聚聚 (已結業)

見平時經過都無試過新商場開既餐廳，一心諗住試下，無諗過有驚喜。聚聚，呢個名都幾有意思,相聚嘗聚。佢哋岩岩新開幾日，啲野食味道都唔錯同有特色。多數係點心變左係主菜，份量唔少，最有驚喜係佢哋既土豪雪茄春卷，奇趣蝦多士同土炮安格斯叉燒。其實性比都高，值得一試，亦希望佢哋可以保持到水準。但略嫌佢哋甜品整得比較甜同份量細，比較係法式焦糖燉蛋好細細個仲要太甜，要飲幾啖菜先可以沖淡甜味。其實佢地整體真係不錯，但都有進步空間。

開左屯馬線之後，終於可以去輕鬆去到土瓜灣！今次同行3個朋友，去左個新開商場 UPLACE ，原來多左好多新餐廳！揀左間中派中菜 — 聚聚，見個名咁響就一於同朋友聚一聚！見到個餐牌既野食相都幾的骰，樣樣都好吸引！點左前菜 — 冰鎮荔枝蕃茄、紅油魚翅餃、香草金稻帆立貝冰鎮荔枝蕃茄：每粒都又甜又開胃，依家天氣咁熱，凍食一流！紅油魚翅餃子：個紅油汁都較得幾好，辣到適中，朋友都食到！香草金稻帆立貝：成個月光寶盒咁唔洗講咁多，食前打卡先！師傅用左脆米伴個帆立貝，配埋Wasabi Sauce，又脆口又開胃！主菜 — 霸皇沙巴仔、眼前一亮煙燻雞 霸皇沙巴仔：起晒一塊塊魚片，起埋骨，咁既手工都係$168，真心抵食用辣鼓油配鮮花椒，比個讚！眼前一亮煙燻雞：以為係普通鼓油雞，店員推介話師傅用左好多原料將煙燻味加入雞入面，食落又幾惹味，開蓋出晒煙既效果又係吸引眼球之作！！甜品 — 不一樣的梨：糖水甜度恰到好處，一切入面都全部係燕窩店內都多花花草草打卡位，相機食先啱晒見到佢有個打卡牆，原來都幾多星黎過仲可以網上落單，有晒相都幾方便！下次經開土瓜灣，除左食冰室同据扒，都會再考慮呢間！希望下次再同朋友黎，可以多d酒