肆年八月米線專門店

营业中

休息中

如果唔係成日留意住米線關注組，我都未必知道嘅一間開係村屋area嘅米線舖。今次試下：鹵水鴨片豬大腸麻辣汁撈米線鴨片🐤：招牌鹵水，甜甜地入味俾五分嘅。望落得3-4片但全部好厚加分，但就係因為太厚所以個口感會幾乾同難咬下，所以稍稍扣一分（given鴨肉都係偏瘦嘅～）豬大腸🐷：既然招牌係鹵水野咁就絕對要試！非常乾淨亦好入味，對得住叫佢做「招牌」item。切得偏大塊所以好好咬口米線base🍜：米線偏煙韌style，炸黃豆超.級.出色麻辣汁🌶：this marks ‘outstanding’ and ‘awesome’ ! 如果你鍾意食正宗重慶野又係香港搵唔番同一種local重慶味，咁可以黎試試佢個汁，佢嘅花椒同陳醋嘅控制我個人覺得超級出色！綜合評分：🍜🍜🍜🍜🍜味道：🌶🌶🌶🌶🌶環境：🪴🪴🪴🪴🪴服務：🙇🏻‍♀️🙇🏻‍♀️🙇🏻‍♀️🙇🏻‍♀️

垃圾服務！！！本來我都無諗住去食，只係想食果間要等25分鐘去到見都唔算多人6，7成到，一入去就已經有人2個人見咁多位，諗住坐得舒服，點知一入去已經叫我地搭枱，之後我地好聲好氣問佢可唔可以坐4人枱，佢一句得埋黎 ，4人枱喎，我覺得好無禮貌，態度非常差，講真譚仔d姐姐態度都好過佢，我認為無人排隊唔好咁趕客！！！講真，你好爆人我唔介紹搭枱！老實講我今次係第一次寫食評，覺得大家唔好因為d iger 或kol食爆個食評就代表果間野好一肚氣

麻香手撕雞香噴噴酸辣湯 $48手撕雞份量都幾多 但比較乾 麻香味偏淡 湯底麵質都唔錯 多配料令口感昇華👍🏻·招牌滷鴨片麥芽滷大腸重口味麻辣湯 $48+7本來以為係鴨胸 真係鴨肉片 仲好入味 一啲都唔乾 有驚喜😆滷大腸都好入味 又唔韌👍🏻湯底都不過不失😋

平時去開大圍通常都圍住地址站搵食, 難得今日時間有些鬆動又有心機去搵食, 就搵左近顯徑邨既一間小細細間既食店佢門面似cafe, 但係佢係食米線既, 又可以坐吧枱對住街食, 仲可以對住幅畫食, 加添左藝術既層次, 真係估唔到食米線可以chill 住黎食🤭但係應該係因為都對住馬路, 好快就會有塵，佢個窗可以勤些清潔🫣，咁就更加perfect 啦我叫左個手撕雞酸辣米線, 多蔥多芫茜, 今次係真係好多青呀😘味道唔錯呀, 唔會太辣, 又唔會太鹹, 感覺淡淡地, 但又唔係無味, 好啱我口味, 手撕雞的份量係勁多, 比例好似係多過米線一倍. 美中不足既係米線份量係比較小, 米線比較碎, 比較難夾😆原本我好想叫佢杯奶茶☕️, 因為見佢招牌黎, 但我通常飲奶茶會肚痛, 諗起之後我又有野做, 咁就放棄左, 乖乖地叫左杯紅棗杞子茶, 好養身, 但係好好飲架🌟下次想試佢既撈米線 + 麥芽雞翼😋

唔明點解甘難食都甘多人話好食，食過2次，2次都覺得好難食🫠第一次去仲差，人手又唔夠，啲野又污糟。等左勁耐。第二次變左自己電子落單，成碗勁油，米線又少，食完好似無食過野甘，成80蚊，食完個肚仲要唔係甘舒服。勁唔推薦

今日同朋友嚟咗呢間餐廳食lunch，想試呢間好耐，不過位置有啲遠。今次難得去到顯徑，專登行過去食。叫咗佢個秘制蕃茄米線，揀咗佢嘅招牌鴨肉同埋大腸，好入味😋😋會再嚟！

其實食過幾次， 今日特登同屋企人去食 ，點解特登要講，因為佢哋安排入座真係好差，事原因為COVID張枱中間放咗透明牌，大家都明白個作用係咩原因，👉🏻重點排左15分鐘，已經唔使拎飛，要人排隊唔緊要，我地排第一，裏面雖然走嘅人都係情侶，所以職員安排我哋身面有兩對情侶入座，我哋明白當時亦都理解點解會安排佢哋，之後職員再問我哋幾多位，真係o嘴嬲嬲地，我哋已經排咗15分鐘，一早等嘅時候已經講咗幾多位，同我哋講仲未有位，要等多陣，我同佢講咁排隊嚟做咩？我一路排隊你一路冇位，淨係安排身後嘅情侶入座，裏面又唔安排座位調動，咁排隊嚟做咩？😡👉🏻想講就係如果裏面一直走嘅人都係情侶而佢哋唔安排，咁排隊嚟有咩意思，其實透明牌可以拎起方便有三人至四人嘅客入座，可惜裏面職員唔識轉彎，安排唔到位，真心蠢到爆，淨係不斷安排二人情侶入座，不斷叫出邊排第一嘅客人等等等，其實點解唔派飛，派飛咪塞住人把口囉，咁使乜要人排隊排呢 ！ 其實我已經覺得佢冇咁好味！

叫左個香辣豬排凍豆腐米線，無味🤦‍♀️，凍豆腐（宿）既，薏米水，無味，唔特別。老公叫左老鴨飯，凍奶茶。鴨件勁so，奶茶唔特別，M記仲好飲過佢🤦‍♀️。可能你地會覺得點解唔同職員講。我地一入到去，佢地就叫我地自己搵位坐，仲叫我地自己攞單入qr code落單。落單時，張單係夾係我地自己張枱既，。落完單，個職員走來話我地落錯枱🤦‍♀️。跟住以為要等佢俾餐具，我發現bar枱有餐具，咪自己攞，唔勞煩佢地囉。點知，攞完，又俾佢地話我唔好攞哂bar枱既餐具，櫃筒有。食到碗麵無味，同佢地講加汁，又話無得咁加，最多俾鼓油我🤦‍♀️。今日食完，我同老公都肚痛，完。

香辣蕃茄米線 配口水雞翼 （$48）揀左小辣岩岩好，番茄既甜味中和番d辣味，唔會哽喉~口水雞翼好腍，易拆骨，幾入味，見到唔少客人都有嗌🥰但份量真係有d少，女仔食完冇耐就好快餓🥲

已經食過好多次 因為真係好好食👍🏻但有一點必需要講既係好多次友人食完都肚屙😭可能太油（？） 不過我唔理 因為你太好食 理得佢屙唔屙都要食😋-最喜愛佢既麥芽雞翼 甜得黎唔係死甜 係咪就係佢個啲麥芽糖味呢🤔總之超正👍🏻仲要都幾大隻-湯底就喜愛酸辣🤤唔會過酸/過辣 平衡得好好 仲有種特別的甜滲出黎 巧滋味-最飲恨既係佢成日無晒炸饅頭 真心嬲😭幾時先可以食到呢 我求你落多啲貨吧🥺🥺🥺-地理位置唔算近地鐵站 都要行幾步路 唔係去開都應該要花時間搵下個方向🤔

作為大圍嘅Foodie，點會無聽過肆年八月個大名。以前由佢仲係細鋪幫襯到依家。由佢以前無人支持到依家大排長龍，紀錄下佢嘅味道肆年八月米線專門店 (大圍)大圍上徑口村148號地下味道: ⭐️⭐️⭐️⭐️⭐️價錢: 💰💰💰抵食指數: ⭐️⭐️⭐️⭐️⭐️自選湯米線-蒜蜜豬扒+麥芽滷大腸($7) 金銀蛋花湯 $48+$7食物質素就一直保持水準，金銀蛋花湯唔會因為太多湯水或者其他食材而失味，個湯依然係係有色香味。👍🏻👍🏻豬扒方面，睇圖好似好大塊同Juice但真實出到黎就比較細舊同埋少少老😔滷大腸就非常出色，份量雖少，但每舊個味道都比麥芽嘅甜包圍，而且每舊口感都好舒服，好淋，唔會痴牙。👍🏻👍🏻😋但奈何細鋪搬到大鋪，座位方面依然都係唔夠，餐廳整體設計搞到每個座位之間間隔極近，而且唔知係咪員工不足，餐廳淨潔度每況愈下，細至枱面清潔，大至餐廳地板同牆身都係愈黎愈污糟。而且餐牌久久唔更新同翻新，個餐牌已經又梅又爛。我相信如果佢開始著手處理衛生方面，絕對可以重登大圍美食榜首

🍴秘製豬頸肉大腸撈米線 $59 (8.5/10)麥芽滷大腸, 酸辣汁 小辣(正常, 多蔥, 多芫茜)份量都唔算好多，女仔食啱啱好飽，男仔可能會唔夠？有五舊大腸，七舊豬頸肉，有脆豆，芫荽蔥，酸菜係偏鹹酸味，自家制滷肉，甜甜地，好重麥芽味，酸辣係偏酸，食落有啲白醋嘅味道，辣味係後尾先出，食最後又帶少少甜味，又唔會好難幾好食喎！豬頸肉都甜甜地，口感唔算爽口，豬大腸都係甜甜地，唔會有異味同埋好大舊。另外試咗朋友嘅豬扒比較乾身甜甜嘅，鴨胸口感比較紮實，有浸鴨味。☕️樽裝招牌手拉奶茶 (6/10)入口偏甜，但又有茶嘅澀味，有啲似馬來西亞嗰隻拉茶，個人覺得一般，真係唔使加錢叫！

和朋友大圍覓食一日遊😙本身想吃的蛋包飯沒開 就來試旁邊米線關注組推薦過的米線店😙據聞佢的滷水和豬頸肉最出名😜———————————————————————🐕麥芽啤酒滷什滙米線+豬頸肉🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯為了試混所有滷水就叫了個什滙鵝片 豬腸 雞腎各有三四五件 好足料滷水不是港式那種咸滷香 而是偏甜必須一講的是它的確滷得入味裏裏外外都有麥芽甜味鵝片和街外的差不多豬腸全都是我喜歡小腸 冇咁多肥膏之餘又炆得淋身雞腎係最有驚喜🤩厚切有肉絲 還有少少膠質位平吃不吃雞腎的我也消空了😚豬頸肉反而普普通通燒得不香 亦無油香豐盛的感覺眾多湯底下擇了麻辣湯底它不是那種花椒的麻香感覺只是普通的加了辣椒湯底裏的滷水麥芽甜味反而更突出整體湯底是偏甜不辣完全和麻辣沾不了邊🤣不過它的米線煮得軟腍入味 幾好食的整體而言它的滷水值得我再訪但會想試吓佢嗰蕃茄湯😙———————————————————————🐕 手拉奶茶 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯據說樽仔奶茶也是人氣之選它偏向港式那種用上淡奶的奶茶先甜後湧出茶澀味 ok不錯👌———————————————————————

平時少入大圍，今日黎到本身想食蛋包飯，點知星期三無開🫠附近見到呢間餐廳裝修幾簡約，原來係食米線既專門店，又唔使排隊就抱住一試無妨既心態。入到去用QR code自己落單，想叫招牌滷什滙撈米線點知無晒，麥芽啤酒滷什滙飯都無😂所以就求其叫左個招牌滷鴨片撈米線同秘製豬頸肉雙蛋飯。▪️招牌滷鴨片撈米線 ($52) 另加滷豬腸 (+$7)揀左自家醬汁，湯底有驚喜，有少少辣既香味，但唔會覺得over，滷水味都好香，略帶甜味。鴨片都算入味，易咬開，只係唔算特別好食。反而豬腸好正，入味之餘唔會好肥👍🏼不過係略嫌米線碎左啲，有啲難夾同偏稔。▪️ 秘製豬頸肉雙蛋飯 ($52)個汁撈飯唔錯，豬頸肉幾惹味，唔會好肥。蛋煎得啱啱好，吉穿再撈埋啲汁加啖飯好滋味🤭▪️招牌手拉奶茶 (跟餐+$12)樽裝既奶茶幾特別，茶味幾香，唔會好甜。呢間喺區內應該算幾受歡迎，一路食見佢一路有出外賣👍🏼

#顯徑黃店 💛💛山長水遠入左黎顯徑食呢間米線！其實係第一次黎呢個對我黎講幾山旮旯嘅地方 平時應該好少可入到黎晏晝一黎到已經都排左幾長龍 等左差不多半個鐘位 果然好有人氣 米線有好多款湯底揀 有蕃茄 麻辣 沙爹等等叫左酸辣嘅雞翼米線 大大碗份量都幾多必點佢個炸饅頭😛💛外面好香脆入面又鬆軟 仲有成6件咁多 加埋煉奶好完美 2個人都食得哂 😛😛最後仲叫左兩枝招牌手拉奶茶 跟餐+$12好香好滑 食辣嘅話又可以解下辣 不過要排咁耐先食到 值唔值得就見仁見智了