聚滿坊粥底火鍋私房菜 (已結業)

之前到過佐敦的店，當時店鋪還未有分店，那次的用餐體驗不錯👍🏻於是決定再次光顧，價錢依舊HK$188 另收加一服務費。餐廳晚上分兩個時段6:00-8:30/8:30-11:00食物沒冇選擇，店鋪已準備好。6:30左右到達，一坐底呀姐已詢問是否要飲品🍻。醬油配料有兩款，🌶辣椒及蒜蓉鍋一上，呀姐已經好快落放左🐓雞件😯話要做個雞湯底由於唔想呀姐再過嚟幫我地落野🙍🏼我地都快快手落左啲丸同牛肉有白魚蛋，黑椒牛丸同鯪魚滑，味道普通之後陸續落海鮮，都算新鮮而且魚好鮮甜蝦仲識得跳，呀姐亦不時過嚟攪下個鍋。🙍🏼食物材料新鮮，而且價格亦超值，但呀姐實在太熱情太急，還未食完已經要急住整個蟹粥，明白要8:30交枱，但當時只係7:40，未免太趕。若然可以留點空間給予顧客相信會有更多客人光顧。

因為朋友介紹，所以專登黎試試。我早左幾日book定位，因為間餐廳要預食材。佢呢到打邊爐唔係任叫果d，而係已經preset左海鮮大餐。我7點黎到，未算好多人。我地到齊人之後就開始上菜，佢d食材份量係跟人數。當中有魚、蝦、蟹、蜆、鮑魚、唔同既丸等等。D海鮮好新鮮，基本上隻隻都仲識郁。我地碟蝦有幾隻跳左出黎，嚇死我地D栗米好鮮甜。D魚唔多骨，最岩唔鍾意lur骨既我。d蝦都幾大隻。d蜆隻隻都開蓋，d蜆肉滲左d滲汁真係好鮮甜好惹味。我地留左d蟹同油炸鬼for最後煲粥落。基本身食完d野佢就會落d粥落個鍋到煲，我地連埋d蟹同南瓜一齊煲，可以變蟹粥D粥稍嫌太淋，但加左南瓜真係好清甜好易入口，我忍唔住食左兩碗。d蟹有少少膏，d蟹肉都好firm。

第一次在Openrice寫食評, 真係覺得非寫不可, 上星期過香港食飯, 係網上查到尼間餐廳, 有藝人同雜誌推薦, 諗住實唔差啦, 4點幾訂位, 得返尖沙咀有位, OK, 照去!我地食6點至8點半戈段時間, 2個女仔, 準時到亦都有位坐, 一坐低阿姨就指住牆上ga飲品, 問我地飲乜, 戈一刻都未意識到飲品係另計錢的.揀好飲品, 就有戈阿叔問我地上得餸未, 戈一刻先發現原來係無得揀, 咁OK la, 照上, 都坐低左lok,跟住就黎左下面尼堆野, 1. 一碟大約2隻豉油碟咁大, 得十一, 二片咁上下ga普通細片牛肉,2. 6隻蝦3. 一條1掌咁大的倉魚4. 豉油碟咁大的魚青5. 一隻唔知水蟹定花蟹6. 約10粒蜆7. 唔夠半隻的雞8. 各4粒切半的牛丸同墨魚丸9. 約4至5塊切件魷魚10. 2隻細鮑魚11. 適量冬瓜, 粟米, 12. 適量南瓜和油炸鬼(唔脆, "淋"曬, 油味重)重點：無蠔, 無瀨尿蝦, 無人出聲.寫落好似好多野咁, 實情份量少到喊, 老老實實兩個女仔食都只係岩岩好, 但以188+飲品+另加一, 毎人2XX埋單, 真心唔知自己食左乜, 仲有種焗你食ga感覺.寫住毎人18

八點打去book 4人枱，八點半有位，行到過到啱啱好唔洗等。188/位，飲品另計。唔洗點菜，已經定左每個人既份量，份量好夠食。食埋個粥啱啱好飽晒，好滿足。用料新鮮，所有海鮮上枱時都仲未死，有牛，魚，蝦，蟹，蜆，鮑魚，花枝，仲有d 蔬菜同少量丸類，d 丸都好有誠意，絕對唔係十九佳寶雜丸。d 蝦上枱個時仲彈彈下。平時粥底火鍋會因為太飽食唔到個粥，黎呢度就終於食到個粥，真係好鮮味。會再幫親。

這間粥底火粥 因被藝人推介完 風靡一時冬天時打了無數次電話預約 也未接通過終於今次用了Openrice Table Map預約了平日的晚上時段分為6p.m.或8:30p.m. 限時兩個半小時是次晚餐原因是 慶祝朋友生日我們於5時50分到達 放下了蛋糕後 6時正再上去*不收任何切餅費環境不錯 完全不像一般的火鍋店以藍白色作主題 海灘的感覺 朋友說有點像Cafe..全場約有9張四人檯和一張大卡位我們吃到8:30時 都只是有5-6檯人 並沒有傳說中的滿座一行四人 總數$888 由於父親節有全單8折 每人約$178(飲品另計) 店家會按人數給食材份量 但放心一定夠飽!!四人份量:一碟雞/一碟牛肉/兩條魚/兩隻花蟹/四隻鮑魚四隻生蠔/約八隻大海蝦/鮮魷&硯各半碟/魚蛋牛丸各半碟冬瓜粟米南瓜一碟/油炸鬼一小碟一開始阿姐會建議 放雞先 煮成雞湯再放鮑魚 令湯頭鮮味一點樓面有兩個阿姐 一個少年 不過兩位阿姐一直處於超級黑面時不時會經過停下看我們吃了多少 令人感到不少壓力和不舒適食物質素算高 用料都很新鮮質素也很不錯.. 是個抵食的海鮮火鍋餐!把大部分海鮮吃完後 阿姐會過來幫你隔走火鍋表面的油加入很稠的

第一次食粥底火鍋，朋友話呢間聚滿坊有個海鮮套餐非常之抵食($188位)，就呢試下啦。個套餐都好豐富，有好多海鮮，D蝦仲係咁跳下跳下，鮑魚仲係度旭下旭下，還有生蠔，蜆，魷魚， 鯪魚滑，蟹同魚，呢個價錢有這麼多海先邊到搵啊，其他食材有雞，肥牛，魚旦，黑椒牛丸， 鯪魚滑，白蘿蔔 ，南瓜。蝦大大隻好鮮甜同彈牙，鮑魚好新鮮好食，生蠔都係大大隻好肥美，蜆同魷魚都好鮮甜，雞啖啖肉又好滑，肥牛肉同脂肪比例剛剛，魚旦同黑椒牛丸彈牙爽口，鯪魚滑果皮同魚味適中，白蘿蔔好清甜，蟹同魚新鮮唔腥唔梅，最後職員幫忙整最後部分南瓜粥啦，因為之前有那麼多食材，現在個湯底非常之清甜，在煮個粥呢真係好好食，飽飽地都忍唔要食左兩碗，這餐真的好抵食

一間味道唔錯既粥底邊爐，(每人188 加一， 食店會安排一set 有肉有海鮮既set 俾你)首先用充滿住粥水味既邊爐底 打邊爐 食材都算幾多， 有肥牛 羅白 南瓜 鯪魚滑 牛丸 魚蛋 粟米 油炸鬼等等， 而海鮮有蠔，蝦， 瀨尿蝦 鮑魚 蜆 蟹 泥鯭， 食材用料新鮮 尤其係蝦蟹 泥鯭尤其出色 因為比較大條既好少見。 而鮑魚都爽口彈牙 打完邊爐 最後工作人員會幫你倒 稀飯入去充滿鮮味既湯底 連埋南瓜一齊食 南瓜融入粥水入面 所以除左軟綿綿既口感外， 仲有南瓜既甜味 配以葱花同胡椒粉 著實唔錯 . , 若以188 黎講 食到甘既海鮮 其實算係物超所值！

因為實在太差，要專登登記做會員，寫呢篇食評粥底=完全冇味既粥水做湯底定額火煱料= 每種火煱料既份量實在太小，平價貨:魚蛋，牛丸每人只有數粒，嚡雞件: 每人大約5件，普通肥牛: 每人約4片海鮮: 小蟹每人半隻，普通大小蝦: 每人4隻，蠔: 每人一隻，小蜆: 每人幾隻，魷魚片: 每人2小塊，小倉魚: 2人一條蔬菜= 粟米，蘿蔔，南瓜 ( 綠葉都冇塊)火鍋後加粥= 冇味南瓜粥，完全吃不到所謂既鮮甜，全餐最多份量既係油炸鬼雖知現今租貴，人工貴，但食物既質料同份量完全令人感到被騙。7:00 開始進食，講好8:30還枱，但8:15已經收哂錢，連個煱都攞走埋，趕客!飲品= $10-$22

呢間係佢開新店我就一直想黎試 佢既環境好靚 全部都係白色為主 佢既座位都好大 好舒服 一黎到d姐姐就開始試菜 佢地先幫我地落雞 再落鮑魚 之後一路食 佢地都一路幫我地再落其他野 仲會提我地幾時食得 超細心 之後再食魚蛋 好彈牙 大大粒 佢簡左倉魚 冇咩骨 好鮮甜 仲有生蠔 新鮮 仲煮得岩岩好 唔硬 蜆完全冇沙 好正 海蝦佢仲跳下跳下 超新鮮 仲有蟹 係好多膏 食晒之後佢地會再用返個湯低 加南瓜加粥再幫我地煮 每人一大碗 真係食到超飽 份量好夠

呢間一直都想試 自從有明星推介後 我都未有機會嘗試過 自從佢開左尖沙咀店 我就一於去試下佢本身係有12樣野食 係固定左 以海鮮為主 不過先$188真係好低 充滿期望去試一黎到佢已經好快咁上晒所有既野食 佢就等水滾後佢話先落雞 好新鮮 佢會幫我地計住時間叫我地夾上黎 岩岩好熟晒 好滑既肉 帶有小小清甜既味道 之後佢幫我地落鮑魚 4分鍾後食得 一食又係煮得岩岩好 好彈牙 不過侍應都提醒我地最好唔好食綠色個舊野佢既蝦全部都好新鮮 上台個陣仲跳跳下 佢要用個碟壓住佢 食落口果然好香 好新甜既蝦味 d肉係好實 唔係梅個種牛肉好切到好簿 唔好肥膏 但係都好林 好香牛肉味呢隻魚又係好新鮮 唔多骨 岩晒我唔識食魚既人 呢隻蟹好多膏 本身已經咸咸地 好新鮮 你見佢咁既樣咁識郁就知咩事 生豪係大大隻 好鮮甜 同埋蜆都唔差 冇沙 份量好多食到最後佢會用返個湯落南瓜同粥 成個粥好鮮甜 佢既粥好棉 我會再落小小鹽吊味更正食呢間除左可以食好多海鮮 最好就係唔識煮都唔驚 佢會幫你手搞店晒 幫你落 話你知幾時食得 份量又多 飽到豬豬

打邊爐最緊要有海鮮，如果成枱都係海鮮就最好不過！呢間配料新鮮，份量足夠！👍🏻食完可以用湯底整埋個南瓜粥，鮮甜美味！🐟海鮮套餐（$188/位）鮑魚生蠔,白蜆倉魚蟹生蝦牛肉魚蛋牛丸鮮雞件鯪魚肉粟米蘿蔔南瓜最後，店員幫忙把南瓜在湯底煮淋，再加入飯漿，製成南瓜粥。粥底鮮甜美味，可配上油炸鬼一同享用，略嫌油炸鬼不夠脆口，除此之外，其他都很好。

友人生日期間，我們到了聚滿坊吃粥底火鍋。因為是私房粥底火鍋，所有客人的食物也是由餐廳發版。三人份的食材全部在這裏了。主要是吃海鮮，蔬菜只有粟米和南瓜。原因是他其他蔬菜出水太多，會影響粥底味道。被花蟹壓着的是一大碗海蝦。因為海蝦實在太生猛了，如果不壓着他們，就會立即跳出來。新鮮鮑魚 ~ 聚滿坊粥底火鍋私房菜https://youtu.be/umXeG7noynw (<<< 按連結觀看影片)新鮮海蝦 ~ 聚滿坊粥底火鍋私房菜https://youtu.be/kC39upF69fA (<<< 按連結觀看影片)睇片後，大家是否覺得所有海鮮也生猛到跳起？相片之內沒有看到的還有走地雞半隻，因為時間關係早被放到滾水裏去。粟米也趁早放入水裏了。南瓜粒就要留到最後作粥底配料。完全熟了的白灼海蝦。原來生米已經煮成熟飯。因為時間關係，直接把已煮好的爛飯放入湯底變成用粥底。再加入提前煮爛的南瓜粒，就成為了精華所在的美味粥底。吃的時候還可以加入油條粒，增添風味。

第一次來聚滿坊吃晚餐，門面有點私房菜的感覺！內𥚃以白色為主，很潔凈！ 這裏吃的是海鮮套餐！湯底是粥水！調味只有簡單的蒜容、辣椒和豉油！以求吃出海鮮的鮮味！服務員很有效率，很快為我們送上海鮮，包括鮑魚、蜆仔、蠔，魚，生猛花蟹和跳扎扎靚蝦！非海鮮類有肥牛、雞件、魚蛋、牛丸、魚滑、粟米、南瓜及油炸鬼。 所有海鮮都十分新鮮，配合粥水湯㡳能帶出鮮甜！花蟹和蝦極之好味！ 這款魚已忘記了是什麼魚，通常在家媽媽會用豆豉果皮來蒸煮，用作火煱還是第一次！沒想到出奇地好味，一點鱼腥味都沒有，魚肉香滑且甜連平日不愛吃魚的老公都吃過不停！ 至於非海鮮類： 雞件十分嫩滑，牛肉亦很出色，還有很彈牙帶黑椒味牛丸，非一般雪藏貨色！服務員質素：十分貼心，一直留意住客人進食的速度，建議不同食材泡煮的時間，以求客人吃到最好的!吃至尾聲，粥水已吸收哂所有海鮮、雞肉的精華，服務員便代我們加入南瓜，魚滑，煮了一會兒便加入稀飯開始煮粥了。 南瓜海鮮粥就此誕生 不用下胡椒粉，放些油炸鬼送粥一流！油炸鬼剪得細細，吸了粥味，原先我們都覺得套餐份量不多，還擔心會否不夠飽，

近期睇完電視經常介紹粥㡳火鍋心郁郁想試下見聚滿坊新開就book位試下呢道係一set set咁叫位位$188加一後都是$220可以食哂咁多種海鮮個煱本身上粥水底加入蘿白 粟米 南瓜即刻令成個底甜哂鮑魚大大隻好新鮮記得只要淥一陣好了太耐已經會太老再放入雞件嫩滑無比甜甜地又滑一食就停不了而且牛肉肉香而不膻八成熟已足夠蟹同蝦都好鮮甜不過蟹比較水多D可能想D蟹味入多D落個粥底道蝦好彈牙而新鮮不斷跳下跳下另外又有蜆同魚蜆好甜而爽口最後加入厚厚的粥底令其更錦滑入面有整各海鮮的精華更滲有陣陣雞的甜味吸引我一共食咗2碗

今晚老公帶我去食私房菜，好開心，上食材時，D蝦同賴尿蝦都生蝦甘跳，好驚訝，居然呢個價錢有甘新鮮的海鮮，首先水滾放雞同粟米同白蘿蔔落去出味先，跟住我放埋蜆同蝦落去，跟住水滾後食雞，蘸點辣椒醬油超正，蝦更加系新鮮彈牙，對比蝦我更加喜歡賴尿蝦，太鮮甜啦，肥牛薄，肉味重，墨魚丸同黑椒牛肉丸都好彈牙，老公食蠔，肥厚鮮甜，又滑，不過不要煮太耐，魚同花蟹當然最後食。因為會令煲湯更鮮味又不會搶走其他食材味道。蟹殼好軟，肉好滑，食得出的鮮味，最後放南瓜落去，有人幫你煲好粥，放小小油炸鬼送花蟹海鮮粥，鮮味甜到不得了。