肆年八月米線專門店 (已搬遷) 新店位置

呢間位於大圍下徑口村嘅米線，簡直係我食過最好食嘅米線店，除咗食物好味道之外，店內更加放滿文宣，食落零舍有歸屬感。偷聽到隔離枱都係慕名而來，對呢間小店讚不絕口。今日食咗蕃茄湯口水雞米線，口水雞係佢哋嘅招牌菜式之一，口水雞唔會太辣，而且用料十足，感覺上好似落咗成半隻雞咁。米線煮得啱啱好，唔會太硬，亦都唔會過腍。蕃茄湯底佈滿番茄同洋蔥，用料十足，但係略嫌湯底稍甜。不過整體來講真係好好食！希望下次泥試埋佢嘅麻辣湯底！

星期五晚飯走咗去食一間特色米線店，店內坐位唔多，唔會太多太迫人。店員一腳踢，得兩個人，做十幾個客，小店一間，所以特登支持吓。呢間米線有屋企風味又有少少似啲台灣小店，米線種類好多，有小食又有湯飯，主廚個廚房咁細可以煮到咁多嘢，出菜亦好快，好犀利。朋友食鴨腿湯飯，湯啲味調較得好好。麻辣湯米線，中辣都唔算太辣，叫咗雞翼，鯪魚球及金菇，好大碗。食呢啲記得叫支梳打水。麻辣雞翼，一定要叫，好味。椒鹽燒賣兩個人HK$170- 抵食，得閒就幫襯。

金銀蛋芫茜湯底真係好好味，已經食過超過十次但都唔捨得叫其他湯。大圍名物手撕雞少少辣得來好滋味好香！店內座位不多，假期有時要排隊，所以好珍惜閒日可以食嘅時間😂 食物高分，黃店再加分！

去完大圍踩單車可以行十五分鐘黎到依間肆年八月米線專門店撐下黃店係村入面開頭以為行錯路入左人哋條村真心係隱世黃店雖然店面細細，大約有7張台for堂食見到只有三個女員工，兩個做廚房一個做樓面三個女仔一腳踢店內坐滿食客，大家都要等但員工都好有禮貌，食客都願意去等等左一陣再有其他人黎到排隊等左大概十分鐘入得如果係唔趕時間，絕對ok（大家係去支持小店支持黃店，所以在場既食客都唔見唔耐煩）叫左三款米線，同行朋友都叫好食開頭會驚伏，因為OpenRice 冇咩人讚小食叫左豬耳同炸饅頭麻辣豬耳對於唔太食得辣既我都食到，麻麻地豬耳夠爽口，好食炸饅頭係令人驚艷炸到外脆內軟加埋煉奶係好好嘅甜品就算放左陣，冇咁熱都依然香脆內軟仲要試試佢地既奶茶！四個人叫左四碗米線兩個小食三杯飲品$333又一好食嘅黃店

終於有機會試下呢間黃米線小店😀👍🏽小店位置有d偏僻 鋪位有d細 有室內有室外位但係星期日12點去到竟然唔洗等位😀 仲要室內位啊！叫左招牌麥芽啤酒滷鴨片米線配金銀蛋芫茜湯（$52）鴨片好厚肉啊 味道ok 肉瘦可能所以肉質比較’鞋’湯底茜味唔重 所以岩哂唔係好好芫茜但鍾意金銀蛋既我☺️另外嗌左一碗手撕雞酸辣湯米線 ($48)湯底偏酸少辣手撕雞正正常常兩碗嘅米線烚得軟硬適中 啱啱好😀👍🏽下次再試番茄湯先☺️🍅

點解叫佢做隱世小店係因為個地點又真係幾隱蔽，如果唔係有朋友帶嘅話真係會唔識去😂😂😂米線嘅款式都算幾多，因為有選擇困難症所以就叫左店主推介嘅蒜蜜豬扒米線配蕃茄湯🐷🐷🐷 因為自己唔食芫茜，蔥，芽菜個d😂😂所以睇落去個賣相比較單調，不過個味道就唔錯🤤🤤個蕃茄湯係真材實料，會見到有蕃茄同洋蔥，飲落去唔會係味精湯👍🏻👍🏻👍🏻豬扒都幾入味同唔會有好多肥膏😽而個米線似係過橋米線個款，食落去幾彈牙，唔會一夾就斷😂😂😂

今日終於天氣好番少少，至少無落雨，個人都比較有心情食嘢！黎到呢間明擺黃店，裡面都係小清新嘅風格，叫做試一試囉！店內裝潢，有裡外座選擇...點了豬頸肉配香辣蕃茄湯，超級多醬汁，勁多味精，晏晝食完口渴到夜晚😅我必須要承認米線質感非常好！讚👍🏼但其他都一般，勉強叫做不過不失啦🤨同行友人個個就好食得多啦！不過啲餸都係麻麻地😫好可惜嘅一次體驗😖可能本身抱有太大希望嚟😱😩服務黎講基本上都無架啦！

朋友見到新假期介紹小店話有炸饅頭好好味麻辣又好似好好味專程過黎試下大概十二點九左右到，等位大約半小時，小店要等位絕對明白。我地三位分別叫左，主食：1.麻辣手撕雞湯米線2.招牌鴨片麻辣湯米線3.麻辣豬頸肉煎蛋飯小食：1.炸燒賣2.炸饅頭3.麥芽滷水雞翼首先湯底Okay唔算辣，1. 手撕雞都還可以，雞肉軟身的。2. 鴨片厚身的，有兩塊唔知點解特別硬？肉質係鞋颯颯。（米線～個質感勁奇怪一pat pat咬落去勁淋，好似煮左好耐就黎會溶咁）3. 豬頸肉硬！最特別係飯竟然都係硬，有啲仲好似生米咁成碗飯都好難食～一間餐廳連焗飯都可以難食真係好難做到....重點來了！！小食1. 炸燒賣硬到咬唔到，如果要形容就係～呀婆食應該食唔到。硬過佢用黎擺燒賣隻碟！2. 炸饅頭我地唔知佢係燶到硬定係佢係脆😓？炸饅頭係深啡色的，唔用超多煉奶係一啖都食唔到落去。我地淨係知勁油～～表面勉強咬到，都係硬不過好過燒賣少少。食完呢兩碟炸物個口係損哂😰3.雞翼係凍食，雞翼又係硬既～雞翼係完全無味道，食唔到佢有滷水味亦無麥芽既味～食完之後返到屋企我地三位都肚痾超級肚痛。

本人後知後覺，近年先鍾意食米線，而3哥已可滿足自己既慾望，所以絕少周圍試唔同米線。呢間食過兩次，個蕃茄蛋湯底一試愛上！好似粟米羹咁既質地，有蕃茄粒同蛋絲，加上米線本身既發漲能力好飽肚，食完d麵會發覺湯底都冇晒咁滯😅另一推介係手拉奶茶，本身好鍾意飲奶茶，呢樽絕對冇令人失望。見佢預先沖好都知冇得少甜，但佢甜度適中，而且口感順滑，仲厚滑過太興/其他樽裝凍奶茶，讚👍🏻餸方面蜂巢豆腐ok、蒜蜜豬扒可能浸左湯冇滿滿既蜜糖味，肉質偏硬而薄身、豬頸肉就普通，甚有d成塊肥膏。小食口水雞翼係凍食，連我唔食得辣都覺得唔辣，d汁入唔到雞翼，肉都偏鞋。佢既米線比出面貴，不過睇番餐牌不少食物都有心思/較特別，會繼續幫襯發掘最好味既組合。

A highly recommended noodle store hidden in the village houses in Tai Wai. Ordered an assorted marinated meat noodles without soup and it took me by surprise! The noodles were super chewy and when mixed with the peanuts, it gave the whole bowl of noodles so much texture that made each bite super satisfying! I also tried a satay based soup noodles topped with shredded chicken and it was equally good. The soup was super peanut-y and flavorful, though the noodles weren’t as chewy as the bowl withou

推薦指數:🤩🤩🤩大圍顯徑有間文青黃店，估唔到原來係米線專門店！👍🏻鋪頭係轉角位，有cafe的感覺，但原來食米線嫁😎嗌左口水雞翼拼蜜蒜豬排米線🐷酸辣湯底雖然外賣，但好細心地分開湯同米線，外賣盒設計一流👍🏻米線幾好食，軟硬適中。酸辣湯夠酸，中辣味道都唔錯，加埋好多配料例如酸菜、豬肉碎、蔥芯、炸蒜！♥️好香好惹味。口水雞翼夠麻夠味，係岩哂我重口味之選！蜜蒜豬排都醃得唔錯，有蜜蒜係面更好味，唯一缺點係件豬扒偏乾同韌，唔夠腍滑😬不過整體味道都幾好食。會encore !😇

#支持良心餐廳招牌麥芽啤酒滷鴨片米線配 金銀蛋芫荽湯$52自從支持黃色經濟圈之後好耐冇食過米線😖跟住發現左大圍有呢間小店 不過都真係有啲偏僻 所以都應該係做街坊生意 唔算好多人食 大家有機會就支持下啦佢嘅米線煮得應該比較耐 所以係偏林身 同埋有少少碎 唔係好完整一條咁 份量無譚仔嗰啲咁多但都夠正常女仔份量 男仔可能就要加啲小食咁 個湯底清清地 芫荽味唔算話好濃 滷鴨片調味亦唔會過咸 仲有都係偏瘦 所以啱我👍🏻 店員態度都好好 抵讚

下午陪中學同學返去母校探老師，經過發現一間食米缐cafe，雖然細細地但係食物質素唔差餐牌上多選擇沙嗲金菇肥牛米缐湯底幾濃郁👍👍泡菜肥牛米缐重慶酸辣湯👍👍👍好醒胃口水汁雞翼，又凍又辣超入味

話說我公司有2位帶飯孖寶，其中一個今日居然冇帶飯，於是我同另外一位同事慫恿佢落街食，我地話就你呀，你想食什麼都可以，於是佢諗一諗，話要食米線，我地話好呀，我地話之前食過一間都幾好，你試唔試吓，佢話好呀，咁我地Lunch就走左去食肆年八月。我地去到已經有些人等緊，我地等左一陣先有位。我同同事叫左碗手撕雞酸辣湯米線，佢呢間個酸辣真係好正，酸辣度剛剛好，手撕雞好入味，超鍾意。我另外個位同事叫左個秘制豬頸肉雙蛋飯，嘩個蛋係流心蛋呀，超好味，個豬頸肉又好多汁，好好味。

香港女性十個有9.5個都好米線其中有5個可以每個星期食一次係，我係其中一個。唔想再成日幫襯大品牌好好彩屋企附近有呢間嘢出現！.地點都有啲隱蔽好彩我地頭蟲識行入村舖頭細細 要等位嘅機會好高不過大家都食完就走唔會ar住個位唔走。所以都係等幾個字咁.湯米線嘅餸、湯底都有得揀我就每次都揀麻辣雞絲撈米線第一次嗌香辣汁覺得有啲油同太辣之後嗌過酸辣汁同自製辣汁都好ok雞嘅份量係好!多!米線都好!多! 配料有脆豆、冇乜肥豬肉嘅肉碎、芫荽等等口感味道都不得之了啊每次我都食到一條不剩仲有食過炸饅頭講真就好食但有啲油。.店面比較細小坐唔到多人甚至會有啲逼想慢慢嘆唔適合但想快食個米線的話我是很推介喔。