老Come煎餅

营业中

休息中

中午時分在附近約了朋友，但朋友遲到，所以有機會去尋覓一下外賣午餐。行了一圈，被店名吸引了，看到餐牌及滿門口的instagram讚圖，決定一試！花多眼亂，就從招牌北京填鴨煎餅開始啦我要求走蔥花，店員細心問埋洗唔洗韮菜。佢快快手就搞掂！份量超大，材料好足，想像一份岩岩出爐既脹卜卜西多士唧size! 食左一半已經飽飽，另一半唯有下午茶相信店舖開左一段時間，所以外貌係有少少少少失色，不過聰明既marketing同食物既實力係可以補救既

天后店開了好一段日子，都幫襯左幾次！款式都幾有創意，即叫即整，用料豐富，好足料，大大件，食完一件已經非常飽！煎完之後，熱辣辣，即時食都幾唔錯，但保溫得唔耐，凍左之後個皮淋得好快， 味道大減⋯行過路過，一試無坊！

一直都想試下呢間老come煎餅，今日難得去開天后，見又未到食飯時候又餓餓哋心動不如行動！店舖只做外賣，即叫即製，餐牌選擇都頗多，芝士、火腿、肉鬆、蛋....好多fillings可以揀，但我又覺得好似冇乜特別咁，最後揀咗唔係成日食到嘅北京烤鴨😋 睇住店員三兩下手勢就煎好個煎餅，仲好細心問我要不要一分為二（因為我是和媽媽一起來👩‍👧）。北京烤鴨煎餅（Peking Duck Bing) $38, 熱辣辣最啱天氣冷時食，好香芫茜蔥味，鴨肉偏淡但個醬油好夠味，有些辣辣的感覺，好開胃。我煎餅份量頗大，一個兩人分剛剛好，唔會過飽。😋店員第二細心位係見我們差不多食完就話你們吃完後，說「可給我幫你將垃圾掉好了」。👍🏻G༶O༶O༶D

又係團購☺🤣🤣呢到嘅煎餅真係好大份😱如果唔係當正餐嘅話建議2個人share食!!佢地仲好好比我地入去影相添😆呢度既煎餅有好多唔同既食材，例如京蔥、芝麻、雞蛋、青瓜、蔥同薄脆等等😍同埋個煎餅真係好多蔥😨唔係好鍾意食蔥嘅朋友仔可以要求小蔥或者走蔥吖😚聽聞遲下旺角會有分店啊🤔#北京烤鴨煎餅 ($38)😋好味指數：(7/10)個煎餅食落都幾方便，唔會話食到好論盡😆啲烤鴨份量都幾多，差唔多食到底都有😍食落去都幾淋，又唔會太韌😎另外仲有啲脆扑扑既薄脆，外軟內脆都幾特別🤣但係可能得一個餸，就會比較dry🤔.#叉燒鴨雙拼煎餅 ($45)😋好味指數：(7.5/10)呢款煎餅同烤鴨煎餅嘅分別只係其中一份多咗叉燒😚叉燒既份量都唔少架，食落同烤鴨一樣好淋😍因為有2個餸，所以食落去都唔會咁dry🤔而且食落去都比得1個餸既烤鴨煎餅更加飽😆.#雙蛋芝士吉列豬扒煎餅 ($35)😋好味指數：(7/10)呢個煎餅有芝士、雞蛋、吉列豬扒同薄脆😆塊豬扒都幾大塊咖，仲脆卜卜添😚加埋芝士真係幾正🧀食少少芝士味又唔會太漏😆.⭐溫馨小提示📌煎餅有用蛋去整，所以對蛋有敏感既朋友要注意喇😘📌鋪頭出面有一張枱，可以比2個人企係度食🤔如果張

作為一個徹頭徹尾的「蛋痴」，小妹絕不輕易放過任何與「蛋」有關的食物。煎餅，從昔日灣仔的「老金煎餅」，到先前紅磡的「煎餅廚房」，今夜，小妹又去潮拜天后的「老come煎餅」。 甫看店名，小妹笑了，明顯，店主是想「借屍還魂」，借人家留下的「威名」，為自家新店作宣傳之用。不過，小妹挺喜歡小店色彩耀目的塗鴉圖案。 餐牌選擇，一目了然，且提供套餐，細心周到。 落單後，哥哥仔把粉漿均勻地在圖形煎Pan上攤平，煎至金黃色後，翻轉另一面，放上煎蛋、火腿和薄脆等餡料，然後熟練地把蛋餅對摺。 隔著玻璃窗，小妹單手做了一個切割的手勢，哥哥仔醒目地把剛要入紙袋的蛋餅取出，切成兩份，且各自放入紙袋中，交由收銀哥哥入膠袋，再交到小妹手上。 急不及待，把仍燙手的煎餅，取出來拍照。 雙蛋火腿芝煎餅$22，以綠豆麵粉、雞蛋、京蔥、芝麻、辣椒醬、火腿、芝士和薄脆炮製，綠豆麵糊的味道比較淡，煎餅味道主要靠雞蛋、餡料和醬料帶出來。小妹這半份的蛋餅，味道相對較為淡口，薄脆咬下去脆卜卜的，十分好吃。若要雞蛋內挑骨頭，稍嫌煎蛋煎得過熟了，如果煎蛋的蛋黃呈流心狀，那麼，咬下去時，蛋汁必然沾滿蛋餅，蛋香一定更為濃郁了﹗

友人介紹天后有間食煎餅，趁假期冇咩人走去試下。舖頭冇堂食唔緊要，外賣一份拎番屋企食又得。煎餅款色都算多，我就叫左個烤鴨煎餅配豆漿。個煎餅有雞蛋丶芝麻丶京蔥丶烤鴨丶青瓜丶薄脆同埋肉鬆。（叫set可以免費一種配料）成份實崩崩，料好足，又香口。大份到一個人要啲時間先可以KO!比個近鏡你睇下！啲料多到爆，下次最好揾個碟兜住，免得跌落地浪費左。而唯一美中不足就係鴨肉偏淡，可以咸少少就完美啦。至於豆漿就正正常常。呢個set盛惠$45，我覺得可以接受，見到個哥哥好有心機整，呢様已經值回票價。下次我要試個甜味煎餅😄

Didn’t enjoy it immediately after buying.. it’s not hot but it’s good still and the crisp is still very crunch😎😶add $$$ for the cheese to go with pork floss but the staff forgot to add it for us 😶 default double egg with ham becomes single egg 😞😋7/10 it tastes good but the staff just dun follow the order $51

來到天后銀幕街與帆船街的交界處，遠遠就可以望見這間外牆面裝飾得很搶眼，風格硬朗型格化的煎餅鋪。店內有兩位年輕的靚仔，一個收銀一個主廚，配合默契。供應的煎餅五花八門，有吉列豬、素菜、叉燒、甜味、北京烤鴨、芝士、沙律雞、蔥油，等等，名目繁多，聞所未聞😇，標榜是低脂健康的食物。所有煎餅都是即叫即整，透過玻璃窗可以觀摩製作的全過程。［火腿蔥油煎餅］HK$ 26 。倒粉漿——攤餅皮——加雞蛋——加蔥花——反轉餅底——加火腿和脆餅芯——卷埋成形。隔著玻璃窗只見＂大廚＂手起手落，乾淨俐落，整個過程只需幾分鐘，熱辣辣的煎餅就製成了。咬口煙煙韌韌，有很重的蔥油香味和火腿的鹹香味。［肉鬆煎餅］HK$ 26 。這次是用紫米麵粉漿做的，更加健康點，所以餅皮為紫黑色。配料有肉鬆、辣菜脯、芫茜等，吃口香辣中帶脆卜卜，好得意！兩款煎餅都算美味香口，遺憾的是這裡只有外賣不能堂食，用膠袋拎返屋企食，始終會失去原有乾身香脆的煎餅風味😋。

九月頭揸車經過呢間煎餅店已經想試下，終於有機會，同埋我都好似係網上面睇過呢間嘢嘅報道唔差嘅嗰日未到午飯時間，唔洗等即叫即做，老闆話最出名係北京填鴨，但我就想試下最基本嘅味，所以叫咗上海煎餅即整真係好食，好夠熱，口感豐富，薄脆好脆，仲叫咗老闆多芫茜，同埋好大份，食完好飽，我下次再去會再試下其他味

北京烤鴨煎餅 $38好鍾意食片皮鴨，之前聽講紅磡有間煎餅都想試不過好遠🤦🏿‍♀️見屋企附近開咗間就去咗試，落order佢就會即刻整，等咗五分鐘左右就有，熱到辣手。比想像中大份，食完都飽肚既，入面有好多鴨肉青瓜同薄脆，個汁係片皮鴨個汁，塊煎餅仲好香蛋味，可以再戰😗

老板人亲切，是个直男。有WeChat组群加过以后送饮品。WeChat群组还有佢同店员的互怼相声睇，不时发利是，虽然几文鸡，但是有街坊感情的感觉。煎饼并非纯正北方煎饼，应该叫做根据香港口味modify过的口味，南乳酱同海鲜酱替换掉甜面酱，炸云吞皮替换炸麻叶，黑xx面替换绿豆/杂粮面。也算另有一番风味。

之前見左網上介紹，呢間煎餅店既北京烤鴨燒餅好似好吸引甘，所以決定今日放假去試試，店員得閒見到客人都唔會主動招待，不過等既時間唔會太耐。5分鐘左右就食得，一啖咬落去粉面皮太過薄，無咩口咬感，而且太軟同無乜餅香味，再食烤鴨料都係零零碎碎唔多，唔係完整一片片既，加埋雲吞炸皮食落都有咬感，但係材料太過散碎，食到成日跌出黎，醬油食到中間到最後已經無咩味道，個餅除係有蛋味同醬油外,其他料都唔太突出，比預期中食唔到老情懷。期待去失望返

行過天后記起雜誌介紹附近有新開煎餅店，點知失望而回。叫咗北京效鴨煎餅，點知個餅皮林啤啤，煎得唔夠耐，餡料一啲鴨味都冇。🙁🙁比起以前中環「鬼佬開的煎餅店」差太遠！！

以前在上海吃過這種煎餅，是家家户户都會買來吃的粗糧，非常便宜。我一直對它念念不忘，可惜香港很難找到賣煎餅的店，最近發現天后新開的這家店，即來光顧。雖然價錢比上海吃到的貴得多，但仍阻擋不到我來惠顧的意欲。煎餅的皮比較厚，而且不夠脆，但混了很多黑芝麻和雞蛋，所以很有蛋香味。餡料很多，有超多芫荽和葱花，有些人可能會覺得太重口味，但個人就覺得可接受。煎餅的特色就是內裡會有一塊脆卜卜的脆餅，但這裡的脆餅完全不脆，令口感盡失。

今日叫左個沙律雞煎餅因為個人喜好唔鍾意食蔥同薄脆落單既時候要求走蔥走薄脆一個坐係度既店員就由我落單開始就同隔離舖個師奶講話一個人只係要辣 全走啊我等左幾耐 佢地就講足幾耐 語氣仲要超差走個蔥同薄脆姐 洗唔洗咁啊仲要同埋隔離舖師奶係咁講全走啊要受d咁氣幾好食都好 都真係無下次