翡翠拉麵小籠包

营业中

休息中

位於馬鞍山站，「翡翠拉麵小籠包」，我哋一行二人平日晚上，等了20分鐘才入座，全場爆滿非常多人，店內係用手機自己落單，座位比較迫同隔離距離超近。 我哋叫咗四川擔擔拉麵、鱔糊炒拉麵、紅油抄手、椒鹽小黃魚、菜肉雲吞湯拉麵。上碟比較求其，係咪應該可以做得美觀啲呢？！ 椒鹽小黃魚香脆野味。鱔糊炒拉麵味道一流。不過紅油抄手個醬汁麻麻哋好似食豉油汁。菜肉雲吞皮厚菜肉內餡好細好少，感覺似食皮多過食菜肉雲吞。整體有待進步。

不過不失嘅二人餐，小籠包必食味道冇問題，炸豆腐唔係好夠味，蔥爆牛肉啲牛肉好滑，雞火炒飯幾好食，yummy酸菜魚淡茂茂無味，啲魚啲味好怪，酒釀丸子原來唔係我鍾意嘅嘢味道係好正宗偏酸。個檸檬薏仁水都幾好味

服務比以前改善多了，疫情下防疫做得非常好，每杯溫茶都有舖上紙蓋，細心為客人遞上口罩紙夾，貼心之處，值得表揚。食物質素亦保持水準，招牌小籠包仍是推介之選；鱔糊略為味道太濃；最後蔥油餅有點失望，蔥油唔夠香，餅唔夠脆。

每逢夜晚假日都必定要等位，香港人好得意，好食既餐廳等幾耐都會照等，而唔好食既比幾多優惠都寧願唔食，所以想知道間餐廳得唔得，睇吓門口有冇人等位就知道間野好唔好食，每次嚟呢間翡翠拉麵小籠包，都一樣冇意外都要等位嘅，因為佢嘅既食物真心覺得好食😋

疫情放緩左， 可以多啲同家人出街食飯😊。好想念上海味道， 小籠包， 蘿蔔絲酥餅等可能天氣太熱，同家人不約而同叫了湯麫。4個湯麵中， 最好食就係五香牛肉麵， 牛展是厚厚的😏， 不過湯底做得非常清淡， 味濃多少少會好啲。 排骨麫本來係我十分期待， 但兩位家人嘗試過之後， 都發現太生， 非常紅， 廚房師父說換了都是一樣， 但服務太態好， 換了一個雞湯我試， 燉雞是藉得加推可能太耐無食蘿蔔絲酥餅， 這個雖然唔算得好好食， 但都算鬆脆。 不過性價比就有啲貴。 $40/3件

2021年5月6日 原來翡翠餐飲集團在2014年成為咗LV集團成員之一。黎翡翠食飯最好係用匯豐信用卡埋單，因為用匯豐信用卡食呢款二人套餐非常抵食，$328 有好多野食，有前菜丶點心丶小菜(兩款)丶飯或麵丶仲有飲品。當晚我地四個人黎食，叫左呢個二人套餐和散叫。當晚叫左好多野食，二人套餐包括有椒鹽黃金豆腐丶菜肉雲吞（6隻）丶瑤柱賽螃蟹丶糖醋雞球丶上海炒粗麵丶檸檬薏米水。另外再加左幾款嘢食，蘿蔔絲酥餅丶小籠包丶香煎素鵝丶四川酸辣湯。非常豐富丶食得好滿足。全部都整得好好味，不過糖醋雞球就失水準，好乾。上年禁晚市，搞到成日都冇得黎食飯。幫我地落單的店員阿Man好有禮貌和細心，服務態度好好。

住馬鞍山多年， 都未試過馬鞍山翡翠拉麵小籠包， 下午時段去試下。叫左2個午餐套餐1》＄88 小籠包2個配甜酸糖醋魚套餐只有2個小籠包， 皮不算太薄，餡麻麻， 小籠包感覺一般， 沒有驚喜甜酸糖醋魚醬酸了少許， 但炸魚ok, 不覺是雪藏， 感覺新鮮的。讚。2》＄78 雞絲粉皮配擔擔麵雞絲粉皮～ 花生醬唔濃， 稀d. 但都ok.擔擔麵有點失望， 沒有花生醬香味， 只有辣味， 麵一般。對以上食物有點失望， 基本之小籠包及擔擔麵都做得不夠好，有點行貨感覺。(個人食物感受）以前在台灣及上海食過， 質素好好多， 香港真的一般水準。 如加強招牌小籠包及擔擔麵質量及食物水準會更出色。經理服務恩勤

今日見馬鞍山果間外賣有75折，我貪平，叫了排骨麵，之前食既排骨麵，鬆軟及啖啖肉，又多。今日食既硬，肥及得4塊。醉雞，骨多肉少。我係叫正餐牌上既，不是下午茶餐及套餐。其他還叫了小蘢包，豆沙鍋餅及紅油抄手及嫩雞煨麵。大致上跟之前差不多。今日冇咩人，收銀話20分鐘有，我等小30分鐘。暫時唔會再叫了反觀其他都是做7-8折既餐廳，食物質素keep到。希望日後市道好時質素有改善。😡😡😡😡😡😡😡😡

依然係抗疫留家時間，之前行過呢間翡翠拉麵見到佢會有四個小菜做特價外賣，耐唔耐會轉餐牌 今次見到有兩個餸都幾啱食， 就叫咗喇😊兩個小菜HK$80，加$5蚊一個白飯 $15一個"補肺湯" 晚飯時間都一路會有人排隊買，等候時間唔算太長，約20分鐘~ 可以簽卡~ 今次試咗個糖醋魚塊，同埋口水雞， 加咗兩個飯一個湯 兩個餸都幾好食，份量都唔太小 糖醋魚塊係用紅醋嗰隻，如果有黑醋嗰款就仲好 炸魚嘅粉唔算厚，小朋友都有食 口水雞嘅麻辣味都做得幾好 佢呢個價錢同喺快餐店買個餐差唔多，性價比都算高，會再幫襯😉

下午茶忽然想食小籠包，諗起新港城有翡翠拉麵，反正而家都唔洗排隊就試下，都好耐無食。我分別叫左一客小籠包同一個口水雞冷麵，諗住解下熱。先講小籠包，不得不說，佢做得幾好，皮簿多湯汁唔在講，佢d豬肉係有肉香，吸唒d湯汁後好滑，點少少醋好好食。之後就到口水雞冷麵，我自問算食得辣，但佢真係好好好好辣lol 麻到我個咀好似梁潮偉咁，麵質同雞肉係ok的，但味道太勁，我相信要食得好辣既人先食得到，如果佢淡翻少少就ok

公眾假期個日我哋一行六人，早一日訂咗位，食6:00，去到預留左最入邊嘅圓枱比我哋坐，侍應服務尚算可以，但都會推銷你食套餐，最後我哋選擇咗叫小菜，嚟到嘅煎小籠包估唔到真係手指公咁大，😦😦真係好細隻，收50幾蚊一粒，實物與價格不成正比，😪唔值得試，之後個雲吞雞湯，😵六人用得六隻雲吞湯底亦都唔似真正煲出嚟嘅湯，雲吞皮亦很厚，亦有很多味精，另外還有雞火炒飯，很快就出來但是凍的，🙄證明是預先炒定的，另外仲有個賽螃蟹，非常難食，煮得很醜，一啲都唔吸引，整餐飯評分很低！短期內都唔會再幫襯！🤢🤢🤢

近日都係到尋覓新野試其實翡翠拉麵小籠包成日經過都會見到 但都冇入去試過食 男朋友突然話想食小籠包 咁就入去試下啦咁岩到下午茶時間叫左蔥油乾撈拉面同埋五香牛肉拉面 加配左花素蒸餃同埋冬菇豬肉燒賣 蔥油乾撈拉面 睇落去好似好dry 點知撈完食落口係有陣雞味🤣加埋辣椒油一齊 好正五香牛肉拉麵🍜我都以為係伏 個樣怪怪的 但係原來好好味充滿牛味既湯 同埋都好足料 有5塊牛肉🤣花素蒸餃有陣陣菜苗味 好清新既感覺主角小籠包 唔好咁大啖咬 唔係d汁會彈哂出黎🤣要有技巧咁食 味道正常煎餃子🥟就唔推介 餃子皮有d厚🤨不過飲品方面睇得出好細心 會比埋個蓋去come住 唔怕整污糟 好衛生

馬鞍山食嘢真係冇乜好食特別係同屋企人一齊要諗食咩嘅時候真係諗到頭都痛呢日咁啱經過發現好耐冇食翡翠屋企人又鍾意食咁又入去食下一如既往翡翠嘅座上客都係咁多疫情期間佢哋有送每台一支搓手液認真細心佢哋仲將送上枱嘅每杯嘢飲都用膠蓋遮面我哋叫咗個套餐啲嘢都幾好食賽螃蟹炒得滑嫩加少少醋鮮味十足小籠包絕對係上海菜必食皮嘅厚度適中一咬落去湯汁就流出嚟下面呢個味絕對係成餐飯嘅精髓排骨炆到好林好入味絕對係我食過最好食嘅糖醋骨佢連骨輕易就能夠落去，十分鬆化，一陣陣嘅糖醋味滲出黎，十分好食最後呢個火腿炒飯見佢個名普普通通冇諗過原來炒得咁好食米飯粒粒分明帶有少少鹹香

限聚令放寬之後，好多人都選擇出嚟食嘢，我哋一行三人，等左大約15分鐘先至有位，成間餐廳本身都已經聲音好聚集，而家再加埋圍板，簡直係好嘈！一入到去就每人派一個口罩套紙，茶水都有膠蓋嵌着，不過就好似冇咁環保......我哋叫左個匯豐二人套餐，再加一碟上海粗炒，眼見有好多職員做嘢，但係我哋就好似吊鹽水咁，逐碟逐碟黎上菜，（因為佢哋等埋一齊做一齊出菜....）😑😑😑嗰碟上海粗炒同人一齊上，但係見到人哋嗰啲就好大碟，我哋就唔同，之後同職員講，點解好似唔同嘅？負負氣氣個呀姐話：「佢嗰碟多菜啲姐，你要嘅，咪俾多啲菜你囉！」🧐😒等買單嘅時候，個啲職員又係要等埋其他枱一齊買單，一次過出單.....🙁🙁

翡翠拉麵小籠包花雕醉雞 $74酒味香濃 滲入嫩滑既雞肉真係每次黎必食😋❗️上海小籠包 4隻 $40小籠包皮薄 鮮肉餡料多咬落去既時候啲汁係口入面爆滿不過小心會太熱 燙嘴呀😛上海粗炒麵 $80份量足夠 吾會太油 配菜既量適中但肉絲就少左啲炸銀絲卷 $23新鮮炸起 外脆內軟因為本身冇味個人鐘意再加上煉奶點綴😋👍🏻吾會太甜酸辣湯拉麵 $65份量多 酸辣適中吾會太辣蓋過本身既味道麵質爽口彈牙湯底香濃 配料非常豐富鴛鴦高力豆沙 4件 $52用蛋白製成既甜品真係係非常考功夫架餡料分別係紅豆、香蕉建議先食香蕉口味因為紅豆口味比較甜