老廣靚湯 (已結業)

食物好味，即叫即整煲仔飯夠新鮮。湯夠份量足料好味又多款係舖仔細細坐得麻麻，同埋夏日炎炎應推一些消暑湯水吧？當日人𣎴多生意唔算好，希望佢捱得住，因為實在好食價錢合理

又見此店獲得好評，即管一試。果然名不虛傳！一行四人，叫了......1. 花旗蔘椰子雞湯：好甜又好味，D雞骨也被煮得綿綿的，GOOD!2.XX 羅漢果老鴨湯(唔記得全名)：十分足料，仲有甘草，勁生津開胃。3. 四寶飯X2：有蝦乾、流油咸蛋、雞柳同黑椒豬手，好好味，D雞柳好滑，不過就鹹0左小小。4. 梅菜花腩飯(又好似叫梅菜頭腩飯)：勁好味，加上甜豉油，一流！5. 黑椒豬手飯：足料，豬手入味，但對食量少的人來說，可能會覺得多肉得滯。但嗜豬手者，值得一試，真的是啖啖肉！6. 佛山熏蹄：好味，比在酒樓的更好！7. 菜芯：不油，甜！同行的四人中，老爺一向不愛出街吃飯，而且小小味精他也吃得出，但今晚的這餐他也很滿意，因他都覺得沒有味精。而且我們也相信，每鍋飯都是即叫即煮，愛吃飯焦者，必試！但唯一美中不足是店面太細，有點迫。還有值得讚的是服務，以及所奉上的茶，雖不為上品，但是也不差，感受到店主想用心做好餐廳的誠意。值得試試同支持！註：趕時間就不好吃此店，因D飯真的是即叫即製。

半年來很懷念老廣的靚湯及鐵鍋飯於是特登入元朗食返餐好！　順便睇下可唔可以keep住咁既水準到達老廣之後果然是滿座…看姨姨手一指才見到有3張空枱橫排在稍遠的位置（因為要留位俾人行）也不算太遠啦　寫紙落單岩哂我地呢d鍾意自己慢慢諗既人！寫好野之後姨姨會再覆一次以免落錯單等了5~10分鐘左右 第一個來的是湯！　蟲草花山珍菇菌燉湯　$38 (原價$42)喜歡喝湯的我馬上撈下有咩湯料 有很多紅棗、龍眼乾，茶樹菇倒是少了點，不過一樣好飲！飲完湯先有第兩樣上菜～　佛山燻蹄　$28$28~這樣的份量已經很不錯！有好多果凍狀物體～超好食！又食完～又有飯食　　臘腸臘肉飯　$40賣相唔錯！仍然係成個鍋底都係飯焦！過多陣終於到我既北菇雞飯！$36同上次唯一唔同既係 菜心變左做翠玉瓜 仍然keep住半年前水準！即場係手機搵返上次張相黎對照　份量冇乜分別不過今次忍唔到手落豉油　甜既豉油+飯 好食！就食完果陣有2位女士黎搭枱，佢地嫌點菜紙d字細得滯(唔太禮貌既語氣…)姨姨就請佢地睇返餐單，親身幫佢地落單。真係唔錯…今次值得一讚既係，雖然坐係出面，但係完全冇被忽視既感覺！(係連鎖食店總係會有d無視位…)當我地諗緊要點

今日再去老廣食...舖頭真係好細...冇位呀要係舖外食...舖頭外面有5張枱都坐滿哂..睇黎佢要開間大d既舖la.....不過係外面食都有另一番既風味...老闆娘好熱心好快手咁拎食具同茶比我地..同相公睇左一陣就諗到食咩la..人蔘烏雞湯 lee個係相公飲我冇飲因為我咳..但佢話好好味...燉到隻雞連d骨都食得...靈芝唔知咩湯..真係唔記得左...我只係知入面好多料..冇味精...好正~~~黑椒豬手飯..上次都食過..今次食仍然係咁好味...豉椒排骨飯...都好多排骨..加埋d豉油真係一流~~~lee間野d湯真係冇味精飲完唔會口渴同埋真係燉出黎...越黎越鐘意lee間野...d煲仔飯又好食..d飲焦又岩岩好唔會太硬同太燶...雖然價錢比較貴..但係都算物有所值!!希望繼續keep得住水準^^

經常OT的日子，晚餐一般是簡單在家中炒烏冬、煮麵就算，不過偶爾也會與老公出街吃點健康的，最近去了老廣靚湯覺得不錯。隱身於正記大排檔外，老廣只是小小的一片店，不過人氣度一點不低，差不多九時仍然全店爆滿，早到的老公要等了三數分鐘，才安排到與人合坐一張四人座位。還好坐下十分鐘左右，食客漸散，店方又安排我們搬到另一空桌，坐得舒服了才有心情欣賞店內裝潢。其實也有一些食家拍過了，不過還是被掛牆的財鹿吸引了，覺得十分逗人呢!講回食物，是次特為養生靚湯而來，當然要幫襯一下，原來湯水選擇相當之多，共分蟲草花系列、男士適合、女士適合、男女老少、四季皆宜，等等等，定價大多較實惠，比鴻福堂要抵些。本來鎖定目標為靈芝羅漢果老鴨燉湯($36)，不知是否太晚已經無貨，又改要了花旗參椰子雞燉湯($35)，其味不如奶奶煲的濃郁，然而成品清潤不油、份量又足也可收貨了。店內又供應多款招牌鐵鍋飯($35起)，老公鱔癮起，點了最貴的豉汁白鱔飯($52)，落單後要等約15分鐘上檯。白鱔相當肥美，滿有濃香豆豉滋味，又帶絲絲陳皮香氣，味道挺不錯的；而且近似煲仔飯的鐵鍋飯煮功一流，白飯粒粒分明，軟硬有致，靠邊的飯粒因熱力形成香脆飯焦，

查實呢間嘢已經食過兩次(連埋今次)，上次已想寫食評但唔記得記低資料......好好彩兩次去食都唔駛等位(可能我早去啦，入座時間大約是晚上20:00)!同老婆睇左一陣就Order嘢食，我哋叫左北菇滑雞飯、梅菜肉餅飯、蟲草花山珍菇菌燉湯和蟲草花靈芝燉湯(好大食呀)。北菇滑雞飯、梅菜肉餅飯:良，佢哋啲煲仔飯唔係用炭爐煲嘅，不過我哋兩公婆都唔食飯焦所以無咩所謂囉。而且佢哋仲用個竹籃嚟盛住個煲仔飯，故雖熱度十足仍不怕會燙親隻手，夠細心!北菇滑雞飯內的雞我估有可能是雞柳肉，但其一舊雞骨都無的做法我十分欣賞，我唔鍾意骨頭，且市面大多北菇滑雞飯啲雞都係骨多過肉，再加上佢雞肉裡面有少少黑椒(我估)調味，所以我覺得幾好食!梅菜肉餅飯都OK，但我比較Like上次個土魷肉餅飯多啲。蟲草花山珍菇菌燉湯和蟲草花靈芝燉湯:良，一碗足可分三小碗湯，而且用料十足，也無落味精，啲烏雞肉直頭燉到一夾就骨肉分離!真不愧是老火燉湯，鴻福堂和健康工房嗰啲無得比啦，個人還是比較鍾意飲呢類住家靚湯，起碼真材實料，我碗湯直頭飲到見底添。店內員工也有禮貌，雖則後來多人來用餐，她依然先問我哋介唔介意同人哋塔枱才帶人就座，值得一讚!唯一介懷

好彩去得早~岩岩到果陣有人走 即刻有位坐之後開始多人 值得一讚既係老闆娘冇係咁塞人入座~好有禮貌咁請人等一陣 仲係冇位既先問已入座既人介唔介意搭枱而且一有位就會俾人坐返過去 椰子烏雞燉湯完全係為左佢而去 冇令人失望~椰子切得好幼 唔會食到好多渣湯應該有3細碗左右 好清好順喉!北菇雞飯雞都幾多 而且冇乜骨!!啖啖肉不過d雞調味都幾重手 唔配飯就鹹了點所以唔洗落太多豉油已經好夠味~四寶飯唔太記得四寶有咩(唔係我食) XDD 不過有蝦乾 幾大隻 好食!!總括來說很不錯唯一缺點係店面真係太細啦~ 希望多d人去食等佢有機會擴充XDD

冇意中係開飯搵到lee間野..我本身係好鐘意飲湯ga..基本上咩湯都岩...所以今日就專登去搵la..原來成日經過但係唔知點解係都見唔到.可能舖頭實在太細la..入面真係好細..得幾張枱我地食咁耐出面就不停有人係到等位..我地好好彩入面仲有一張枱所以唔洗等..我地叫左2個湯同2個飯. 人蔘椰子燉雞湯 - 好足料..d雞去哂皮所以d湯唔會好肥...飲到好香椰子味...d雞骨係燉到唔硬係好似好碎好粉咁..好明顯係堅燉亦唔係吹水ga. 當歸熟地燉烏雞 - lee個湯真係勁足料...入面有3支蔘..2大1細...隻烏雞又好食..又多杞子同龍眼肉...真係抵到爛呀~~~~~~~~~~~~~~~~ 黃鱔飯 - 佢地d飯係有飯焦ga..鐘意食既人唔好錯過...黃鱔唔算太多話哂都係貴野但個飯都好好食呀. 四寶飯 - 四寶包括有咸蛋、蝦乾、雞肉、黑椒豬手, 的確係唔錯..個黑椒豬手好味呀~~~個飯其實都幾多ga..同埋都等左成15分鐘可能係即叫即整..熱辣辣好好味~~燉湯個方面唔洗講la..真係堅料+堅燉一d都唔流ga...真係要去試下la~~

麥冬老鴨冬瓜燉湯---消暑湯水,料好多,冬瓜入味,夠哂熱辣辣但少少油而已,飲落知道落夠料及時間燉噃.椰子烏雞燉湯---打開蓋幾大陣椰子香,不過唔油噃,烏雞都煲得好綿.鮮水蔘甘葛燉湯---消暑湯,好多料呢,試下舊雞先...D骨煲到綿哂趙得添我又試,係噃,D骨真係綿架噃,個湯亦充滿蔘味呢.最後來個甜湯吧---川貝雪梨燉湯,有成個雪梨,唔會太甜而品嚐到清甜呢黃鱔飯好多料,仲要好的事菜蔬好多呢,有菜心,杞子等等唔駛再落豉油都夠味,而個煲底好多飯焦呢!蝦乾花腩飯及蝦乾肉餅飯,蝦乾都幾大隻而豬肉頗有咬口,而幾厚肉噃,滿足架白鱔飯非常惹味呢!今煲居然食到爽鱔呢!食落知道煲得夠火喉,個白鱔加上醬汁後送飯一流魚皮亦夠厚及膠質,味力四溢呢!

自問是個愛湯之人~見證住元朗終於有間真材實料的燉湯店開幕之後~~路過多次卻無緣一試~這個晚上由元朗頭走到元朗尾途中就在晚飯前的時間經過~~~店內小小的只有四張檯~駐足一會之後呀姐已經親切的出來介紹~~既然時間尚早未有太多客~飲碗湯再起行也好~問呀姐姐有如推介~但始終飲湯是個人口味~難有獨枝一秀的推介~反而自已因應湯效功能再定斷較為合適~~小比著重去濕清熱~選擇大生地麥冬燉湯~~而第一次展現出選擇困難症ge大比就最後以口味行頭~選了較甜的川貝雪梨燉湯~~見餐牌上有不少鐵鍋飯的選擇~很想試但只好留待下次等了約5min~兩盅湯水相繼送到~先喝自已的生地麥冬~湯料非常豐富足料~還有土伏苓與豬龍骨~~為中藥成份較濃味的一個燉湯~雖然對湯料不太了解~但火喉夠~燉ge時間夠耐~~~有心有誠意的一個燉湯~個人覺得以$36這一個價錢~比起平時最常喝燉湯的蛇王二還要真材實料~至少坐得較舒服~招待也高一丈而大比的川貝雪梨~南北杏的份量多得令小比雙眼發光~因為最最最愛飲湯有南北杏~但媽咪以前就會成日話唔好食咁多~~好毒ga~~~真的嗎??不理了~照吃可也~~這個湯水相對自已藥味重的濃~完全可歸入甜品類~hah

還以為又是一家味精湯的餐館, 結果是出乎意料的好味, 這個驚喜是近期少有。椰子烏雞燉湯麥冬老鴨冬瓜湯非常足料, 湯水清甜無比, 喝完後立即覺得滋潤了很多^.^最怕又濕又爛的飯, 最喜愛一粒粒又軟熟的飯, 而這裡的鐵鍋飯當然是後者, 雖然沒有炭爐煮出來那麼香, 但因為材料新鮮, 調味恰到好處, 所以還是吃得非常滋味。特別要講講以下兩款: 乳鴿飯: 乳鴿沒有經過油炸或很濃的調味, 保留了原有味道, 幾特別。四寶飯: 四寶有: 咸蛋, 豬手, 雞肉, 蝦乾. 咸蛋黃甘香, 咸豬手片冶味, 雞肉滑溜, 蝦乾不會好硬, 所有材料的味道都非常配合。這家小店在西裕街多間大大小小的食肆中真的一點都不起眼, 但不要就這樣錯過了.

nov 02, 09本來想木瓜湯補吓,點知無晒,所以改叫 : 1) 鹹魚肉餅飯 ($35)-都等咗好耐,應該>15分鐘-上枱時,好熱騰騰,真的要好小心不要觸及煲邊-估唔到有d藥饍feel,會+有杞子,薑絲-肉餅之上有2片很薄很細的鹹魚,不會死鹹,也有少少梅香的質地,所以叫合格-肉餅很厚,亦很鬆,不錯-飯底的飯焦也有1大片,証明熱度同焗嘅時間亦好充足。最尾可以食到大片的飯焦,不過未夠脆卜卜-唯獨欠缺就喺煲仔飯的豉油不夠多,露咗比較多沒有沾上豉油的白飯,所以欠缺色澤同味道-有要求侍應叫廚房拿點煲仔飯豉油,但佢就反建議我用枱上預放的豉油,不過我直感2者喺唔同,所以只試吓式倒咗少少用* 因食到唔同階段都影相.........最後要將1/2件肉餅移開,坐對面的年長couple(舖頭細,搭枱的)見到...........比老細還緊張,即刻問我唔好食呀?~~~~~"唔喺,我要影相啫~~"。新界的老街坊真的比港島區率性好多,hahaha

喺openrice無意間發現到呢間專賣湯水嘅舖頭,即刻oct 26, 09來試,叫咗 : 1) 椰子烏雞燉湯 (原價$43,有9折)-女店員幫我打開個蓋後,已撲來椰子香-材料喺單張/menu上有原味鮮水參, 椰子同烏雞, 但我全盅飲完都搵唔到水參嘅蹤影-不過佢嘅料真喺好多,有埋薑片,事後挾晒d椰子同烏雞骨出嚟,都成碗有多,所以湯嘅部份就相對唔喺太多,得1碗左右-味道自然,椰子味唔算好濃,又唔會落好多鹽,飲其原味,飲後亦順喉,無頸渴徵狀-我平時都有買1間連鎖店嘅湯卷,佢嘅味道喺濃d,但調味亦重手好多 * 呢度有特為男士同女士而設嘅湯水.............當然都有男女合宜嗰d啦...........大部份都喺燉湯 * 現時有9折..........老細話9折大約維持到11月/12月 * 除咗湯水外............佢仲有數款小食同煲仔飯.............所以下次我都要試吓~~~

呢間店的湯真材實料....最重要煲完..的料都係甜.而裏面雞同的蔘都好甘甜而份量又唔少的飯立刻煲....好惹味.....而我覺得間店的食物好適合單身人仕.........好可惜呢條街別人只會睇到食潮州野..

香港主打做燉湯的食店並不多, 難得所住的元朗區發現此店, 對於成長在無飯家庭的我, 長缺湯水 ,所以對老火湯總有一份情意結 是夜來到已是10時多, 老闆以親切笑容招待, 10多款湯水全部都是有葯用成份, 他逐一向我介紹各款湯水功效. 湊巧近日睡不好, 一於來個人蔘靈芝燉草雞湯. 安神補氣, 健脾胃.一盅的份量絕對夠二人共享, 相信有 3. 4碗之多, 打開盅蓋方嗅到陣陣葯未材精華香氣, 最可取的, 是能給客人看到湯內的真材實料, 絕不欺場. 首先是一整支人蔘(水蔘), 因已燉至精華全出, 所以吃落並不覺太甘口, 另外還有靈芝片, 紅棗, 雞件, 杞子瘦肉等, 非常豐富! 喝下去不會有很濃烈的葯材味, 容易接受. 我邊與老闆傾計, 其間問他為何不多做其他小炒? 不怕只賣湯做不來嗎? 他笑道要只想專心做好湯水, 最多只有三兩味煲仔飯就滿足了. 專業精神, 值得一讚!! 我邊喝湯吃料, 坐了大半小時, 最後整碗吃光也真的很撐肚. 只是賣 $25 一個湯, 看來我再不用幫襯涼茶店的現成湯了~~下次再來, 一定要試試老闆推介的煲仔飯~老闆, 加油!