老坑火鍋

营业中

休息中

好想食呢間火鍋🫕好耐，等左成年📆，終於夾齊4個人去食！ 未去之前覺得佢會好大排檔，去到原來佢有幾個鋪位，入到去感覺乾淨，企理，光猛，已加印象分，湯底點左招牌蕃茄蟹湯底（湯底內容：肉蟹🦀+蕃茄🍅+大豆芽菜+青口+ 蜆 🦪= 好鮮甜，估唔到大豆芽同個湯底好夾，忍唔住飲左個湯底, 肉蟹🦀夠肉地, 食得出樣樣食材都好新鮮💯！ 點了是日海鮮：土魷🦑，真係估佢唔到咁正，師傅話喺塔門交過嚟，唔係成日有貨, 必點😋蟶子皇，洗得好乾淨,完全冇差, 好新鮮手切肥牛🐮，細size, 老闆入貨真係好用心黑毛猪，有猪味，零舍唔同🐖韭菜餃，好香韭菜味，食得出食材新鮮魚餃拼雲吞，應該喺雲吞麵舖攞貨招牌手打四寶丸，魚蛋有陳皮，牛丸新鮮，墨丸，蝦丸食得出係自家制作！爽脆魚皮，大大片，灼一灼，正！

起初無諗住食呢間，係想試下附近間日本串燒，阿女友突然好有主見咁彈左條link 出黎，咁梗係即刻book 位，打去接電話果男人剩係問左幾位同幾點就收左線😅⋯⋯我仲諗堅定流。舖頭樓面三四個人招呼一枱客，好主動要加湯，湛啤酒，見我地兩個人落單時又會建議雙拼👍🏻👍🏻胡椒豬肚湯底、罐蠔肥美、肥牛好味、豬腰拼魚腩、四寶丸、油炸鬼拼魚皮（夠爽）、油麥菜成晚阿女友望住隔離枱叫左好多野食又豬紅，又午餐肉，直頭想去夾埋一份😶下次有機會叫多啲人一齊再打過啦😁由於當晚只係拍左條IG片，cap圖下照片欠佳，放唔到相出黎喇😅

隆重介紹：老坑車仔麵🍜+🐷豬油渣麵🍜唔洗我多講，老坑出品一向以新鮮靚料做賣點👍🏻老坑為咗照顧我哋呢班餓鬼粉絲（因無晚市）依家朝9晚5開設🐷豬油渣麵🍜（呢個麪係老闆娘家傳秘製，同英記係各有特色，各有千秋）＋車仔麵🍜（推介豬大腸同冬菇）超級入味😜仲有外出根本食唔到嘅新鮮煎釀三寶，用全鯪魚肉釀製😋😋即叫即做鮮味十足👍🏻仲有茶檔咖啡奶茶檸茶檸水，🥤☕️大家有時間一定要去試下🥳

好耐冇嚟過依度打邊爐，以前呢一度成日都爆塲，依家可能疫情關係真係比以前靜左好多，入到去得我哋一張枱，但食物質素同以前一樣冇變，最鍾意呢一度可以嗌半份食物或拼，如果小人食唔到咁多，咁樣就可以食到多啲嘅種類！相信最出名應該係佢嘅牛肉，每一次都必定會點牛肉，唔知點解佢嘅牛係出面真係食唔到！另外佢其他嘅食物都好好食，餃子，墨魚，豬腳筋等…等，不過呢度個價錢就唔算好平，相對來講佢冇乜裝修而且地點都唔算好方便，但好多人都會專登嚟到依度試吓佢嘅火鍋，我本人就覺得好值得一試，服務方面就一定唔會好好，如果鍾意好服務嘅人就要諗一諗😂

火鍋其實冇得揀一定係老坑！新鮮就一一定而且最抵死係可以雙拼，人小小都可以食多幾款，不過記得早啲打電話訂牛肉，真係冇得輸之選，田雞仲跳跳😂全部都新鮮又好食冇咩好介紹蟹㷛更加一定要叫😌

疫情影響，真係好耐冇出過街打邊爐啦！最近恢復返堂食，立即沖左去老坑火鍋😍😍一直都有聽過佢嘅大名，今日終於試到喇！第一次去地點會有啲難搵♥️我地兩個人食，叫咗招牌嘅沙嗲/麻辣火鍋湯底$150，麻辣火鍋好夠香濃又夠麻，超足料👏🏻👏🏻有好多花椒係入邊，越滾越辣越香！沙嗲湯底就唔算好濃，不過入邊都有啲花生碎，滾滾下就香好多！推介必食本地手切牛！我哋得兩個人食，所以叫咗一碟細$280，不過都好大碟，滿滿的一碟😍牛肉好新鮮，好濃牛肉味，而且較厚身，有咬口👏🏻👏🏻另外仲叫咗豬腰，新鮮又乾淨，味道夠甘香👏🏻👏🏻仲食咗招牌嘅四寶丸！！呢個推介一定要叫呀！佢個蝦丸，超級彈牙，牛丸都爆肉汁，非常之唔錯☺️☺️我地重點左豆腐同生菜，可樂/烏龍茶同椰子水，Total 5個菜，埋單$760價錢唔算平，不過勝在用料新鮮，湯底香濃，而且小店亦都好有人情味呀！阿姐不停幫我哋個鍋加水👏🏻♥️

❤️牛魔王海鮮控注意❤️自認可以餐餐打邊爐嘅我和美女朋友一齊再去老坑火鍋🤤今次我哋嗌左蕃茄蟹鍋😍蟹肉鮮甜，啖湯都特別好飲雖然佢嘅地點比較隱世😂（其實都好容易搵）但係佢嘅手切肥牛真係好有牛味令人哋一食再想食如果大家係牛魔王，又鍾意打邊爐嘅話一定要來試一試😎

一月中有同事升職🍾🎉🎊老闆介紹我哋去紅磡老坑火鍋 本身老闆成日幫襯已經係熟客仔 前兩日仲專登打去叫老闆娘留兩碟手切牛肉 環境來講比較地道 大排檔風味 加上用gas爐 特別有港式火鍋風味🍲招牌沙嗲湯底🥘果然名不虛傳 花生醬味好香濃 甜味辣味適中 好滋味手切牛肉💯 牛肉味好突出🥩肉質有咬口 食得出好新鮮 師傅刀工好 厚薄適中 其餘火鍋配料都有質素🤣！！逐樣介紹吓- 韭菜餃🥟自家製大大粒好多韭菜 - 肥鵝腸🥓清潔得好 唔會有臭味 - 手打三寶丸🍢靚魚丸墨魚丸好彈牙 - 炸響鈴🥠非常鬆脆 - 蝦膠釀油炸鬼🥨吸埋沙嗲湯一流- 筒蠔🦪大大隻唔腥 仲好甜

希望在武漢肺炎的疫情過後, 大家可以安安樂樂, 開懷地大吃大喝, 享受打邊路給大家的自由奔放. 至於現在, 還是多留在家, 吃得清淡一點就是. 說到老坑, 就是要用柔和的蕃茄湯底去涮本地手切肥牛, 她的湯底蕃茄豐富, 沒有為了上色加入茄膏, 伴以蘿蔔就是柔和的甜酸, 牛肉肉香甚濃的本土牛放上去快煮, 突出後者的鮮, 有些牛肉火鍋店為了強調牛肉的鮮味, 而用蒸餾水作湯底, 但蕃茄和蘿蔔的瓜果甜酸味, 令鎖在牛肉的肉香更能釋放出來. 另外的生焯鮮魚皮, 又是一道買少見少的傳統小菜, 除了魚皮要爽脆彈牙之外, 薑蔥和花生更令其口感有質和量的提升. 另外魚皮要打到完全沒有鱗片, 花的力氣和時間真的不少. 在好旺角也差不多做不住的時候, 也不知道哪裏可以吃到這種看似簡單實質複雜, Profit Margin又不多的小菜了!

與友人相約飯聚，由於小的不想再次局限於大型商場中的連鎖式食肆，於是主動邀請朋友作決定。結果，友人回到了他們熟識的老店「老坑火鍋」去。「老坑美食」位於紅磡區的橫街窄巷，不是地膽絕不會來。老伴見目的地是紅磡鄰近大酒店的地部，心中頗有戚戚，為免誤入歧途地駛進去大酒店，咱們決定坐上朋友的車子一同前往。車主們外出總有他們的習慣，朋友開車數十載，懂得盡用街標路巷，然而老伴則只會選擇大商場，這是性格使然，好難有所更改。縱然沒有投入大酒店，但沿路卻列著數之不盡的花牌檔、長生店、棺材舖，駛入寶其利街，在「老坑美食」入口之旁其實也是賣骨灰龕的，絕對是避無可避。數年前初嚐「老坑火鍋」，也是朋友帶領。不過小的兒時於附近讀書，曾到過差不多的巷子裡打邊爐，記得其手切牛肉非常美味，然而當時年幼無知，根本不認得餐廳。這次重臨「老坑火鍋」，簡直可以人即稀少來形容。記得數年前餐廳其門如市，在進入鋪面大堂後，職員會指示人群深入內進，直搗橫街窄巷中的碩大空間，開敞出無數計的檯椅。這次職員帶咱們轉入窮巷，可是沿路所見卻竟是一枱食客也沒有！望著空空如也的虛席，職員竟把咱們引回舖面之入口處，這起碼令餐廳在視覺上多點人氣嘛！週日晚市

听過老坑火鍋呢個大名好耐但一直未有機會試，難得book 到位，house warming 完朋友後就一齊黎打邊爐！我地有成十個人所以揀左兩個湯底：＂馳名蕃茄蟹湯底＂同埋＂沙嗲湯底＂個人覺得個沙嗲湯底調味調得好亦夠濃，同其他餐廳既hea沙嗲湯底唔同而朋友就好欣賞蕃茄蟹湯，係咁飲d 湯!野食方面都嗌左好多野，配料同小食都好新鮮好味，以下會介紹幾樣最有印象既：呢度既牛肉好有牛味，肥瘦適中，打邊爐一流！蔬菜方面第一次學識用芥菜黎做配料，呢度既芥菜好甜好fresh 好爽脆，very impressive小食方面個鹵水鴨舌好正，送酒一流，不停encore最後我地仲嗌多左個煲仔飯，朋友們都盛讚d 飯煮得粒粒分明, 又有飯焦, 係佢地食過最好味既煲仔飯(無誇張)其實老坑既位置有d難搵，同埋因為受歡迎既關係好難book但佢真係我係香港打過咁多次邊爐以黎最正既一間，一定會再幫襯！

成班同事gathering梗係首選老坑，出面新開咗好多火鍋都會去試，但好少回頭，唯獨係老坑食極都唔會厭，耐唔耐要去食返次必食嘅牛肉，我每次book 枱都會順便留埋大嘅牛肉，其他配料都好新鮮，脆骨腩都好好食。

朋友建議到這間火鍋晚飯因已訂枱等候短暫已可坐下來，但坐都是圓櫈餐館環境嘈吵十分不舒服，落單叫了蕃茄湯底及胡椒豬肚湯底手切牛肉，膳片，鵝腸，都是一般火鍋店普通食材，但兩個湯底淡而無味，牛肉也一般，其他食材也可以但沒有太大驚喜，以這個價錢就有更多更好選擇

終於有機會黎到紅磡老坑火鍋做完research 緊係叫佢個蕃茄蟹湯啦1️⃣蕃茄湯份邊好足料大大隻蟹，但蟹味唔算好重蕃茄味就好濃2️⃣獅鉗（我唔識寫）嘩嘩嘩正呀勁新鮮加埋個汁隻隻都好肥美3️⃣墨魚腳呢個滾一滾就食得吸左少少湯又夠爽口4️⃣手打四寶丸在一班友人搶食下我食得一粒相當彈牙仲有叫其他野既不過以呢幾款最特別桶蠔都好大隻好吸引而且呢到好有香港風味仲有塊白版好整齊寫好訂坐既情況星期五晚都full 大家可以好開心傾計麻甩地食飯一個人平均400

叫左一鍋蕃茄薯仔蟹鍋， 價值350元，除咗有一隻蟹之外，用料非常一般，湯底明顯用大量番茄醬製成，毫無鮮味。店舖聲稱因屠房停工關係，全店冇新鮮牛肉供應，焗食350元一碟美國肥牛，牛肉數量之少，尉為奇觀。其他食物並無驚喜，性價比超低。已伏，可一不可再。