聰嫂私房甜品 (已結業)

同老公食完飯行行下想食甜品 即刻走去聰嫂睇下有無龍眼冰食👇🏻龍眼冰 老公至愛 清甜可口 中間夾雜龍眼肉 西米爽口 好似真係無係出面食過有類似既野 👇🏻榴蓮水晶珠 榴蓮超濃 香甜 上面仲有一堆果肉

今天去完中環大館，晚上在附吃了晚餐之後，覺得還差點什麼似的😏飯後怎能沒有甜品呢？😎 回家前去吃個甜品才完滿嘛😜可能時間還早的關係了，竟然不用等位。平時來這裏我一定會點蜜瓜冰，龍眼冰，士多啤梨冰之類的，全部都是冷的😅 但現在的天氣開始轉冷了，還是吃點熱的吧！《芝麻合桃露》除了因為天氣變冷所以點這個，還有一個原因就是最近的白髮長多了，我想可以補多少就補多少，說完都覺得好笑🤣🤣這個甜品的芝麻合桃味濃，口感幼滑，甜度剛好。因為有黑芝麻，所以吃完都要看看儀容😂

每次黎都必食龍眼冰，食落去有淡淡既龍眼味，感覺係真材實料，絕對唔係用糖水開，佢另外亦有西米跟埋，將啲西米壓落龍眼冰裹吃，令到西米有少少硬嘅口感，好好好好好好味。

如果講到將軍澳區嘅甜品店，又點可以唔提聰嫂呢～雖然而家已經開咗好幾間分店，但係總店其實就係將軍澳坑口。雖然今日去嘅係寶琳分店，但係都感覺自己好似去咗總店一樣～哈哈😄其中一款大熱招牌甜品係龍眼冰，真係好正，連d冰都有淡淡龍眼味，好清香～龍眼肉亦都好清甜，好適合夏天食～另外點左個芒果豆腐花，芒果好大舊好甜，而且唔會食到絲～豆腐花好滑，係好品質既豆腐花～呢度嘅熱甜品都幾好食架～推薦芝麻糊～不過可能依家天氣熱就未必咁想食～🤣

經開將軍澳，知道附近有聰嫂，飯後甜品一定揀幫襯佢，除左密瓜冰係我至愛，龍眼冰一樣非常鐘意食，又係將d西米壓落去冰下面，等西米變硬，食落口感更加好食，價錢好似比深水埗平d。

次次宵夜想食糖水都一定會去食聰嫂 而家新都城果間聰嫂 租埋隔離舖之後 都唔洗點等位 實在太好了！ 不過而家好似冇乜冷氣 有啲焗2個人一人叫左一個糖水 我叫左榴槤涼粉 我朋友叫左龍眼椰果冰 不嬲都覺得佢啲榴槤味嘅野好好味 榴槤味勁香！而個涼粉就正正常常嘅味道 不過佢切到啲涼粉唔係一粒粒 係一條條的！而龍眼椰果冰又係好好味 勁香龍眼味！每一啖都好似食緊龍眼咁 好濃呀個味！而且口感非常好 佢有啲水晶珠係面 咬到水晶珠都會有爆開嘅感覺！

你有無試過血糖偏低？ 和我小Q趁天色較為好轉， 不知不覺逛了3小時街街， 哎唷， 我突然覺得很空虛呢。。。 有種暈眩的感覺 哦，原來是虛脱了 立即轉入商場，去增加血糖指數 wow, 聰嫂擴張營業了.... 地方大了很多, 而且不是用玻璃間隔的舖位, 有種延伸的感覺，環境明亮, 很舒服喔 二話不說, 先叫了碗傳统的椰汁芒果西米露, 趕快吃一口，很清涼, 椰汁又香又滑, 芒果就一般份量, 多一點就给更高分；美中不足是有少許芒果較酸, 要添力, 嚴緊挑選呢再加一個熱食: 糖不甩.... 我愛沾點滿滿的芝蔴花生椰絲餡， 但可惜餡料就是剛剛好，唯有省著來吃 相信是要控制成本，來應付昂貴租金吧！

今日嚟到將軍澳食完飯，又好想食糖水，經過聰嫂就決定食聰嫂，可能最近天氣好熱，見到門口都大排長龍，要等成15分鐘先可以入去食糖水。一入到去餐廳，座位10分逼夾，令你有一種食完就想走嘅感覺。侍應俾個餐牌我哋，睇完餐牌，唉，又加左價。糖水選擇算多，我哋就決定order左蜜瓜椰果冰同榴槤水晶珠。蜜瓜冰是蜜瓜沙冰，味道有啲似蜜瓜味雪糕，仲有一啲西米同蜜瓜粒，入口清清地，幾好味。榴槤水晶珠，一上枱就要一陣榴槤味撲鼻，榴槤果肉又香又甜， 就算臭都覺得好好食，誠意推介喜歡食榴槤嘅朋友試一試

香港人好喜歡吃湯水甜品，行過新都城商場地下有間好出名湯水甜品店叫聰嫂，成日滿座，下午茶都好多人一於試下，menu好多款選擇終於我至愛湯丸薑水粒粒都好滑好圓，薑水好熱，裡面有蔴蓉埋單22蚊，抵

要講到食榴蓮甜品既話不得不提聰嫂佢個榴槤水晶珠真係好好食😋上面榴蓮蓉，下面榴槤雪糕沙冰咁既質地。食落夠哂冰涼，榴蓮味又夠濃暫時都未覺得有其他鋪頭既榴槤甜品夠佢咁正🙈

晚餐後這裡常滿座，今次我選了七點半來便有位了這裡的合桃露是我的至愛，香滑，味濃，甜度適中，慢慢嘆，感覺好療愈!如果隻碗再大隻啲便好了但難怪，租咁貴，最後還是要影響消費者。

難得入左黎將軍澳探親戚，緊係要去食個聰嫂啦！話哂係始創店wo，對上一次都已經成年幾前啦，探完auntie就諗住過去食啦，無黎一段時間佢成間鋪頭應該裝修左啦，唔同哂樣，d位同空間大左好多。聰嫂我都只係叫2樣野 － 榴槤水晶珠同龍眼冰啦，今次食榴槤水晶珠，味道依舊，只係價錢又貴左不過貴左都仲係好食，無偷功減料。食完呢個就番去繼續同工作搏鬥啦＄45

某個星期三我下班的時候，媽媽叫我買糖水回家！爸爸昔日最喜歡在晚間散步後買聰嫂糖水外賣回家，所以我二話不說出地鐵站後便直衝去聰嫂！有好一段時間沒吃聰嫂，發現這店除了擴張、位置多了，連餐牌也變成新的，有點小清新風。點單過後，不消五分鐘，侍應姐姐已為我端上我點的外賣。我為爸爸點了他最愛的芝麻糊$25。我也嚐過了幾口，味道非常香濃！而我為媽媽和自己買來了我們也很愛的榴槤班戟$30！真的是皮薄餡靚，內裡的cream加上榴槤蓉，配搭得剛好，非常creamy，正😋😋😋

前排聰嫂做裝修，今日係裝修完第一次黎，舖位大左好多，攞埋隔離舖頭個位，座位起碼多左3-4倍，多左好多大枱，坐都坐得舒服左好多。裝修完都估到佢會加價，但冇諗過加得咁離譜!! 最受歡迎既龍眼椰果冰而家竟然賣到$39，隔離排緊隊既嬸嬸話貴左$8，我又真係唔記得之前幾錢，但而家真係叫唔落。 龍眼豆腐花 $30叫唔到龍眼椰果冰，叫返個龍眼豆腐花一樣咁好味，雖然下面個冰換左做豆腐花，但一樣凍冰冰，龍眼味好清新，好味!! 芒果奶昔雙皮奶 $42朋友既芒果奶昔雙皮奶好正呀, 試左幾啖!!芒果味甜甜，雙皮奶係底，奶昔係中間，一定要「畢」到底一次過食晒3樣野!! 棷汁芒果黑糯米 $38黑糯米勁大舊，同埋實的的!! 太硬啦，啲椰汁都浸唔林佢!!朋友食一半都已經唔多想食。食完飯食真係太飽肚。唯有向好方面諗，就係佢好足料!! XD

因為屋企附近有聰嫂，所以好多時口痕都會去食，今晚食完飯經過就買左個外賣，越夜越多人，所以都等左幾耐下，平時我最鐘意食龍眼冰同蜜瓜西米冰，今晚就叫左蜜瓜西米冰！我最欣賞係佢嘅口感，好似食緊雪糕咁，唔會好快就溶晒，價錢又唔太貴，係啲員工態度唔太好，可能真係好忙，不過我都會繼續去食！