聯記麵家

营业中

休息中

我唔會再黎！！中伏！我見到menu上有牛腩麵同牛筋麵，我唔食牛筋，所以點咗牛腩麵。點知上黎之後5舊肉入面有4舊係牛筋，得一舊牛腩。我問店員姐姐：我唔係叫牛腩麵咩？我唔食牛筋㗎。佢話：我哋牛腩同牛筋一齊煮。我問佢：如果我係叫牛筋麵呢？佢話：如果牛筋就全部都係牛筋。咁我又問佢：點解牛腩唔係全部牛腩？如果又有牛腩，又有牛筋，menu唔係應該寫牛筋腩？佢話我可以俾我老公食😨😨我完全唔想同佢再講落去，所以寫出黎俾唔鍾意食牛筋嘅人唔好同我一樣中伏😤😤

#聯記麵家 經常行過太子都會經過呢度，除咗係因為鄰近直通巴士站，呢間舖頭都好有歷史。以前行過都會有好多人幫襯，可能係未夠鐘上車食碗麵，不過早幾日行過剛好嚇唔算多有位，就諗住入去試下。考慮緊食炸醬麵定雲吞麵，原來佢炸醬只有撈麵，即係貴啲大份啲，因為本身已經食咗嘢，所以只係叫咗碗雲吞麵，$35。湯底唔錯，夠熱，有少少大地魚湯味，面做得唔錯，時間剛好唔會淋曬，亦都冇乜鹼水味。雲吞有四粒夠精緻，細細粒夠飽滿，蝦肉新鮮爽口，相當唔錯。能夠屹立咁多年總有理由，出品係幾好，價錢都合理。聯記麵家太子砵蘭街364A號地舖

街坊粉麵店一向都唔會諗衛生問題～圓凳最基本～坐就一定唔會舒服㗎啦～不過勝在有懷舊嘅色彩～味道比較正宗叫咗牛根湯河、豬手撈麵～牛根河都有好多～河粉份量唔算多～不過牛根有五大嚿～又淋又入味唔錯秘製豬手撈麵～有四大嚿豬手～雖然冇乜肉～但係D皮好入味～秘製醬汁配撈麵好好味～唔會一陣鹼水味～唔乾唔硬～配一碗雲吞湯底嘅湯～比較鹹員工洗手間比較臭～間舖都聞到～如果唔諗衛生問題～叫完嘢食好快整好～D客來來回回食完就走

咁多年都係咁好食 最愛雞腳河粉 超級好味一定要加辣椒油 以前好辣 依家好似無以前咁辣距個雲吞都超好食 皮又好薄 勁足料 真係招牌而且入面d人服務態度又好好 就算講普通話都唔會歧視人地👍🏻真係好難得 好少見希望長做長有

今日試呢間係太子既傳統麵店，裝修好傳統，好有老舊香港餐廳既感覺，好親切好地道。叫咗一碗牛筋撈麵同埋一罐忌廉，埋單48蚊超抵食。講番碟牛筋撈麵，大大碟啲麵軟硬度啱啱好，仲配埋一碗上湯，但湯有少少偏咸，味道單一缺乏鮮味。夾面上面嘅牛筋大大嚿，好新鮮，咬落好彈牙得嚟又夠曬淋身，煮既時間啱啱好，好入味。老闆都好親切，會同顧客吹下水。聽老闆同顧客吹水內容得知原來好多客都係熟客。食物品質好又有人情味嘅小店，下次經過會再試下其他食物。

疫情放寬堂食收2am 可以坐低食碗麵可能少咗人坐中港車 人流少咗冇咁爆隨便咁揾張枱坐底 ……2位女侍應閒談 成分鐘都冇招呼😅淨云吞 ~ $30 有7粒 大大粒 虾爽口湯底虾子大地魚 鮮香味 豬手湯麵 ~ 豬手乾淨冇毛 汁香入味夠淋牛筋湯米 ~ 牛筋淋滑 份量足油菜 ~ 芥蘭 / 菜心 $15@ 嫩

自從新冠肺炎肆虐，那裏都行不得也哥哥，沒有北上的日子，已經一段時間沒踏足太子，因為這裏是中港直通巴士的集散地，以往上大陸，很多時都會來這裏坐車，而等車時間，常常都會幫襯這家聯記麵店，今天途經，就一於去吃我至愛的牛筋麵，麵爽口，牛筋林軟，作為下午茶，份量剛剛好，而且價錢不貴，在鬧市中算超值。還有值得一提，這店有雞腳麵，不是很多地方吃得到，可以一嚐。

當我諗唔到食咩，又想食粉麵的話，會來呢間聯記，雖然鋪位喺大巴站附近，都有好多遊客幫襯，但我都冇咩所謂，食個麵唔會花太多時間。呢度主要都係港式麵食，我多數食雲吞麵，門口有店員即日包，幾新鮮。而且店內環境都好企理。雲吞麵、菜心，連飲品冇記錯係50蚊，可接受，當然始創對面果啲會再平啲，但一來遠，二來好多時都full，lunch time得好少時間，冇咩空間去等位。雲吞麵放面頭，雲吞喺底，面質幾爽身，冇梘水味架，湯底又唔會太鹹，我鐘意加少少辣椒油，更加香。雲吞好似有四粒，我都冇咩留意，夠大粒，而且有明顯蝦肉，唔會霉，去貨快，起碼都會新鮮啲啦。蝦肉爽，豬肉又唔會太肥，皮薄餡靚收貨

上次去九龍城宵夜 雖然未夠鐘但麵鋪啲伙記攞晒手袋 圍住你坐 緊係唔好意思 快快口食埋就閃啦想起聯記 24小時營業 唔使煩加咗價(合理嘅) 但份量有啲宿水 舊手藝 舊伙記 很隨意招呼但很舒服但相比旺角某幾間 呢間算良心食店雲吞虾湯底 用九王 夠傳統淨水餃~ $28 5件 大大件 味有啲淡咗料都 芛多木耳&肉少咗虾2大隻 肉醬撈麵 ~$37 肉醬少汁唔夠 撈唔起撈麵又少 麵餅1.5個都冇師傅隨手拿起隨意咁淥麵 麵太硬&乾 冇香味 可能冇用豬油撈吓(估)豬手湯米~ 豬手好細件 3件 炆得剛剛好 唔會淋過頭 油菜~ $14 份量少 3~4兩 菜翠綠食咗2碟都覺有啲缺失唔多滿足呢個價錢可以接受嘅 唔重味精 食飽唔會頸渴 會再去

話說近日好想食鳳城水餃，求其諗住落街食返碗，點知屋企附近两間麵店，一間係無得賣，另一間又話賣晒!咁啱路過太子呢間麵店，心諗唔會咁橋賣晒掛，見食評寫都值得唔錯，又試下啦!淨水餃~係我想食果種味呀!見人介紹鳯爪，原本想叫淨鳳爪，但嚇見要70蚊……即刻轉軚叫撈麵!鳳爪好入味，不過林到阿婆無牙都食到，好似煲完湯嘅湯渣!普通油菜一碟後尾加碗淨雲吞，相比之下水餃更好食!總結:重味精，趕住坐中港車嘅可以醫下肚嘅!

是日同朋友返大陸按摩，通常上去就火車，回程會搭直通巴士係太子落車而下車位就是正正一間麵家店舖，呢到地方唔算大，有時多人係上嚟要坐門口位置好多人來來回回大陸都會係呢到醫下肚，當補給站咁今日回程唔算太肚餓，只點了一碗牛筋麵充肌上枱賣相是合格，牛筋有4至5舊，眼見炆得好透徹，食落好軟淋透身，而且都幾花椒八角味，而麵質就有一點失望了，唔係竹昇麵，而係一般簡水麵，而且唔夠爽口彈牙，比較淋身，另外佢啲辣椒油都幾好味

晚上喺太子同朋友傾完計有啲肚餓12點嘅呢間麵店仲開緊所以就入嚟食消夜裝修屬於非常傳統嘅香港簡約風餐牌係用一張大黃色紙點左碟油菜（芥蘭）同埋淨水餃啲芥蘭煮得啱啱好好新鮮啲水餃粒粒大細均一入面的蝦爽口彈牙仲有雲耳竹筍等等不得不提呢度嘅辣椒漿非常好味唔會太咸但係有好香嘅辣椒味一定要試食得辣就梗係要叫支野飲蘆薈汁＄10支

呢間啲水餃其實水準真係好高已經食過好幾次每次都會返嚟食水餃非常足料啲蝦好大隻又有竹筍雲耳每粒都有成成隻手指咁長入口好鬆軟，都好彈牙肥牛面亦都非常入味 值得可試will be back !

第一次食，睇落舊式，應該麵既質素，會同其他麵店有所唔同，門口出面有個大大既Menu，寫曬價錢同種類，有d都幾特別，例如去魷麵咁，就比較少見！所收叫左來食-土魷麵加牛腩，麵質的確出眾，爽口彈牙，完全無鹼水味，可能係竹昇麵，土魷魷味反而唔特出，可能浸得太耐水，魷味流失左！牛腩炆得出色，味道香濃，散發住各路配料香味，但牛腩就並非腩位而係牛肉，呢度就有所被騙感

這種舊式店舖，裝修大多都是比較簡單⋯但味道往往出乎意料好味，或者亦多了一份人情味。是晚叫左兩碟撈麵，炸醬麵比好幾年前食味道似乎差了不少⋯只可以講不過不失，而佢哋嘅鹼水麵口感就非常彈牙。第一次試佢哋嘅雞腳，味道非常入味⋯紋得非常之林，食落口完全唔使點咬就已經骨肉分離⋯絕對係必點之作，牛腩至可以講普通⋯因為食落比較鞋口。另叫左腩汁芥蘭，芥蘭煮得林身，加埋非常入味腩汁⋯正正是我喜歡既味道。我見好多人都叫豬手麵⋯有機會下次一定要試下。