老點點心缽仔飯 (已結業)

朋友話呢間舖的點心唔錯, 真係半信半疑, 試過之後, 確實不錯.晩飯時候去到, 人唔太多, 可直接入座。它跟酒樓一樣, 有點心紙供點菜, 唯一不一樣的, 就係每一點心,都有相片,清清楚楚我今次點咗馬拉糕。 唔係, 係叫做戚風班蘭馬孻糕, 味道雖然同一般的馬拉糕差不多, 但有一種班蘭蛋糕的味道, 鬆軟得嚟又好特别, 但嫌佢細份左D,大份一D就好喇!!本菇高湯牛肉球 牛肉軟滑夠淋, 但略嫌肉味不足, 反而牛肉球的配菜, 就很有菇味, 這一個配搭不錯.木瓜鸡脚燉唐排  只是七天湯款嘅其中一款, 湯料十足(雞腳，栗米，木瓜，同瘦肉), 而且煲得好淋, 個湯好清甜，應該沒有落味精.... 咸香黑魚子蒸燒賣 相對一般酒樓 粒燒賣嘅肥豬肉比例較少 且肉味偏淡 可能平時食果D加了很多醃料 但配上黑魚子一齊食, 味道又不錯.温室翡翠苗腸 平時食開腸粉, 多數食义燒,牛肉,鮮蝦腸, 今次見有菜苗腸, 覺得幾特別, 於是就叫左....食落, 驚喜不是整體味道配合, 而是腸粉皮又薄又滑, 好有咬口, 相信齋腸會好食啲!清酒雲吞鷄 打開蓋時,散發出一陣濃烈的酒香， 可能酒不是我的杯中物, 所以覺得酒味太濃了,

成日去茶樓食點心有點兒悶，於是同媽媽來試試這一類主打新式精緻點心既小店，雖然店舖唔大，不過座位都係梳化椅，所以坐得都幾舒服，室內牆上掛有特別文字既掛畫，好特別。和茶樓一樣，都是先在點心紙上點菜，然後廚房便即叫即做，所有點心上菜的時候都是新鮮熱辣辣的。鮮准山燉蓮子百合豬展湯$42湯底好清徹，不是味精湯，入口清甜，好足料，准山煮到粉粉地好易入口，好滋補，媽媽好鐘意。珍寶鮮蝦腸$24腸粉皮好薄，口感嫩滑，蝦好大隻，鮮甜爽脆彈牙。黑松露帶子餃$18餃皮煙韌，一咬開陣陣松露香氣，裡面好juicy，啖啖帶子肉和西芹粒， 絕對係令人回味。杞子滑雞砵仔飯$24份量都算多，飯粒粒分明，雞肉又嫩又滑，雞汁溶入在飯粒度，唔駛落豉油都已經好香好夠味。高湯浸唐生菜$19生菜鮮嫩爽甜，湯底鹹淡適中。脆皮麥心小煎堆$22以小湯匙呈上，賣外精緻可愛，外層沾有芝麻煩，炸到鬆脆，外層煙煙韌韌有嚼口，裡面包著一粒麥提沙和抹茶溶，顛覆了傳統煎堆既味道，口感味道創新特別。 

唔好睇呢個雞批細細個咁, 超好食! 芝士仲可以牽絲添! 蘑菇亦都好香, 份量唔少, 而且係從個心裡面熱出黎, 證明唔係叮熱既下品貨, 不過雞肉就比較少左一D…太多太多清酒了, 可能之後先落清酒, 食既時候好似同時飲緊酒咁, 好重酒味, 不過都好甜, 雞肉都好滑, 唔似用左味精, 唔錯既菜色煎堆初初咬第一啖真係好好味, 綠茶蓉熱辣辣填滿晒成個煎堆, 外皮又脆咯咯好味到極, 不過唔係係咪中間有D麥心, 感覺咬落去有D硬, 咬唔開好似平時食既硬膠糖咁, 如果唔係一定今日冠軍甜品係最令人驚喜既菜色, 榴槤布甸同芒果布甸竟然係有榴槤同芒果肉係裡面既! 估唔到杯仔細細有咁多野呀! 布甸本身既果味都好重, 我覺得同酒店既有得比! 但價錢只係$9一杯, 抵食度爆燈!

好多同事都話老點排晒隊, 所以我地今日好早黎到, 6點55分, 但黎到都唔係好多人, 唔使等位, 大概7成滿左右啦好多點心! 平時同老公去飲茶多數都係蝦餃燒賣, 其實都有D厭既, 有呢D野食都好新潮湯底好出味, 而且飲得出冇落味精, 豬展煲得好稔又唔會太過鞋, 准山可能煮左好耐, 一咬即散, 老人家都食得, 仲有蓮子同百合等等, 仲好味過我係屋企煲果D湯!佢地既魚肚好滑好順, 又係冇乜味精, 加左一D彈牙既蝦膠好好味皮薄餡靚真係見識到了, 估唔到可以咁薄, 真係見到餡嫁! 翡翠苗都好多, 不過冇肉係度個感覺始終都係差少少既...本身唔係好鐘意食石榴, 但佢地做得真係好好, 食唔出好濃有石榴味, 反而係有DD薄荷, 所以布丁好易入口焦糖燉蛋仲好食, 可以比美法國餐廳既功夫, 薄薄一片一截即碎, 澀中蓋著滑滑的燉蛋, 好味!

 一行三來到 位於元朗 的老點點心缽仔飯 , 中午吃飯時間, 人多多!   店鋪細細間, 太擠迫了先在點心紙上 劃 劃  劃 個人較為鍾意 ,  黑松露帶子餃 , 未吃已聞到香噴噴黑松露 脆皮麥心小煎堆

由於友人家住元朗, 今天專程入去找他順道試下元朗美食.元朗比旺角更利害更旺, 人多車多, 搞到頭暈暈.到元朗已下午一點, 友人隨即帶我去午餐, 一間人氣點心店, 門外已有數人排隊, 快快手登記, 好彩等了十多分鐘就可入座. 店舖細小, 坐位太迫, 有點透不過氣.肚餓了! 隨即在點心紙上點喜愛的點心每日都有不同燉湯, 今日是川貝雪梨燉海底椰清徹的湯底, 料足, 入口清甜, 最適合缺乏滋潤的我珍寶鮮蝦腸腸粉皮薄餡靚, 口感嫩滑, 蝦爽脆彈牙, 不錯黑松露帶子餃餃皮不會過厚，未入口已經陣陣松露香氣，咬落去啖啖松露滋味, 絕對係食過番尋味愛心白汁芝士磨菇雞批賣相吸引, 非常別緻的雞批，批底鬆化, 芝味濃, 係別出心裁的一道點心清洒雲吞雞洒香味突出, 雞肉嫩滑, 雲吞亦毫不遜色, 內餡的蝦鮮甜爽脆蘚茄湯牛肉角蘚茄湯味酸頗開胃, 牛肉角餡料足, 吸入了蘚茄湯的精華, 好味之餘可減輕滯感高湯浸唐生菜生菜鮮嫩爽甜脆皮麥心小煎堆精緻可愛, 即炸非常香口, 外層煙煙靱靭有嚼口, 內包裹着一粒麥提沙, 口感特別, 值得推介雖然坐得比較迫, 但食物水準不錯, 搭夠…

老朋友生日相約食生日飯，真的想破頭都想不到要吃甚麼。突然想起這陣子元朗開了很多間點心店，不如來點新意，食點心賀生日。之前說有朋友吃過「老點」說蠻好吃，我們就來試試看。其實點心種類不算是很多，但也蠻夠的啦～我們兩個女孩子點了超多菜要兩張桌才夠放，人家差點以為我們在吃放題，哈哈！基本上，每樣點心水準都不錯，而且最推薦是它家的響鈴腸粉，口感層次豐富，腸粉幼滑又夠嫩，內裡包的響鈴超級脆，不會因腸粉包住而軟掉。而且響鈴裡面還包住肉塊，味道、口感完全滿足了！必推！超好吃！

我同老婆同埋bb一齊去食，問伙記有冇碗同熱水俾我地坐熱d奶俾bb飲，居然可以答我冇碗仔，咁大間鋪頭碗都冇隻？咁即係玩人姐，好喇，冇碗咁揾個碟仔黎坐奶啦，連熱水都唔夠熱，迫住bb要飲d唔夠暖既奶，好喇，講番正題，之前食過旺角老點覺得唔錯，見元朗開番就去回味下啦，點知樣樣都失水準，得個迷你漢堡飽好味，其他真係麻麻，最恐怖個排骨，廿幾蚊碟，得兩粒肥膏排骨，一粒瘦肉都冇，呃錢，食完急急腳走，冇下次！

近年成日和朋友出去食了許多不同的美食，有時都應該陪媽媽出街食下飯，不過媽媽只愛粵菜和中式點心，所以我在 ig 見到朋友去過元朗老點食飯既相，覺得 d 點心都幾得意，於是就帶媽媽黎試下啦。雖然舖仔細細，不過座位都係梳化椅，坐得都幾舒服的。和其他茶樓一樣，先在點心紙上點菜，然後廚房便即叫即做，點心上菜的時候，是新鮮滾熱辣的。首先我揀既，就梗係人氣 No.1 的吾係老點小漢堡。兩件迷你漢堡用牙籤插住固定就唔會散開，中間塊肉用蝦餅代替牛扒，件蝦餅仲有幾隻蝦仁添，真係好滋味！仲有配上日式 Wasabi 味芥末醬，不太攻鼻卻老少咸宜，但令整件小漢堡的味道畫龍點睛。戚風班蘭馬拉糕 - 綠色的馬拉糕整得好鬆軟，有好香的班蘭葉和少少椰香味，兼且比一般的黃色馬拉糕還要香，媽媽一路食一路讚不絕口~好靚既咸香黑魚子燒賣，上面有粒粒黑魚子，仲有幾隻大大隻蝦仁，豬肉也鬆軟，仲有啖啖油香，好味丫。竹笙棉花雞 - 雞肉都幾大塊，肉質相當嫩滑，仲有啖啖雞油就更加滑溜丫~ 魚皮都好鬆軟好juicy啊。蟲草花雞砵仔飯，份量雖一人份，但飲茶梗係好嘢要同家人分享啦！上面有幾條蟲草，當堂成碗飯矜貴左，細細條幾爽口幾好味丫。件件雞

點心店開到成行成市，不過質素參差。住左元朗附近，又想吃點心，又不想到茶樓等位，此店為上佳選擇。進店後才發現，點心種類包羅萬有，有舊式之餘，也有創意的。話明缽仔飯，自自然然就點了排骨缽仔飯，墨魚子燒賣，響鈴腸。排骨缽仔飯:7/10唯一我覺得點心店好食既排骨飯，以往起其他點心店甚或大排檔既時候，飯太濕，太黏，而且排骨往往都黏上飯粒。而呢間既缽仔飯，夾上排骨的時候，飯粒分明，加上甜豉油便一流。墨魚子燒賣:8/10內餡為豬肉，上面以幾粒墨魚子做襯托， 豬肉結實，味道不錯，由於個人喜歡吃燒賣，而且味道適合，自然就好評。響鈴腸:6/10店鋪推介之物，我也是第一次吃，不過感覺甚怪，響鈴還有點偏硬，麻麻地。大體上來講，環境一流，食物既水準也不錯，奈何要對得起價錢的話，還是酒樓的便宜。

平是去飲茶，2個人一定吃不到什麼。但自從有了這些點心店後，2個人飲茶都不是難事了！這天在元朗做完Facial，便相約朋友來到元朗的老點點心砵仔飯來個飲茶了！店內環境寧靜，裝修雅致，有茶樓風味。這與一般茶樓一樣，都是用點心紙點菜。我們點了數個出名的點心。鮮上肉響玲腸 － 腸粉皮質數高，十分嫩滑，響玲香脆而不膩，再配上大量鮮肉。只要趁熱食，響玲仍是脆的。不過如果冷了才吃，響玲就不脆了！黑松露上素水晶球 － 對我們這些半素食都是很好的。黑松露味雖不濃，但上素味道剛好，水晶皮也十分煙靭。戚風班蘭馬拉糕 － 出奇地好香班蘭味道，同時具有椰子味，香軟，沒有一般馬拉糕的發粉味，這個不錯⋯⋯力推之一。肉排缽仔飯 － 飯是粒粒分明的，肉排份量也不少。因為與朋友口味都來得比較淡，對我們來說，不用加甜豉油也十分美味了！加上飯有少許紅米，增加了健康感。美中不足之處飯不是太夠熱，希望店主看到可以留意一下！夠薑薑汁糕 － 這也是大推之物！薑汁味很濃，紅糖味亦剛好不太甜，這個十分比滿分！如果不是飽了，真想再來多一客。還有波菜葉饅豆 － 這個同樣是綠色的，可惜我們待涼了才吃，皮開始有點硬了，相信趁熱食，仍是不錯的！不

 上個星期試左大肚腩點心腸粉專門店, 覺得幾抵食, 唔錯…今個星期試另一間 – 老點! 佢位置係千色前面個條街…之前仲以為好多人, 點知今日都有好多位wor...我地點左鮮上肉響腸, 咸香黑魚子燒賣, 冬筍普通鮮蝦餃, 清酒雲吞雞, 吾係老點小漢堡, 百花蟹籽魚肚, 千島脆炸蝦春卷, 呂宋香芒小布甸同一口忌廉糖蛋…茶無得自己倒, 但好在都會主動幫你加...鮮上肉響腸: 外皮味道比較淡, 多d醬油先夠味…入面既脆脆比大肚腩薄, 但係都未夠脆, 入面蝦肉比較多…老點-勝!咸香黑魚子燒賣: 黑魚子存在感低, 但係外表特別d, 加分…豬肉比大肚腩少, 但係蝦比大肚腩既一隻多…果然好食d…如果老點係好食點心燒賣, 大肚腩就係有d質素既學校燒賣…老點-勝!冬筍普通鮮蝦餃: 外皮幾好味, 入面有少少肉同兩隻蝦…知得咁清楚係因為外皮痴住個籠, 一夾就解體哂…係咁咁情況下, 我唔可以as a whole咁judge, 佢就算好食我都要話: 大肚腩-小勝!清酒雲吞雞: 應該係最遲上既熱點心…好滑既煲湯雞, 幾好味…正常雲吞, 蝦好食, 但皮有梘水味…最正係個湯, 有雞油, 好少好少清酒味…個湯幾清, 但係

有時有空的話，都想同屋企人飲茶，不過香港的茶樓大多擠逼，想靜一下吃點心、談談天就比較困難了。最近上網見到這家「老點點心」，以小店形式經營，主打創新點心，今天與家母逛過元朗後，就過來試一試了！店內環境寧靜，裝修雅致，仍具舊式茶樓風味。與現在的茶樓一樣，都是用點心紙點菜。點心紙上的點心名字都很新奇，大抵是傳統的點心上再加一點新意，如「魚子醬燒賣」、「綠茶馬孻糕」等。除了點心紙外，店家也有一個人氣榜，列出了最受食客歡迎的點心，其中最受歡迎的，是「吾係老點小漢堡」($22)，我們也叫了一個試試： 這小漢堡真的很細小，只有約一個杏仁餅的尺寸。因為漢堡細小，很易散開，店家就用牙簽將麵包和餡料固定，就像公司三文治一樣。漢堡中間夾著的，似是炸蝦滑，再配上爽脆的生菜和芥末沙津醬，既刺激又美味，一口一個，方便得很。 之後其他點的點心也陸續奉上，這個「鮮上肉響鈴腸」($24)的賣相沒有甚麼特別，不過夾在中間的響鈴挺有嚼勁，而響鈴內又包著一些碎蝦作餡料，所以整道腸粉的口感很豐富，外面軟滑，內裡煙韌，很特別。「清酒雲吞雞」($28)可以嘗到清香的日式清酒味道，比平時吃到只有雞湯鹹味的雲吞雞多了一種味覺層次。雲吞

放假就緊係要同嫲嫲去飲茶啦～今次就去左係元朗既新派「茶居」，去到等左一陣就有位，但可能落雨既關係，餐廳入入有點'扇'，不過店員佢地好細心提醒地面比較滑，好喇終於安全坐低了，馬上剔點心先～千挑萬選下揀左呢幾樣...豉汁蒸鳳爪---飲茶必點點心，呢度佢蒸得好入味，又夠曬林，好岩嫲嫲食咸香黑魚子燒賣---雖然一籠得兩粒，但佢粒粒都有好大粒蝦係入面，超有口感，一人一粒就岩岩好了~燒賣圖睇下幾大粒吾係老點小漢堡---新派點心，中間個層用炸蝦代替了免治牛肉，再配埋清新既沙律醬(我覺得有少少wasabi味)口感好鮮味，食多幾個都得漢堡的則面圖彩絲正常牛柏葉---而家好多茶都冇整薑汁牛柏葉呢個點心了，因為聽嫲嫲講同洗豬大腸一樣都幾考功夫，洗得唔乾淨就會有味道，所以我當然唔會錯過食佢既機會。。。入口好香蒜蓉味，反而冇咩唔薑味，第二個唔同既地方係佢呢度好大兜，幾抵食冬筍普通鮮蝦餃---呢個同燒賣一樣粒粒都超飽滿，個蝦餃皮晶瑩剔透，唔"痴牙"最後係戚風班蘭馬拉糕---之前係新加坡食既班蘭蛋糕好香班蘭葉味，但呢度都出奇地好香呢隻味，佢仲有好香椰子味添!!!好正啊

在早前 跟Cyn媽在旺角的分店試過後 覺得不錯所以就相約我的好友在元朗再吃多一次重要的是試試那缽仔飯點了肉排缽仔飯飯是粒粒分明的 肉排也明顯不少配上甜甜的豉油較其他酒樓來得好食cyn幾喜歡這個盒子新潮的擺設 配上 傳統的食物燒賣用料都十足啖啖都是蝦點了一碟帶子腸粉很喜歡這個設計令人每啖都吃到配料不錯上湯牛肉球用上了本菇煲成的上湯鮮味十足蝦膠魚肚岀奇地蒸得入味