老總廚房

营业中

休息中

事隔大半年先再嚟食嘢。天時暑熱，怕狗狗中暑，就儘量避免盛夏帶佢出街。不過，最近天氣涼番少少，又蠢蠢欲動。呢間餐廳我哋幾鐘意幫襯，因為佢係寵物友善，食物味道又幾好。今次嚟到，我哋仲發現狗狗可以坐入冷氣區添！烤雞菠菜意粉：狗狗爸爸點；佢讚件雞扒肉質柔軟又有肉汁；意粉份量大；忌廉汁非常濃滑，帶菠菜味，醬汁有好多綠色點點；擺盤花過心思，一啲都唔求其蟹肉南瓜蘆筍意大利飯：餐廳幫我走蟹肉；意大利飯配料唔算多，但份量大；米飯熟度剛好，正宗意大利飯會咬到米芯，但我麻麻哋鐘意，反而呢個熟度唔硬亦唔軟爛，較適合一般香港人的胃口；醬汁同樣勁creamy，每啖都好滿足（亦邪惡）；意粉醬重菜味，呢個醬就充滿南瓜的甜味，兩款不相伯仲凍檸茶：會放4片新鮮檸檬的檸茶/檸水可謂絕無僅有，檸檬片仲唔係薄切，非常足料齋啡：嚟過幾次，雖然次次都點咖啡，但佢的確只係普普通通，如果係咖啡愛好者就好失望，但單純想注入咖啡因的話，佢的味道係夠濃帶苦既~我只係想消滯，所以冇乜所謂驚喜哈蜜瓜：侍應幫我哋清理檯上餐碟後，竟然送咗一件哈蜜瓜俾我哋，仲同我哋講：「狗狗終於有嘢啱食喇！」我哋真係超開心呀！原本狗狗有冷氣嘆，經已好感恩，估唔到仲有

間唔時會帶狗狗🐕嚟天空之城食嘢，之前未嚟過呢間餐廳係因為佢的set lunch好似冇素食🌱，所以唔太啱食。今日經過，老闆喺門口歡迎我哋，當我話我食素時，佢即時話有素食menu，而且就算我點set lunch，佢都可以幫我走肉。老闆對狗狗🐕好熱情（佢都養狗），所以我哋就決定喺度lunch喇。我同狗狗爸爸點咗2個set lunch🍽️，包飲品，凍飲唔使補錢。All day breakfast：食物豐富；我食咗少少蒜蓉包（脆口）、蕃茄juicy、炒蛋滑；菠蘿係罐頭嚟，但all day breakfast有啲生果都唔錯；其他食物我就冇試，但狗狗爸爸都幾滿意👍🏻👍🏻焗帶子野菌意大利飯：食第一啖時已忍唔住嗌好食！好creamy，啲飯🍚啱香港人食，軟硬度剛好，我唔係好慣食有心芯的傳統意大利飯，怕難消化；份量都幾大凍齋啡、凍奶茶🥤🧊：飲品的水準比一般茶餐廳略低；如果再好啲就冇得輸喇，因為呢度啲嘢食好味又抵食老闆好nice，對寵物非常友善，佢問咗狗狗叫咩名後，到我哋離開時都仲記得。後尾我哋行完附近的超市再返轉頭，仲有機會見到老闆媽媽，佢哋兩個都係友善、愛狗之人🥰🐕😭！！有機會一定會再帶狗狗嚟呢度呀！🐕狗狗

午餐試咗一份All day breakfast，但係味道真係唔係好食，成份野都冇咩味，首先係炒蛋係軟滑既，但真係冇味；菇好似唔夠新鮮，有啲軟爛，仲要勁多油煙三文魚唔夠新鮮，煙肉勁乾，整到勁硬，茄汁豆同埋蒜蓉包就一般啦，冇咩特別，都係普通嘅味道。條腸都超多油，完全冇調過味，整體嚟講，呢份All day breakfast係好失望，唔太建議大家去試。價錢仲要$108，雖然包熱飲，但真係唔抵。環境既唔差既，但味道真係一般。

放假想悠閑一點，就決定嚟天空之城食下午茶，喺涼涼地嘅天氣下，我哋選咗坐戶外位置，清風吹送，份外感到舒適，餐廳環境都清潔，我哋點咗意粉🍝及燒雞 🍗 ，食物質素都好滿意😋，餐廳員工們都很親切，服務質素不錯，下次會再光顧😝😝放假想悠閑一點，就決定嚟天空之城食下午茶，喺涼涼地嘅天氣下，我哋選咗坐戶外位置，清風吹送，份外感到舒適，餐廳環境都清潔，我哋點咗意粉🍝及燒雞 🍗 ，食物質素都好滿意😋，餐廳員工們都很親切，服務質素不錯，下次會再光顧😝😝

今天和朋友駕車到元朗郊遊，來到這家西餐廳的門外看到環境很清幽，又有充足的泊車位，門外的服務员热情的打照呼和推介，泊車後進入餐廳後，西餐大廚也很热情，特別做了一個焗豬扒飯和漢堡餐給我們吃，豬扒飯那個汁很出色，豬扒肉汁豐富，鬆軟，焗飯也很出色很香，漢堡包餐看似普通，吃下去肉汁也很豐富，麵包鬆化，配菜也很新鮮，跟餐的普通餐飲也可以接受。老闆娘老當益壯很健談，很風趣，有難得的人情味。有家的感覺，一定會再來。

聽聞換左新班底，就過來試下，真係掂左好多👍🏻服務好好，環境都執過，黑白格元素變得有特色Lunch佢哋推薦個肉醬意粉，我一試難忘❤️❤️人生食過最好食既肉醬意粉，麵條係爽口唔係軟淋淋果款，肉醬夠多味道又好，食完意粉仲有剩好多肉醬，然後拎匙羹食晒大推牛肉漢堡就正常水準，中間舊牛肉都幾厚又多肉汁，食左半個都飽飽地All day breakfast都係正常發揮，份量抵讚最後熱辣辣既天氣啖杯凍檸水，正啊😄推薦大家去試下，下次帶埋狗仔去可以坐玻璃房嘆冷氣食

星期五晚，再次來到這裏，環境和以前一樣好舒服，服務一樣咁好。上星期，侍應話要食下佢哋啲burger，所以今晚來試一試。今晚有新的menu, 除了試左佢地的burger, 還試左fish & chips和牛柳，都唔錯。和上次一樣，甜品都係佢地的缺點，賣相 好好，但味道就好淡，無味。希望可以好好改善，咁就perfect la。最後提一提，這裏可以帶狗狗在室內食飯，炎熱嘅時候在有冷氣的地方食飯，真係好重要，哈哈！！

友人相約在星期五晚一齊食飯，因有狗狗的關係，要選一間歡迎狗狗的餐廳，最後選了老總廚房一試。來到餐廳，Patrick-waiter有禮貌地安排我們入坐，選了一個比較遠離其他人的位置。講返食物，有驚喜，味到很好，很特別，睇得出廚師很有心做菜。唯一的問題就是甜品，唔甜又無味。他們說不是自己做的，希望可以改善這個問題，就perfect la。價錢合理，每人都只需$200，一定會再來試其他菜式。Remark：廚師也是一個很nice的人

【天空之城Boss Kitchen】今次星期五晚上來這邊放狗狗 + Happy Friday dinner，試試他們的dinner set 😋上年黎過一次食Lunch, 個陣感覺食物&價錢正常，冇乜service。但今次由入門口已發覺staff 唔同左，好 welcome，到上菜覺得賣相都好吸引了，原來近期換左師傅，Chef Kelvin + Waiter Patrick 既service 真係好好👍🏻好有heart！ 每道菜都花心思擺盤，食物配既sauce會用幾款材料調較 😋 每個course都問返客人意見👏🏻👏🏻🍽 Dinner Set $228前菜/SaladMain course 甜品咖啡/茶我地3人3狗，坐玻璃冷氣房🆒大熱天時最開心就係有冷氣的餐廳🥳西蘭花湯 - 大大碟既濃湯，配croutons ! 唔係出面個d求其忌廉/羅宋湯～鴨胸沙律 - 煙鴨胸有6-7塊，配既balsami vinegar glaze , 酸酸甜甜好開胃煎三文魚配薯蓉 - 塊Salmon fillet份量滿足，配蘑菇醬汁 + 芝士焗薯蓉♥️燒春雞配薯條 - 原隻雞燒得剛好，最欣賞個薯條熱辣辣剛剛炸氣😍煙三

週末同bb玩完大汗踏細汗黃昏嚟呢度仲有set lunch同tea menu揀坐低店員已好細心比杯冰水我簡直係甘泉真係熱到無命😂好耐無食all day breakfast 唔知有咩配搭都照order嚟到眼前一亮超級豐富滑蛋最大隻🍳🍳🍳正正正味道都好好最緊要係坐outdoor有大風扇吹環境闊落帶住bb就食得安心啦🙂

有車 帶住小汪去錦綉花園探老友朋友帶路去咗呢間西餐環境好好喎好多毛孩一齊第五波疫情困咗太耐大家都想出嚟走走好天氣好環境心情自然好啲啦我點咗All day breakfast擺碟超豐富睇得出有誠意好有心思賣相完全吸引煎煙肉略嫌醎咗牛角包酥脆鬆軟堆芝士滑蛋好好食蘑菇好香牛油味蔬菜沙律同蕃茄都好新鮮對成份餐非常滿意朋友點左燒雞胸沙律雞塊入味可口 肉質鮮嫩烤得剛剛好沙律菜完全合格爽脆夠新鮮意大利香醋汁配搭得剛剛好

這間餐廳是寵物友善餐廳, 寵物可以一同用膳🐶, 亦適合揸車人仕, 戶外多個位置可以泊車, 遠離煩囂的一個好地方我們點了All Day Breakfast 燒澳洲西冷牛扒意粉南瓜湯All Day Breakfast 份量及材料比較多, 有炒蛋、煙肉、腸仔、薯餅、三文魚、茄汁豆、有炒香過的磨菇, 非常豐富, 能夠滿足一整天西冷牛扒意粉, 西冷肉質軟腍適中、牛肉味頗濃、煎得剛剛好不會太熟南瓜湯夠濃夠香滑整體不錯有驚喜, 擺盤有心機, 環境很休閑舒服, 可以靜靜享受早午餐

好少會咁不滿 不滿到要出post嗌牛扒3成熟 結果黎到一切 咁硬既 食落好硬 似7成 俾盡5成配菜係凍既 得薯仔係暖想問下可唔可以換結果俾個waiter同廚輪流出黎問我係咪一上菜就即刻食 佢地話唔即刻食既話 牛扒本身有溫度都會慢慢整熟 我最後食埋就算 未試過對食物有不滿 居然俾餐廳質疑返轉頭 未試過有咁差既體驗

每次帶著毛孩想不到活動，就會去呢度，因為有玻璃冷氣房，入面狗主毛孩都有舒適交流環境氣氛好好。我哋每1-2個月點都會黎幫襯一次，可惜今日之後可以唔駛再黎啦！點解？因為毛孩唔可以再入室內啦😢今日中午帶毛孩黎到慶祝父親節，成間店我地係第一個客，去到知道冇得坐玻璃屋真係好震驚🤯出面成34度啊are you kidding me?!點都好，山長水遠黎到都試一次室外啦⋯⋯點知佢一啲配套都冇。一路食有幾隻烏蠅🪰陪住，熱到咁都係得一把唔識轉又吹唔到過黎嘅風扇，我隻Garmin話有37度，除落嚟放喺枱面一陣直情升到39度🥵以前啲員工都鍾意狗，見到狗會開心會同佢哋玩，主動問毛孩駛唔駛飲水。今次啲員工又唔係怕狗嘅...我隻狗訓左係地上上菜最方便個位（非上菜唯一位置），佢就無表情唔出聲企係度等我隻狗行開，對峙左半分鐘，最後我企起身出去拎菜。冇左以前好歡迎毛孩嘅感覺。其實半年前轉老細後食物質素已經差左：以前最愛自製蘑菇湯👍🏼冬陰功闊麵😋。依家就只係餐具比較靚嘅茶餐廳質素：今日牛扒係well done，魚食得到嘅但魚汁整到啲薯條錯晒🥲再加上烏蠅🪰伴舞，一個鐘唔使食完急急腳走人🙂

啊媽生日，入咗錦田食西餐，呢間環境幾靚，好適合打卡影相📸️我地4個人叫左個dinner set，個set有沙律，主菜，飲品同甜品，價錢係$188一個，個主菜叫左牛排，都唔錯，份量都好足。另外又叫咗啲小食，包括有炸洋蔥圈，芝士pizza ，豬架。野食大大份，牛扒同豬架都配左沙律同薯條，本身諗住唔夠食先再叫多個意粉，點知食完上面嗰啲野，我哋全部人都飽唒，完全食唔落。最後，仲有個甜品真係要出動第二個胃🤣餐廳裝咗好多燈飾，黑蚊蚊，氣氛幾好，如果坐喺出邊飲杯啤酒都幾chill😋🥰見到出面寫住歡迎寵物，有機會叫埋fd帶埋隻狗狗一齊去食！