翡翠拉麵小籠包

营业中

休息中

今日香港奪得奧運第一面金牌，大家都好開心，我哋一家就出去食飯，沾沾喜慶！已經有一段時間冇嚟食呢一間餐廳,原因係曾經感覺退步了，所以就冇食啦。一年過去，今日突然想食上海菜,咁又試吓佢啦餐廳出咗一個夏天嘅系列，叫做夏酒菜，款式特別，佢將見到鳳梨板肉圖片好吸引，所以嗌咗嚟試吓。鳳梨板肉 $148豬肉係大里肌嘅部位，厚肉Juicy又爽，煎香左兩邊，唔會過韌，配合酸酸甜甜嘅鳳梨去解膩，入口嘅感覺好清新。砂鍋雲吞雞 $238湯底飲到用咗金華火腿熬湯，亦都唔係好鹹，半隻雞肉鮮嫩香滑，雞肉唔鞋。可惜雲吞俾佢煲到爛晒，甩晒皮，冇一隻係完整，加上滾太耐，雲吞肉冇乜味。侍應見到，立即入廚房，畢咗多幾隻完整嘅送俾我哋，新嘅雲吞有肉汁，鮮甜好多！鮮肉鍋貼 $55鍋貼香脆，唔會燶，鍋貼嘅皮都唔係好厚。每一隻形狀都飽滿，入面充滿肉汁，好好食！

星期六，週末晚飯時間客人流量正常，內有空枱數張。招呼入座嗰個四眼哥哥仔真係唔識做，一開始就帶去對正門口位（食完速閃走單好方便），朋友眼見入面有位，帶位哥仔仲話都一樣（好唔願意咁先至轉入面）。坦白講二人枱實在太窄，柯打四樣嘢擺到好迫。真係只適合速食，當快餐… 此地不宜久留。

🫖茗茶/水每位 $10🥜餐前小食 一碟 $8睇一啲花生個人建議可以唔要😂🍴花雕醉雞 $85 (6/10)酒味微香但係唔算好香濃，雞肉比較實同埋偏鞋口，一般。🍴上海小籠包（四隻）$45 (7/10)小籠包做到皮薄有汁，個肉正常冇鮮味。🍴上海生煎包（三隻）$43 (6/10)生煎包都係正常，個皮淨係似饅頭，肉比較少，冇爆汁。🍴蘿蔔絲酥餅（三隻） $45 (8/10)反而呢個比較出色，做到酥皮千層香脆效果，蘿蔔絲亦都好軟腍好足，好食！🍴上海排骨拉麵（加擔擔汁） $87 (7.8/10)揾咗好耐都冇有餸嘅擔擔面，原來可以喺其他拉麵度加擔擔汁，排骨大嚿，肉汁唔乾夠香脆完全好油膩，個面都比較細滑因為淡淡花生香濃同埋辣醬，真係好好食！🍴上海炒年糕 少油 少鹽 $90 (7/10)真係做到少油少鹽，食落去一啲都唔油膩，醬香味濃郁，但係唔會好鹹，年糕都幾滑，配咗好多唔同嘅蔬菜OK嘅！推薦指數: 7/10加入夜晚都好多人排隊，想食上海菜都可以試一試味道OK嘅，但有啲餸就普通！

很想食小籠包，於是便入店內進餐！餐廳沒有二人套餐，周日也沒有什麼特別優惠，所以只是散點，點了酸辣湯、雪菜蝦仁炒飯、小籠包及高力豆沙。小籠包都保持水準，皮薄多汁！高力豆沙軟綿入口即溶好味，只是略嫌比較細隻😂！整體而言，味道不錯！

好耐冇去這間餐廳食了,趁生日就和家人一起去食,之前都睇過食評,見評語麻麻,都有d擔心。好彩我哋未夠7點已到,啱啱可以坐到張6人卡位,十分闊落,因為兒子會帶好多玩具用餐,所以十分滿意。但用餐時間是限時90分鐘,所以很快已落單。首先提提大家,如果唔食前菜(花生和酸菜)是可以話唔要的,會係賬單扣回。雞火炒飯味道比較清,唔多油鍋貼外脆內軟上海排骨麵唔知道原來會有莞茜,排骨不是咁好味,可以不試好味,皮薄多汁東坡肉味道可以,唔油膩,但不是入口即用醉雞唔知用咩酒浸,普通小食三拼可自由配搭,我揀咗鎮江肴肉,雞絲粉皮同埋鎮江骨,好味抵食。

今日放假，於是就約阿媽去食下午茶，最後簡左九龍灣德福商場的翡翠拉麵小籠包。我地叫左一個下午茶餐，一份蘿蔔絲酥餅，一份奶油津白。下午茶餐非常抵食，包一個三色拼盤，一碗面，一杯野飲。咁我地就簡左五香牛肉拉麵，雞絲粉皮，宮廷醬茄子，脆皮春卷，凍豆漿，一個人食絕對係經濟實惠。另外下午茶時間冇午飯時間咁多人，可以靜靜地同阿媽傾下計吹水，店員仲好好比左張4人枱我地，等我地坐得舒服d，店員都有詳細講解餐牌內容同有咩優惠，等我地唔洗一頭霧水仲同我地講入會員仲多優惠，於是我同阿媽即刻申請左入會員，見到店員咁用心講解，值得一讚，我地下次一定會再幫襯同推介比朋友。以下就詳細介紹一下我地對食物既評價啦！1.雞絲粉皮評價:口感彈牙，芝麻醬撈埋雞絲，味道一流。2.宮廷醬燒茄子評價:茄子應該有炸過，加上醬汁，咸淡適中，如果熱上味道會更好。3.脆皮春卷評價:個皮好脆，入面既餡料有椰菜，混合一齊食唔會覺得好油膩，加埋喼汁，酸酸地，非常好食。4.五香牛肉面評價:牛肉既五香味好足夠，湯底加少少辣醬，味道更佳。5.蘿蔔絲酥餅評價:外皮酥脆，入面既蘿蔔餡好夠味，完全唔會乾，比起酒樓更加好食。6.奶油津白評價:口感爽脆，味道略淡

今日同屋企人加小朋友一齊食飯 呢間平時都食開 食物味道中規中矩 但勝在坐得比較舒服 啲服務都ok 上菜快 同埋地鐵一岀就到 今晚食左小籠包 上海粗炒 肉碎炒四季豆 炒牛肉同豆沙餅 人均200左右

今晚我去了品嚐了正宗的上海菜。首先，我叫了招牌的小籠包。這些小籠包以其精緻的外皮和豐富的湯汁而聞名。我一口咬下去，馬上感受到鮮嫩多汁的豬肉和湯汁在嘴裡爆開的美妙滋味。外皮薄而有彈性，給人一種口感上的滿足感。小籠包是我在這家餐廳的亮點之一，絕對是必點的菜品。接著，我品嚐了他們的餃子。餃子的皮薄而韌，內餡豐富且味道鮮美。我選擇了豬肉餡的餃子，每一口都帶來了濃郁的肉香和微妙的香料調味。這道餃子是一個美味的開胃菜，完美搭配著他們的特製醬料。香煎小黃魚。這道菜以其金黃酥脆的外皮和鮮嫩的魚肉而聞名。每一口都充滿了魚的鮮味和微妙的香料調味，讓人難以忘懷。這道菜不僅外觀吸引人，而且口感極佳，絕對是一道值得推薦的主菜。菜品的味道新鮮，烹飪技巧熟練，讓我感受到了上海菜的獨特魅力。服務態度友好，環境舒適，這是一個適合與家人和朋友共享美食的理想場所。我強烈推薦上海滬味餐廳，尤其是他們的小籠包和香煎小黃魚，絕對值得一試。

周末行街去到翡翠拉麵店門口，口淡淡突然想吃辣野，就二話不說叫了碗担担麵🔥。向來不吃辣味食品的我，見到面前碗熱辣辣嘅麵，色香味俱全，还有香噴噴嘅蔴油花生醬🥜，好有口感，味蕾都返晒嚟！👍😋😋

2023.08.23 lunch好耐冇嚟食，因為佢嘅價格真係唔平，又$10茶錢一個人，一碟花生又要錢，因為冇要，所以唔知收幾多🧐 跟住埋單加一，又唔算好味，所以覺得貴貴哋⋯⋯應該唔會再嚟食午市套餐🫢午市套餐$94，一小菜一白飯一前菜一飲品，雖然有四樣嘢，好似都差唔多咁嘅價錢，但加埋其他小計，就唔係九十幾lu… 我哋要咗兩個，京葱爆牛肉、糖醋魚柳，前菜要四起烤麩(半份)、陳醋西芹配黑木耳。前菜好味，但主菜唔係好得🫢京葱爆牛肉完全冇’爆’ feel，冇鑊氣，所以都唔算好味糖醋魚柳個汁唔係幾好，太漿 ，好彩個魚正常⋯⋯不過，其實兩碟餸都似煮定個種，麻麻地🫤

㨂咗翡翠想食個下午茶麵餐，點了酸辣湯拉麵，逐樣樣加配，算點咗銀絲卷。見新出個甜品和蝦仁牛油果鍋巴，都幾特別，所以都點了。油炸的食物，唔算油膩，剛好滿足想食少少炸物的心意。相信唔會太多人選酸辣湯配拉麵，但酸酸辣辣，醒胃。木耳醃製都爽口。這家門店牆身掛上斜鏡，感覺有老上海餐廳的心意，擺設就有輕快時代感，沒有嚴肅用餐，令人畏懼的感覺。食厭咗千年不變的下午茶套餐，今次確實有啲新意。雖然消費不可跟快餐店比較，要點特別不妨花點消費。

早幾日係10齋日…約咗老友喺九龍灣食飯，點知附近冇乜齋鋪….所以去咗翡翠小籠包…原來裏面都有唔少嘅素食選擇呢度係可以用QR code自己落單我叫咗呢個乾蔥撈麵….的確幾好味你睇佢個款好似冇乜特別…但係的確佢哋嘅麵條教得幾個味道…只係$55仲要+1就唔係幾抵食🤔🤔因為份量唔係好多我仲叫咗呢個數比素鴨…記得好似大概60幾蚊…都幾香口…裏面有冬菇絲….如果食素食嘅選擇都叫做OK當然餐牌仲有其他嘅素食選擇，例如木耳絲…或者一啲金絲卷….😄😄😄

一開始舉手舉了5分鐘冇人理，跟住5分鐘後話轉頭先，之後轉頭走左去做其他嘢完全忘記客人，之後又再重新叫多次先有人理，對餐廳極之失望😮‍💨叫左宮保雞丁味道唔錯，生煎包底部煎得不夠脆身，雪菜毛豆百頁味道正常，炒飯唔夠乾身太濕

太貴太唔抵食, 40蚊罐啤酒, 茗茶/水 計完一個人要成$10 之後仲要再計加一,碟花生仲要唔計茗茶/水 要再另外比錢, 剩係加一同茶水埋單都差唔多成2百蚊乜都冇落過肚 , 總數比差唔多成千蚊5個人但一啲都食唔飽, 啲麵份量又少又貴, 

假日去開九龍灣睇傢俬，到晚飯時間，又想食清淡一點，就見到翡翠拉麵小籠包，不用等位，可能早少少入座，晚上6點半，環境清潔乾淨。鮮肉鍋貼（四隻）$ 52，鍋貼上菜時熱，外皮煎得香脆，餡料有肉汁，配合醋，味道好。上海小籠包（四隻）$ 48，小籠包熱辣辣蒸起，皮薄，餡料多肉汁鮮嫩，味道正常。上海排骨拉麵 $ 78，上海拉麵麵質有少少彈性，排骨有四件，煎炸得唔錯，外面有少少脆，肉唔會太實，湯低正常。嫩雞煨麵 $ 72，湯低清淡，雞肉嫩滑，麵質正常，清清淡淡。乾煸四季豆 $ 85，四季豆炒得爽脆配合肉碎味及醬汁，味道很好。不是雞火炒飯 $92，用雞火炒飯配料，但不用白飯去炒，改用椰菜花碎代替白飯，有健康菜式選擇，迎合健康類型市場，味道好好。