜滋潤，鮮味十足，且更具有清涼潤肺、美顏潤膚等功效。涼拌海蜇涼拌海蜇營養豐富，膠原蛋白充足，是清新開胃的冷盤小食，夏日享用最適合不過。海蜇入口清新鮮美，口感略帶嚼勁，爽脆彈牙，味道帶有鹹香。菜肉雲吞湯拉麵餐廳的麵底是可以自選的，我挑選了三角麵，麵條煮製時間過長，口感過於軟腍，雞湯湯底亦沒有了原有的雞香鮮味，入口過於清淡，菜肉雲吞則保持水準，口感皮薄餡足，香嫩鮮美。養顏豆漿

平時都食開，覺得幾唔錯既。過下口癮既酸菜魚，雖然矩用既唔係咩靚魚但係個味道尚可接受 餸得下飯👏🏻涼拌茄子好多地方都有，但整體既外形，不論口感、外形都做得比好多食肆出色。兩杯新飲品（優惠：$42 2杯）幾好飲，唔難飲既 但我中意可能比較多。水煮牛拉麵都唔有7分既。小籠包有8分。環境舒服闊落👍🏼👍🏼

琴日想食中式野，入左呢間翡翠拉麵小籠包，本身都無咩期望，預期水準穩穩定定都係個d野叫左呢個午餐set, 要先讚下個雞絲粉皮，涼拌，呢個時候食相當唔錯，花生醬撈埋幾好但係個擔擔麵真係一般，我唔知是否正宗，完全無肉碎😂😂😂都真係幾清淡，全程食麵～～～～～～～再加左15蚊食個介蘭我都知現在百物騰貴，連加一茶位成120蚊都幾貴，食物都唔算特別出色，我都好好奇佢點樣做到咁耐，仲好似拎過獎？？！！😂😂😂

再對上一次光顧已是1-2年前 印象中呢間水平普通一般，今日同朋友即興約會 見假日中午繁忙時段四處餐廳都要排隊等候 於是就唯有再次光顧翡翠廢使免等一輪。對該店最有印象就是佢杯玄米茶，令人感dum本高檔，但一坐低侍應卻遞上一杯屋邨樓下酒樓既普洱茶，當下感覺已即大打折扣 。隨後追問下點解唔係之前一直所提供既玄米茶？原來已一早取消，若要飲就需額外比錢落單。食物方面，其中既擔擔面 湯一昧只有咸 冇花生醬味 面就太淋；水煮魚及小籠包就普普通通；只有個冬瓜瑤柱顯汁ok。但相比起之前更失水準。總括而言，經今次後更沒興趣光顧，水平下降，但價錢就照舊，完全貨次價高，食物質素及感覺比不上該店既裝潢同地段。

這間中式餐館可以稱得上是我們的飯堂，差不多每星期都會來一次，因為座位好闊落，食物質素佳蘋果百合雪耳煲豬骨湯，$18一盅，足料抵飲！菜肉雲吞湯拉麵，雲吞皮薄餡靚，拉麵有咬口，這裏的拉麵從不令人失望！嫩雞煨麵有蔬菜和粒粒雞肉，湯底味濃，集健康美味於一身。椒鹽小黃魚，魚味和椒鹽味十分夾，一點也不腥，十分新鮮香口。獨有的拇指生煎小籠包，是迷你版生煎包，用鐵板上，十分有風味，一口便能吃完，多汁有口感！椒鹽黃金豆腐，外層鬆脆，內裏豆腐嫩滑新鮮，微辣，十分惹味！

母親節到九龍灣德福廣場食午餐， 好多餐廳和酒樓都大排長龍， 唯獨是翡翠拉麵小籠包即刻有位， 於是立即入去醫肚。 坐底不久很快點好食物，有上海小籠包$40、 鮮肉鍋貼$44、 上海粗炒麵$80、 花雕醉雞$74、 鴛鴦高力豆沙$52、 蘿蔔絲酥餅$40。上海小籠包～ 小籠包裏面有很多肉汁， 皮薄味鮮。鮮肉鍋貼～面皮軟韌，餡味美味。上海粗炒麵～ 太多椰菜，沒有其他配料。花雕醉雞～花雕酒味香濃，肉質嫩滑。鴛鴦高力豆沙～ 甜度適中， 蛋白入口柔軟， 口感有彈性。蘿蔔絲酥餅～ 蘿蔔絲清甜， 口感酥脆。整體來說食物質素幾好， 但上菜速度比較慢，可以改善下就更好了。

今天相約好友一家共聚晚餐，一行三人連同小朋友，以往便常常與朋友相約進食這間餐廳，因為分店眾多，特別與小朋友外出吃飯事不宜走太遠，而且中菜館大人小朋友都適合，因此今天再來光顧。涼拌海蜇前菜最適合吃些涼拌開胃，而且海蜇營養豐富，更有化痰清熱等功效，入口清脆爽口，再澆上少許麻油作調味，更添惹味。菜肉雲吞湯 因為朋友是 VIP，這道菜是用38積分免費換取的，外觀來說，雲吞頗為大粒，入口外皮滑溜十足，皮薄餡多，菜肉比例適中，菜鮮肉香，湯底清甜，較為淡口，不會搶了主角雲吞的味道。上海小籠包小籠包使用的是新鮮豬肉而非雪藏豬肉，而且即叫即蒸，上桌時是熱呼呼的，外皮薄但又不會一夾就破，入口皮薄餡足，肉餡鮮美濃郁，伴隨着濃厚的湯汁，緩緩流出，佈滿口腔，美味非常。翡趣兒童餐兒童餐有豆沙包、脆皮春卷、粟米和雞蛋，豆沙包面細心地製成有笑面的圖案，更吸引小朋友進食，包身軟綿，餡料豐滿，脆皮春卷內餡有蔬菜，較為健康，而且外層油分不會太多，粟米和雞蛋亦沒有太多調味，只是簡單健康地煮熟，更適合小朋友進食。四川酸辣湯色澤呈現橙紅色，上桌時香氣撲鼻，賣相吸引，材料有蛋絲、豬紅、肉絲和筍等，用料豐富，湯底入口濃稠，味道酸中帶

幾年都唔會是一次既翡翠.今日同朋友食左個下午茶.嗌左小籠包，發覺皮太厚而且staff態度唔係幾好.再黎雲吞雞，雞既貨色都幾差，肉質霉，粉極不新鮮.仲有四季豆，炸得唔夠乾身.而且太翠綠，老抽都無落.整體退步左好多.

星期三午餐又黎咗食，兩個都餓，所以叫兩個客飯😝 ，88蚊有餸有飯有杯羅漢果茶，今次我倆揀咗四季豆同糖魚柳😋乾扁四季豆先生到先⋯⋯呢個四季豆，正常啦，唔係特別好味，唔知點解偏甜⋯⋯但好彩味道是ok的😛 差不多食咗大半碟個魚柳都未到🙄追完過咗幾分鐘，終於到，賣相一般，連味道都一般添🤨 激死！ 下次一定唔會再叫！😕

在九龍灣開完會就來到附近找餐廳坐低同朋友食個晚飯休息下，德福廣場的翡翠拉麵小籠包是一個好選擇，又可以食到久違的上海菜，而且這分店水準都一直無令人失望。原盅雲吞雞湯原盅端上檯時是熱騰騰的，香氣撲鼻，份量適中，是一人份量，雲吞咬落皮滑餡靚，雞肉嫩滑鮮甜，豬肉同雞肉鮮味滲入湯中，燉得夠火候。惹味拌螺肉這一個味道酸甜的開胃小菜很適合在夏天的熱天氣下點來食，以香甜的醋汁拌上爽脆的青瓜，洋蔥粒等，螺肉肉質軟稔入味，食落口感層次豐富。白玉花雕蒸蝦球擺碟賣相吸引，雞蛋蒸得剛好熟，滑溜水潤，入口即溶，香甜可口，帶有淡淡的花雕酒味，味道好夾，蝦球肉質爽口彈牙，蝦味濃郁。麻婆豆腐平時食上海菜都必點麻婆豆腐來食，是送飯一流的小菜之一。豆腐煮得軟稔嫩滑，吸收麻辣醬汁的精華，豬肉碎煮得鮮甜可口，辣度適中，濃郁惹味。下次同朋友相聚我都會再來翡翠拉麵，菜式精緻又抵食，環境都坐得舒適，期待同朋友再來食下其他菜式。

我們是下午的時間去吃，環境是還可以的，地方明亮，但是地上有一點點油，有待改善。服務是沒什麼服務可言，服務員沒什麼笑容，補充水的時候是蠻快的，因為人少的關係吧。衛生方面，其中一碟口水雞面的上面的兩條菜都有很多白色的點，叫服務員來的速度不快。服務員來到檢查了一下，也沒有多問就給我們換，只換了菜，本身的面已經冷了，沒有再加熱。最後的價錢是360，不算抵食，質數也只能說達到合格水平，食物味道也是一般，所以整體是三星。