老街 (彌敦道)

营业中

休息中

我叫咗個豬軟骨蕃茄麵，個湯ok係有啲過咸，麵都好食，但佢個豬軟骨係好奇怪，佢係散修修但一啲都唔冧，反而鞋過煲湯啲豬肉，好似已經擺咗好耐唔新鮮咁，但當然無為食有啲怪味繼續食。點知食完之後反到屋企就反胃，全部嘔返哂出嚟，完全唔會再有下次但平心而論，之前嚟過幾次佢啲台式飲品係幾好嘅，珍珠奶茶個茶幾香奶味唔係太重，但食品嘅質素衛生真係要改善下囉，又唔係收得特別平，唔使攞啲唔知擺咗幾耐嘅煲湯豬肉出嚟俾人食。

外貌滂湃的炸雞髀，唔太肚餓的話份量足夠兩個人share，罪惡感都少啲😆雞髀入味不會太乾，地瓜條上面嘅梅子粉都足夠，做下午茶一流～推薦飲品方面Default配仙草奶茶，略嫌仙草份量比較少，甜度適中

為食妹同男朋友忙完結婚d野是旦去左一間食野！入到黎比我感覺好似去左台灣咁！見到佢餐牌都唔貴，就叫左幾樣食下🔸招牌老街牛肉麵（紅燒）食台灣野我就一定要食牛肉麵，湯底同牛肉都好入味🔸酥炸花枝丸我哋叫套餐，咁佢就包咗兩粒花枝丸，炸得好香🔸珍珠奶茶🧋呢個珍珠奶茶，我覺得可以俾多少少珍珠，不過以咁嘅價錢嚟講佢係好抵飲🔸鹽酥大雞脾滷肉飯見到佢有鹽酥大雞髀，肉質好嫩滑，不過我個人都係鍾意鹽酥雞好啲，滷肉油脂分布得好好🫶🏼🔸仙草奶茶🥤呢個套餐包埋一杯台式飲品，仙草都多👍🏻🔸鹽酥雞拼小香腸食台灣嘢一定要食小食，尤其是係鹽酥雞同小香腸，我覺得呢兩樣先係最代表台灣嘅小食黎，如果價錢嚟講，佢係算唔錯㗎啦！

食物很好吃！尤其炸排骨飯，但是希望不好播廣東話歌😂😂因為台灣歌非常重要，之前台灣歌好聽好多，成個氣氛都不同。所以不如考慮過返台灣歌吧，強烈要求播回台灣歌謝謝你

食物上到嚟嗰陣時唔係好熱，鹽酥雞有啲鞋，冇肉汁。個麻辣鴨血有陣臭味，可能接受，而且得三嚿，加一嚿豆腐乾， 就要42蚊，好唔抵。而且熱奶茶仲要係用粉沖，啲粉未溶就上。cp 值唔值得。

去開油麻地，隨便地入了一間台灣牛肉麵店入到去，位置都算多，而且是有台式裝修設計，不過就有點兒歷史感，有一點點的舊式。兩個各自叫了一碗麵。▶️紅燒牛肉麵牛肉是牛展位置，非常軟淋，夠入味，肉都好多。麵質是白麵，正常軟硬度，麵量不算好多，但女生就剛剛好。牛肉湯底，都有牛肉味，正常發揮。▶️牛腩牛筋麵牛腩麵炆得夠淋（牛展是再淋一點點），牛筋都夠淋吸入味，肉都好多。▶️鹽酥雞肉淡淡肉的，沒有骨，炸衣薄薄的，整體不會太咸，有鹽酥香咪，亦是即炸即上，熱熱的由於麵是沒有餐的，但可以優惠價加錢點飲品。（但後來網上見，湯麵都有餐，但不是為何我們當晚是沒有的）▶️胚芽奶茶茶底不夠濃，但杯芽是好足料的，飲到最後還有好多胚芽。▶️柑桔檸檬話梅愛玉比較特別的飲品，好像沒有在其位地方飲過，酸酸甜甜咸咸的，多種味道衝擊味蕾，是特別的，每種味道不會過重，恰度好處。

假日到旺角行街，夜晚唔知食咩好，隨機～行行下紅過呢間老街，食台灣野，價格同食物都幾吸引即試下。餐廳面積頗大，裝潢打造台灣老街的風貌。餐牌，見套餐幾抵食，我地3人每人叫一個套餐，跟唔同嘅小食一齊Share 。招牌老街牛肉麵，$80，好大碗，牛肉份量適中，口感鬆化入味，湯底味道濃郁，拉麵彈牙，不俗。酥脆鹽酥雞，跟餐的小食，都幾大粒，但唔夠酥脆同太油，味道普通。宜蘭蔥餡餅，口感煙韌，味道香口，但都幾油。梅子脆薯，大件的脆薯，灑上了話梅粉，酸酸地減低油膩感。珍珠奶茶，跟餐+$8，珍珠份量適中，正常水準。食物正常水準，坐卡位幾舒適，價格合理。

#81用家感受，不是打手！Walk in 不用等 九成滿座7️⃣0️⃣CP值，2023/3/8/13:38，平日午餐時段，二人埋單免加一共$140，平均每人$70，現在很少餐廳免加一，十分好。位置近油麻地地鐵，在彌敦道大街，易揾到。裝修有特色，坐位算坐得舒服，感覺乾淨。招呼有禮，貼餐出餐算快。但食物中規中舉，欠吸引，試過就算。7️⃣5️⃣午餐G 老街牛肉刀削麵$67，牛肉好入味好冧，刀削麵正常，湯底偏淡。6️⃣0️⃣凍珍珠奶茶，跟餐另加$8，正常。4️⃣0️⃣午餐N 鹽酥雞肉燥乾葱香拌麵$57，鹽酥雞似普通炸雞粒，唔脆，拌麵完全無葱香味，應該講完全無味，感覺應該落漏左醬汁，不推薦。7️⃣0️⃣凍百香果綠茶，跟餐另加$8，算唔錯，好香百香果。

坐落於現時點旁邊的老街，最適合行逛完現時點後，想去一轉「台灣」之最佳選擇。台式肉燥飯、鹽酥雞便當都令人想起台灣，若然不能到台灣走一趟，但又想念台灣的時候，最簡單的便是在附近找一間台式餐廳。故此，在這次晚餐中，上述兩款菜式也自然是必點的。此外，台式飲品是我們的重點之一。不過，這次最令我們驚喜的，是小食拼盤中的炸豆腐。炸豆腐外脆內軟，沒想過在這一間平平無奇的餐廳中能夠吃到如此出色的炸豆腐！暫時我未能聯想都有那一間餐廳能把它比下去。此外，芋香珍珠飲料的芋香味亦非常濃郁。

我好鍾意食台灣菜，特別係牛肉麵，個日返工前去開油麻地買野，順便黎食個Lunch。麻辣滿漢大塊牛肉麵諗左一陣食牛肉麵定係食滿漢大塊牛肉麵好，最後決定揀個咩都有嘅！一黎到好香好大碗好吸引，入面有牛𦟌、牛腩、牛筋各兩塊，貢丸、花枝丸各一粒。湯底濃郁得黎唔會死鹹，麻辣味易入口唔嗆喉，一向食麵鍾意飲湯嘅我飲左唔少湯。麵嘅份量好多，麵質滑溜煙靭，唔會過林。美中不足係牛肉麵入面冇左啲酸菜。牛𦟌好軟嫩一啲都唔靭，牛腩相對硬身啲但都唔會好難先咬到，有啲仲連住油脂位好香口，牛筋林得黎食落好有膠質，兩款丸就正正常常冇乜特別。飲品方面揀左熱珍珠奶茶，落單個時唔記得嗌走甜，黎到個時原來係另外有包糖比你自己落，呢點又幾好👍🏻

聖誕節中午食飯時周圍好多人，呢間唔洗等，見又多好評，就入去食。兩人去食，叫左牛肉湯麵同拌麵各一碗。一開始覺得面ok, 但食落只係普通上海面的感覺，無咩特別。有d肉淋，好食，但有d肉好硬 根本咬唔郁 廚師係咪分唔到肉既部位 未炆夠時間?大大舊肉就甘浪費左，我人生都未食過甘韌的肉，咬緊橡膠甘，我地每人果碗都有一大舊甘硬的肉，相信唔係得我地果碗係甘。另外，面無煮開，煮到一舊甘… 叫人點食？其實又係大大舊 好浪費，肉又差 面又差，可唔可以請返d合格的廚師？唔會再幫襯，兩個人去食，每人果碗都有問題, 份量又少又唔飽, 性價比好低，打住台灣牛肉面的名號，影衰哂台灣食物，睇得出完全無心做。整體味通真係好普通，呃錢。

呢晚遲收工近近地喺附近搵食一入店內播住嘅都係台灣歌手10年前飛輪海和田馥甄的歌相當經典「玩的 再瘋 再野 妳瞪一眼 我就收斂馬路 再寬 再遠 只要你牽 就很安全我會 又乖 又黏 溫柔體貼 絕不敷衍我只對你有感覺」🎶 - 只對你有感覺· · · · · · · · · · · · · ·𓋜 鐵路雞扒滷肉便當 $80 鐵蛋質地嘅滷水蛋雞扒煎得嫩滑同相當厚肉不過肉燥食落就知道唔正宗，佢係比較粗粒嘅肉碎少少鹹上面有欖菜仲有一嚿肥豬肉搭喺面碗飯嘅份量比一般食既台式肉燥飯稍為大一點如果女仔黎講未必會食得哂𓋜台式牛腩牛筋湯麵 $83牛肉麵嘅湯底比較鹹但牛肉、牛腩煮得比較鞋，火候過左幸好麵身煙韌度適中𓋜酥脆鹽酥雞（半份）酥脆皮好薄炸粉，唔好真係好好彩都有台灣風味𓋜酥炸花枝丸（半份）正常發揮𓋜 飲品檸檬紅茶 +$5檸檬水 +$3☆ 唔好預太有服務

位於彌敦道嘅「老街」一直係我下午茶之選，一有機會就入去食下午茶嘅配搭多元化，又有好多唔同嘅台灣小食，超級鍾意今次我食咗佢嘅小碗滷肉飯，小食就可以揀三款，我揀咗鹽酥雞，梅子地瓜條同埋宜蘭蔥餡餅，飲品我嗌咗熱台灣奶茶加珍珠佢所有小食都係即叫即整，梅子地瓜條一直以來都係我嘅最愛，酸酸甜甜，好有咬口今次最有驚喜係宜蘭蔥餡餅，勁Juicy，我食嗰陣直程俾啲油辣到，大家都要小心啲至於餐廳環境都十分寬敞，不斷播啲台灣嘅歌， 好有情調，去唔到台灣住，食下台灣嘢，人都開心d

收銀職員態度惡劣，經常口黑面黑面，店內桌子不是全滿，但她不許選位置，只可坐她安排的位，食物質素很一般，因為她的態度，不會再光顧！之前光顧過幾次，就是因為公司在附近，但不想做消費者也要受氣，附近餐廳多的是呢！

平時都係堂食，今次第一次外賣，佢個外賣盒係台灣便當嗰種，好有心思☺️而且雞排另外揾盒裝都好加分，唔洗同啲滷肉撈埋啲味🥺-🐾鐵路雞排滷肉飯佢有3個配菜，菜脯用嚟解膩一流，又唔會辣；滷水蛋就有啲乾，但係好香；薯仔就好似冇調味，純粹多個味道🤣滷肉飯係啲肉係偏碎，主要食個味，有油香，撈飯好正🤤雞排外相得，外脆內嫩，仲有個微甜嘅汁，全部野配搭出豐富嘅味道🤩-🐾洛神花茶唔係每間台灣餐廳都有得叫，佢大大杯，唔會太酸😝