老掌櫃東北菜館 (利奧坊)

营业中

休息中

朋友推薦老掌櫃，首先話超多人幫襯，又講到食物質素一流，價錢又抵Book唔到位，walk in真係超多人，等左差不多一個鐘。一睇餐牌，價錢算係幾親民，半隻北京填鴨都唔駛200, 其他小菜幾十蚊咁。點左燒茄子，無想過燒茄子係汁煮咁。我滿腦的燒茄子係分開一半加d汁去燒。茄子非常油膩同咸，食唔到其他味糖醋里脊咩唔係一條條的，但我地食到的係菠蘿咕嚕肉，里脊同咕嚕肉是否同一樣嘢？里脊肉的肉質同咕嚕肉好唔同，亦唔多餐廳有糖醋里脊，如果兩者是相同食物我無話可說。但online search咕嚕肉同里脊肉的圖片係不同，最少糖醋里脊唔落菠蘿。你地唔煮糖醋里脊可以改餐牌做菠蘿咕嚕肉呀兩樣餸顛覆左的一直以來的認知我一見到炸銀絲卷立即點，又一次失望，炸得唔通透，外皮唔脆，咁已經係唔駛多講這是否一間老字路？我入到去只覺得似快餐店，填完紙仔到上菜，真係同大家樂速度一樣，由坐低到食完可以45分鐘內攪掂，如果你想揾一間有食物有質素，可以傾計，相對坐得比較耐(雖然無時限，但食完幫你收晒碟都唔會全得耐),不建議。好多人話性價比高，食完我覺得過譽。價錢可接受，但食物質素(唔係太咸就無味),環境令我唔會再幫襯

由一間舊區小店 開到有分店 由小舊舖搬去大新店 仍然人氣不減 十分旺場👏🏻之前第一次係幫襯大角咀舊店 一直知道好多人幫襯好受歡迎 無book位嘅預咗walk in有排等 我有朋友試過晚市等咗兩個鐘🙈明智嘅我當然book定位留定鴨 平日大約六點 去到 半場滿 到走時未夠八點 見到排緊幾枱◽北京填鴨(半隻)$168就有半隻 今時今日真係好平 有機會賣晒 記得預留◾麻醬蒜泥茄子麻醬同蒜泥好夾 蒜泥再辣啲仲正◽紅燒肉燉粉絲條大愛粉絲條 好煙韌◾辣子雞丁再辣啲會更加正 送飯一流◽東北農家炒飯主要係各種蔬菜粒粒 例如蕃茄/粟米/芥蘭等等 加埋蝦仁炒成 好香好惹味全部都份量十足 我地兩個眼闊肚窄叫咗咁多 當然食唔晒 仲要打包返屋企受歡迎嘅原因相信除咗款式多 好味之外 價錢平亦係好吸引嘅地方 我地叫左以上5樣野食 另外仲有1枝啤酒＋2罐汽水 埋單都唔洗五百 太抵了吧😱

老掌櫃經營香港少見嘅東北菜，早前喺大角咀另一條街嘅舊鋪已被收購重建，我亦都去過幾次。搬咗去利澳坊後，地方光猛闊落咗，整體坐得舒服咗好多，雖然啲凳依然係擺得比較密。是晚最殺風景係隔離檯某人兄，講嘢下下好似街市賣餸咁大聲，明明同佢同檯嘅人都唔係咁，有冇必要呢？今晚兩個人嗌咗5個餸，其實係太多不過全部都幾好食。先來嘅係《花雕醉雞》，份量十足嘅雞肉非常嫩滑，雞皮好薄而皮下脂肪成啫喱狀，高水準。花雕汁酒味濃烈，證明冇偷工減料。呢碟係《醋拌茼蒿》，其實係意外嗌錯，以為係『萵筍』。雖然兩種菜差好遠，不過呢碟個陳醋汁做得非常好，而且唐蒿質素高，無平時最怕嘅草青味。《醬骨架》用咗Baby Ribs 嘅部位來做，同正宗用豬脊骨唔同。呢度做得較為腍身，汁偏甜而不夠鹹，食落有少許似鹵水。不過豬肉質地好，所以雖然唔夠但正宗味道尚可。《東北大拉皮》嘅重點在於煙靭嘅粉皮同埋碟底嘅醬汁調和得好好，令人一口接一口。其實仲叫咗個《酸菜豬肉餃子》，都係非常美味，可惜無留相。

由以前細鋪仔開始食起 每碟餸都好好食又大碟 價錢又唔算貴😆最近見佢都開左分店係荃灣西 但係都決定去返大角咀本店到食 不過本店其實都搬咗新舖位 空間大左 坐得舒服左😌叫左幾碟前菜-雞絲粉皮同埋拍青瓜都唔錯😋主菜就叫左：半碟片皮鴨（必點）呢度嘅片皮鴨真係好好食 全部鴨都係好多肉 肉同皮嘅比例啱啱好🐦同埋個包鴨個皮都好薄 正宗皮薄餡靚😆京燒羊肉（都係必點）將羊肉燒到個皮脆脆 食之前點一點秘製嘅汁 一啖咬落去勁大陣嘅羊騷味🐑鍾意食羊肉一定要點 不過唔知係主廚換咗定材料換咗 羊肉冇以前咁騷同埋肥 孜然蔥爆羊肉又係鍾意食羊必點🤣不過呢碟有少少蔥多過羊 不過最主要係佢啲孜然味真係太香 整體來講 質素冇以前細舖咁好 不過都好食😚

最近日日都大角咀搵食，想食酸辣湯雲吞，朋友介紹左老掌櫃，聽聞平時好多人排隊，我地今日就好好彩。入到去就係特別既裝修，有啲懷舊👏🏻，都幾適合。午餐選擇都好多，而且價錢好實惠，樣樣都想食。最後我地叫左紅燒肉、水煮魚同雲吞蛋麵。份量勁大😋好多魚，仲好滑😝佢個底仲有勁多薯粉，索晒汁好正。仲加左豆腐😛都食剩半碗飯。紅燒肉勁滑，整得好好，好夠味，加埋菜飯同酸辣湯👍👍👍酸辣湯可以再濃味啲。超抵呀！個個飽到撑住個肚價錢都唔貴👏🏻推薦！

真係不明白點解食評可以寫到天上有地下 無，昨晚我終於去試了啦，以下係我真心的評價1)北京填鴨不像北京填鴨， 可想而知，沒有一點像似有名的京菜店舖，失敗的地方早就預先切好，出台時肉汁已經不見晒最令我失望的係好像我去了 燒臘檔叫了一隻燒鴨，切出來的就像燒鴨檔的一樣，可想而之。2)酸辣魚，算啦，應該係㕑師自創，不值一提3)2人，3人，4人都限1.5小時限定要買單，跟本係不可能的事4)明明在平台上可以收支付寶，微信，信用咭，到買單時什麼都不收，只收現金，看來老闆喜歡搵客人老襯，這個時期很多人去消費都會選擇有電子支付的店舖， 尽量最好不經人手現金以上都係我個人意見，不值得再去

好耐無黎過呢間啦，由細店搬到大舖 坐得舒服左好多👍🏻👍🏻舖位都好寬敞。呢度最出名係東北菜🗾味道係傳統既濃油赤醬🍖間唔中食一次都好滋味☺️⭐️ 水煮魚 🐟 ($108)好掛住D重口味既麻辣野呀😋呢個味道調得岩岩適合香港人口味👍🏻過癮得黎又唔會太辣 仲要麻麻地🥰 配菜有芽菜雲耳同冬粉 🍜索曬湯汁 食到水煮既滋味 仲要都幾飽肚🤣 可惜兩個人叫唔到大份既桂花魚🌼 小份係龍脷柳 無雪味 但係亦都無鮮味 靠辣味搭夠😅⭐️ 孜然大蔥牛肉 🥩 ($78)炒得好有鑊氣🍳孜然味好濃好香口🤗但係唔會過份辣🌶牛肉唔會有羶味🐂 可惜太飽了 唔係送白飯一流🍚⭐️ 雞絲粉皮 🐔 ($62)驟眼睇雞絲既份量好似少左D😅 麻醬差咁D唔夠濃 但係粉皮十分滑溜😋 食完咁多辣野 🔥涼一涼D味蕾 ❄️感覺好舒服⭐️ 素三鮮餃子 🥬 ($42)每一粒餃子都好飽滿🥟餡料好豐富👍🏻 有白菜仔 冬菇🍄 甘筍🥕同木耳 食落清清淡淡 好似媽媽包既餃子👵🏻有少少調味 但唔係味精既味道 感覺到蔬菜既新鮮😋

好耐冇黎食啦！ search一search先知搬咗舖位。新舖面積大好多，光猛好多。因為仲係限聚令嘅關係，只可以兩個人一枱。好多嘢都想叫嚟食，但係兩個人真係食唔到好多，又費事浪費，所以我同朋友叫咗北京填鴨（半隻），農家小炒肉同埋砂鍋雲吞雞（半隻）。北京填鴨（半隻）（$168）跟12塊餑餑皮🌟推介🌟基本上每枱都會叫😂填鴨片加京蔥、青瓜、蘸填鴨醬包係餑餑皮食我本身唔鍾意食任何蔥類，但朋友極力推介要夾埋一齊食，估唔到我都接受到京蔥嗰隻味。京蔥青瓜解膩爽口，填鴨醬甜甜地，填鴨片皮脆肉嫩，加埋餑餑皮煙煙韌韌，味道的確唔錯😋填鴨皮份量十足，大部分都連肉少部分只有皮...夾嚟食真係滿口油脂。雖然好有罪惡感，但真係好正🤦🏻‍♀️如果唔夠餑餑皮可以加$15/6塊**********農家小炒肉（$78）芹菜、青瓜、青紅椒炒豬腩肉配料爽口豬腩肉嘅皮好彈牙，肥膏一層、肉一層，食落有層次😆😆微辣🌶幾開胃**********砂鍋雲吞雞（半隻）$138湯底清清地，上菜時仲滾緊，熱辣辣雲吞：食落有啲似羊肉...唔確定問一問侍應，佢話係豬肉，但係個味真係好濃嘅羊肉味😂雞🐔：比較’鞋’，不過唔緊要...餐廳唔係主打食雞，可接

午市黎食小菜，因為我地一心黎食片皮鴨。阿姐叫我地自己寫編號係紙上落單，餐具同紙巾都係桌下既櫃桶到，半自助服務😹1）片皮鴨半隻（配餑餑皮、京蔥，青瓜）2）韮菜豬肉餡餅3）上湯浸娃娃菜4）鍋包肉1）片皮鴨：未食過咁多肉嘅片皮鴨！仲要肥瘦適中，配埋京蔥同青瓜，青爽唔油膩。塊皮係超級薄但係又好柔韌唔會斷。啲鴨嘅份量好多，12塊皮都唔夠。2）餡餅：好有驚喜，因為我唔係第一時間食，唔係好熱果陣擺入口，但都係爆汁！真係噴左啲汁出黎😹😹，同仲係好好食！3）娃娃菜：最鐘意係啲蒜頭！火喉岩岩好～4）鍋包肉：個人麻麻地 感覺好似甜酸骨果種。但又係凍左食你都唔會覺得好難入口，所以最後係食得晒～唔收加一，依種菜式價錢一啲都唔貴，值得再食。

我食過好多間東北菜 唯獨哩間令我印象深刻 成日都念念不忘他們的水煮魚 京燒羊肉 很多的涼拌都好有水準 環境十分之有中國風 我從舊鋪已經食食左好多次足足有五年我覺得他們的東西非常有水準非常倒地特色好好味我成家都中意食 你這麵食都10分之出色尤其是佢果個韮菜餃 皮薄餡靚10分之多汁 我每次同家人去都叫到成台都係菜 最重要價錢便宜十分之有cp值 北京烤鴨一定要品嚐 師傅的刀工很有技術 片片都size 一樣 每一塊片出來的烤鴨都十分之有肉汁 加上青瓜京蔥十分的搭配 良心店舖真心推薦去食食看

我都已經食咗幾次㗎啦呢間舖頭嘅水準非常之好我一家人都鍾意食特別係佢啲片皮鴨同埋羊肉經銷羊肉個包容雞絲粉皮都好正.不過佢哋成日要排隊啦如果如果去食嘅話記得book位佢舊舖嘅時候我哋已經成日去食而家搬咗新袍地方大左靚咗同埋質素都一直保持到水準！我哋係星期日去當時好多人排隊我哋等咗半個鐘入到去叫咗一隻鴨一個雞絲粉皮一個口水雞同埋水煮魚酸菜魚價錢合理服務都幾好我會一直去支持佢哋我哋成家都會約埋一齊嚟食晚飯

兩個人叫左3碟，超級飽，以前係舊店食過，今次係新店食，味道依舊好，而且坐得更舒服，鍾意食辣既朋友仔真係要試下呢度係辣菜，辣得好過癮，而片皮鴨都好新鮮，仍然脆口，值得一試麻辣牛肉（$72）咸蛋炒豆角北京填鴨（半份）（$308）

晏就搵人食lunch，係佢番工附近隨便食。見幾多位，環境又幾闊落，就去咗試下(˶‾᷄ ⁻̫ ‾᷅˵)-🐷秘製杭州骨（💰47）薯仔炸過好香，仲入哂味(˶‾᷄ ⁻̫ ‾᷅˵) 鎮江汁酸酸甜甜好開胃✨好多排骨好多肉，半肥瘦好好咬口(●°u°●)​ 」但個底太油了，好快膩。不過係好食既.🐣脆辣雞軟骨（💰49）辣椒炸到好脆，當小食食好香口仲有其他紅青椒令成道菜好香✨好多雞軟骨食極都有🤤仲落左芝麻好香口，仲有幾舊麻花仔食下.轉菜飯+💰2肉眼見到好多菜，但食落就略少菜味白飯粒粒分明，比較乾身，岩我😋-食飽之後剩番既飯餸都裝滿到一個飯盒😦超抵食，超飽超滿足😋

要食到好食又價錢合理嘅片皮鴨真係唔太易但呢度都無令人失望🤣見到枱枱都叫咁滯，好似係必叫嘅菜式北京填鴨，半隻 -168份量一啲都唔少！皮脆肉嫩，配埋青瓜同蔥令油膩感大減京蔥羊肉餃子 -46難得同朋友都食羊，所以叫咗羊肉餃子好似特別啲餃子膻味好重，好有北方味，如果冬天食感覺會重正，鐘意食羊嘅朋友應該會幾鐘意麻辣海蜇 -60夠麻夠辣，一啲都唔Hea而且海蜇好長好爽口岀面真係好少食到咁粗，咁長嘅海蜇青瓜間中可以用嚟中和辣味醉雞 -68令人有少少失望酒味還好，唔算太淡但雞肉十分之鞋口豆角燒茄子 -68濃味，茄子同豆角都整到好淋身我個人鐘意食淋啲嘅嘢，所以覺得好好食如果用嚟送飯真係一流嘢飲方面叫咗豆漿本身想叫酸梅汁，但賣哂重有想食高力豆沙，不過可能因為太夜，所以都已賣哂希望下次嚟食到啦餐廳位置都叫大，但枱與枱中間隔離比較少，枱嘅Size都較細，令人感覺好密集而且如果坐入面要離開時，有機會會岀唔到，背面亦會貼住人哋張凳當晚入面個枱離開時重爭啲撞冧我哋杯嘢飲呢點真係有待改善

在大角咀這一帶吃京川滬菜，最有名氣，多年來屹立不倒的，首推奧海城的「金滿庭」，但說到東北菜，毫無疑問，最多捧場客的，一定是「老掌櫃東北菜館」，自從它在數年前開業之後，生意愈來愈好，每晚都有客人在不大的店舖門前等候入內吃飯。最近它更大展拳腳，關閉舊舖，在同一街上的「利奧坊二期」開了一間地方比舊舖大得多，可以容納更多客人的新店。這一晚，想起這間新店，於是便在店舖晚上六時開業待客不久前往幫襯，去到的時候才不過六時多點，想不到比之前大得多的「老掌櫃」，竟已接近全場爆滿，幸好我與太太只得兩人，才可勉強在店中深處，找到一張兩人檯，即時可以點餐。假如我們人數多些，又或來得晚些，便一定要等上好一會兒，才能入座用膳了。「北京填鴨」是這兒最多人給予好評的菜式之一，這夜一試，完全明白它為甚麼大受歡迎，幾乎每檯必叫。兩夫妻吃的是「北京填鴨」（半隻/跟12塊餑餑皮/$168）。才百多元的半隻北京填鴨，份量極多，填鴨除鴨皮外，鴨肉也多，配以京蔥、青瓜等物，蘸以填鴨醬，的確好味，不過餑餑皮偏硬身，則是這「北京填鴨」最讓我感到欠佳的地方。「松鼠魚」（$88）不是原條版，而是魚塊，而且用的只是龍利柳，不過甜酸汁做得好，