老重慶見麵川菜館 (已結業)

上星期睇完電影老公話有啲肚餓想食辣野。就決定試吓呢間。由基本嘢開始試，外賣左一個重慶酸辣粉。個姐姐提我哋中辣係好辣，所以點咗個小辣。我覺得佢普通咗少少，可能我只係揀咗最普通嗰隻，湯同麵，連花生都無。我先生就話會再食。 就咁望落去呢間嘢都算乾淨，可以睇到廚房。如果下次夜麻麻想食嘢，我都會考慮再次幫襯。

其實已經幫襯左好多次！覺得佢哋啲川菜夠辣好好食！今日放工之後買咗份外賣水煮魚返屋企，佢哋嘅水煮魚好夠辣，係好地道嘅重慶味道，呢個價錢入邊有嘅魚同埋餸都算幾多，堂食好似58，外賣嗰兩個盒就要加多2蚊。老闆好似係重慶人，都好熱情好客。鍾意食辣嘅一定要去試吓！不過如果平時冇食開呢啲嘢，可能會覺得有啲重口味，因為之前都有同朋友去食過，佢哋唔係食開啲辣野嘅人，佢哋就覺得偏鹹。但係我個人真係超級鍾意食辣，所以覺得呢間舖頭真係平靚正！

夜晚一人食，肚餓，嗌左一份豌雜麵一份酸辣木耳。雖然店舖小，但都坐滿人，小食酸辣木耳好快上來，非常開胃！我只係嗌小辣，都覺得舌頭麻麻，果然落單時姐姐講既冇錯，重慶既辣好勁！豌雜麵我嗌既走辣，但味道依舊香口。最鍾意食其中既豌豆，軟軟綿綿，搭配炸醬，👍👍店中客人多數講普通話，正宗程度可見一斑

疫情下，幾乎晚晚叫外賣醫肚。最近，「見麵」解決左「為食貓」每晚諗食咩外賣的煩腦🤩我的例牌：泡椒雞雜酸辣粉+麻辣豬耳仔而且每次我都會再三確認是要「微微辣」，因為有次佢地比左「微辣」，我只係食左一半...因為越食越辣（如果你不是吃很辣的人，還是先試食微微辣吧）我第一次去買外賣時，老細可能見我生臉口，就問我是否食得辣，因為佢地既微辣已經好辣...所以經提議下，我選擇了微辣。店員同大廚都非常有善，可能呢啲就係細鋪的人情風景☺️ 餐廳唔算大，位置只有十零個左右...限聚令下，希望佢地頂到啦。**星期一公休

🌟呢餐係：「大陸味還原度100」嘅一餐經過又唔做事咩，見有位就同fd入左去。入到去眼見所有員工都係大陸人已經覺得好似返左大陸咁😂 未食都覺得佢正宗了。Menu好多選擇，大部分都好似川菜，套餐可以揀跟麵或者白飯。🐟酸菜魚套餐 $58嗌咗少辣，但係都超級辣🤯 但係食得好爽😋 魚雖然唔係啲咩貴魚，食唔出咩魚味，但係勝在夠滑份量又多👍🏻 仲有金菇添🤩 推薦！🍜水煮牛套餐 $68記憶中我食過嘅水煮牛個湯底紅得黎透透地，但係呢個隻色唔係好一樣🤔 個人鍾意以前食開嗰啲味多啲。牛肉係滑牛黎，份量多👍🏻 成碗嘢最好味係入面啲雲耳🤤環境質素：🌕🌕🌑🌑🌑食物質素：🌕🌕🌕🌖🌑CP值：🌕🌕🌕🌕🌑回頭指數：🌕🌕🌕🌗🌑咁大份又平，真係好抵。但係講真呢間野感覺唔係太衛生😅 成間嘢都好似好油咁，真係好似大陸路邊求其入間嗰啲feel。但係都真係好味嘅，所以就自己衡量應唔應該去試啦🥶Follow me on instagram @10.eatssdm for collab🙌🏻

第一次食這間小店，一入去阿姨就用普通話講「同學」。感覺自己後生左好多，哈哈哈哈。好親切哦。店入面都有好多內地學生用餐，應該都正宗。毛血旺套餐配白飯好大碗滿滿的，入面有好多料，有鴨血，魷魚，豆芽，雲耳，薯粉，好足料，飯都食唔晒。原先男朋友想點大辣，因為平時食譚仔都嫌大辣唔辣，但阿姨話未食過唔好食大辣。咁就聽佢話點中辣。中辣都食到佢滿頭大汗，但佢又覺得好爽好開心。夫妻肺片點左大辣，味道好食，但真係好辣，食到最尾要浸湯洗一洗先食。酸菜肉絲面點左微微辣，這個麵口感好好，我鍾意。酸菜肉絲簡單的配搭。

這家重慶小店就要成為我的食堂了，每次不知道吃什麼的時候，就會來光顧這裡。這裡的老闆是重慶人，口味也是地道重慶味道，辣味十足，嘗試過幾次小辣之後，果斷改成BB辣了，BB辣已經足以讓我滿頭大汗，中辣就不敢嘗試了。試過這裡的牛肉酸辣粉，牛肉麵，酸菜魚，傷心涼粉，豌雜面，拍青瓜等等，每一樣都很好味！但美中不足的是，麵條分量太大，每次吃不完，覺得自己很浪費，但是味道是一流的，浪費又可惜了。為了避免浪費，我多數都是叫分量適中的酸辣粉。小店門口還有酸辣粉的來源，意味著人生要酸甜苦辣都不怕！小店價格也很實惠，希望可以生意旺旺！

早上忙完，買外賣回家lunch，我喜歡食辣湯麵，今次去食《老重慶見麵川菜館》，叫左一碗重慶小麵。碗麵份量十足，夠哂香辣，不會過辣，麵條彈牙有口感，又多配料，味道真的不錯，下次再試其他款式麵。