肆年八月米線專門店

营业中

休息中

麥芽啤酒滷集會小鍋米線配金銀蛋芫荽湯湯底偏甜，豬大腸整得好入味，的確好食！其他鴨肉，雞腎就偏硬。秘製豬頸肉撈米線（醬油味）豬頸肉好多，厚實，味道偏甜價錢合理，米線款式新穎，可以貪新鮮試下，分量都算多，但個人覺得味道又唔算話特別好味，一般啦

炎炎夏日，今日經開沙田區，所以黎到顯徑覓食😋😋 見之前有YouTuber介紹過呢間餐廳，所以特意黎試下！不過都提提大家，由港鐵站行過來，大概需要5-8分鐘，沿路都係係咩遮擋，所以都幾曬😵🥵行左一大條路，終於到達目的地啦，門口都要等2-3張檯，不過搭檯就好快有位👍👍餐廳內環境都舒適，有足夠冷氣今次我地特意order左米線，因為見到好多湯底選擇，我同朋友叫左🔆秘製豬頸肉x米線x特濃藩茄湯底🔆麥芽滷大腸x米線x濃香沙嗲湯🔆椒鹽燒賣🔆麥芽滷雞翼🔆招牌手拉奶茶沙嗲湯底超好味！濃湯之餘，入面仲有芝麻，所以好香好香👍👍大腸好厚身，夠入味，正椒鹽燒賣 （8粒）- 一直對燒賣情有獨鍾，今次仲要係椒鹽！更加要試，外皮好脆口，鍾意香口野既必嗌麥芽滷雞翼 （好入味，同埋肉質好軟身，個汁好濃）天氣太炎熱，見到網上推介 招牌手拉奶茶，即時嗌埋（不過個人覺得有點甜）

[ 肆年八月米線專門店 ]大圍有好多各類型嘅食肆，除咗大圍站，大圍顯徑站附近都有唔少特色小店同美食。今次為大家介紹呢一間位於上徑口村嘅人氣米線店。✿ 麥牙啤酒滷什滙小鍋米線 $62湯底本身係配金銀蛋芫荽湯，但可改配其他湯底例如蕃茄湯、沙嗲湯、酸辣湯&麻辣湯等。簡咗麻辣湯😝🌶🌶加入咗辣肉碎，湯底帶辣而有麻味嘅後勁，湯底唔油膩。什滙小鍋米線配料有滷鴨片、滷豬腸、滷雞腎&滷雞蛋。滷汁加入麥芽啤酒，增加咗色澤，肉質都鬆軟，令湯底都加咗少少甜味。滷水配料味道好入味，份量都相當充足。鐘意食滷水必叫阿！✿ 蒜蜜豬扒酸辣湯米線 🐷🐷$48豬扒用咗蒜蓉同蜜糖醃味，豬扒食落帶少少甜而唔會好重蒜味。豬扒無鬆肉粉嘅味道，帶少少肥肉令整體肉質唔會好鞋口。酸辣湯酸味適中，湯底唔油膩。✿ 招牌手拉奶茶 跟餐+$12 （單叫$26）奶茶茶底香濃，由於奶茶一早調配好，甜度無得選擇。店員話奶茶係用煉奶沖，飲落似馬來西亞拉茶😛 總結🫦呢間米線店開咗幾年，早前得知搬咗嚟新店一於試下。雖然新店座位多咗，但假日都大排長龍，中午等咗約半小時先入座。想食要早d嚟排喇🙌🏻小店有多款湯底&配料選擇，有機會都想試埋其他😝例如金銀蛋芫荽湯、

除咗平時的傳統香噴噴酸辣/重口味麻辣湯底外 多元化增添幾款特色湯底 以實行滿足唔同人口味↝ 金銀蛋芫荽湯↝ 特製蕃茄湯↝ 蛋花蕃茄湯↝ 香辣蕃茄湯↝ 豬骨鮮雞清湯↝ 濃香沙嗲湯🔖 麥芽滷雞翼 & 麻香手撕雞酸辣湯必試招牌秘製自家調配的滷水醬汁✨加入了麥芽糖和啤酒 創意得嚟又好食 一試難忘!再者 帶有絲絲麥芽香 鹹甜得宜 互相輝映 令滷水汁得以昇華 不會只有一味得個鹹字🥰雞翼滷得入味 雞肉已經軟腍 雞骨一咬便散開了完全不順吹灰之力就食到 唔想拆雞嘅都岩食💓手撕雞完全是小店的誠意之作 即使出名後仍堅持每天由人手撕雞肉 再加入麻辣汁撈勻而成🔖 秘製豬頸肉 & 麥芽滷大腸金銀蛋芫荽湯金銀蛋芫荽湯真材實料 自家熬製 有家的感覺一上枱已見到碗米線被滿滿的芫荽和蛋覆蓋著秘製豬頸肉偏向爽口彈牙 所以不會太重肥膩感豬大腸洗得幾乾淨 同埋滷得入味 連本身麻麻地豬腸嘅小編亦可以接受🫣🔖 越式脆米紙春卷改用了越南米紙嘅炸春卷 外皮相對較薄和酥脆是值得再回頭的一道小食呢 ₍ᐢ.ˬ.ᐡ₎ .ᐟ

住附近所以食過幾次，係幾好食，但服務態度真係好差有次夜晚搭車返緊屋企，特登打過嚟問定last order幾點，佢話8:15。之後我8:10再打過嚟落單同我講廚房已經收咗檔…….唉，好無奈，咁你半個鐘前點解同我講係8:15截單?有次親身去買外賣，入面情況好又亂，見到已經有另一個客等得唔耐煩，同店員投訴，啲店員脾氣又好暴躁，唔該前唔該後問可唔可以落外賣都俾店員發我脾氣。老實講要等唔係問題，不嬲呢間嘢出餐都唔係話快，但你都唔使發我脾氣㗎…..公平D講嘢食係好食，但要受氣真係不了，好食都冇下次了。

熱撈米線但驚為天人 脆豆豆香口 香辣汁小小麻 很香 合適夏天食用 豬頸肉甜甜的 但略為乾身 如果肥些會更好吃😋四種食材中 我最愛豬大腸 甜甜的汁配上豬大腸待有的香味 簡直是絕配 麻辣汁雖不是它們的推介 但我覺得好正 不會麻個頭 但又保留其特有風味沙嗲汁就較一般 只覺得頗鹹 沒有太多香味 不推介 值得一提的是這兒落芫茜蔥絕不手軟 抵讚店子較小 建議大家可以選擇在非繁忙時間來吃 平日午餐時間要大排長龍喔店主明顯是廣東流行歌曲迷 在最新的廣東歌圍繞著嘆米線 很好很好

一間位於大圍嘅隱世米線小店💛舊舖由隱蔽小小嘅下徑口村搬到而家新舖仍然好受歡迎! 好多客人!!💥 必食推介係香辣蕃茄湯底米線💕💕 湯底夠辣之餘蕃茄亦好鮮甜🤤十分出色! 餐牌有大量主食配餸可以揀, 亦有多款自家製主食👍招牌滷鴨片甜甜地好入味唔會過鹹肉質亦唔會太鞋👍 秘製豬頸肉好爽口 而且係辣辣地幾好食 另外仲叫咗蜂巢豆腐索曬湯汁🤤真係冇得輸🤭🤭至於麥芽滷大腸有少少失望😬😬因為覺得有啲靭咬唔爛🤔但總括而言呢碗米線係中高級水平 因為個湯底真係幾出色!😋😋

想講呢條街都幾多好野食，今日終於試左肆年八月，都收藏左好耐😂同朋友點左撈面，因為最近都好熱好焗，想食d涼d既野。本身我唔太好香港既米線，因為好多都好硬，呢間煮得d米線林林地，但又有咬口，我覺得好食🤩！配菜好多款都好好食：滷水：鴨胸、雞腎、大腸、肉碎（好好食，好林好入味，比出面食到既好大分別，推介一試）春卷（入面好多餡，外皮超級脆，口感非常好）豬頸肉（個人好鍾意，因為佢唔似出面果d咁食完感覺好油，佢係夾雜住一半瘦肉，又整得林，口感好好，肥膩感亦都低左）

自從屯馬綫開通左之後去沙田大圍搵食真係好方便😝大家不妨去大圍玩返日😃約埋三五知己踩單車🚴🏻之後過來食返碗米線先走😆：🍴麥芽啤酒滷什滙小鍋米線🍜 $62超級足料💥什匯包括滷鴨片、滷豬腸、滷雞腎、滷蛋🥚所有配料都滷得好入味😍個人好喜歡雞腎🤤鴨片都厚身！不過有少少韌🧐但係其他米線舖都較小見👍🏻值得一試😋湯底偏濃稠有啲甜甜地既味道😌重口味之選👍🏻麵質淋得來又有少少煙韌😳🍴豬頸肉蛋花蕃茄湯米線🍜 $52見好多人都係揀呢個蕃茄湯所以我都要試🍅個湯係比較杰身同埋偏甜但係同埋米線一齊食好夾😝唔使成日食酸辣/麻辣湯咁悶🤩大家一定要叫豬頸肉🤪份量十足！件件都幾大添😳食落好似平時去食泰菜嗰啲炭燒豬頸肉🐷有種grill香🥳肉質爽口😗🍴粟米花枝餅🌽 $28一黎到岩岩炸起🔥熱辣辣好香口😋味道中規中矩🤔可以留返quota食椒鹽燒賣同炸饅頭🥰整體來講，食物質素唔錯😎款式同埋選擇都夠多夠特別！上菜速度都好快☺️嗰日閒日下晝來食唔係好多人😆好可惜坐唔到佢個窗口位🪟地點都方便👍🏻地鐵站行幾分鐘就到🚶🏻‍♀️其實我好想食佢地既撈米線但第一次都係食返啲多啲人食既野😂唯有等下次🤪📍肆年八月米線專門店 大圍上徑口村148號地下

同男朋友六點幾冇乜嘢做，又有少少肚餓，落雨濕濕，決定響屋企同區食，平時唔多常食米線，食親都係連鎖餐店嘅，今次上OpenRice 見到呢間小店，見到啲相好似好吸引,一於坐低食，六點幾完全冇人排隊，立即有位坐上枱嘅賣相已經覺得好吸引，可能肚餓，立刻飲湯先，蕃茄湯偏甜，有啲蛋花響度，飲落好杰身好夠飽🤭，個滷大腸相當出色，可以話係我食過嘅之中數一數二（帶返個頭盔先）豬頸肉本身都醃得好入味，同埋米線份量十足，唔係好肚餓的話都未必食得晒，滷水鴨片，沙嗲牛肉，都係相當重味嘅，雞翼我就冇食啦，但係男朋友話偏向淋身，都算入味，但可以再好食啲嘅另外叫咗杯可樂，同埋一個生菜，仲有一個麻辣豬耳，但豬耳都係屬於好淋，非我所愛🤷🏻‍♀️，不過整體體驗都唔錯，可能唔係繁忙時間，服務又未至於網評咁差，正常吖，下次會再比多個機會佢，再食多次

特登去食 但坐低時候枱面已經好污糟 服務態度都一般 食物都一般正常質素 我食小辣手撕雞米線 但成碗都係油 連湯飲嘅時候就好易濁親 米線質素就還好 軟硬適中 但位置偏遠 唔太值得特登走黎食

食物一般唔值得等咁耐先有得食應該做唔切但係人手又唔夠真係要檢討吓名過其實咗好多但係個豬扒蕃茄米線係好食嘅其他就真係好一般好一般而且見到啲人喺出邊等外賣人哋吹左成兩三次都未拎得等到發晒炆憎我覺得個環境唔係咁好可能太多人慕名而來但係失望而返

本身諗住去顯徑食車仔麵🍜搭屯馬線🚇喺顯徑站落車，行過去都幾遠吓，行到咁上下，見到呢間「肆年八月米線」，就諗起之前喺ig見啲介紹食嘢嘅page介紹過呢間米線好食架喎⋯⋯見佢店內環境幾舒服，當時下午4點幾🕟間舖又冇乜人，行去食車仔麵仲遠啲，反正價錢都係差唔多咁貴💰又好肚餓，費事再行喇，諗住入去靜靜哋食吓嘢囉都好oY⋯叫咗一碗🍅豬扒米線、一份炸春卷加一杯凍檸賓🥤豬扒係夠大件呀！敝在又厚又靭呢仲附送豬扒上嘅肥膏添，可能佢哋覺得有啲客人鍾意食啦！因為米線會索到啲湯，所以食得出個湯底係好咸👎🏻茄膏落得太多喇，好似倒咗半罐落去咁。春卷夠熱夠脆，可能用氣炸鍋嚟炸啦？容易啲控制時間同火力，啲豬扒都”un”成咁，真係難以置信人手炸春卷會炸得好食最後啲豬扒我只係食咗一小塊，其餘果幾小塊真係太”un”食唔到，杯凍檸賓亦都冇嚟到，我都費事催佢喇，明明得兩枱客加埋得五六個人，咁都可以漏單，杯嘢飲冇嚟我都唔要喇，快啲食完快啲走好過，想飲嘢去附近7-11買囉，$88埋單，唔係平，比啲咁嘅服務，幫襯多一蚊都嫌多

！！被停堂食14日黃店！！「肆年八月米線專門店」💗大圍上徑口村148號地下💗呢間小店以前嗰個位置都算幾偏僻🙈而家終於搬咗出嚟當眼好多嘅位🥳由佢未搬出嚟到而家已經食左十幾二十次luuuuu～-湯底：🥬芫荽皮蛋湯🥬最受歡迎嘅一定係芫荽皮蛋湯，真係有皮蛋同好多芫荽！不過同平時食開嘅米線相比，仲係覺得有啲淡🙈不過如果想今餐清淡啲嘅話，呢個係一個唔錯嘅選擇！！🌶沙嗲湯🌶不過沙嗲湯底就真係唔係太建議🙊….個湯底有一層油浮喺面，唔係好辣，不過好甜…..🫠🍅蕃茄湯🍅蕃茄湯底就….都係偏甜🤣如果加錢加埋蛋花就好杰撻撻，誇張啲來講有啲似糖漿😂你試下就會知我講乜～不過又幾好食🫠-配菜：最推介一定係蒜蜜豬扒！性價比最高！每次嚟都係叫呢個🤪蒜味超級濃！豬頸肉就建議唔好連埋芫荽皮蛋湯一齊叫，如果唔係會有啲煲湯肉咁，冇乜味🙈鵝片之前食過，但係覺得有啲太韌，所以冇再食～手撕雞就正正常常🙌🏻-米線：佢撈米線同湯米線，不過暫時未食過佢啲撈米線～米線質地偏淋，不過都幾煙靭💗-回頭率：🍜🍜🍜🍜/5幸福感：🍜🍜🍜/5飽肚感：🍜🍜🍜🍜🍜/5👉🏻簡而精咁形容：識食一定係食「芫荽皮蛋湯底+蒜蜜豬扒米線」-

肆年八月米線專門店 (大圍)買外賣返屋企食🤩🤩抵食美味👍👍高水準米線🍜蒜蜜豬扒蕃茄湯米線$48蒜蜜豬扒啖啖肉🥰🥰味道唔錯👍👍🍎蕃茄味濃😋😋招牌滷鴨片撈米線$52🍜依家天氣咁熱，食撈米線好啱😆😆入面有好多餸，滷鴨片仲好入味😊😊推介😋😋檸檬薏米水$12幾大杯😍😍甜度岩岩好😆😆不錯👍👍整體評分：4/5環境：4/5味道：5/5抵食：5/5地址：大圍上徑口村148號地下