老街坊菜館

营业中

休息中

深水埗長沙灣一帶，都很多麻甩小店，久不久就突然想麻甩一下，今日家姐相約晚飯，決定來這間老街坊試試⋯⋯位置在出名X哥燒鵝附近，所以相當容易找，從地面行上一樓，地舖周記醬料，原來是兩間店舖，筆者初時以為他們是賣醬料，一問才知道是分開的。室內多熟客，但每張枱的擺放位置相當歸一，更有VIP客間，方便大伙人暢飲談天。青島鵝肝$168~未知是來自青島嘅鵝肝，還是係酒醉嘅鵝肝，看著餐牌上的名稱點菜，所以期望有濃濃的酒香，可是嘗了一口後，只有淡淡的酒香，未見突出。豉油皇鵝腸$118~肥嘟嘟，膏未算多，帶點點甜味，墊底嘅大豆芽配上醬汁，惹味討好，嗜甜者喜。脆皮炸大腸$118~膽固醇萬歲，由於多食客，到來時，可能放涼了才上枱，所以未算脆口。米鯛海鮮卷$48~很有早茶點心的感覺。韭菜水魷豬紅$118~大家都很喜歡這道菜，水魷味道令筆者重回戲院門口小食的感覺。古法吊炸雞$288~食店的招牌菜式，電話訂枱時，店員極力推介。雞夠嫩滑，但由於我們點得太多菜，最後都係食唔晒。蜜桃咕嚕大蝦球~也是同一問題，相信可能食客太多，當端上枱時，覺得在㕑房放涼了一陣子⋯⋯椒鹽鮮魷$70~油的顏色較深，所以賣相一般，但味道是可以的

話說有一日喺YouTube見到有網紅介紹呢間嘢就喺我屋企附近咪走去試吓上到去感覺環境就好似話俾你聽呢度係打邊爐食小菜嘅地方一家四口上到去梗係跟個網紅介紹食隻吊炸雞啦因為佢比9.5分個餸搞到流晒口水⋯⋯點知佢哋話賣晒！原來要訂….即係要下次再嚟，哈哈咁我就跟個網紅嗌了西蘭花帶子蝦球，之後就唔知點乜嘢好啦！咪叫個靚女就問有咩好介紹，靚女都好客氣介紹我食鵝煲，話個大廚做呢個鵝煲好好食又介紹我食咗奄仔話啱時候喎、豉椒炒蟶子，仲叫咗碟靚牛肉唔記得叫咩名總言之就係好靚靚女仲叫住我驚我叫得多奄仔蟹嚟到見到爆曬糕未食都知道正！個鵝煲一入口兩個仔就兩眼增大係咁食….靚女仲過嚟問我有冇介紹錯？當然冇啦⋯⋯佢話見我哋叫咁多餸怕食唔晒但見到我哋係咁切佢就話其實可以叫鵝腸鵝腎粒放埋入去味道更好呢⋯⋯呢度就真係要話下佢！如果一開始就介紹埋我放埋入去應該仲正仲好味！冇嚟錯第一次寫食評可能真係食得幾開心

深水埗好少有避風塘瀨尿蝦整得咁出色同象拔蚌刺生刀工係一绝其它小菜抄得好好味 很有大排檔風味 隻雞係一流真係直得推介原個鳳梨生炒骨好食炸得鬆脆可口 爽魚皮真係好食下次再食雞煲試吓打火煱先

揾食肥華在6月24日星期五，在此店讌請政府工舊同事，到此店晚饍，因肥華對此店出品充滿信心，所以無諗住再為此店出食評讚好，，以免被人話肥華是此店打手，嘅然唔寫食評，所以餸菜相都無影一張，衹想當晚同各好友開開心心食餐就Ok嘞，現今此店巳成人氣爆場店，老细都話來食晚飯最好早兩日訂位，若即時到埸未必有位俾到顧客，是晚肥華呢圍六人枱就係早四日前來電預訂才有，當然同時亦要訂埋此店名物無骨炸子鷄，可惜此晚除咗呢隻名物及䓤撈魚皮保持水準外，其餘菜色一口臭豆腐，竹笙炆豆腐，通菜炒牛肉都是一般普通飯店水準，衹值C+評分，至於個菠蘿生炒骨及酸菜豬腸鸭血就可說拙劣之作，個生炒骨皮脆肉無味好多兩餸飯嘅生炒骨都好過去，同新南苑$55元個生炒骨午餐比更輸成條街，至於個酸菜豬腸鴨血，六人食過一啖部話，啲鹽係唔係好平，呢味菜食完要洗腎嗰隻，呢兩樣餸評分係E，總知肥華今餐愧對俾面出席嘅呢餐晚飯同事，肥華日後會安排一餐瑪寶鮮乳鴿餐，作謝罪😔😔😔

一餐被限聚令拖咗大半年與眼科同事嘅飯局，终於可以在2O22年4月27日在此間食店進行，是晚一行4人在此店杯上杯落，加上冇令人失望嘅鎮店名菜，無骨脆皮炸子鷄，鮮爽脆順德捞魚皮，仍然保持高水準味道，再配上夠鑊氣味道又好嘅兩味小炒，通菜炒牛肉及西芹炒花枝片，令到此餐遲來的晚飯，令出席者，都感到滿意，雖然另外兩款食品，蜆介鯪魚球及涼瓜咸菜炆排骨，味道強差人意但並無影响我們食飯心情，反而當晚此間食店侍應表現卻令人商確，每個都係木頭人踢一腳先郁一郁，開茶，俾餐牌顧客睇，換骨碟，俾酒杯顧客飲酒用，全部要顧客向侍應開聲至有這些基本服務，其實此店出品係得嘅，希望日後員工待客态度會改善

11月29日，又係肥華最開心的日子，因為一家四口到此店食晚飯，網上此店没有負評，更有幾樣出品被各食評家，譽為必食之品，如吊炸鷄，即炸魚皮，鳳梨咕嚕肉，鹅煲，及䓤撈魚皮，好一於叫晒呢D招牌名餸休，再加一個蟹肉扒豆苗，心諗有兩個仔仔係度，你憂食吾晒，首先上枱嘅係個，羗䓤撈魚皮呢味嘢，係我至愛食咗幾拾年，自問都有資格，俾過評價佢，此店嘅羗䓤撈魚皮，真係超得，爽，脆，鮮，嘅味道有齊，可能係現時全港最好食魚皮，評分A十十，第二樣上枱係鳳梨咕嚕肉，又係一個高水準.出品，連食咕嚕肉專家，靚媽都對呢味餸有讚無彈，又係一個A十評行菜色，好嘞到第三樣鎮店炸魚皮出場，成尺長嘅魚皮，賣相真係先聲奪人，攞晒印像分，可借一食落口就覺得吾對路，魚皮係蘇脆，但卻非常油腻，食咗小半塊就好似飲咗D油落肚，兩個仔仔都話大成街市賣$10包嘅魚皮，仲好食過佢，呢味鎮店炸魚皮係D級評分，雖然跟住上枱嘅炸子鷄，鹅煲，蟹肉扒豆苗，味道都有B至A水準，可惜我們四人的胃口，巳給該味炸魚皮，攪到滯晒再無興趣，開懷大嚼枱上美食，最後竟有三份一食物，要打包回家，總結此店嘅出品，係Ok嘅，炸子鷄及䓤撈魚皮更是，必點食品，其他就見人見智，加上

高手在民間 ！經 朋友介紹走咗去長沙灣呢間飯店 裝修雖然平民化 但內裏 食物一絕 好似去咗個有冷氣嘅大排檔咁 當晚我坐大廳 去廁所嗰陣時經過見到一間房間開裏面應該可以坐到20幾人 不過都係要等限聚令完咗 先至可以約埋班friend去book嗰間房呀 一路食緊自己班朋友係咁讚好食 又聽到隔離枱啲人話呢樣好食嗰樣又好食 好似拍戲咁 仲有呢原來呢間亦都有火鍋單點嘅 都有好多人食火鍋 易好多人食私房菜 估唔到長沙灣有一間咁正嘅舖頭應有盡有 我同班friend都覺得呢度係飯堂 正呀！

在疫情限聚令沒完沒了的氣氛下，難得跟幾位相識30多年的老朋友聚首一堂，更感恩是可以與肥仔老友慶祝同月同日生的生日聚會。第一次來老街坊，入得去的食客應該都是街坊熟客了。這裡沒有華麗裝潢，點的都是傳統餸菜，但卻充滿人情味且有水準質素的小菜。頭盤是炸魚皮，長度剛好是整整一條魚的尺寸，咸香脆加點微辣，肯定是自家制而非交來的行貨。第二度菜是象拔蚌刺身，新鮮爽脆，很久沒有吃過了。龍蝦伊麵正常質素啦！粉絲蒸元貝，略嫌油膩左少少。菠蘿生炒骨，芡汁是靈魂，造型靚仔，甜甜酸酸很開胃。脆皮燒雞，大廚親自上菜，加句「招牌」燒雞，果真名不虛傳。生炒糯米飯，餸料太多了，米飯都算爽口，吃剩還打包。由於只是幾人限聚，加上餸菜碟頭大，沒有叫魚和燉湯，但已吃得飽飽和滿足。更重要是能夠和一班老朋友聚首一堂，大家健健康康，年年有今日，主恩常伴。

朋友生日，訂咗一圍食小炒，好有驚喜，原來除咗鵝煲好食，小炒亦好出色，燒鵝皮好脆，鵝肝麵都好正， 避風塘炒肉蟹好野味，最抵係一蚊一只膠花雞湯，正體都好好！直得一去再去

朋友介紹，話長沙灣有間食店又抵食又好食，最緊要係服務用心，所以即管一試。到步後，沿着樓梯上一層，已經感覺到朋友所講嘅親民，侍應哥哥一早就喺樓梯口接待。見到牆上邊嘅海報，一蚊一煲花膠雞湯！？！ 嘩！咁抵唔係啩！咁冇理由唔試啦！雞煲嚟到後，啲花膠又大件又諗，最重要係隻雞係原隻走地雞，雞肉仲係好多汁好甜，我哋成班朋友第一件事梗係飲咗啲花膠雞湯啦，煲湯熱辣辣又甜，味道好到不得了！呢一蚊真係超級超級抵比！食完煲雞都已經飽咗一半，之後再嚟多一隻象拔蚌刺身，再加上椒鹽焗奄仔蟹，滷水鮑魚，個肚已經好滿足了！ 呢間食肆除咗服務用心，食物真係超級抵食同好味道，我已經訂咗一個禮拜後再嚟，下次決定要試吓啲小炒先得，之後再向大家報告！

又黎到一年一度嘅端午節！我最鍾意做節。因為做節代表一家人可以齊齊整整，坐埋一台食飯，最主要都係因為多人可以食多啲好西啦😘男朋友一早同我講咗，今日要同佢屋企人做節，通常都係姑姐包辦一家人食乜，今次竟然話book私房菜，我都好期待，知道一定係好嘢嚟。7:30準時到，喺樓下已經見到佢賣緊廣告，寫住一蚊花膠雞窩，但今次我哋過嚟係食私房菜，呢啲咁抵嘅優惠唯有留返下次啦🙌🏻先來一個炸魚皮，冇影到，因為我冇食🤣佢係即炸攞出嚟㗎！好快俾人清晒。第二就係鱆紅魚刺身，我平時就小食刺身，唔係隻隻都食，唯獨拖羅同埋鱆紅魚我會食。睇落去同埋食落去，浸味係有啲似油甘魚，不過鮮味再出啲！！👍🏻好食。之後個頭同埋尾佢仲有椒鹽左俾我哋食添！之後一人一盅，花膠螺頭燉烏雞。完全燉左烏雞嘅精華出嚟！個湯係啡黑色，可以見到佢用心制作，飲落去入邊浸味完全唔係味精唔係鹽，係真係雞嘅鮮味👍🏻👍🏻👍🏻螺頭同雞唔會老哂👍🏻花膠就冇食，我留返俾男朋友😘黑松露蝦多士，即炸即起，上菜嗰陣仲係燙口。個人覺得稍微油膩咗啲，咬落去有少少油咇咗出嚟。蝦肉彈牙👍🏻咬到中間黑松露味好香。蝦肉可以再多啲，整體有啲薄。不過屋企人都另外叫多一碟🤣豉油王鵝腸，偏