老川皇

营业中

休息中

我地2個食 嗌3個餸 其他遲過我地坐底既都上左野食！我地就等 等左半個鐘都仲未到 我就吹單 吹左幾次都仲未到 起身嗌五食 就上第一個餸 之後甘我再加多個餸啦 我見我食哂啲野都再等都仲未到 就嗌人問下廚房炒左未？距話好快到 甘我淋住哦炒左 之後隔左陣再問 未炒既原來 我話取消！距地幾個服務員一人一句話下？取消？冇得取消喎甘我就問！係米未炒就一定五可以取消？我而家話你未炒就幫我取消左距 一個二個企係部機到都五行入廚房話取消？淋住炒左出嚟就逼我食？之後我就行去埋單 埋單又問下？點解取消？我五係好明甘大間餐廳 未炒既野係米就五可以比客人取消？等出餐己經耐 未炒既嗌取消就五得？麻煩跟進下出餐既進度！同服務態度！我地未試過食一餐飯係可以甘嬲😌

食過呢間老川王幾次，幾次水準都唔錯，價錢有經濟份量有十足，我喺香港都比較少食到每一樣餸都keep住有水準既舖頭，每次嚟到都坐冇虛席，我記得第一次嚟都係朋友介紹，果然冇介紹錯

味覺很淡,總想有些味覺的沖擊,於是選了吃辣物，選了這間老川皇,名字挺老派的,裝修也古色古香,非常適合外國朋友前來。白菜豬肉餃這是唯一一碟不辣的食物,餃子大隻,而且白菜很甜,豬肉非常多汁,像爆出來似的。川菜涼粉涼粉很滑,凍冰冰的,配上辣汁很是野味,讓人停不了口。酸菜肥腸肥腸很香,炒得很彈牙,QQ的感覺,配上酸菜,更是讓人停不了口。茶樹菇炒臘肉這道菜不是常見,臘肉本身就很香,再配上茶樹菇,獨特的香味更是絕配,加上了辣味混為一體,想得出這道菜的真是神人,炒得出如此好味更是神上加神。

喺香港想食間地道啲嘅四川菜都好難今日行經佐敦 見到呢間餐廳外表平平凡凡但係入面竟然座無虛席就一於試吓啦一坐低我哋就叫咗一支青島啤酒 夫妻肺片 涼拌萵筍 酸豆角炒辣肉碎食辣野一定要配啤酒先夠爽 夫妻肺片好入味 用嚟送酒就啱晒啦 涼拌萵筍好特別 平時都係食炒萵筍多 估唔到涼拌萵筍都好清甜爽脆仲多咗一份酸辣嘅味道酸豆角炒肉碎係今晚嘅主角 一定呢個餸真係要每人食返一碗飯先得 見到隔離枱嘅酸辣粉都好吸引 不過已經食到太飽啦下次一於再嚟試吓啦

係朋友揀嘅餐廳，都係第一次聽所以試吓，上2樓位置都尚算方便，位置亦很多，乾淨嘅環境。點菜方面分為小菜及燒烤兩款，我們急不及待叫了水煮魚桂花及辣子雞，呢到最好嘅地方係有分小辣中辣大辣及特辣對於很喜歡吃辣的我們真的感覺很正，水煮魚方便我們叫了小辣，感覺不是很辣，但魚肉很滑，而且份量亦多，仲有芽菜。那炸子雞方面我們叫了特辣，真心辣到救命🆘不過食完似好滿足，因為隻辣到飛起另外還叫了一些燒烤，燒茄子🍆多春魚、雞腎、韭菜....味道非常唔錯！本來叫了燒雞皮的，但已經售罄了之後覺得未夠飽，再追加了辣子肥腸同埋一些燒烤串....肥腸炸得好趣裏面係淋嘅正整體而言幾好唔錯，有機會會再嚟辣到喊

味道不錯，菜式地道，上次酸菜魚同啤酒鴨都好味，魚香肉絲略嫌不夠正宗。但一次自取一次電話外賣，態度都好差好串。咁多川菜鋪，呢間都幾間分店，永遠不會幫襯呢間！憑咩咁巴閉，唔想受阿嬸氣！

聽聞呢間田四川菜好正宗, 收工同朋友黎鬆一鬆.趁朋友未到, 坐低叫左支啤, 一碟火爆腰花.  火爆腰花屬於川菜, 主要食材是豬腰, 唔係度度有得食, 豬腰子具有補腎氣，通膀胱，消積滯，止消渴之功效.炒得香辣惹味, 配啤酒一流.食到咁上下, 朋友終於到. 叫多左2樣野.泡椒鳳爪 - 清脆爽口, 酸酸辣辣非常開胃生津. 而且價錢十分便宜.水煮魚 - 好大盤, 賣相吸引, 都只係$132. 魚肉非常滑溜.

話說好耐都冇食過辣野 難得今日收得早就同朋友去食飯我最鍾意食嘅老川皇頭盤就揀咗涼拌海帶絲涼拌海帶絲酸酸辣辣 啱晒用嚟做頭盤食完就更加期待下一道餸因為想試吓啲特別嘅嘢所以就揀咗障茶鴨有煙燻過嘅香味 一啖一啖食唔停你主菜梗係唔少得酸菜魚因為朋友唔係好食得辣所以就叫咗小辣辣到啱啱好 用嚟送飯真係好開胃平時唔係好食飯既我都食咗兩碗飯而酸菜魚嘅湯仲可以就咁用嚟飲都唔會覺得油膩 當地嘅天氣飲翻一碗湯真係好滿足每次食老川皇都可以用平民嘅價錢都可以有地道嘅享受 所以一直都係我嘅encorelist入面

唔好懷疑，點解出面熱辣辣32度我地會走去食四川菜，因為食辣係一種魔力，無論上次食得幾辛苦，總要定時定候回味下。今日去呢間老川皇，男朋友話一定要試個酸菜魚，我就點都要干鍋肥腸，澱粉質方面有紅薯粉同埋炒土豆絲。最後開反2枝老金威，極麻甩，極舒爽！酸菜魚方面我地選左桂花魚，魚肉好滑，酸菜湯底好入味，加上酸野本身開胃，一片接一片不停口，美中不足既係酸有餘而辣不足，要另外再點辣椒油先得！干鍋肥腸好香好惹味，粒粒肥腸既肥瘦分佈都好平均，一啖咬落去有汁有咬口，質感爽口彈牙，美中不足嘅係唔夠大粒唔夠多，明明之前食過份量多好多的。澱粉質代表方面，紅薯粉普普通通，冇咩特別。但炒土豆絲真心出色，一點都唔油膩，條條土豆絲都炒得好入味，輕輕的小辣恰到好處。總括而言，如果忽然間川菜癮發作，不妨到一到訪，頗有驚喜。

香辣牛展餐$50（中辣）牛展份量不多，而且切得幼薄，但醃得很夠味，一開始吃時不感覺辣，但愈吃得多時，麻辣的感覺就浮現出來，所以吃到最好都感到好辣，所以叫一杯冰凍的奶昔很能夠減淡辣度。水煮魚餐$58（中辣）以往曾在深圳吃過酸菜魚，我覺得這間店的魚肉嫩滑程度能夠媲美深圳網紅店撒椒，可惜我沒吃過深圳版的水煮魚，難以比較，但我覺得無論魚肉的質感、湯的辣度都一流，值得推薦給各位食家。唯一可惜是配菜不多，只有芽菜，有爽脆口感。另外，魚有少少骨刺，吃的時候需要小心。紅糖糍粑每次到川菜館必叫的甜品，這間店的糍粑是炸好就熱上，所以一咬下去有少少熱辣辣，不過表皮是薄但較硬身，應該是炸粉不好，但內裏是煙韌，但會黏牙。我都是覺得十二味的糍粑是最好吃！跟餐特飲：木瓜和芒果奶昔奶味較淡，芒果那杯有清新的感覺，而木瓜則感覺甜蜜。這間店有兩間，主店在商場內，環境較分店寬敞明亮，不怕跟客人坐得過近。

我同朋友一齊去呢間餐廳，我哋叫左水煮田雞，個服務員連單都冇寫，之後送錯左水煮魚，自己寫錯之後仲賴我地叫錯，其中有一個仲「兇」我哋，話啱唔啱食！服務態度非常惡劣，完全唔知到咩係「顧客至上」。

之前係旺角果邊食過一次老川皇覺得唔錯又夠辣夜麻麻係佐敦呢邊搵唔到野食，D食肆關晒見原來呢邊都有老川皇，點知同旺角果間差咁遠★★涼拌土豆絲 $22土豆絲唔算好淋果種，唔太適合撈飯應該想涼拌係硬身爽身d口感辣度唔係太夠，味道中等★★★口水雞例牌 $58中規中矩，唔算好滑，亦唔算辣不過３道餸嚟講佢係比較好撈飯食辣子魷魚份量得好少，D魷魚好細條得果幾條仲要冇乜肉，好似食橡膠咁得一堆翻炒辣椒，D辣椒好似循環攞返去翻炒過N次咁辣就冇啦得個油字......實在無法評價，仲要貴★★酸辣粉 $28最平係佢亦都最接受到係佢吧始終普通一碗酸辣粉好難做到難食辣度ok，酸度ok，係份量依然偏少總結真係同旺角果間差好遠...令人懷疑到底係咪同一間老川皇整體評分★★地理環境★★位置略偏僻，細舖座位略逼服務★★一般食物★★賣相普通，食物中下，份量偏少，好多野都話賣晒價位＄＄＄每人百幾蚊好似都食唔到d乜，最唔抵食係個咩魷魚

第一次幫襯 試新野 自問唔係好食得辣嘅人 朋友食得辣 所以叫嘅都係特辣水煮魚 特辣 但一啲都唔辣干鍋炒蜆 夠辣 但唔好味炒萵筍絲 特辣 又係唔辣唔好食之後叫左饅頭 係全晚最好食嘅一樣總結 絕無下次 亦唔會推薦

好耐之前已經想同朋友黎食呢間店，聽聞呢間川菜店好正宗，辣味好夠。第一碟上先既係黑木耳，冷盤黑木耳配合辣味好正叫得冷盤當然唔少得豬耳！ 配合香草🌿好香好有口感！第三碟係串燒類，黎得食串燒，梗係試下茄子，個人覺得鹹味啱啱好，如果可以辣啲就更好，份量都足夠！本身唔諗住叫呢個餸，但見到個個張枱都有叫呢個，就試下，果然唔錯，唔會太濕同太乾，配合辣椒炒好入味，正梗係唔少得水煮魚啦，辣味水煮魚，辣度夠，又滑，正！仲有一個大大塊既牛舌！好入味仲叫咗雪梨汁降下火

口痕想食辣野,同另一半經過就去左食老川皇,佢有幾間分店但佐敦呢間係總店黎嘅。成日見到好多人,應該不錯。坐就唔算好舒服,服務都係中規中舉,不過野食就幾好!無令我地失望啊😄😄叫左個鐵板茄子,好濃好香啊,遠遠都聞到佢嘅味道👍🏻酸菜魚肉質夠滑,魚夠入味,個湯好好味好暖胃,所以不經不覺都差唔多飲晒👏🏻宮保雞丁炒得好香,撈飯就至啱啦~😋其實仲有好多野食想試,但兩個人食唔到太多野,下次一定會再試埋其他😄