老點點心缽仔飯 (已結業)

老點點心缽仔飯集合經典點心缽仔飯和創新食物於一身，可其有趣，令我非來不可。很喜歡老點的logo，雖然以中文作logo，但一點也不俗氣。未看餐牌，已看到餐紙。色彩繽紛，還印上特色美食，非常吸引呢。蟲草花雞缽仔飯 $24來到老點點心缽仔飯又怎能不點缽仔飯呢。缽仔飯香噴噴，飯質不會過軟或過硬，還有一些紅米在內，健康得來還增加口感。雞肉嫩滑又不會過肥，而雞肉的肉汁滲透了每一粒飯，滋味非常。木瓜雞腳燉唐排 $42燉湯是用燉盅上，十分正宗! 小小的燉盅內竟然有大量的湯料，不論是雞腳還是瘦肉都很多。帶有雞腳的燉湯，竟然一點也不油膩還很清甜，每一口湯都充滿木瓜香。燉湯到了不久，大部份我們點的食物都一同送上，精美非常，我也忍不住要跟它來個大合照。高湯浸唐生菜 $19高湯浸唐生菜是附有鼓油的，但由於高湯已深深滲入了菜內，真的不用醮上鼓油已經清甜美味。最令我感到意外的是其唐生菜不會煮得過腍，還保持爽脆的狀態。冬筍普通鮮蝦餃 $18蝦餃大大粒，爽口彈牙，鮮蝦味十足。咸香黑魚子蒸燒賣 $18燒賣跟蝦餃一樣爽口彈牙，肉汁多而鮮甜。燒賣內肥肉不會過多，令我們吃到豬肉和蝦真正的鮮味，而不是一口肥肉。吾係老點小漢堡 $

平時去飲茶或食中式餸菜 ,來來去去都係傳統款式 ,有時食得多都覺得悶 ,今次去左元朗既 “ 老點點心缽仔飯 “ .聽到個名仲以為係好傳統既格局 ,入到去又唔係喎 , 都好新穎下 ,早上 8 點到凌晨 2 點 ,真係早 , 午, 晚餐 , 加埋宵夜 ,幾時來得都得 .有點心, 小菜同甜品等等選擇 .因為朋友遲左 , 叫左個 “ 彩絲正常牛柏葉 “ 食住等 ,清清地 , 味道唔太濃郁 , 牛柏葉入口夠爽 .由於早左食飯關係 , 同朋友都唔太肚餓 ,咁就一人叫 1 個 , “ 青酒雲吞 “ (上) 同 “ 海蝦肉餅缽仔飯 “ (下) .青酒雲吞平時食開花彫酒多 , 青酒都係第一次 ,人口酒味唔太重 , 湯汁好清甜唔油膩 ,雞肉好幼滑 , 雲吞一啖一粒岩岩好 , 唔錯 .海蝦肉餅缽仔飯呢個經典缽仔飯真係要試下 , 細細個就成日見 ,e + 想搵都好難 , 1個缽仔飯岩岩好夠 2 個人食 ,1 人 1 碗份量 , 原隻蝦肉上 , 真係好有咬感 ,肉餅夠晒入味 , 再加上小小鼓油真係送飯一流 .“ 呂宋香忙小布甸 “ 同 “ 薄荷椰汁小布甸 “估唔到上甜品會咁精美 , 仲以為係酒店甜品添 ,甜品入

元朗愈黎愈多野食,呢間都算係新開既,第一次到來感覺不錯,招呼周到,點了一口帶子腸,真的每口一件,而每件都有一粒完整帶子,非常鮮味,腸粉夠彈力,大酒樓既質數~蝦餃大大隻,雖然得2粒,但都已經足夠了,裡面有3~4粒蝦仁,落重本~青椒加上7味粉好野味~有微微香辣,順道就點了支豆漿解解辣,炸的關系有少少油,但是非常好吃的!

岩岩個老友從澳洲回來,想約我食個輕便午餐,我唸佢都應該未食過特式中式點心,所以就黎左老點啦~第一樣就叫左小漢堡,男子漢既話真係一口食得晒,用手打蝦膠炸成既涵,加上芥辣沙律醬,真係刺激攻鼻之餘又有口感珍寶鮮蝦腸似乎不及響鈴腸那麼有驚喜,單層脆腐皮加少量鮮蝦肉雖然好吃,但食材似乎不能完全地融合,腸粉皮變成了大配角了相當煙韌紮實的燒賣,裡面是一大舊豬肉,其實我是很喜歡豬肉較多的版本,可惜沒有冬菇吊味,而且墨魚子味道被調味料蓋過了呢麥心小煎堆用上了熱辣辣的蓮蓉涵,加上了十分爽脆的煎堆皮製作而成,甜而不吝嗇的蓮蓉涵非常吊得起整個小煎堆的味,但不是聽聞有麥提莎?怎麼沒有了...不夠飽的我們叫了一個糯米雞,不是店舖推介果然比較失色,糯米太淋, 味精重手, 雞無雞味, 只有醃料,OK知錯啦, 下次我會叫番店舖推介樽裝的就沒什麼可說的了,還是有著黑豆漿應有的濃郁味道就足夠

老點在旺角的分店聽過很久，但和它往往擦身而過。在雜誌得悉它在元朗開分店，對住在大西北的我實在是好消息。位置不難找，在以前康景街勝利牛丸對面。舖面很小，座位不多，但裝修雅緻舒適。茶錢$3，跟很多點心店一樣，不能自選茶款。客人不多(可能我是早上八時多入座，通常在元朗的老人家都偏向去酒樓飲茶)，感覺安靜，店員有禮貌。店內播著的九十年代流行曲，讓人彷彿回到過去的時光。隨便叫了以下食物：鮮上肉響鈴腸 $24/六件黑魚子燒賣 $18/兩件冬荀鮮蝦餃 $18/兩件脆皮麥心小煎堆 $22/三件基本上是即叫即蒸，等了十五分鐘左右，食物陸續上桌。鮮上肉響鈴腸：是春風得意腸的變奏版，腸粉內包炸響鈴卷，響鈴卷饀料是鮮蝦和碎肉，腸粉皮雖不是薄得透光，但不會過厚，配上鬆脆響鈴是絕佳配搭，但響鈴稍嫌炸的過久有點燶，豉油也像有些食友所言比較淡。黑魚子燒賣：一客兩件，以木蒸籠奉客，味道尚可，不過欠缺了鮮蝦以及冬菇的香味 (怎麼之前很多食評都說裡面有蝦，但我看來看去都沒有......)冬荀鮮蝦餃：同樣以木蒸籠奉客，餃皮做得好，不會一夾即散，也不會過厚，不過呢，我也不曉得那些冬荀去了那裡。脆皮麥心小煎堆：也是麥提莎湯丸的變

之前在九龍城食過創意點心後,成日都想帶媽咪去食,假期早起對我來講實在難過登天!九龍城對於住新界大西北的,就遠左少少,轉車轉到暈.....前一陣子,朋友同我講元朗都有創意點心,上星期趁放假就同媽咪一齊去試下啦!青色馬拉糕....中毒......哈哈!芫茜帶子腸自家拉的腸粉薄身又滑溜,切得工工整整,每件都有一件約 HK$1 大小的帶子粒,芫茜份量不多,手拉腸粉只要夠滑溜,我已經覺得合格有餘...咸香黑魚子燒賣坦白講,麻麻地,肉質比較乾同韌,上面的黑魚子同蟹籽分別不大,唯一是每隻燒賣都至少有兩隻蝦,沒半點小家子氣!冬筍普通鮮蝦餃有燒賣怎可以沒有蝦餃,蝦餃皮薄晶瑩剔透,可以透視到入面的餡料,餡料豐富,主角蝦肉彈牙,啖啖肉,吃得滿足,整體不錯蝦膠燒汁釀茄瓜平常在家我們也會用燒汁煮茄子,當日有點似曾相識的感覺,原來加入了蝦膠,口感更加彈牙,沒單吃的"削",媽媽即時也說下次在家整也要試試加蝦膠喔!在這裡,當然要試一下人氣的新派點心,在菜單第一頁已經列明了每月人氣之選!我也叫了幾個趁趁熱鬧 吾係老點小漢堡小漢堡真的非常細小,直徑比HK$5大小小, 不過造型一樣一絲不苟,漢堡包皮有芝麻粒,而且入口是微熱

元朗最近有不少新食店,近日上openrice見到一間一致好評點心店,店鋪名字好特別，叫老點心點心專門店 ，我之前去過同區另一間點心店,今晚屋企冇人煮飯，一於來試下這間老點，我去到門口時候不用等位,等了5分鐘好快入座,我點了3個點心1支豆漿,我覺得食物一般酒樓貨式,但是價錢比酒樓收貴Ｄ,味道整體一般,其實不是個班blogger講到咁好 ,以這個價錢不如去番酒樓，酒樓地方大好多坐得舒服，老點店鋪地方又細,座位之間好迫,服務都OK,今次真是俾人老點入來,坐我隔離枱客人同朋友講間店冇改錯名字，我不會再來老點食物水準金姑牛肉腸，豉油好咸,牛肉看上去好似蒸唔熟,味道麻麻牛肉球，我覺得一般，普通酒樓貨式，比酒樓貴咗些小海鮮波菜餃，海鮮只有蝦，菜佔好少,味道一般,不算好好吃豆漿，我覺得唔好飲，完全冇豆漿味服務我覺得都OK價錢一個人點咗3個點心1支豆漿，埋單70元,真是好貴番吃不會再來,又唔係好好吃，唔值咁貴，試過1次就算

「After Eat 吃貨日記」第151回 @老點點心砵仔飯 （元朗）預早約左媽咪出黎元朗行街買野 過往最常帶媽咪食日本野, 她至愛呢 XD 不過身體要緊… 刺身壽司先暫別一陣子~今日與媽咪晚餐嘆茶吧店內設計以紅磚牆為主, 全是方形枱配梳化~我地鍾意飲湯, 是日星期四有<蓮藕眉豆雞腳燉響螺 $42>, 燉湯份量夠, 足夠兩個人SHARE, 很喜歡呢個燉湯, 原盅燉熱騰騰, 味道不錯, 足料的最重要鹽份不重, 感覺很健康~<咸香黑魚子蒸燒賣 $18>燒賣大大粒, 一客兩件入面豬肉同蝦, 兩者同樣鮮味, 黑魚子食落卜卜聲, 很有新鮮感~<暖身胡椒湯浸魚咀 $24>好鍾意呢個胡椒味很重, 食左好暖胃, 有驅寒功效~ 魚咀部分肉很滑, 膠原豐富~ 正!<愛心白汁芝士蘑菇雞批 $24>呢款點心除左係<老點推介>之外, 同樣係我<After Eat 推介>批底非常香濃鬆化, 用芝士包住蘑菇及雞肉, 很滋味呢~ 正! 必點!<戚風班蘭馬孻糕 $18>平時黃色既馬孻糕, 今次換上青綠的是加入

朋友也許你有很多，真心又有多個?我想呢句說話，大家也懂，也明白當中的意思讀書時期，大家也許有很多很多的朋友一齊番學一齊放Lunch 同一齊去唱K 時間耐左，大家都畢業了….而究竟這些情又究竟可以走到幾遠?跟我的好友相識已經差不多十多年，慶幸在我任何開心傷心失意的時候也有她陪伴所以即使我已經搬離了我們熟悉的地方，只要有空我也一定相約她來吃飯啦不過其實這好友比我更加懂吃，今天她說要帶我去吃點心走過熟悉的道路，走著走著，她帶我去了這一間比較走Fusion菜的店鋪原來它帶我來吃點心不是走到酒樓處，而是到這一間老點她說，在它剛開的時候已經來了一次，只是當天太夜到訪所以今次一定要吃得痛快的呢~平時去酒樓第一時間當然就係睇張點心紙張紙仔平時係酒館樓就會擺係個餐牌上但在老點點心入面，就係會擺在它家的薄仔內今次我既決擇權就交由我的好友決定吧平時打邊爐就有機會吃上響鈴但係腸粉加響鈴又可以點呢？今天我地就點7了這款的「鮮上肉響肉腸」＄26／6件平時吃響玲就是浸湯底來吃，今次它仍是脆脆的不過卻減少了它當中的油濟感，值得一試的Fusion 點心蝦餃當然就是上酒樓必吃的其一點心一場來到又點少得吃它呢這兒的蝦餃的名

今日3月8日婦女節露露一早幫露媽化妝扮靚,之後一齊去元朗行街!露媽話想飲荼, 露露醒起之前朋友話元朗開左間新派創意點心<老點>!一於去試試! 明明已經過左繁忙時段,去到都見到8成滿座坐得之後見到點心紙上有好多創意點心,最後點左以下的野食<吾係老點小漢堡>HK$22/2件中間係炸豬扒餡,麵包香脆, 而且一口可以食晒,岩晒女士不過味道淡左小小<咸香黑魚子燒賣>HK$18/2粒肉質鮮嫩, 頂上的黑魚子爽口大大粒, 覺得比一般荼樓好食<鮮上肉響腸>露露推介HK$24腸粉皮薄夠滑, 中間的響玲香脆再加上入面包住肉同蝦3個不同的層次感, 口感十足!!食完咸點之後, 我地叫左2個甜點<脆皮麥心小煎堆>露露推介HK22/3粒糯米皮煙韌, 外面包滿芝麻粒中間包住粒麥提沙, 朱古力融化左好似流心,綠色的是綠茶蓉,創意十足!露媽食左2粒仲想食,HAHA<可愛四色小甜點>露露推介HK$ 33‧忌廉焦糖蛋 奶味香濃, 好creamy‧香芒布甸布甸入面有滿滿的鮮芒果肉, 香滑‧抹荼慕絲抹荼味可以再濃d‧石榴小布甸清香,

近期掛住周圍食好野，搞到肚仔沛脹晒，決定去元朗踩下單車，但出發前當然係醫醫肚先，想食少少不想太飽的話，點心就岩晒啦！店內環境企理整潔，牆上用小磚塊砌上老點這招牌兩字～黎到這家老點點心點左幾款試試，這款莞茜帶子腸是必點之選！拉布腸粉彈牙，完全不會有黏粉的感覺，切成一口的大小免去傳統要用筷子弄散的麻煩，加上甜豉油帶出帶子鮮味，值回票價～咸香黑魚子燒賣有新鮮豬肉，大大粒鮮蝦混入燒賣中，口感方面唔錯，加上魚子令燒賣更有咸香。千島醬脆炸蝦春卷夠晒香口，每口都能吃到蝦肉，夠熱夠脆。時日靚湯：淮山燉連子百合豬展湯真的不得了，很懷疑每碗都是這麼多料嗎？連肉的骨位肉地更嫩，有２大舊豬骨吃，滿滿的淮山燉連子百合，夠晒真材實料，喝不出味精味道，很實在的感覺。高湯魚翅灌湯餃一盅一粒翅餃，皮薄餡靚，濃濃的高湯加入充滿鮮味。沒記錯的話，餡料除了魚翅之外還是金華火腿、鮮蝦和豬皮，豬皮吸收了高湯後非常Juicy，口感夠晒綿滑！最後還點了豆漿，準備一會踩單車濕濕口～

入到元朗已過了午飯時間，早前在旺角吃過老點點，今天經過又發現元朗有分店順路嘆茶醫肚。雖然已是下午兩點多店內都人流不絕，之前吃過著實不錯，所以我先會番吃第二次。店內餐牌推介既班蘭馬拉糕，鮮肉響玲腸，小漢堡等等都在旺角品嘗過所以今次都沒叫這些招牌菜，反而點了比較大路和傳統一點的叉燒包，牛柏葉和黑魚子燒賣等等。比較淡味左少少，我個人比較喜歡濃湯較多，肉多有口感。叉燒包味道夠傳統，唔需要特別包裝做回傳統味道已經是最好，叉燒鹹料靚。黑魚子代替全統用既蟹子味道唔錯，份量亦較普通燒賣大，肉身夠鮮味有口感。春卷最緊要皮夠脆，單看賣相已知道一二，皮果然很脆蝦味濃牛柏業比較失色，味道比較淡，同業比較難撕開

潮興fusion…估唔到係元朗呢d鄉村地方...點心都有咁既新概念...以後想食點心...話都無咁易啦...新開呢間＜老點＞...其實之前已經係mk幫襯過…但mk果間招牌係寫＜老點點心竹筒飯＞...而呢間就係寫＜老點點心缽仔飯＞…唔通係唔同主題既？？兩間裝修都係差唔多簡單...座位唔多...唔似茶樓飲茶咁...人多喧嘩...等位等好耐...又會hea好耐先走...雖然款式唔係好多...但都係精心設計...少少花巧咁啦...即點即蒸...夠哂新鮮...仲有每月人氣排行榜...好駕勢咁...我地幾乎點哂全部呢...既然佢打正招牌係缽仔...梗係要試下個缽仔飯啦...<海蝦肉餅缽仔飯>...缽仔好細個...只得吋零高左右...係一般蒸飯黎...有細細粒蝦...肉餅就超滑...鼓油都好好味...應該係煲仔飯鼓油黎...雖然缽底有塊荷葉...但荷葉味並不明顯...第一位＜唔係老點小漢堡＞…係超迷你型...一碟得2堡...我覺得佢應該叫做＜一口漢堡＞至啱...係炸豬扒餡...無咩味道...第四位<清酒雲吞雞>...據聞傳統做法係用原隻雞加金華火腿...煲至奶白色既湯

呢間叫老點，個名同我差唔多，成日比朋友老點……係朋友建議來吃，朋友已來過一次，以為無緣到此吃了……，點知朋友又話吃多一次，所以最終有得吃一次……點了6小籠，朋友愛吃海鮮，所以一般我會點有蝦的，燒賣，蝦餃，蝦腸，響鈴腸，斑蘭馬拉糕，新年限定甜品撈喜蝦餃的蝦幾新鮮，有蝦味，皮不算厚燒賣頂上有黑松露，可能而家興，差不多中西式都有，但味唔突出，肉質尚可響鈴腸，比較特別，脆脆地，又有肉，不會太似炸兩，好好味蝦腸，有好多隻蝦，平均每件2，3隻，幾彈牙同新鮮班蘭馬拉糕，這款麻麻地，不太有班蘭味，也不鬆軟撈喜，新年限定，看似花生糖，我覺得似年糕加芝麻，甜甜地，芝麻香香地，幾好總括，服務好好，有人定時加茶，但同一般新式點心餐廳一樣，冇茶葉選，食物水準唔錯，值得再去一試

口味好似在2015年改變了, 喜歡上品茶及一盅兩件, 生於1980年後的我, 小孩時假日由爸媽帶我去吃叉燒包同蝦餃, 年青期玩通宵早上就會去飲早茶。隨著小型的中式點心點普及, 何時何刻都可以吃到,中午去完SET 髮. 出來就同友人來醫肚。點心紙自己ORDER, MARK好價錢芝心脆炸蝦丸$28 3粒， 一咬開溶化的芝士味就跑出來，軟化了呈拉絲，而蝦肉打到好彈牙，炸到香香脆脆，買豉豉放在匙羹上，新派點心樣子都吸引人，很迎合年青一輩口味。脆皮麥心小煎堆 $22 3粒 佈滿了芝麻粒，炸完漲漲又飽滿， 糯米皮煙韌粉糯，包住粒麥提沙， 朱古力融化了又吃到麥提沙心，不過麥心唔太脆就是了，賣相比酒樓放在白色平碟上精緻花心思，這類新派點心口味創新，舊菜新造從新包裝。海蝦肉餅竹筒飯$ 26 叫客來看盧山真面目，白飯加入了紅米，來得更健康更高纖，淋上豉油就昇華了。說說肉餅，豬肉加上些肥肉打成絞肉，然後加入蝦肉，蝦肉依然食到同見到，一粒粒如花生大小，所以當咬下會具彈性，個肉餅其實似燒賣中的餡變成大塊。鮮 上肉響鈴腸$26 6件， 腸皮夠滑夠張力， 層層相接給人三重不同食態享受，腐皮包住蝦膠炸到脆，剛炸起腐皮