老掌櫃東北菜館 (利奧坊)

营业中

休息中

一心想吃片皮鴨，爸爸被“老掌櫃“這個地道的名字吸引。店內裝潢有風味，坐下不久店員便重點推薦了烤羊，於事由原本想叫一隻片皮鴨改為叫了半隻。最後3個人點了4款菜，烤羊、酸菜腩肉鍋、片皮鴨半隻和京蔥羊肉餃10隻。烤羊果然味道不錯，皮香脆味道夠，片皮鴨的肉亦有肉汁，不乾身，可惜青瓜切得比較粗，粉皮略嫌帶硬，但勝在夠薄。整體很不錯，衡量價錢與食物質素，可以回頭再食。總結：烤羊>酸菜腩肉鍋>片皮鴨>京蔥羊肉餃

他們搬了位置一段時間，我就進行了新店初體驗，我認為只有口水雞味道可以繼續保持水準。不過好可惜～ 我個人認為片皮鴨都還可以接受，絕對係正宗的北京填鴨，不過整體菜式已經大退步，每一個菜式令人感到係好油及好多味精令到菜式香口。食完會有非常之頸渴的感覺。例如1黃金蝦欠鮮味可口～ 2. 地三鮮太淋太油..............................而價錢方面仍然係非常抵食，平民化！！！

以前大角咀舊店都食過幾次，店舖細細食客坐得比較埋，但幾有家常店嘅氣氛。今日去新店，感覺變咗連鎖舖頭咁。🥢因為得兩個人食，根據以往經驗係半隻鴨再加個菜已經好夠。所以今日嗌咗半隻鴨、清炒萵筍，加兩個高力豆沙。🥢🥢其實兩個人食半隻鴨都真係好夠，因為呢度嘅片皮鴨係好似平時燒味店啲燒鴨咁厚。好大可能係啲鴨片好晒，所以上枱係凍嘅。鴨皮唔酥脆，啲鴨肉都無乜味。半隻鴨先百幾蚊真係唔會要求啲咩，但燒隻鴨前可以醃吓有啲味就更好，因為你會驚訝點解一餐飯之後嗰碟醬會俾你食晒。啲皮因為冇嘢蓋住而冷氣不停吹，所以係極速變凍同變乾，乾咗嘅餅皮係好硬好難食。感覺自己買盒燒鴨返黎再自己加餅皮同配料已經係呢道菜。🥢清炒萵筍真係清炒，連一丁點蒜蓉都冇，感覺係卓熟之後落油同鹽炒下就上碟。不過茼蒿幾鮮嫩，就算無乜味都幾清幾好食，配合食醬片皮鴨叫做平衡返。🥢最後嗌咗兩個高力豆沙，係即嗌即炸。質地好鬆軟，紅豆沙餡都唔會好甜好漏，本日最佳。🔥我book咗2點然後食到2點45分左右啲職員就開始不停收嘢。又推車又放餐具。每個位都有個櫃桶，入邊放咗紙巾同餐具。啲職員就不停放新餐具入黎但重點係我都未食完，佢就直接打開我個櫃桶放筷子連唔該都無

京川滬既餐廳小編都好多機會會品嚐到，但正宗既東北菜相信除左北京填鴨外，好多時都會混離部分既廣東菜咁一齊食；今晚小編終於可以品嚐到老掌櫃既正宗東北菜。位置上雖然相對唔就腳，但其實響奧運站行過黎只需10分鐘。小編就先建議大家響Openrice訂位，否則過左7點後門口就會排哂隊，話就話響商場，但由於係地鋪關係，門口排隊區都係要熱住等，所以都係早點訂枱吧。睇過其他朋友介紹店鋪內係比較擠迫，坦白講又真係既，所以如果兩個人食飯都要預左同其他人可能響膊頭上有接觸。講返正題先，老掌櫃最令人津津樂道既，就係佢地既菜式全部都係大份，而價錢上又唔係真係太貴。因為小編一行5人既關係，今次就可以盡情咁試多少少佢地既菜式了。1) 雞絲粉皮 ($62)：好味! 芝麻醬睇落去好少，但其實非常之濃，所以就算將粉皮完全攪拌後芝麻香都仍然好強，不過青瓜絲同雞絲既比例就好似唔太平衡喇。2) 四喜烤麩 ($62)：還好! 麥麩份量非常多，味道都幾濃!3) 蔥燒木耳 ($62)：好味! 原本叫錯既菜式 - 但原來炒香既木耳，不單止保持住木耳個種脆口，而且炒香既味道送飯都唔錯。4) 東北肉皮凍 ($58)：特別! 當大家可能覺得豬

呢一間老掌櫃上海菜由佢大角嘴舊舖，食到黎宜家搬左新鋪🤩真係睇住佢一路咁擴充一路發展👍👍大角嘴美食之光☺️☺️今日晚餐時間太多人，叫左外賣🥡1️⃣必食一係片皮鴨🦆唔好以為半隻份量好少，四至六人開心share食都啱啱好👍呢間嘅片皮鴨，主要係肉多帶有少少皮，個人口味。（如果鍾意食皮嘅就未必滿足到😀）但自問怕肥膩，所以多肉啱晒我👍，荷葉餅都夠晒數，夠晒包半隻鴨🌟🌟😋2️⃣酸菜餃/羊肉餃🥟粒粒都大大隻，好滿足P.S有時間當然係堂食新鮮熱辣，滋味好多☺️當然外賣返屋企慢慢嘆，又係另一種享受🥰

今日一家人收工去咗食呢間餐廳，係去前已經睇咗其他食評話要訂位同食片皮鴨最好預訂先，所以係早一星期就book定位同半隻片皮鴨。7:30左右入到去，已經見到好多人食緊，差唔多枱枱都有叫片皮鴨，可想而知片皮鴨真係最出名。💡餐廳要俾茶位錢（每位$4）💡餐廳無加一費🌟北京填鴨 ($168 半隻)間餐廳最出名就係北京填鴨，因為比起其他食北京填鴨嘅餐廳平，份量又夠，所以差唔多枱枱都會叫。即使係半隻都好夠食，上枱時鴨皮仲係脆卜卜！💥再提大家如果唔係食第一輪晚市嘅話，就記得要打電話去預訂定！🌟東北農家炒飯 ($68)炒飯炒得乾身，而且都幾足料！🌟乾煸四季豆 ($68)呢碟菜偏油，唔夠惹味！🌟糖醋里脊 ($82)酸甜開胃，里脊肉炸得好酥脆。

好耐冇返去食東北菜了，不過今日推介一間係香港都可以食到，超級正宗又性價比嘅東北菜【老掌櫃東北菜】好想食片皮鴨🦆，呢間片皮雅真係要試！(必吃)168半隻已經好多肉，好大份，夠2-4個人食。涼拌唐蒿菜妳食過未？真的很好食！醋汁再加上些糖調味，非常好味。10年前食過一次已經到而家了，估唔到香港有這種味道！酸辣湯嘅味道唔算錯，如果再濃味些就更perfect,主因味道比片皮鴨的香遮蓋左，不過配料份量好足。呢間都算係網紅店，兩點多去到都依然多人，3點收爐要提早預定！

之前食過老掌櫃嘅北京填鴨，結果念念不忘幾個月終於忍唔住走去再食多次。 一坐低就毫不猶豫咁點咗一份北京填鴨，叫完同行朋友是但嗌多兩個餸就走咗去廁所，因為其他菜式喺我眼中只係一篤屎，我只想食北京填鴨！而隻鴨果然冇令我失望，層皮燒到紙咁薄 但又好香脆，下面嗰層厚度剛剛好既肥膏食落一啲都會肥膩，HI ANUTIE! 真係好L好食！一個人清左大半碟，朋友問我怕唔怕膽固醇超標，我義不容辭繼續食。另外點左個紅燒羊扒同秘製杭州醬豬仔骨。羊扒好厚，但煮到好淋，食落入口即溶，哥人嫌脂肪有點多。食唔出個杭州醬有幾特別，但系好食既。餐廳既炒青菜同羊扒豬仔骨差唔多，覺得有啲唔抵食所以冇叫，成晚餐飯都系食肉，食到最後有啲滯。順帶一提，當日系星期五晚上去，7點左右已經好多人，好彩我當時系 walk in 最後一個 即刻有位，其他枱都已經畀人book曬。最後我望住眼前隻鴨... 再出面排緊隊嘅人... 心涼到內心爆左句「慢慢等」～

疫情當下，為時了多久差不記不起，半懂半不懂久久違了的食飯吹水，對上一次飲飲食食也忘記了在那時，總之約齊人腳就來到這間街坊大排檔？東北菜？茶記？都分別唔到是怎樣界別這餐廳？她的排頭叫老掌櫃，令我想差不多是孔乙己同掌櫃的酒店。當日去到炎炎夏日身水身汗，我哋透過OpenRice 訂枱，點知比我們約的時間早到了，我們就找這裡的掌櫃入坐但早到了她就安排了要我們準時地入坐，最後我們總算入坐了，菜式是特別的，啤酒是香港品牌的，掌櫃是美女的，廚師手藝是好味的，總之這裡有著這小説當中的情懷及氣氛，之乎者也！

這家店是朋友食過說味道不錯，之前食過荃灣分店的外買覺得幾好味，而且格錢合理，今次食都無失望朋友都話好食。我哋係無預約先打電話去確認仲有冇位，店員話唔可以留位叫我哋7點前去到比較少人，但我哋去到都要等咗一陣，所以大家去記得book位。去到秘點片皮鴨，三個人食半隻已經份量好夠食，另外點了一個涼菜千層豬耳、炸黃花魚、三鮮水餃和酸辣湯。上菜速度算很快，先上涼菜豬耳口感脆涼拌醬味道爽口開胃，食食下片皮鴨就到啦，鴨每個部位都有，鴨片肥滋滋的油食到滿口香，帶肉帶片的多層口感，配大蔥青瓜加甜醬包餅皮食一樣香，可以講一碟鴨食出三種層次。對比下黃花魚就失色，炸是炸到外脆內軟的，廚師可能手快洒太多椒鹽味道有點咸。因為這家是東北菜餃好也很出色，皮的口感Q軟是手工餃子皮，餡料也很新鮮多汁，可以一個人食一碟都唔會膩。酸辣湯很多料份量也很多，一開始是酸酸的不會很辣，忍唔要一碗白飯黎攪酸辣湯，超好餸飯份量都足夠建議4個人黎食會比較好，因為很多菜都想食，看見隔離枱都好大碟好好味，下次再嚟食過

一踏入餐廳，人多得似去了街市，不誇張，門口位置已經很多人站著等位，有的走進店內等，位置不多，但要放很多外賣單，可見這家店生意無敵好。大家坐得很逼，整家店最暢通就是這條通道了。店員忙得很，幾乎要拉住她才會理你，但我也能理解，因為真的很忙，很多枱的客人走了，連收拾枱面的工作也沒有人做。全餐飯最欣賞的是每碟菜都很夠熱，而且價錢真係很相宜，份量也大，相信就是這麼多人的原因。☞☛砂鍋雲吞雞雞湯味道香濃，但菜不多，這裡有半隻雞，雞也燉很入味，至於雲吞則普通，大約有5至6粒。☞☛糖醋龍利柳講明了是龍利柳，吃得很方便，沒有骨頭，啖啖肉。☞☛四喜烤夫這個不推介，烤夫像發脹了棉花，已經軟掉了，完全沒有咬口，調味也不太好吃，很淡。☞☛紅油抄手就是砂鍋雲吞雞裡面的雲吞，不太好吃，說辣也不是很辣，不也香。☞☛半隻片皮鴨價錢不貴，質素相對也不高，切片切得很厚，肉和皮的比例是9:1，很鞋。☞☛豆沙窩餅跟我平日吃的樣子不一樣，但這個出奇好吃，雖乾但不油，比較似烙餅，中間的豆沙不會過多，不錯。☞☛乾扁四季豆略油了一點，但好香很好下飯。

近來看了一段片皮鴨大比拼的短片，當中老掌櫃相當吸引，馬上訂位去試一試便知龍與鳳🐉荃灣分店早已全滿，唯有轉去大角咀總店，幸好仍有6時可訂.準時去到已經人山人海，由於大角咀偏舊區，完全出乎意料的有這麼多人來支持，四周餐廳仍是門可羅雀，而其他食客不少說著流利普通話，反映出餐廳味道應該相當正宗，我對今次晚餐充滿期待🤩 餐廳主要走自助路線，餐具藏於每張檯下的抽屜，點菜要自己填寫編號菜名下單，所以餐廳沒有收加一服務費🤑 🦆片皮鴨(半隻) $168 8/10據知如果不是晚市頭輪，就必需要預先訂定才有。等了15分鐘就片皮鴨就到了，鴨肉身上還有冒著點點煙氣，鴨皮色澤很亮麗，沒有焦黑，脂肪不算太多🥓但聞到鴨油香。鴨肉帶有肉汁，夾在餅中也能添加滋潤感覺，麵醬不會過甜，配合鴨肉也毫不遜色，大蔥香味足餅皮厚薄適中，有點煙韌🫓 🫑青紅椒炒鴨架(半隻二食) $60 6.5/10當片皮鴨吃到一半時，炒鴨架就到了，青紅椒香味很足，吃落仍有爽甜，但醬汁非常重口味，鹹得令人受不了，鴨架仍帶有不少肉，味道還好🥲 🥬木耳炒津白 $64 7/10炒菜是第一道上菜的，蒜蓉香味十足，津白多汁入味，雖然偏油但也是不錯的小菜。 總結而言

之前在大掌櫃大角嘴舊舖幾乎每隔三數周就會去吃晚飯的店，留有非常不錯的印象，相對店的定價, 一直認為店的出品是好食抵食的。今次是我在它大角嘴新店的第一次用餐經驗，有別之前的晚餐，我今日是在下午近兩點去試這店的午市套餐，我點了店有名的秘製杭州骨， 另加小吃涼拌木耳及熱豆漿。首先來了熱豆漿，只是微微暖，濃稠度正常，個人喜歡它不太甜。涼拌木耳的調味水準正常，味道是不過不失，但是大熱天時點涼拌菜所期待的冰涼感覺全沒有，涼拌菜式但室溫上菜，不冷不熱的直接影響這道菜式的味道和口感。最後主角上菜是秘製杭州骨，實在是太令人失望，上菜時出品份量十足，小排骨密密佈滿一碟，並配以炸過的薯仔塊，濃稠的芡汁緊緊的包在肉和薯仔上，色澤均勻光亮。當我把肉放入口中時，首先嘗到的是酸酸甜甜的味道，酸甜度平衡，味道不錯，可惜當我再咬落去，排骨的肉竟然是又乾又柴起唒渣，每件排骨的肉和骨比例很不均勻，大部分是骨多肉少，吃到肉多骨少的也沒什麼意思，因為都係乾柴有渣，實在很難吃下去。反而薯仔入口外層微酥內層粉糯，水準合格之上，可惜吃到後面，碟底的油實在太多，大部分薯仔浸到油淋淋，最後唯有放棄。總結今次的用餐經驗是，感覺店對食品處理

朋友講左好耐話想食呢間東北菜，今次終於陪佢黎試下！酸菜魚好大份，好香🤤 有好多好多酸菜，魚冇骨而且好滑，辣度啱啱好，少少麻🌶 非常開胃，係驚喜地好食！底下仲有薯粉，索哂d湯，夠哂惹味😍北京填鴨唔駛介紹啦，半隻好大份，而且肥瘦適中，呢個份量兩個人係完全食唔哂！杭州骨就骨較多，肉較少，配有菠蘿同薯仔🥔 薯仔粉粉，好好食🤣 個汁酸酸甜甜，送飯真係一流！最後叫左拔絲蘋果做甜品，店員提醒要快d放入凍水度過冷河先食！過左凍水後食落好脆！之後有幾舊放耐左未過水就開始癡底🤣 不過呢個菜式好特別，熱熱地甜甜地，可以一試！整體而言，價錢非常合理，可以話係抵食，份量超多，服務都好好🥰 不過大家千祈唔好好似我地咁眼闊肚窄😂 我地最後食唔哂，拎左3盒外賣走😂

成日都係去食日本嘢 好少何食中菜🙈 雖然我哋兩個都麻麻哋中餐 但係就對片皮鴨情有獨鍾🥰 好鍾意捐窿捐罅去搵黎食😆 今次介紹嘅呢間餐廳 抵食夾大件😂但係兩個人食再嗌多個餸同埋甜品 就有啲多🤯 如果一大班人食會更加好💓🌟北京填鴨 $168呢間片皮鴨價錢親民 味道亦都相當唔錯👍 做到皮脆肉滑嘅效果😆🌟拔絲蘋果 $68今次我哋冇食高力豆沙 反而試咗呢個 估唔到外甜內酸 幾特別😋📌 老掌櫃東北菜館 (利奧坊) (大角咀)大角咀嘉善街18號利奧坊.凱岸地下G708-G709號舖🚇港鐵奧運站C1出口, 步行約4分鐘📌 老掌櫃東北菜館 (富達廣場) (元朗)元朗西菁街23號富達廣場地下19-24號舖📌 老掌櫃東北菜館 (海之戀商場) (荃灣)荃灣大河道100號海之戀商場2樓2006號舖🚇港鐵荃灣西站C出口, 步行約1分鐘