聰嫂私房甜品 (已結業)

曾經很喜歡吃甜食，奈何怕肥所以禁吃了。 最近工作較忙，想為自己打打氣，便放縱一次吃糖水， 此店舖之前常幫襯，現在再吃也能維持水準。榴槤水晶珠， 榴槤飄香，齒頰留香。芒果班戟， 皮薄餡多， 芒果夠甜。西瓜汁，西瓜味濃郁。

灣仔一向不多甜品店，自從駱克道某甜品店結業後就只剩克街附近一些傳統糖水舖，要吃新派一點的甜品就要跑到銅鑼灣了。是日在灣仔附近吃完漢堡，實在意猶未盡，想起家母昨天告訴我灣仔開了聰嫂甜品，便決定在這個半餓不餓的狀態下去試一試。經過店面發覺入面才一枱客，公眾假期中午一點便進去坐下。打開餐牌有好幾個芒果系列的甜品都想試，但看其他食評說這出名的除了芒果還有龍眼和榴蓮，便抑壓自己點芒果甜品的意欲，點了個龍眼豆腐花（小弟雖然吃榴蓮，但本身不太喜歡，所以沒點）。乍看之下其實很像一碗飯哈哈⋯最上面有龍眼小丸子，每一顆都很清甜，一粒粒爆開帶一點龍眼清甜，真的很爽。下面有一些大顆一點的龍眼肉，混著再下一層的龍眼冰一起吃，口感豐富。正當我以為這就是全部的時候，我終於挖到了底下的豆腐花，豆腐花比起外面吃到的的感覺要濃厚一點，豆腐味也很足夠，把豆腐花拌勻剩下的東西一起吃，讓我吃到了這甜品最理想的味道和口感，值得推薦。下次一定會再來，然後要試試別的甜品，因為我怕一不留神我又會點這個龍眼豆腐花來吃！

同友人食完晚餐，心思思想食下甜品。這甜品店裝潢光潔，雖然座位談不上舒適，但座位之間的距離還是ok的。甜品的選擇頗多，有傳統的紅豆沙、芝麻糊之類，也有比較創新的豆花涼粉同沙冰等等，價錢由$19-$39， 在中西區而言，可算抵食。芒果涼粉豆腐花$35這甜品很cute, 圓圓的芒果沙冰下，就是涼粉，而下層就是豆腐花！本來對這組合有所懷疑，但估唔到味道出奇地夾，而且口感豐富，芒果味十足，正呀！芒果pancake$28這pancake 皮十分薄，包著香軟忌廉同熟透了的芒果，真是水準之作，可是pancake 太細件了，吃罷有點意猶未盡，如果多一件就好了。西瓜西米露$25由於減肥的闗係，只有向高卡的芝麻糊告別，向低卡的西米露招手。這甜品真是減肥聖品, 沒有肥爆的椰汁，而是西瓜汁-是天然沒加糖的西瓜味道，加上低卡的西瓜肉同西米，食完也完全沒有罪惡感。楊枝金露$3x這個十分好吃！入口滿滿芒果同西柚味道，既有口感，又有creamy 感覺，而且材料十足，正呀！要encore 呀！今時今日可以在港島以廿多至三十蚊有幾好質量的甜品實在不錯！而且選擇也多！推介！

夜晚食完飯就諗住去食甜品，黎到附近上網search ，有啲唔係關左門就一係好遠。近近地就黎左依間甜品店。係門口見到勁多人排隊，心諗一定等好耐，點知原來好多人都係成班去，我地2個人，等左2分鐘就有位。叫左個椰汁芒果西米露其實都幾好食，好足料，芒果有啲啲酸，但價錢一啲都唔貴下次可以再試。

以前中學放學去銅鑼灣聰嫂食下午茶 總係大排長龍 坐得又逼 今日竟然係灣仔見到另一家聰嫂 重要無人.唔知係咪因為人少 店員有多D時間準備甜品 灣仔分店質素遠高於銅鑼灣 味道同分量兩方面我同朋友都好滿意.龍眼椰果冰呢個係聰嫂嘅招牌甜品食落就知同其他水果味嘅冰有分別 龍眼味濃郁 咬落淡淡龍眼肉 好明顯係用真龍眼切碎而成 真材實料 不過正因為咁 味道比較甜 唔嗜甜嘅人應該會覺得好漏 龍眼肉同埋椰果都好有咬口.芒果雙皮奶係朋友點嘅 我唔鍾意芒果所以無試 好多片芒果 奶凍軟滑.蜜瓜涼粉陣味好似Melona蜜瓜雪條 清甜解渴 蜜瓜冰量好多 成個半球體咁 可惜蜜瓜粒粒數量唔多 涼粉爽口 中和蜜瓜冰嘅甜味

一向鐘意黎聰嫂食甜品，唔單止價錢合理，甜品質量都有保證。平時黎多數會嗌龍眼椰果冰，勁足料😍.但男朋友鐘意試新野食，所以今次嗌其他💁🏼.🌸芒果奶昔雙皮奶👍🏻芒果雪完好食，份量足夠👍🏻下一層有芒果加蛋（？）都幾好食👎🏻雙皮奶奶味唔重👎🏻幾樣野一齊食味道唔算好夾..🌸榴槤班戟👍🏻皮好薄👍🏻忌廉雖然多，但榴槤都好多，好滿足！.七點過啲到店，入面得幾個人，可以坐低休息耐啲。

吃完四川式晚餐，味濃，友人嚷著要吃中式糖水滋潤一下，不理我其實想喝咖啡食蛋糕的要求。用openrice找附近的function 查到原來聰嫂在這區有分店，就在兩街之隔，即管去看看有沒有位。喜出望外地沒有人龍在外（因為時常在銅鑼灣出沒的我，永遠見到銅鑼灣店有人排隊）。於是，我就第一次在不用等位的情況下幫襯了！朋友不吃凍嘢，叫了杏仁露蛋白，味道是好的，杏仁味香，蛋白也滑，但很細碗。我點了的椰汁涼粉西米露較為大碗，椰味很濃，味道不過不失。這裡的座位比銅鑼灣店闊落很多，不用人貼人地坐。

黎到灣仔工作，到放午飯時間見朝早個早餐都未落格，就諗住食少少算數。行咗幾條街，又唔想食米線，又唔想食三文治，一於就去食甜品！平時suppose夜晚先食甜品，咁以為晏晝大家都未食，間餐廳應該會好空洞啦，點知原來都有唔少人會選擇lunch time食甜品😂見有位坐低之後，就叫咗個榴連黑糯米，因為聽聞聰嫂最出名係榴連、芒果同龍眼系列。之前一直冇機會試，因為怕臭親同伴，今次終於自己一個去所以order試下。上菜時發覺賣相的確唔錯，同餐牌顯示一樣。食落去，d榴連雪葩好冰涼又好濃郁，又好有層次，表面d水晶珠同黑糯米都好夾。不過食完都飽，估唔到小小甜品可以媲美正餐，又好食又滿足。仲有，原來灣仔分店晏晝堂食係有九折😂，咁真係抵食。

三位，服务员给我们登记了7位，然后看见有空位我们就进去坐了，一个服务员说你们7位不能做，让我们出去。可是我们明明就三个人啊，是他们自己登记错了，还将顾客赶出门，很生气

Very bad service and the waiters cannot think out of the box. He didn't let us sit because he was convinced that we are 7 people even though we are only 3

與友人在灣仔晚飯後想食糖水，傾下計。想起聰嫂龍眼冰，立刻去食！門口有十幾個人排隊，等左大約10分鐘進去坐最入門位置。灣仔店比銅鑼灣店闊落少少，樓底亦高，客人多，都係難免有啲嘈，但氣氛熱鬧不礙友人分享外遊興致。最想食！龍眼冰！兩個字講嗮「清甜」！啖啖淡淡龍眼味，龍眼肉容入冰中，滿足！榴蓮冰，自然比龍眼冰濃烈。榴蓮味沙冰蓋上厚厚榴蓮肉，耙點冰加點榴蓮，一小口剛剛好，又不太凍，濃香但唔漏！楊枝甘露豆腐花係即興食，正正常常，芒果不酸，料頭都足既。聰嫂大部分甜品都性價比算高，龍眼冰之類$38算是店中貴品，真材實料還不錯。三個甜品，買單$113，還送左$10 coupon;坐了大半個小時與友人盡興回家。

味道正常，中規中矩，價錢正常Market price個 range，黎過幾次，so far 都無問題，服務員都nice. 希望店員考慮增加: 冰凍綠豆沙同凍腐竹百果糖水，甘就Perfect!

老闆突然皇恩浩蕩，要請整個部門食甜品。 小秘書當然揀自己想食嘅—— 以前喺灣仔返工已經成日食聰嫂甜品，唔知肯唔肯送外賣嚟中環呢?可能因為數量較多，對方一口答應。大約等咗一個鐘左右就有得食(搭車同行過來都需時啦)我覺得算係好快。好多同事都揀咗出名嘅楊枝甘露， 聽落就知穩穩陣陣一定唔會難食。少數愛食榴槤嘅同事，揀咗榴槤班戟……雖然我唔敢試，但佢哋話好正……我相信榴槤愛好者會啱食嘅。至於我就揀咗芒果奶昔雙皮奶，芒果好新鮮 好甜，雙皮奶嘅奶香好出，口感滑溜，同芒果係perfect match!好彩冇跟大隊嗌楊枝金露，如果唔係就錯過咗呢款美食喇……希望老闆快啲再請食下午茶，到時再嗌!

第一次光顧，事先打電話問要排幾耐?店員話唔駛排隊，點知十分鐘後，一落車就見到起碼十幾個人排緊......你可以話甘啱得甘橋開始多人，不過反正我就唔係好信，但我未出聲，朋友見狀已忍唔著單打，幸好店員好快安排了位置，我地亦識做叫多幾款甜品。味道就正常例牌水準，無咩大問題。

每逢有同事離職，散水餅是必然的環節。西餅往往是最多人會選擇的系列。今天有一位同事離職，他的散水餅有點特別，他選擇了聰嫂糖水作為他臨別秋波的心意。天氣反覆無常，氣溫驟降。為了暖暖身子，我選擇了杏仁茶燉蛋白。最初我以為自己點了蛋白杏仁茶，怎麼找也找不到一團團凝結的蛋白。原來杏仁茶蛋燉蛋白是杏仁露加了燉蛋白。杏仁露香濃、甘甜、溫暖、滋潤，但是可能不是用了鮮杏仁的關係，所以吃下去有一點點藥材的味道。蛋白非常水嫩，但感覺上加了水或者花奶，或許是杏仁茶的味道蓋過了蛋白的味道，所以蛋白的味道比較淡。同事說聰嫂最出名的是龍眼冰，讓我下次再來嚐嚐吧。