老地坊風味餐廳 (已結業)

之前食過尼間西川乜乜餐廳，覺得喺屯門黎講都算不錯，結果去到見到改左名....仲驚轉左老細野食會變差左，點知keep返水準之餘，對於2個人去食嘅我，覺得改左自助形式真係好適合我地，平時去食單點雞煲/火鍋餐廳，2個人有時叫得多又食唔哂，叫得少又好似好寡，但尼度款式多，自己食幾多拎幾多又唔洗浪費，真係不錯老地方雞鍋見花甲唔貴就叫黎試下，老細建議加入去炒好味啲，結果不錯唔會淨係食雞咁寡，配菜紫洋蔥同芫茜好多好惹味！肉類，菜類，丸類，基本上平時會點嘅野食尼度都有，烏冬都好高質，食左2個自己食幾多拎幾多，種類多，選擇又多，值得一試呀

前幾日同朋友經過，發現原來西川風味雞煲改左名叫老地方風味餐廳，而且轉返做放題任飲任食。9點半後$158一位，有招牌風味雞煲同重慶烤魚，而且可以加錢升級海鮮套餐。放題型式改左做自取而不是之前既填紙方式。飲品種類同之前一樣夠多選擇，而且啤酒都係任飲，正。食物質素方面，水準依舊，雞煲有大，中，小，bb辣, 雞肉嫰滑香濃入味，可以加錢轉雞煲蟹，有創意。自取食物擺放感覺衛生企理，而且種類也多，原來可以加錢添加高質肥牛添。服務方面，之前西川親切熱情個姐姐仲喺度，驚喜。