聰。C Dessert

营业中

休息中

一間甜品控必定對其有印象的知名甜品店--前聰嫂甜品，仍然是那麼受歡迎，每次經過都必定見有人龍於門外，幸好甜品客turnover快，不用等多久即可入內。點了六款糖水，全部是分享形式，所以全都試了。龍眼椰果冰必試！因是店家的成名之作，的確是驚豔級美味！店家會用上60粒龍眼肉，加入忌廉打成冰，龍眼冰清甜解渴，另加上椰果和西米增加口感，的確超級美味，必試！必試！必試！芒果奶昔雙皮奶，先將雙皮奶雪凍，然後加上芒果奶昔及鮮芒果。芒果香甜，雙皮奶滑溜有奶香，美味！芒果麗莎足料香甜。龍眼豆腐花，相較成名作龍眼椰果冰是平凡了一點點。蜜瓜仙草黑糖珍珠，蜜瓜清甜，另外幾項配料十分配合，有朋友原本怕仙草的味道，惟這次卻讚賞蜜瓜仙草黑糖珍珠美味。因此不嗜仙草的也可試試啊，或許會令你對仙草改觀！椰汁芋泥西米露也十分不錯，芋泥香濃綿滑，西米露富椰香。綜觀六款甜品皆水準以上，怪不得長期人龍！以個人口味來說，龍眼椰果冰、芒果奶昔雙皮奶、蜜瓜仙草黑糖珍珠和椰汁芋泥西米露都十分得我心。芒果麗莎和龍眼豆腐花會相對平凡一點。價格親民、水準高，因此性價比滿分！

女仕至愛甜品(灣仔)聰。C dessert，排隊都要品嚐🥰，溫馨提示🫶早啲排隊早啲品嚐❣️芒果豆腐花芒果的酸甜漸進入口，帶來清新自然的風味，豆腐花的嫩滑質地則平衡了酸度，整體口感滑嫩柔滑，清新爽口，甜而不膩。❣️榴槤黑糯米榴槤濃郁香甜滲入黑糯米的淡雅香味，形成絕妙的味覺饗宴。黑糯米的糯軟與榴槤的滑嫩交織，創造出層次豐富。❣️咖啡雪糕仙草黑糖珍珠咖啡雪糕仙草黑糖珍珠濃郁醇厚的咖啡味與細緻柔滑的雪糕質地完美融合，仙草順渴與黑糖清甜更為其增添清新醇厚的層次，珍珠Q彈爽口，口感層次豐富迷人。❣️鮮什果椰汁仙草時令清新爽口的什果與綿密香醇的椰汁融合，仙草添加提供層次感，整體口感清爽順滑，甜而不膩，是夏日消暑佳品。

聰。C Dessert第三次嚟呢間舖頭! 三次都要排隊, 今次仲等咗起碼25分鐘, 可想而知佢有幾高人氣🥳 地理位置好方便不特止, 唔同類型嘅甜品都有🙋🏻‍♀️由窩夫到豆腐花, 仙草, 唔同港式糖水etc. ————————————————食物:❆ 蜜瓜豆腐花（凍） $42Sweet Tofu with Honeydew Sorbet 店員推介! 食落好清爽, 豆腐花絲滑細膩🤍加上清甜既蜜瓜果肉口感豐富! 涼爽宜人，可以幫助夏日消暑🍈❆ 芒果仙草黑糖珍珠（速）$46Mango Sorbet with Grass Jelly新鮮芒果搭配彈牙既黑糖珍珠同鮮甜既仙草, 每一啖都充滿咗芒果既甜美同仙草清香🥭好清涼❆ 杏仁茶燉蛋白（熱) $40Steamed egg white with almond tea Omg MVP! 個人認為尼個熱既甜品係4個入面最好食! 😍溫暖身心既杏仁茶香氣濃郁, 搭配蛋白口感細膩柔滑~溫熱燉煮方式令食材更加滋補❆ 川貝圓肉燉雪梨（熱）$45Stewed longan with pear and bulbus fritillaria 雪梨清甜多汁, 搭配川貝、圓肉等

話明網紅店，小編來到都有20幾人排隊，店舖不算大，但翻枱都快，排左半個鐘就到我地。糖水款式多，小編都花左一陣時間去諗食咩，最後叫左店舖推薦的芒果麗莎和芝麻核桃露。芒芒麗莎由芒果、西米、椰果、芒果雪糕和芒果汁而成的甜品，份量算小但啖啖都食到粒粒芒果；西米是脆身的，所以食落好似爆珠，口感好特別；芒果雪糕，芒果味天然，食得出真是用芒果整，真材實料，值得加分。即使加上椰果，整體亦不算甜，推薦！芝麻核桃露味道正常，芝麻糊比例相對小的，味道淡淡的，核桃香味較突出，質感幼滑，不錯。整體水準不錯，價錢不算貴，芒果甜品亦有驚喜，難怪咁多人來吃。

今日同朋友灣仔行完街食完飯， 朋友話想食甜品,我第一時間就諗起聰。C Dessert 呢間甜品店，呢間甜品超人氣好多食客都會慕名而嚟 ， 長期爆滿 。聰。C Dessert 款式選擇多,最後我哋揀咗芒果麗莎, 芒果仙草黑糖珍珠, 芒果奶昔雙皮奶, 布雷醬焦糖脆脆雪糕牛角窩夫。芒果麗莎： 新鮮芒果肉， 水晶珠，小丸子， 椰奶，椰果， 層次豐富口感滿足。芒果奶昔雙皮奶： 雙皮奶超滑溜 甜而不膩芒果仙草黑糖珍珠：珍珠爽口q彈，仙草口感滑溜，加上香甜嘅芒果，超正。布雷醬焦糖脆脆雪糕牛角窩夫： 即叫即整暖暖的， 外皮微脆 內裏煙韌，特製醬料再加焦糖脆脆， 多重享受。

都話食甜品有第二個胃，同朋友食完飯之後，意猶未盡，就諗住去食甜品，喺門口已經見都餐廳入面d位full哂，仲有少少人喺門口排隊，好似好受歡迎咁，就決定一試。行到咁熱，梗係要食涼浸浸嘅甜品。士多啤梨椰果西米冰(凍)士多啤梨味濃郁，食完之後涼到入心。咖啡雪糕仙草黑糖珍珠(凍)咖啡味十足，仙草凍非常滑。布蕾醬焦糖脆脆雪糕窩夫啱啱夾好嘅窩夫配埋雲呢拿雪糕，一啖熱一啖凍，冰火交溶，加埋布蕾醬、焦糖脆脆，係幸福嘅感覺！餐廳生意非常好，所以同朋友食完之後就走咗，下次先約去其他地方慢慢傾偈！

以前喺港島區返工，間中都會去食聰嫂甜品，知道佢哋係灣仔開咗新店，就約咗朋友仔一齊去食個甜品先。嗰度咁多人嚟排隊喎，我哋都排咗好幾次先到我哋！入到去都唔覺得佢好逼夾，坐低冇記得就要即刻嗌嘢食啦！兩個小妹妹佢哋都叫做個窩夫！【布蕾醬焦糖脆脆雪糕牛角窩夫】【香蕉🍌朱古力🍫醬焦糖脆脆牛角窩夫】以上兩款甜品都係用牛角包夾成做一個窩夫，勁鬆脆都唔使講㗎啦配埋雪糕，兩個小朋友食到想舔碟咁滯🤣🤣【榴槤水晶】榴槤味勁香！真係冇得輸！【楊枝甘露】經典甜品之一，加埋小丸子都係一個絕配！因為天氣太熱啦，我哋兩個媽媽忍住叫咗兩杯西瓜汁拎走飲🤣🤣到最後比兩個女一人一杯大啖大啖飲晒啦⋯⋯

搭過幾次電車經過都發現這店有等待嘅人龍，今日終於有機會食佢，估唔到質素咁好！😍布蕾醬焦糖脆脆雪糕窩夫牛角包窩夫係超香脆，而且配上布蕾醬加一球雪糕，好Creamy，沾上牛油香味嘅牛角窩夫🧇已經無得輸！綠茶杏仁豆腐花🍵超香杏仁香氣，綠茶凍唔會好甜，而且茶味香濃，杏仁豆腐花，加上綠茶凍嘅爽脆兩者幾夾！方鍾意杏仁嘅朋友一定唔可以錯過椰汁燉雙皮奶🥛超級嫩滑，而且好香蛋味！熱辣辣嘅雙皮奶勁快地被我地清光光了

灣仔嘢食不嬲都多。連週末都排晒長龍嘅甜品店聰嫂C Dessert 咩咁特別啊？等我哋試吓先。士多啤梨椰果西米冰-士多啤梨雪酪，溫度剛好，唔會太容唔會太硬。椰果同西米都係超美味新鮮；可能係自家製品。榴槤黑糯米-多多嘅榴槤肉，加雲呢拿雪糕，加黑糯米，再加上西米。黑糯米微甜，糊糊哋中間有粒粒煙韌口感嘅黑糯米，好好食架。布蕾醬焦糖脆脆雪糕窩夫-呢度講嘅窩夫係牛角包，加窩夫混合體變成Croffle。食落去有牛角包嘅千層感覺。冇咗牛角包嘅脆感卻換來多層薄餅crepe感。滲入了雲呢拿雪糕加上甜嘅窩夫味。仲加埋西式甜品嘅布蕾醬再加幾塊甜飛機餅乾；超正。杞子圓肉雪蓮子燉桃膠-實際藥用不在此題。龍眼肉，杞子，雪蓮子都奪目美味。桃膠啫喱搬的。用了十足，且多同新鮮。食完之後好舒服。連同伴唔鍾意食熱嘢都覺得可以食多啲呢類食物。總括：佢哋被獲選為大众点评2023年人氣之處，所以超多遊客嚟呢度。咁多人都保持到水準。好嘢。

灣仔超級出名糖水舖 聰嫂甜品值唔值得排隊去食？榴槤水晶珠佢超級多榴槤肉，根本上成個就係榴槤咁，個底係榴槤雪糕，加埋個水晶珠喺你口入邊爆開嘅口感，真係不得了，成個甜品嘅榴槤味超級濃郁！杞子圓肉雪蓮子燉桃膠飲落去暖笠笠好舒服！最重要係佢勁多桃膠！超級足料！椰汁芋頭芋圓紫米露個紫米露椰汁香味濃郁，好多芋頭粒粒，芋圓好煙靭細細粒幾好食！香蕉朱古力醬焦糖脆脆牛角窩夫食落去口感少少酥脆有啲煙靭感，幾好食！本身以為佢嗰嚿白色係雲呢拿雪糕，不過其實係cream嚟🤣 舖頭入邊真係好多人，撤出咁轉，不過我個人真係好鍾意佢咁光猛，佢啲甜品好多顏色，睇到都覺得好開心！如果喺港島銅鑼灣灣仔附近，食呢間真係冇錯！一定要試！

-🍴🍽🍴🍽🍴🍽🍨🍨🍨🍨🍨🍴🍽🍴🍽🍴🍽-🥢 榴槤黑糯米 $48 🆙榴槤肉香甜濃郁，口感順滑，食落好似雪糕咁，黑糯米煙煙韌韌，加埋清爽嘅水晶珠更加有口感😋。🥢芒芒椰果冰 $46 🆙配料好有有芒果粒、芒果蓉、椰果、水晶珠，味道鮮甜清新，口感相當豐富！🥢龍眼椰果豆腐花 $48 🆗以前食開人氣no.1嘅龍眼椰果冰，估唔到龍眼椰果豆腐花一樣出色！整體味同清甜，豆腐花口感幼滑，加埋龍眼沙冰同水晶珠味道好清甜🤤🤤。🥢原味雙皮奶 $38 🆗嗌咗熱嘅雙皮奶，感覺好養生。奶味濃郁，口感順滑，甜度恰到好處🙈。😇評價 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 8.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.5/10-🍴🍽🍴🍽🍴🍽🍨🍨🍨🍨🍨🍴🍽🍴🍽🍴🍽-🗺 聰。C Dessert (灣仔)灣仔莊士敦道35-45號利文樓地下1D號舖-#bakdiu中式 #bakdiu銅鑼灣#bakdi灣仔 #bakdiu甜品

平時行經灣仔都見多人排隊，星期日諗住開門無人食甜品，點知未開門就排隊了🤣好在我岩岩好彩入到店❤️❤️🍨咖啡雪糕仙草黑糖珍珠咖啡雪糕濃郁醇厚的咖啡香,搭配綿密冰涼的雪糕質地,再有仙草隨清新爽口,帶有淡淡的香氣。黑糖珍珠:Q彈有嚼勁,外皮帶有黑糖的香甜。🍹楊枝金露：清新酸甜的柚子香味,滑順濃郁的質地,入口即融,非常爽口開胃。🧇布蕾醬焦糖脆脆雪糕窩夫，布蕾醬濃郁滑順,帶有焦糖香氣,焦糖脆脆:外酥內軟,甜味濃郁,引起咬口，雪糕窩夫:鬆軟香甜的窩夫皮,搭配濃郁冰涼的雪糕,口感層次豐富。🍉西瓜汁:清新甜美的西瓜香,微酸中帶有適度的甜度,爽口解渴,非常清新怡人。

幾年前見到聰嫂甜品由於內部問題而結業，一直都覺得可惜，因為聰嫂甜品陪伴左我大學三年的時光，估唔到而家喺灣仔重開，改咗名叫聰C，終於再次有機會可以食到榴槤水晶珠，同埋龍眼椰果冰😍榴槤水晶珠，味道同賣相咁多年都無變，都係咁濃郁既榴槤味，同埋食落凍冰冰，夏天好啱食😋另外一碗係西瓜椰果仙草凍，仙草凍嘅感覺有啲似涼粉，都係一碗好啱夏天食嘅甜品星期日夜晚八點幾，都要排大約20分鐘左右，好多遊客特登過嚟食，希望遲啲佢有多啲分店，唔使排隊食啦👍

20240808🌤️🔥Thursday🌹🥵今日太熱喇🍨我想食糕🥣媽媽想食糖水🤔終於在灣仔揾到滿足兩個願望。「聰嫂甜品」在2004年開業，當年叱吒一時，並成功出售大部股份給大集團，可惜再賣盤幾年後，接手的集團在2020年將品牌「聰嫂甜品」全是結業。🎊 「聰嫂甜品」在2023年9月20日捲土重來， 在灣仔莊士敦道重新開業，並改名為「聰。C. Dessert 」。🕐未開門的時間已多人排隊， 甜品始終上枱快，值得排隊，享受港式糖水及甜品，餐廳裝潢簡約，用餐座位頗多，店內牆上掛有劉德華的墨寶。(1) 聰嫂成名作「龍眼椰果冰」Logan Sorbet with Nata De Coco=底用上60粒泰國龍眼肉， 雪成冰配合忌廉再刨成沙冰， 口感幼滑， 加上椰果及西米， 增加口感。$46(2)「 杏仁茶燉蛋白」Steamed Egg White with Almond Tea= 熱辣辣的養生杏仁茶燉蛋白，已蒸燉形式處理成如豆腐般的滑溜燉蛋白底，混合杏仁茶可保持蛋白質感香滑，養生潤肺美白抗衰老。$40(3)「 香蕉朱古力醬焦糖脆脆牛角窩夫」Chocolate Banana Croffle= 新店推出全新

今日喺灣仔早收工，朋友未收工，又有d餓，又想揾個地方坐，喺個轉角遇到間，有好大個玻璃窗，好光猛嘅鋪頭，因為咁望左入餐廳，見5點幾有咁多人食，會係乜餐廳？原來係甜品鋪，啱曬我口味，就揀你黎食d野la一揭開個餐牌就見到榴槤，都覺得係要揀榴槤，選擇好多，眼到眼花撩亂之陣，見到有窩夫食，又幾喎，好似飽肚d咁，既然有d餓，不如嗌曬兩樣la⭐榴槤水晶珠一落枱嘅賣相已經好靚，榴槤雪糕加榴槤蓉，面頭再放水晶珠，香濃嘅榴味，同埋水晶珠嘅口感，好正呀🤤最值得讚嘅係，食到尾d雪糕都未溶嫁，因為佢好有誠意，係用冰碗裝甜品😍⭐️布蕾醬焦糖脆脆雪糕牛角窩夫一落枱嘅時候覺得舊個窩夫咁細舊，一開始切開都冇為意，食左啖先發覺，口感咁嘅，咁似牛角包嘅，先認真睇返menu，係我怪錯左佢🙇‍♀️🙇‍♀️🙇‍♀️原來佢唔係普通窩夫，係牛角窩夫，大眼睇過龍，見到窩夫就啱，不過有意外收獲，食完牛角窩夫就愛上左，可能我本身鐘意食牛角包嘅關係，個牛角窩夫可以跟埋個雲尼拿雪糕食，或者點Brulee焦糖醬食，又係另一番感覺意外收獲，兩個甜品都好食，不過牛角窩夫就真係好有驚喜😋