翡翠拉麵小籠包 (已結業)

今晚好難得約到我母校既老師食飯,六點幾鐘到等咗一陣有位.我地怕叫得多會成檯係(你知2人檯有幾大啦!) 所以咪有策略性點菜,先叫4樣:小籠包(皮薄多汁,又熱騰騰,我的至愛)花雕醉雞(幾入味, 唔錯)無錫蟹殼黃燒餅(比較乾身一點,鍾意食甜蟹殼黃燒餅多D)宋嫂魚羹(OK,唔覺有msg)傾下傾下又過咗1 小時, 我地再叫以下:小籠包(要添食)上海炒年糕(老師話年糕既質地好,有口感)鮮淮山拌日本小青瓜(鮮淮山我第一次食,幾特別! 整體味道淡D)高力豆沙(個人認為加香蕉會好食D)服務態度出其地好,加茶的次數很多,落單後上菜超快,有時我地唸點解會烹得0禁快架? 2 個人不經不覺便食咗三小時及八個items, 食得開心及好飽呀!

6個人黎食飯, 叫佐好多野食, 多到我都唔記得佐, 有幾樣野我唔知叫咩名, 記得名既就講下啦炸脆鱔頭一兩舊就好味, 再食多幾條, 就好硬同乾, 呢個餸食到最後, 都食唔完(因為大家食佐兩條就唔食啦)上海炒年糕, ok炒鱔糊, ok醉豬手, ok上海粗炒, ok酸辣湯面, ok, 但唔及369好食紅油抄手, ok雞絲粉皮, ok仲有幾個餸, 我忘記佐係乜, 仲之叫到成檯面都係野食, 檯都放唔晒, 飽到飛起, 埋單都係$51x呢度d酸辣湯$32只係一人份量, 好唔抵, 叫個酸辣湯麵都係$40, 好大碗架, 食晒d麵, 都仲有1.5碗湯係度, 所以我永遠唔會係呢度叫酸辣湯, 只會叫酸辣湯麵

尋晚約咗3個朋友去沙田食飯, 平時都有去翡翠拉麵小籠包, 因為都幾鍾意食佢d 小籠包,炒拉麵,花雕醉雞,醉豬手及椒鹽小黃魚等, 今次去到, 收到個新餐牌, 發覺依家重有好多素食新菜式添,我地咪點咗幾個清清地嘅前菜來試一試, 其中我最鍾意嘅係青瓜簾,黑白木耳, 又清新又開胃又健康,每碟$38.00, 有少少貴,不過呢幾日咁熱,食呢d就最啱胃口,後來又叫多一碟八仙腐皮素卷,外脆內爽, 一共有八件, d配搭好好,呢碟小吃都係42.00。重有清炖牛肉湯, 好有肉味同好鮮甜, 好好味,又唔覺有msg, 試咗之後, 我地再落單叫多一個, 因為都算抵,只售$36.00, 好過自己煲。又有試咗個辣辣地嘅水煮牛肉拉麵$38.00 , 都幾啱 d 唔係食得好辣好辣嘅人食, 以前食過d 水煮牛肉,多數都又咸又辣,但係呢次配埋個麵,味道啱啱好, 不過我有朋友就好鍾意食好辣, 所以佢覺得呢一味須然已經係3隻辣椒,但都覺得唔夠辣,不過都算合格啦。正所謂, 想食飽要食包, 咪決定叫d餅食之類囉, 蒸干菜包$22.00, 最初唔知係咩,見佢平平地, 叫咗一客來試, 食落都唔錯, 個饀有d 似甜梅菜, 如果加小小菜甫,

因為honey好鐘意食西洋菜("洋妞" :-p), 所以我地點左西洋菜餃子, 春卷, 酸辣湯, 小籠包.一黎到我見d 皮好滑, d餃子好似湯圓咁. honey一食就話d皮係新鮮整, 我食落都覺得同屋企d雪藏野好唔同, d餃子皮真係新鮮整. 最驚喜係個上湯, 有淡淡金華火腿味, $38絕對值回票價.春卷: 又係新鮮炸, 不過d料就可以多少少.酸辣湯: 好唔好味真係見仁見智, 不過我好鐘意翡翠d酸辣湯d料切得好細好幼, 又無粉絲, 亦唔會太酸。小籠包: 無以前一開咁好味, 不過都ok.

平時成日經過，都未食過，所以在某個星期日，終於都去試。食飯時間好鬼多人，我和阿媽六點幾鐘就去排隊，都要到七點幾，等半個鐘先可以入到去。起初望好耐的餐牌，都唔知叫乜好，終於叫菜肉雲吞麵、小籠包、鎮江骨三樣野。一) 菜肉雲吞拉麵：初見隻碗好大，以為好多，點知是得個大，份量好少，一個人都食得晒。不過都有五隻大大粒雲吞，皮薄餡靚，拉麵都好食。(四十幾蚊)二) 小籠包：一籠有四隻，都係大大粒，包住了好多上湯，好易穿，倒少少錯，簡直一流。非常好食，去到必試(二十五蚊）三) 鎮江骨：是染紅色排骨，味道好似薑醋咁，但我覺得麻麻地。都要四十幾蚊，唔好食。服務方面：都唔係幾好，剛剛食完就好快幫你收野，感覺好似想叫你快些走咁。環境方面：座得幾舒服，同埋好乾淨。兩個人叫咁少野埋單都要成$120，雖然平穩幾好食，但幾貴囉。好在食下午茶先去，如果唔係都唔飽。要食得飽需要$100左右。

突然心血来潮想要食酸辣汤，就来了这里食晚饭。1）酸辣汤拉面-D汤够酸够辣，很醒胃，正！D 拉面很un，很弹牙。$3X 大大碗，很抵食。2）窝贴-很香口。3）凉拌日本青瓜-很清，够冻，带一点点咸味，不错！4）菜肉水饺-一夹起来，只夹到水饺皮,肉都漏了出来。原来全部水饺都粘在一起煮，皮都粘在一起了。

昨日的考試考得不好，又臨時被人爽約，心情已到谷底。還好男友不用OT，我們可以一起晚飯。他提議來這兒，雖然上次在cwb分店有不快的經歷，但又儘管多給一次機會吧!點了三個菜︰小籠包:仍然是好味道!多汁又熱騰騰!豆沙鍋餅:太多油了，又十分鬆散，不合格! 擔擔麵:我們叫的是小辣，但來到的一看就知道是大辣!於是和一個waiter講了，他回應都沒有就消失了。過了一會和一個高級小小的經理?講了，他竟然說幫我們加上湯就可以變成小辣......我見他沒有意欲換給我們，也就罷了。不過這樣令我太失望了。食物又加了價，但服務不加反跌到谷底，無奈。

曾經給評語此店服務差，但最近去咗幾次後發覺服務態度好咗好多，專登留意之前態度差又黑面之員工，都有改進有禮貌好多，可能老板有睇此站而教導過員工。 此店的小籠包、担担麵是必食推介，雞絲粉皮、糖醋魚塊都不錯，而家加埋服務提升值得一讚。

沙田旺咗咁多, 我都有一排冇嚟喇！今日又再朝聖呢間嘢！唉…咪係佢個小籠包累事囉！攪到我念念不忘…咁事實佢d 小籠包係得囉！出面嗰啲一係似係超巿貨式，一係就個餡令人吃不消，再唔係個粉皮厚囉！到家陣喺我揸筷子的技術仍未有改進之際，我仍然暴殄天物咁夾穿咗個小籠包！唉…真失敗啊！同埋我做咗 d 低b 嘢！我冇用口一啖過咁消滅個小籠包，就咁輕輕咬咗啖，結果d 汁咪俾我呢個行為滴走晒！side 嘢:*:・(￣∀￣)・:*:咩炒年糕, 拉麵, 酸辣湯都食過晒. 反而今日第一次食佢個"鎮江骨", 俾到驚喜我喎！個骨係有炸過, 但淋度、乾濕度同生熟度剛好, 加埋個汁真係勁開胃喎！睇到佢d 醋汁紅紅地, 仲幾油吓！但用嚟撈白飯又幾正架bor！不過我又冇咩所謂, 出得嚟食飯都預咗。除咗自己煮先會做到少糖少油少鹽…一次半次有油又唔會食得死我！至於個汁的顏色, 我諗可能用咗色素啩！？不過試問依家人類食緊的東西又有咩係冇色素！？同埋想補充佢d 鍋貼唔得囉！服務勉強啦！但因平日晚飯都人多等位, 個侍應執我野就快過人。一放低筷子就彈出嚟, 但叫碗白飯拎嚟就冇咁快喎！我諗少人d 佢度服務態度會好d 囉！

六點鐘等到七點才有位, 叫了小籠包, 上湯年糕, 賽螃蟹及炒拉面, 食物做得好, 但當他們送上食鐠給我們選甜品, 有位侍應走過來很惡地問我地有沒有order, 我會回應未有, 他就面黑黑地合上食鐠, 這個人應該級數不低可是等待的人太多了, 他們想我們快些結賬離開, 但我認為不應以此態度對待客人, 多人等侯也不是我們的責任呀

我同朋友係20006年10月1日黎食野...叫左雞火抄飯.雞絲粉皮.五香牛肉麵. 和豆沙窩餅..o個五香牛肉麵..麵又少..只有幾片牛肉溥溥的..雞火抄飯我叫左走蔥...都冇走蔥..o個侍應仲話已經走左蔥..我朋友都話算吧算吧~!~好..我忍囉...豆沙窩餅只有八件..太少.仲收$30元.真係唔低食...下次黎的話都要考慮考慮...=.= 雞絲粉皮還可以接受..不過太少麻醬..乾乾o地..幾難入口...到我o地埋單的時候....o個負責埋單果o個人都唔知道係未好趕時間咁..."多謝XXXX ..." 之後急急腳就走左..還想再比Tips都不想了....這樣服務...倒不如去Pizza Hat食仲好...>.<

今日mama生日，　七點正準時入到去　～竟仲有位，　ｂｕｔ一到７：３０　ｐｍ　,外面已有15-20人了...點了賽旁蟹, 好味..... 酸辣湯麵...唔好食, 都幾大碗!枱好細放3碟野已冇晒位埋單竟係, 我用了credit card, 整左成10 min 佢地仲未過到機, 我擔心佢地d 員工偷資料, 之後轉比cash @

週六晚因事較夜才食飯, 惟有近近哋到沙田, 自從到過金滿庭後, 已很久沒有來這裡, 點知去到九點半還要等成十五分鐘才能入座, 不知為何仍那樣多人。二人共點了四樣菜色, 一上檯碗五香牛肉麵真是少得有點寒酸, 真係未試過, 連湯加埋半碗也不到, 得五小片薄薄的五香牛展, 再者麵略生, 加上不夠熱的味精湯底, 味道比以前差了, 跟以前似煲出來的清雞湯底已一去不返; 另上的小籠飽、上海炒年糕及紅油抄手, 整體上碟頭越來越少且味道一般, 只可以講不難吃又不吸引再來吃。

上星期日差不多九點半，見平日晚飯時間一般都有幾十人等位的小籠飽已經冇人排隊(多年前...我在太古城分店開業初期吃過兩次，之後一直沒有機會再嚐)。今次是一個好機會兩個人order 了以下食物:小籠飽(4隻)清燉雞湯拉麵上海炒年糕炒津白甜品: 薑茶湯圓及酒釀丸子食物質素不俗，尤其是清燉雞湯拉麵，好濃，湯和麵分開上的，把湯放入麵碗有點破壞的感覺。小籠飽皮不厚，都充滿了湯汁，好味；其餘的一般。服務方面，加茶的次數很多，對個人來說是十分滿意，因為我在用餐時會喝大量水...建議: 盡量不要在繁忙時間光顧...tea time 或晚上九時後會有更好的experience

2006年8月29日.我和男朋友食晚飯..叫左小籠包.排骨麵.善糊抄拉麵.和豆沙鍋餅. 我最印象深刻是有個女侍應好有禮貌到同我們落單..仲不停咁加茶..我和男朋友都食得她開心呀~!~ 我都唔係好記得她叫咩名啦..只記得她身上的名牌"a"之頭咋...!! 我o地食完就走了~好的一日.