老厝邊

营业中

休息中

今日係荃灣收工，又好想食台灣野，約左個朋友傾心事，兩個人叫左個🐔花雕醉雞卷，呢個小食係凍食，D雞肉都幾滑，花雕味唔算太濃👍🏻我叫左個🐮牛三寶麵配麻辣湯，我自己就最中意個牛腱，牛筋，炆得都好腍，同埋都夠入味，入口成舊啫喱咁，另外個朋友叫咗碗牛肉麵，佢就話同台灣嗰時食嘅味都差唔多，牛肉份量都幾多同埋個湯都好濃最後梗係一人叫返一杯台式飲品，真係超滿足！本身個朋友勁想叫多個小食，不過太飽🤣👍🏻👍🏻

半筋半肉牛肉麵🍜🐮（麻辣湯--小辣🌶）    $78紅燒牛肉有三大塊，每塊都有手掌心那麼大，而且有一定厚道👍牛筋燉得軟嫩，不過如果喜歡吃辣的朋友可以叫中辣／大辣🤣蔥油香煎雞排大碗公🍽🥩      $56本以為大碗公是指飯多，沒想到是餸的份量多🤪 香煎雞排份量超澎湃‼️ 沒想到會有兩大塊雞排，每塊都比手更大，完全覆蓋在飯上🤣蔥油味道超香，超惹味，不過要留意細食的朋友未必吃得完😆 超濃芋泥肉鬆蛋餅🤩        $44雖然樣貌一般，但這個真是意外的驚喜‼️大推😋蛋餅皮薄，而且有點脆脆的，芋泥味道微甜，芋頭味重，重點是份量很多😛 雖然肉鬆份量不太多，但有芋泥就已經超好吃‼️沒想到芋泥跟蛋餅的搭配會那麼好～～ 凍峰蜜檸檬愛玉🍋🍯      $24底下全是愛玉，份量非常足，味道酸酸甜甜很解膩😆 百香峰蜜綠茶🥃        $25味道沒有太特別，不過不失～～ 總結：份量不錯，位置在荃灣廣場附近，挺方便～～

今日去荃灣做嘢，做完嘢去搵地方開飯，好想食台灣菜，聽朋友之前提及過荃灣廣場附近的大壩街出名餐廳集中，今次就係呢度搵食。呢度有午市套餐，我嗌了香噴噴雞排滷肉大碗公配凍椰果蜂蜜檸檬（少甜）。白飯面內有大件雞扒、滷肉、芽菜、粟米粒、滷蛋、蒜炒小棠菜，雞扒面炸至酥脆，keep到肉汁，滷肉有五花腩條，香香滑滑的，粟米粒甜甜的，整碗樣樣有，大大碗大滿足。凍椰果蜂蜜檸檬（少甜），蜂蜜檸檬夠潤喉，有啲椰果咬下正。但「少甜」都係好甜，下次要嗌微甜。最特別的地方是這間餐廳是有「閣樓」可以進膳，午餐時段大部份都坐滿人，一人進膳預有機會要同人搭枱。

近排有啲掛住台灣！好耐無食台灣野 所以今次就黎左老厝邊試試佢店舖好有台灣特色牆上有啲台灣風景相🖼️仲有條樓梯可以上二樓炸排骨沙茶麵🍜大大塊排骨放係麵上面炸得好鬆脆 又keep到肉汁最驚喜係個沙茶湯底好香口同濃郁 令人一啖接一啖🤭滷肉飯（小）🍚呢個滷肉飯一食落去就令我諗起曾經係屏東一間街坊店食過既滷肉飯佢既肉係五花腩🥓一層肥一層瘦油香同肉香每咀嚼一下就衝出黎超好食！佢既汁鹹甜適中 唔會蓋過左肉既香味非常推薦大家叫黎食$38仲包一杯飲品 抵食！🧋超濃芋泥起司蛋餅🫔個蛋餅都超級好食佢個餅底唔會好厚粉 亦好有蛋香味外脆內軟 加埋蛋香味真係超正佢既芋泥都非常出色唔會好似甜品咁甜微微既甜味嘅加埋少芝士既鹹香🧀同蛋餅皮一齊咬落去好有口感味道亦都非常啲夾加埋店舖既蛋餅醬汁酸酸甜甜咁成個蛋餅好有層次值得再食！最後想均衡飲食所以叫左個燙青菜🥬再加1杯飲品🥤青蛙撞奶🐸🍼本身見到個名驚驚地但原來佢係黑糖珍珠鮮奶🧋入面有好多珍珠！完美演繹台灣風味😋呢間抵食！值得再去！

又來到荃灣美食多多嘅大壩街，見到呢間餐廳嘅風格別具特色，洋溢住一種台式嘅懷舊風情，而且仲設有上下兩層，成個環境真係好有氣氛！不禁令人想好好品嚐一下台灣嘅古早味～香噴噴雞排滷肉大碗公💰HK$62大碗公份量多，雞排外層酥脆，內裡保持多汁嫩滑！滷肉肥瘦均勻，用來撈飯一流～香蔥起司牛肉蛋餅💰HK$45蛋餅皮煎到微脆內軟，香蔥同牛肉嘅味道相輔相成，起司仲有拉絲嘅效果，配搭啱甜甜辣辣嘅醬汁更惹味～香炸花枝丸💰HK$34花枝丸炸到金黃酥脆，表面仲沾滿惹味嘅調味粉，最特別嘅係花枝丸係切到半粒半粒咁樣上嘅，擺入口好方便～仙草凍鮮奶💰HK$28鮮奶充滿濃郁嘅乳香，仙草又有一種冰冰涼涼嘅口感！鮮奶加仙草呢個組合嘅味道非常之清新可口～麥香奶茶💰HK$24味道與別不同，比起一般嘅奶茶多咗一種麥香味～值得一讚，店員服務態度好，非常之有禮貌👍🏻～

lunch係荃灣想食台灣野, 第一時間就諗起大壩街呢間老厝邊! 裝修格局好有台灣sytle, 舖位細細但坐落又好闊落唔洗擔心, 同埋店員姨姨係台灣人好親切呀!食物價錢好親民， 一碗主食$50上下， 好岩食lunch ，出邊好難搵到呢個價了！ 香蔥油嫩雞乾拌面拌面醬汁好足夠，係已經拌好先上唔洗自己再撈～ 醬汁好香甜好惹味。 雞肉嫩口有肉汁，食落絕對唔會鞋大碗公真心滷肉飯 (套餐)講到台灣野就梗係要食滷肉飯啦！ 好香滷水味，肥瘦亦適中！ 入口即化，好食的～(加) 花雕醉雞套餐加$15左右可以加小食醉雞好有酒香味， 肉質有彈性， $15有3舊真心抵食！ 薯餅起司蛋餅因為之前聽過台灣人鐘意加左薯餅既蛋餅，難得係香港見到！ 薯餅香脆配煎蛋香味 ，好得意！ 唔會膩的！柳丁綠茶加愛玉柳丁(橙)汁加落綠汁到好夾, 酸酸甜甜好開胃, 炎炎夏日好岩飲~ 愛玉 (好似係加3蚊)亦飲落好軟滑冬瓜檸檬加愛玉冬瓜茶好有古早味， 感覺都幾健康～

老厝邊今次要介紹喺荃灣一間台灣菜餐廳叫「老厝邊」，呢間台灣菜餐廳喺荃灣大壩街，近荃灣廣場對面街，餐廳門口有一級，輪椅人士如果要入去食野就要自備斜板，入到去店員好熱心地招呼我，我有幾鍾意佢哋嘅制服，衫背後寫著「那簡單卻又幸福的味道」，店員好樂意地比我影去背後制服相，無少少怕醜嘅感覺！餐廳入面都幾大，入面有兩層，我就坐喺第一層近門口位置，裝修好簡單，坐得又舒服，食物質素又ok，唔錯！1.炸雞排沙茶麵$62（10/10）呢個炸雞扒沙茶麵個炸雞扒非常香脆，炸粉唔會好厚，肉質非常嫩滑，原塊雞扒拎去炸，炸得嚟又保留到肉汁唔乾，炸完仲好細心去剪開四舊比食客食，沙茶湯底算濃，麵嘅份量都好多，超正！2.嫩雞沙茶麵$56（9/10）呢個嫩雞沙茶麵個雞肉冇炸雞扒個肉質咁嫩，拎上枱時以為係午餐肉，嫩雞塊一共大約有6塊，沙茶湯底算濃，麵嘅份量都好多，唔錯！3.塔香鹽酥雞$40（8/10）鹽酥雞炸得好脆，咬落有少少硬，無炸雞扒咁嫩滑，不過食落有九層塔香，一共大約有10舊，唔錯！4.凍椰果蜂蜜檸檬$24（9/10）呢杯凍椰果蜂蜜檸檬酸酸地又微甜，夏天飲落幾解渴，杯底有大量椰果，咬落好有口感，正！4.麥香奶茶$24（

成杯野顏色已經好白，飲落完全無茶味，屋企啲鐵觀音茶包仲有味過佢，純正原味正宗奶精水，兩樣野溝出來的獨特增肥癈水，收費24蚊港元。抵呀！牛肉麵最遲黎到，啲麵太淋，好似放埋左一邊好耐先攞出黎，牛肉又唔夠淋，唔夠入味，湯底唔夠濃，同埋又少得好孤寒，好似食緊拌麵咁。加埋收銀姐西口西面，完全係說好大陸的故事，不知所謂，光顧好似係令佢有野做，麻煩到佢咁，真係唔知係咪我衰，一入到去無俾貼士，又無同佢道歉，左住佢發呆。

肥仔最近喺荃灣搵到間又抵食又好食嘅台灣菜，價錢貼地，非常值得一試。😀花雕醉雞花雕醉雞，分量十足，雞肉嫩滑入味，好香酒味。醉雞又滑，醉雞汁微苦得嚟帶甜味。😀九層塔蛋抓餅九層塔蛋抓餅蛋餅應該係台灣小食中我最鍾意既小食之一。蛋餅味份酥脆又帶點煙韌既口感，入口除左蛋香外亦帶住一陣陣好香既九層塔獨特既香氣，令整份蛋餅昇華！😀招牌牛三寶麵牛肉麵啲料同麵既分量好足，牛肉牛筋都炆得好冧同非常入味！牛肚爽滑！😀古早味滷排骨大碗公醃製過的排骨先滷後炸蓋滿了大碗公，底下的配菜有滷蛋、香腸、酸菜、小白菜和竹筍，酸菜和竹筍特別能襯托出排骨的甜滋味！😀珍珠鐵觀音奶茶 & 凍椰果蜂蜜檸檬超經典的鐵觀音奶茶，喝起來帶有炭焙香，配上溫潤濃郁的鮮奶，因為焙韻而讓整體甜而不膩。凍椰果蜂蜜檸檬酸酸甜甜甜甜超級開胃！總結，餐廳好有懷舊台灣feel，石屎灰色牆身加上簡單既字句做裝飾，播住充滿回憶既台灣歌，成件事好似去左台灣當地食飯咁。

食物好不好食，不是今次我想評論，但荃灣店比不上大角咀好食。今次想評論就是服務，一進店我只選擇樓上座位，已給女店員說話；在樓上找座位座，又給另一女店員指我必需座中間位置。我極之不爽，很不爽。所以今次食物品味我不多評，但比不上大角咀店。

今日同朋友約係荃灣食晚飯，朋友想食台灣菜，我就揀左呢間係荃灣廣場對面既台灣菜😎 裝修懷舊，播住台灣偶像劇既情歌😂都幾青春🙈餐廳主打多款滷肉飯，不過我地都想食麵，所以滷肉飯就留返下次先試😌🔸芋泥肉鬆芝士蛋餅（$44）食台灣菜必點之一✨ 芋泥同肉鬆絕配，加埋芝士，好正！芋泥份量適中，唔會太濟～🔸半筋半肉麵 （$76）濃郁既牛肉湯底，牛肉燉得非常淋，一半係牛腱肉，一半係手筋，份量非常足，炆得入味，推薦👍🏻🔸經典滷味大拼盤（$68）入面豬大腸、滷豆腐、豬耳、海帶等等，全部好入味，而且豬大腸一啲都冇腸異味，唔錯唔錯～

🍽️食物方面：肉鬆皮蛋豆腐💲40啱晒夏天嘅前菜 解膩0負擔🐤鹹酥雞滷肉大碗飯💲58炸雞正 滷肉唔算肥 仲有菜 辣芽菜 同粟米真係好大個碗😂🥚超濃芋泥肉鬆蛋餅💲44好大劈芋泥!!! 大滿足 好飽肚台式飲品種類都好多不過太飽我就冇叫到📷打卡方面：有字卡同啲台灣特色食物圖做裝飾🔈環境方面：有2層 lunchtime都有位QR code 上菜算快💬其他資訊：📍老厝邊 荃灣大壩街25號地舖Lunch人均💲70

今天送了小朋友上學，自個兒去餐廳午餐，門外看到套餐不錯便入座了之前來過下午茶，原來午巿也有套餐，名字挺特別的，叫大碗公啊香煎豬排滷肉大碗公3大塊豬排香煎至剛好，搭配滷肉的濃郁醬汁，讓人一口接一口，令人滿足。已經點了少飯，但份量仍然不少，滷肉記得是必食的。另外一提，菜是蒜蓉炒過；粟米是牛油拌過；芽菜味道也不同。每款配菜也如此用心，值得推薦。經典珍珠奶茶可以選擇冷，熱飲，甜度，奶量，度身沖調，非常友善。還有Q彈的珍珠，必點啊鹽酥雞（小吃）鹽酥雞外酥內嫩，香氣四溢，每一口都是滿滿的幸福感。台灣腸（小吃）不能錯過的台灣腸，口感厚實，獨特的調味讓人印象深刻。這午餐非常滿足，菜單還有很多想嚐試的，必須下次再過來試了。

荃灣廣場對面嗰條街有好多小店，今日去咗呢間台灣餐廳，門口嘅裝修已經覺得好台式，入到去裝修簡單，坐得好舒服，未到七點，餐廳都已經幾乎坐滿，餐牌都係一啲傳統嘅台式食物，試咗佢嘅招牌菜，食物質素好，唔錯👍🏼半筋半腩台灣麵呢個台灣麵果然係招牌菜，我覺得好好味，牛腩同牛筋都醃得好入味，而且好夠腍，個湯好惹味，啲面嘅質地都好，而且份量好大，食完好夠飽香蔥油嫩雞拌麵個醬汁係好濃郁嘅香蔥味，啱晒鍾意食濃味嘅我，上面鋪咗好多舊雞，雞入味，口感都唔錯👍🏼👍🏼超濃芋泥肉鬆餅呢個都係餐廳另一招牌菜，好鍾意呢個蛋餅，奶味好香，裏面有好多好多好多芋泥，一咬落去爆曬出嚟，而且蛋餅外皮煎得脆脆地，係必食之選

【荃灣區】【老厝邊】喺荃灣搵食，點都會走返去大壩街呢邊，因為真係食肆林立，質素又唔差。之前見到呢間台灣嘢已經好想試，撞正今次有機會同朋友去，就問吓佢意見。結果佢都話想試呢間，好啦，去啦。我哋都係 share 食啲嘢，咁樣就可以試到晒所有叫咗嘅食物，最好。佢哋係 QR Code 落單嘅，首先我哋試 $36 嘅細「大腸麵線」，朋友唔食芫茜所以揀咗「走香菜」，啲麵線幾足料，大腸都有好多粒，味道唔錯。之後試 $52 嘅「藥燉排骨湯」，上次食呢味係喺臺北饒河夜市，估唔到呢度嘅藥燉排骨湯都正，好飲呀。我哋轉個頭試埋 $38 嘅「薯餅蛋餅」，未食過夾薯餅嘅蛋餅，感覺幾新鮮，都幾正。食台灣嘢點可以唔飲嘢，朋友試 $30 嘅「愛玉芒果綠茶」微糖，加 $3 要埋珍珠，我就試 $26 嘅「珍珠鐵觀音奶茶」微糖，都係唔錯嘅選擇嚟。咁樣埋單先 $185，可以喎。。。（地址：荃灣大壩街25號地舖）