聚滿坊粥底火鍋私房菜

营业中

休息中

這是我食過的火鍋店中最抵食，而且食得最多海鮮的一間火鍋店，海鮮又非常新鮮，每樣海鮮都新鮮，有魚，蜆，聖子，蝦跳跳紮，蟹和鮑魚都係郁的，牛，雞好滑，個粥底好甜好正，坐得又好舒適，而且冇時間限制

2015年第一次 到八文樓聚滿坊 ， 一大班朋友歡聚。 當時無睇食評就去， 但坐低有驚喜。 當年上枱的瀨尿蝦 同鮑魚都是活的， 蝦跳咗落地， 鯧魚， 牛肉同雞件都好鮮味。蟹是花蟹今天再訪， 八文樓幾個鋪都無做， 改去太子店，發現落差太大基本上一邊食，一路懷疑海鮮是否死咗好耐。 有羔的青蟹完全無洗過， 對著一噠噠黑色嘢係蟹腳嚹，個鼻一邊聞到怪味， 羔還是挺實整的。蝦就早已雲歸天國。餐牌寫明有魷魚或蟶子， 但無上枱。 問樓面姨姨， 回覆話 無㗎， 個餐牌3年前的， 依家唔㗎啦，無語。 我哋唔放過， 繼續追， 就話要問老闆（意思係老闆唔係舖）。最後還是補上蟶子。公平一點講， 價錢係平咗最後補上2015 年影低嘅瀨尿蝦逃脫

餐廳似乎只提供一種湯底，入面有粟米冬瓜非常之清淡的清湯底，近乎係冇咩味。套餐提供多種海鮮，基本上樣樣海鮮都好新鮮。肉蟹好大隻好鮮甜，鮑魚少少韌，貴妃蚌鮮甜，蝦隻都好鮮甜。由於湯底冇咩味，主要都係食返海鮮嘅原味。非海鮮方面，牛肉味道幾濃郁，雖然唔算好肥美，但係都尚算嫩滑。墨魚滑鮮甜彈牙，但牛丸同蟹籽丸就好普通。炸魚皮薄脆。最後的高潮係加啲粥落個湯底。海鮮粥味道鮮甜得來再加啲胡椒粉味幾惹味，作爲全晚最好味的結束。總結：海鮮新鮮，主要食原味。冇咩extra 或驚喜味道。環境：★★☆☆☆ 食物： ★★★☆☆ 性價比：★★★☆☆ 推介度： ★★★☆☆

我點了一個叫 “龍蝦二人餐” (價錢： $698)。 龍蝦好大隻，蟹好多膏，其他食材非常新鮮，粥底好好味，員工服務非常好，真的值得 “推薦”。我另外加錢叫了條 “魚”，好新鮮。鮑魚，龍蝦和蟹來到還會動的，仲有生菜，但沒有影相。

這間餐廳的古風裝潢和小小的魚缸確實營造出一種特別的氛圍，而且餐廳提供的貼心服務也讓用餐體驗更加完善。海鮮的新鮮和生猛度確保了品質，而提供煮熟時間提醒則能確保每種海鮮的口感恰到好處。大隻的蟹和飽滿的蟹肉確實能為火鍋帶來豐富的口感，而新鮮的鮑魚也會帶來獨特的鮮甜味道，這些海鮮的品質應該能提升整體火鍋的美味程度。即叫即炸魚皮的香脆口感和手打的墨魚滑的彈牙口感都係唔可錯過。在享用完火鍋配料之後，店員會為你準備粥底火鍋，所有海鮮的鮮美就可以完全融入湯底中，增添粥底既鮮甜濃郁口感。

聖誕假嗰幾日天寒地凍，冇理由唔同一班朋友圍吓爐🥶 今次就去咗一間小店食海鮮粥底火鍋，套餐包咗好多款生猛海鮮，最後再加埋暖笠笠、吸盡海鮮精華嘅粥，可以滿足多個願望，價錢亦十分超值，最平$218就可以嘆到多款海鮮🤩！🍲餐廳貼心地提供「#美味秘訣」，提醒客人煮熟每種海鮮嘅時間。目測啲海鮮都係好新鮮，尤其一開始上場嘅 #動感鮑魚 真係識郁😱 夠晒動感！🦞隔離枱嘅朋友叫咗龍蝦餐，啲龍蝦係即場由魚缸撈上嚟；其他海鮮都好新鮮，包括蟶子、蠔、蝦蟹等。🐟🦑至於其他嘢方面，我非常欣賞好香好脆嘅即炸魚皮🤤 仲有墨魚滑都係好正，食得出係手打嘅味道😋🥘壓軸出場嘅 #雞粥 係重頭戲（食唔切啲雞，所以變雞粥🤭）😻！由於吸盡各種海鮮嘅精華，再加埋老闆落咗啲胡椒調味，真係冇得輸🥹 食到好飽都要encore多一碗😹總括嚟講，可以食到唔同種類嘅海鮮，而且個價錢仲平過好多間火鍋，我覺得係值得再嚟嘅😉

朋友小聚，鮑魚和蟹又新鮮又大隻，非常鮮味，其他食材都很滿意，老闆服務好又細心，知道長者不喝凍飲，細心地安排熱茶，最後食的海鮮粥鮮甜回味，一次愉快的聚會，捧著飽飽的肚子回家😊👍

老爸老媽想食大閘蟹，我唔得閒帶佢哋去食。咁啱見老闆有個大閘蟹二人餐，即管叫一個送去老爸家。當日老闆親自準時送到，爸爸打開，驚喜萬分！兩隻超大的鮑魚、四隻好靚、足両、多膏大閘蟹，還有墨魚滑、大蝦、半隻雞、一條魚……..。老闆超細心，食蟹工具、紫蘇葉、蟹醋等等全部齊全。出名腌尖的老媽都讚不絕口！最終，食淨一條魚、半隻雞和大蝦，老爸攞咗俾我，老婆就造了鼓汁黃立倉、砂窩大蝦雲吞煲！一個二人餐，食飽咗兩老加我一家四口。好開心！再次多謝老闆服務殷勤周度！

今晚訂了四個「至尊」粥底海鮮加一隻膏蟹和一份蟶子王外賣直送為爸爸慶生，我們一家四口加兩老，合共六人，食到攬住個肚。感激老闆精心挑選生猛海鮮，全部都洗乾淨，劏好，再細心分類包裝，連指天椒、蒜蓉和豉油都為我們準備好。粥底又預先煲好，再將米和粥水分開包裝。企理乾淨。用餐時，海鮮還在動，海鮮的精華，流到落下層的粥底，蒸完所有海鮮後，啲粥又甜又香，完全無腥味！煮好的海鮮，每樣都鮮甜好味！爸爸媽媽都食得開心！多謝老闆細心打點和親自送貨！

差👎🏿，10分有3分,出的食物同餐牌有不一致，跟住藉口多多，好似講到岩曬，當顧客傻仔，唔識海鮮。價錢好亂，完全不是粥底火鍋，兩回事。完全不會有第二次，可話請我食都不會來，多謝了

材料新鮮嘅粥底火鍋店環境唔大，所以滿座時有啲嘈另外有一間VIP房大家一大班人嘅時候，適宜一早訂房每次嚟都係叫最貴嗰個餐至尊餐難得嚟到梗係要食最多嘅新鮮海鮮套餐有呢啲⋯⋯⋯⋯⋯聖子唔算大 貴妃蚌算大 蠔正常味道標準 鮮甜唔腥 點小小豉油就夠鮑魚新鮮 落煲時仲識郁大讚 有一隻食指咁長 啲肉勁彈牙龍蝦（加20可換澳龍）新鮮 彈牙 肉實 夠大舊 夠鮮甜蝦超級新鮮生猛好特別 蝦腸乾淨到好白所以比一般更彈更鮮甜蟹大隻 有膏多肉飽滿龍躉新鮮 肉質實彈 蜆小小瘦 唔夠肥其他（牛肉 丸類 滑類 等）標準火鍋料級數粥所有食物精華都入晒粥底度，好鮮甜但係每次都太飽，只可以食到一碗所有食物都好新鮮 海鮮最緊要新鮮餐廳仲有教學 話比你知每樣野煮幾耐 同埋次序份量足 款式多 每次都食到捧住個肚走

年初四 · 6:00就去到等食第一台入去 坐門口位 有兩個爐 要提早book同request 因為得兩個人手 係慢啲但係每樣海鮮都好新鮮🤩朋友帶我哋去 之前就食過所以唔使諗就揀$388 餐 乜都有啲南瓜湯底同海鮮好夾店長叔叔雖然唔係話好有禮貌但就好客好傾😆 仲會話老闆唔返黎幫手🤣之後多人到 就無乜service 但打邊爐 最緊要好食😋除左海鮮 🦞 同大魚皮係熱門我覺得 粒牛丸好出色😆有得買走就好😆唯獨廁所位 乾淨啲會再更好

年初四睌一行七人首次到這間所謂粥底火鍋店晚餐。店內的地磚濕漉漉，座椅墊布佈滿污漬，洗手間地面不平，衛生情況極度欠佳。最令人氣憤的是致電訂座時店員稱農曆新年期間不會收取附加費用，但沒有說明只可選擇$288或以上的套餐。入座後，迫於無奈點選每人$288的套餐。但套餐內列明包括的數項火鍋食材沒有供應，店員最初只推說餐牌未更新，後來經過一番詢問後，才補上其中一項火鍋食材，店員態度亦欠友善，曾呼喝鄰桌的食客，此店食物質素一般，物非所值，總括而言，不會再光顧此食店。完。

本來book左太子小漁港為男朋友慶祝生日但男朋友提早去到，覺得侍應態度差劣😮‍💨😮‍💨，6pm左右明明冇咩客人，都被安排坐近廚房位置，想改坐梳化都唔準。離開間鋪附近閒逛時發現這間店🤩侍應好熱情推薦，於是walk in左去食，仲即刻有有梳化位坐。叫左$688二人粥底火鍋餐（另加一服務費）好豐富，有即撈即劏西澳龍蝦、仲識郁既鮑魚、蜆、蟹、 象拔蚌，仲另有肥牛、魚滑、雞、丸類。海鮮樣樣都好鮮甜好味侍應好用心介紹每樣海鮮滾幾耐食仲得閒同你吹下水男朋友食到lam lam脷😋😋最尾食到尾，整埋個海鮮南瓜粥，加少少油炸鬼，好重蟹味，男人食到添多碗食。一定會encore，男人好滿意的生日餐，超抵食👏🏻👍🏻👍🏻😍😍

年年都為左食蟹忍足幾個月口可惜第一次聚會食蟹因病左而淺嚐今次終於可以食多兩隻了🤤難得約到朋友仔陪我去食梗係快快手book位先海鮮非常新鮮-蝦俾d盤蓋住都可以聽到跳動聲-鮑魚用手禁落去 會即刻縮起-花甲size唔算太大 但勝在粒粒無沙-魚切件再拼好 無太大腥味 食落肉質鮮嫩-廣島蠔同墨魚仔 煮左幾分鐘都無嚴重縮水 可以-肥牛得6小片 食肉獸可以自行追加啦-雞有少少肥 但影響唔大 煮耐左都唔會覺得太柴-牛丸、龍蝦丸各2 唔食得牛嘅朋友仔提前同老闆講聲，可以安排換貢丸補上-響鈴 唔係新鮮炸起 唔夠脆身 但索湯一流-生菜 煮完好清甜 差d搶住食而打交-南瓜、🌽 好甜，粒粒飽滿✨大閘蟹✨重頭戲梗係大主角啦！🦀️公👉🏻肉質鮮嫩肥美 蟹黃好濃郁🦀️乸👉🏻蟹膏多結實飽滿 雖然季尾 但依然好好食-最後加大半碗冷飯 煮一個甜粥底🤤滿足嗮！！！