老點點心缽仔飯 (已結業)

喺開飯嘅最新動態得知有間新店叫老點開張，早排行開旺角已經想試，但當日太多人等位，同友人放棄左，宜家元朗都開左，梗係要試下啦。店不大，雖然未排隊，但都要等兩張枱，好彩兩個人好快有枱。侍應好快送上茶，無得揀茶，送來的是潽洱，茶味不錯，只是熱度有點不足。枱上餐具精緻，黑色瓦碟好有型。睇左點心紙，好多特色點心，一般茶樓邊有呢啲野食架。價錢由十幾蚊至廿幾蚊一籠，同茶樓價位差唔多，但呢度由師傅新鮮整起，食都食得安心啲，唔似得某些連鎖茶樓由大陸冰鮮運黎。兩個人驚要得太多食唔哂，揀黎揀去，要左下面幾樣。鮮上肉響鈴腸 $24 (6件)出面好多都係用油炸鬼包蝦膠，呢度幾特別，用響鈴卷，入面有豬肉同蝦，口感十足，腸粉嫩滑。蟲草花雞缽仔飯 $24見店名叫得缽仔飯，無理由唔試下佢。一缽上枱，滿滿嘅雞件仲出緊雞油，加埋豉油撈飯一流，真係要講番句雞有雞味。咸香黑魚子蒸燒賣 $18 (2件)大大粒燒賣，鮮肉砌成，特別鮮嫩，啖啖肉正呀。高湯魚翅灌湯餃 $34 (1盅)一人獨享呢個灌湯餃，十分足料，帶子魚翅竹笙等，皮有咬口得黎又唔係死實實，湯清，不過飲哂啲湯有少少鹹。戚風班蘭馬孻糕 $18比佢綠色呢外表吸引住而叫左，班蘭

元朗這個老區隨著西鐵帶動人流，漸漸起革命，連食點心都要搞搞新意思！位於小巴總站的這條街開了一家叫老點點心，點心款式甚多，賣相精緻，見價錢不貴，便和妹妹一試。（其實吸引我進內的是這裡的點心有點像我公司附近的一家酒樓，想看看是不是同一家店。）這裡不是傳統茶樓，所以服務員是不會問你喝什麼茶的，清一色普洱或滾水。（茶芥每位三元）店子不大，大概容納二十多人左右，所以有點像快餐形式，適合突然想吃點心卻又怕獨自上茶樓的人。平常一籠點心可能有三四粒，這裡通常兩粒，人少少更好，可多點幾款。大肚媽媽極為食，和妹才兩個人都吃了不少，以下是心水推介：響鈴卷腸粉。內包著鮮蝦肉，入面脆卜卜外面腸粉夠滑。一碟六件而切好上檯，一啖一件好好味！黑魚子燒賣。大大粒，一籠兩件和妹妹一人一粒剛剛好～呵呵。肉非肥豬肉，吃得出食材不是一般茶樓貨。菠菜海鮮餃。又是大大粒，看得出皮很薄，餡料多得要爆出來了～我真的很喜歡吃菠菜餃，菜要切得碎又新鮮才可做到『索索聲』，老點這裡做得幾出色，必叫之選。班蘭馬拉糕。有馬拉糕的茶樓已經不多了，這裡來個新意思mix班蘭，幾特別。吃到淡淡的椰香味，唯獨班蘭味未算突出。老點點心缽仔飯怎可以不試缽仔飯。

知道元朗開左老點（以前正豐書局位置），上openrice睇過食評，點心都幾精緻，今晚一家四口就泥會一會元朗老點先😋環境幾好，乾淨企理，話晒新開張丫嗎。由於已經食左晚飯所以叫左幾個點心，茶錢$3/個。叫左大仔摯愛蝦餃，一個盒仔裝住兩隻，呀仔都話好得意，兩粒都係佢食晒所以我唔知味道，但呀仔不嬲都係嘴刁之人，應該唔會差。斑蘭馬拉糕，好香好軟熟，一人一舊ko左，如果顏色再綠d就very good,老公摯愛鳳爪，老公話味道好不過略嫌唔夠入味，響鈴腸粉，好特別，腸粉夠滑，原本諗住響鈴包在入面咪會淋晒囉，食落又唔係呀，仲脆架喎，漢堡包仔好得意，入面醬汁有小小芥末，令到個包唔會漏，入面菜好新鮮，灌湯餃👍好足料好多帶子，好過好多酒樓😋最後叫左個四色甜品，一人一個岩岩好，不過份量就比較的色，兩啖都可以ko,整體感覺幾好，外表精緻，食落又幾好味，會再返轉頭，員工服務禮貌都好好，四眼哥哥（應該係負責人）會過泥問下野食岩唔岩食，感覺好有心做好呢間鋪，宜家新開張暫定營業時間8am-2am,岩晒鍾意宵夜既我！希望質素服務可以keep到👍