肉浦團火鍋放題

营业中

休息中

雖然舖頭名聽落好似好盞鬼，但係裏面無論係店舖嘅裝潢抑或係食物嘅質素，每個環節都做得非常之認真到位，整體嘅用膳體驗非常滿意！以火鍋放題嘅標準嚟講，呢度嘅食物選擇數量同埋質素都絕對合格有餘😋🥳話明叫做肉蒲團，咁呢度嘅肉類當然係餐廳嘅主打，估唔到除咗啲肉食落去爽口彈牙好食之外，連擺盤都非常之講究！😳睇吓呢盆牛肉嘅盤，居然有埋乾冰😱再加埋啲印刷精美嘅名牌，成件事睇落非常高級，絕對估唔到呢間會係放題帶到俾你嘅體驗🥹❤️食完之後仲會送Häagen-Dazs雪糕，大加分！🥳❤️❤️

今次肉控朋友帶我去旺角肉浦團打邊爐，一聽到肉浦團個名心諗咁似以前一齣電影嘅名，點知去到火鍋店，見到好多壁畫、poster，都係用電影人物題材再創作，加上搞鬼設計對白，又幾Funny！店舖裝修工業風，彩色鐵櫈，燈光偏暗，加上部份霓虹燈，風格年輕時尚！呢間主打食肉嘅火鍋店，有四個火鍋套餐，我同朋友揀咗$368/120分鐘 M5M8和牛set放題。✔️ M5M8和牛set$368▪️湯底：八選一，揀咗清酒味噌卜卜蜆湯，卜卜蜆沉晒底，令麵豉湯清甜左，另附一細壺清酒，自己根據喜好加入火鍋。自己另外加咗啲蔬菜落去，令到個湯底豐富啲。▪️肉類13種牛肉、豬肉、雞肉任揀，特別點咗好多澳洲M五和牛、美國M8臀腰肉心，都係級數比較靚嘅牛肉，薄薄一片滲透湯汁，M8臀腰肉心尤其多油花，而且分佈平均，口感更軟嫩。另外都點咗牛板腱、封門柳，牛味都香濃，唔錯。幾驚喜嘅係鹿兒島黑豚肉，口感好軟熟！▪️其他另外QR code仲可以點海鮮類、餃子、雲吞等等，試咗原隻魷魚筒、廣島生蠔，魷魚筒切好上，細細條好易淥熟，廣島蠔都幾飽滿！▪️自助吧設有小食、蔬菜、丸類、飲品自助吧。小食自助吧提供炸春卷、薯條、燒賣、雞塊等等，自己勁鍾意食香口

今日好開心同一班朋友打邊爐，去咗旺角附近嘅一間火鍋放題專門店，裏面嘅裝修好大間，環境幾好，乾淨企理，座位好寬敞，而且裝修係以電影主題為主，有心思，長身有唔同嘅經典電影海報創作，好特別啊，而且店員嘅服務都好好，見到湯底唔夠都會主動加水，收碟好快手又會幫手排返好枱上面嗰啲，真係值得一讚啊，服務一流，裏面嘅湯底都好多選擇，分別有胡椒豬肚湯，秘製麻辣湯，蕃茄豬骨濃湯，日式壽喜燒，應有盡有，我哋叫咗個日式壽喜燒，湯底龍尾，牛肉種類都好多，包括有澳洲和牛，澳洲穀飼牛，美國安格斯牛又有唔同嘅部位，其他仲有豬雞海鮮等等，我都叫咗嚟試，最推薦嘅係澳洲M8團要肉三，咬落好有口感，牛尾都好濃郁，仲有美國安格斯牛腱好唔錯，最推薦嘅係原隻魷魚，廣島號，都好特別㗎，所以呢一間火鍋放題嘅選擇真係好多，應有盡有，飲品選擇都好多啊

三個女仔既聚會，比個餐廳名吸引左，諗住會有啲新驚喜🤷🏼‍♀️🤷🏼‍♀️一早經OpenRice訂咗位，但當日下午兩點幾先發現原來餐廳喺12點幾打咗三次電話比我，亦有WhatsApp ，但我因為工作中冇留意到，但餐廳已經取消咗我訂位😨😨😨😨其後再同餐廳溝通，好在佢哋都好快安排返個訂位俾我，否則臨時星期五要轉場，真係好大鑊😮‍💨我哋約19:45去到，已經即時能夠安排入座👍🏻👍🏻我哋揀咗蕃茄湯底，湯底都算濃郁，但食物唔算太驚喜，飲品種類唔算多，肉類質素正常發揮，自助區種類未等特別，熟食區有咖喱魚蛋，薯條麥樂雞等等，但唔好食最後總結，旺角區依個價錢可以有其他選擇

我和朋友都很喜歡打邊爐，而且無肉不歡，最愛食牛肉，所以任食是最啱我們的。我地叫咗澳洲M5和牛肩胛：牛肉非常新鮮，而且牛肉味十足，口感嫩滑，安格斯牛頸脊，肉質鮮嫰爽，有筋有口感，肉味濃郁，灼幾灼就食得，另外仲有好多唔同款既牛肉：美國安格斯牛背峰，薄切封門柳等，全部都好新鮮，牛肉既油花豐滿，雪花紋好均勻，牛肉掛滿壽喜燒汁後更好味。除咗和牛，仲有越南虎蝦、廣島蠔同埋幾十款配菜等，都可以去自助區自己夾，配菜選擇好多，而區乾淨企理，值得一讚！飲品仲有果汁汽水任飲。總括而言呢度嘅環境舒服，食物種類豐富，肉嘅質素高，而且菜同丸嘅種類都好多，仲有熟食可以無限添加，出前一丁同辛辣麵，用來打邊爐真係一流，加上打邊爐的湯底，出前一丁吸收晒湯底，真好味。今餐打邊爐食得很滿足，而且價錢公道，係性價比高，一定有下次。

食肉獸又出動😝😝是晚去咗女人街覓食！網上搵到呢間火鍋放題店🍲又打邊爐冇異議就上去啦！呢度用咗惡搞電影主題嘅玩味佈置又幾好笑😂另外座位亦算闊落！事不宜遲開爐滾起啦！. 我哋揀咗✨M5 M8和牛set $368@成人😌可以慢慢任食120分鐘👌🏻湯底就柯打咗✨清酒味噌卜卜蜆湯 (目測又幾多蜆噃)！既然主打肉類梗係主攻肉肉嚟點🤤🤤✨澳洲M5和牛牛肩胛(肉質有豐富口感彈牙), ✨澳洲M8臀腰肉心(🐂肌肉纖維較細,肉質偏軟鮮嫩多汁), ✨薄切封門柳(部位刁鑽而且稀少😃肉質柔軟牛味濃), ✨美國安格斯牛頸脊(👍🏻👍🏻肉嘅纖維較粗,具咬口,牛味細緻香濃),✨美國安格斯牛背峰(油脂花紋分布均勻😛肉質滑嫩), 另外仲有✨鹿兒島黑豚肉 ＆✨原隻魷魚仔 都要叫呀😍😍😍. 自助區選擇都幾多🤗應該有嘅都有：丸類(推介 🦀蟹籽丸, 芝心丸, 🧀芝士牛丸, 黃金流心丸…) ；蔬菜(如 🥬油麥菜, 生菜, 🌽粟米…) ；火鍋料(如 蟹柳, 牛栢葉, 台灣腸…)；炸物 (如 炸魚皮, 響鈴…) 等等等！當然仲有飲品區🥤茶飲汽水果汁啤酒🧃🍺最後呢個套餐仲包咗每人一杯Häagen-Dazs雪糕(揀咗咖啡＆雲尼拿 兩款口味🍧🍨

朋友話想打邊爐,揀左旺角女人街呢間肉蒲團火鍋放題。餐廳環境幾好,乾淨企理,座位好寬敞。電影主題裝修好有心思, 牆身有唔同經典電影海報創作,好特別。店員服務好好,見到湯底唔夠會主動加湯,收碟好快手,又會幫手排返好枱上嘅碟,值得讚一讚。今次揀左M5M8和牛set ($368) 入座嘅時候揀埋湯底,當日湯底有7款,我地揀左清酒味噌卜卜蜆湯, 蜆的份量都唔少,食落無沙,清酒會另外分開一壺俾我地自己加,加湯嘅時候可以自己加返少少。呢個set牛肉嘅種類唔少, 澳洲和牛、澳洲穀飼牛、美國安格斯牛,又有唔同部位,其他仲有豬、雞、海鮮等等。我地每款牛肉都叫左試試,最推薦澳洲 M8臀腰肉心,咬落有口感,牛味都唔錯,M5和牛牛肩胛和美國安格斯牛板腱都唔錯,牛味濃。其他推薦仲有原隻魷魚、廣島蠔、牛骨髓,比較特別。自助區超多選擇,比其他火鍋放題多,有唔同類型嘅菜、丸、響鈴、炸魚皮和其他即食炸物。飲品選擇都好多。最後每人一杯haagen-dazs雪糕,好滿足。

這次來到這個以惡搞電影𝐩𝐨𝐬𝐭𝐞𝐫為題的任食火鍋店，玩味十足😂光看𝐩𝐨𝐬𝐭𝐞𝐫就能樂上半天！全場任食+任飲，還有不少丸類蔬菜類可以自由𝐟𝐢𝐥𝐥～性價比還挺好的！——— ✤ 𝐌𝟓𝐌𝟖和牛𝐒𝐞𝐭｜$𝟑𝟔𝟖湯底選擇了清酒味增卜卜蜆煲，清酒可以自行斟酌酒量～蜆的鮮甜與清酒的香醇相得益彰，口感鮮嫩豐潤。味增湯底帶來鮮味，不過味道則比較淡口。配料方面選擇繁多：澳洲𝐌𝟓和牛肩胛、𝐌𝟖澳洲臀腰肉、牛板腱、牛頸脊、牛背峰、牛骨髓、封門柳～總會找到一款你是喜歡的🥩當中最推薦的一定是牛滑！口感柔軟綿密，帶有微妙的肉汁滋味，每一口都充滿了牛肉的鮮美，口感豐潤；第二推薦是芋頭牛丸，結合了芋頭和牛肉的美味。芋頭的香甜和牛肉的鮮美相互融合，帶來豐富的口感層次。

餐廳個名好搞笑🤣玩味十足，牆身有大量壁畫、霓虹燈等，有唔少打卡位。同朋友dinner想坐得舒服啲傾計，揀左呢間打邊爐，估5到幾高汁。❤️醬料齊全，有辣油丶蒜粒丶蔥、麻醬等。❤️食物區：菜類有豆苗、萵筍、雜菇等，十分新鮮。 另外，仲有芝士丸、豬紅、響鈴、炸魚皮、公仔麵等。❤️飲品區：有個小雪櫃，入面有齊汽水同埋茶類。我地揀左🐮M5M8和牛set，日式壽喜燒湯底❤️🤍❤️🤍368 per one湯底5會話好咸，有兩大舊冬菇吸哂壽喜燒湯底，好正😬。🐮🦬澳洲M5和牛牛肩胛澳洲和牛脂肪分怖平均，軟腍嫩滑，亦有淡淡油脂化開既甘香。🐮🐂安格斯牛肩脊牛肉味重帶鮮甜，肉質幼嫰具咬口。🐮🐃安格斯牛板腱油花分佈均勻，肉味可媲美西冷，但肉質比西冷相對柔軟。🐖🐽豬梅肉睇落好似好肥，但食落一啲都唔油膩亦冇豬腥味。❤️🤍Sofa座位闊落，坐得舒服，抬夠大放食物，唔會有逼迫既感覺。❤️🤍食物refill得好快，肉類質素好高，食肉肉食到飽，最後竟然仲有雪糕😍😍😍。

想食呢間火鍋好耐喇😍同朋友都係電影迷,黎呢度超興奮有幾個set可以揀,都係放題任食😋入到去有好多惡搞電影海報🎬好過癮😂肉類同海鮮類喺手機點,其他丸類菜類同野飲可以喺出面櫃自己拎😌雪櫃好乾淨, 款式都幾多另外仲有少量炸物食🩷仲有出前一叮同辛辣麵任拎!我地叫左比較特別嘅藥膳花雕醉雞湯,花雕酒係另外上嘅,可以自己控制濃度~湯底本身偏甜反而幾好,唔會越食越鹹同頸渴👍🏻每次手機落單只可以叫四碟,所以點嘅野食好快就到~M5M8牛好重牛肉味,M5肉質幾滑同時偏彈牙,M8食落相對較瘦但好多肉汁👍🏻我自己幾中意呢度嘅安格斯牛頸脊,油脂幾豐富,食落好香滑濃郁😻鹿兒島黑豚肉一啲都唔臊,食落好腍👍🏻每份份量唔係好多,唔怕食唔唒做大嘥鬼👍🏻最後仲有Haagen-Dazs食,回唒本😹👏🏻

朋友帶我去旺角覓食🌝佢知我中意食牛🐮所以揀左以間多牛火鍋放題俾我🥰我地就揀左澳洲M5M8和牛set🥩$368/位 任食120分鐘🌟逢星期日至四，二人同行，一人半價🌟有多款牛肉、豬肉、雞肉及海鮮選擇，仲有自助吧任揀丸類、蔬果同有少量熟食🤩我精選左以下必試肉類👇🏻記得淥幾秒好啦😶太熟會破壞口感👻⭐️澳洲M5和牛牛肩胛肉質彈牙⭐️澳洲M8臀腰肉心肉質偏軟鮮嫩多汁⭐️安格斯牛背峰以個部位係肉眼扒既精華部分😍油脂分布平均、肉質滑嫩🤤個人喜歡食肉眼扒，所以特別喜歡💕⭐️薄切封門柳肉質柔軟，牛肉味濃⭐️鹿兒島黑豚肉以個有驚喜🤤肉質鬆軟，入口仲有彈性；且含豐富肉汁最欣賞自助吧有多款丸類👇🏻⭐️我的最愛係芥辣沙律丸、芝心丸、魚肉春卷及蒜味台灣腸。我成日打邊爐都好少見有台灣腸同魚肉春卷，所以間款式都有新意，我想翻兜時已經俾人夾曬😶‍🌫️你地就知幾受歡迎🥹

今晚同朋友黎呢度打邊邊，呢度既地理位置真係極度方便~ 我地一開始喺門口揀左要咩set同湯底先，之後就用QR Code點野食或者係出面會有自助bar任夾任食。入到餐廳，已經見到個裝修好漫畫感，而且啲枱都好闊，一啲都唔覺得迫。我地揀左胡椒豬肚湯湯底，個湯真心好飲，好有胡椒味，而且入面仲好多豬肚，未開始打我同朋友都各人chur左2碗~ 朋友首先點左堆牛同海鮮，佢啲牛同海鮮都好新鮮。特別係啲牛，真係靚~ 而且好好既係佢每碟牛都有寫明嗰個係咩部位，起碼我知自己食緊咩~另外嗰2個自助bar都好多選擇，佢真心有好多款蔬菜同特色既丸，竟然有紫薯、蕃薯苗同蟲草花，出面都係比較少見。除左生野佢仲有一堆熟食，有麻辣魚蛋啦，炸燒賣、咖哩角、炸著條、炸雞塊同涼粉，等水滾時都仲有野食住先, 正~雖然除左涼粉就無其他甜品飲食，但食到咁上下侍應哥哥行埋黎話今晚甜品有芝士蛋糕同哈根大師咖啡味雪糕，我地都揀左雪糕，今晚真係好滿足~

尼間自助火鍋店正好在家附近，同細妹唔想自己煮飯就落來食。入來時段正好，唔使等位，點佐花雕雞湯底同M5M8和牛set。好快脆就上左湯底，牛肉是手機掃code落單。花雕鸡汤底的味道好濃郁，雞另上。M5和牛一份有三四片，片得好薄，落鍋幾秒容易熟，啱肚餓人士可以馬上開餐～肉比較瘦，肥肉少，唔驚熱量超標。碌熟後可以加麻醬或簡單滴少少豉油就好好味。M8臀腰肉心肉更大塊，肥瘦相間，同樣厚薄合適，唔使等好耐就有得食，都幾好味😋封門柳的肉比較細，可以用濾勺來碌。蔬菜種類真是勁多～生菜、菠菜、娃娃菜、油麥菜、西洋菜、豆苗等葉菜，有蘿蔔、萵苣、山藥、蓮藕等莖葉菜，菇類品種也豐富。樣樣來一啲，食得勁滿足。抵讚的是丸類有好多特別的種類。豬肉丸、牛肉丸尼滴普通種類都做得唔錯。有個芥末牛肉丸真是做得好味，芥末量剛剛好，唔會太辣太嗆，同牛肉丸的味道配搭得perfect。小食種類都豐富，有炸魚皮、薯條、燒賣、魚蛋等多種選擇。雪櫃裡的飲品自助，有番石榴檸檬綠茶、紅豆薏仁水尼兩樣我的最愛😍其他無糖的有洛神花茶、桂花烏龍、罐裝烏龍茶等，照顧晒唔同口味的需求。

⭐️肉浦團火鍋放題 任食120分鐘一共有四個餐選擇湯底⭐️我們選擇了C餐 M5，M8和牛Set$368位⭐️湯底蕃茄豬骨湯⭐️套餐有多款肉類選擇澳洲M5和牛，澳洲M8臀腰肉心牛肩胛，美國安格斯牛板腱，牛頸脊牛背峰，牛骨髓，薄切封門柳聰鹿兒島黑豚肉等其他肉類🥩多款選擇而且仲可以任飲，多款飲品選擇, 還有前菜小食，辛辣麵和出前一丁⭐️ 自助區仲可以按喜好自己拎其他配料大量丸類，菜和菇類…十分豐富⭐️個人推介一定要叫，封門柳，澳洲M五和牛，牛頸脊芋頭貢丸，芝心丸…總有一款啱你口味岩哂一班人聚會👍🏻飯後當然不少得甜品Häagen-Dazs雪糕🍦整體來講相當抵食，會再光顧

今日去開旺角睇相機，突然之間好想打邊爐，見到最近呢排肉蒲團火鍋非常出名於是黎試吓，由於逢星期日至四二人同行一人半價，所以我今日就同老婆打吓邊爐。餐廳環境電影感十足，裝修新穎，有大量卡位俾客人，坐得非常舒服，我哋仲見到加$48就有任飲日本啤酒非常抵，由於聽日要返工所以就冇叫啤酒了。我哋今次叫左m5m8和牛set,清酒味噌卜卜蜆湯，一開始以為湯底只係得幾粒蜆，點知我哋夾晒出嚟竟然有兩大碗，份量十足。牛肉亦有唔同部位可以選擇我哋最推薦就係封門柳和澳洲M8團腰肉心，牛肉味10分濃，肉質軟滑多汁。餐廳亦有唔同嘅丸類蔬菜可以自助，另外仲有唔同飲品可以選擇。最後食到好飽，點知餐廳仲話會送Häagen-Dazs雪糕俾我哋食，我哋一人叫咗一個朱古力味。大家嚟旺角可以試吓依間最近非常出名嘅火鍋放題。