肥仔雲南小鍋米線

营业中

休息中

學校附近一直唔算多好食嘅米線今日朋友就推介咗呢間九龍灣肥仔米線😋見佢有雞絲，即刻衝去先！地方唔算難揾，喺得寶正門右邊嘅小巷🤓6點左右去到唔算多人即刻就有得入去！叫咗麻辣米線，餸方面就選擇咗自己最愛嘅腩肉、螺旋藻同雞絲😋個湯色水睇落好唔錯😳啲餸份量好足，腩肉偏瘦夠入味🤤而且第一次食到配菜嘅肉碎有酒味，有啲驚喜！可惜米線偏硬，如果煮淋啲就完美喇🙈今次叫咗中辣，但愈食愈辣！下次再嚟要叫返小辣先得🥲

九龍灣呢間肥仔米線其實就開正係連鎖米線舖隔離🤣但佢嘅好味程度係去到好多時候晚市去都係要排隊店內位置都算多坐得好窄😂係港式餐廳嘅味道人多都係需要搭檯雞絲bb辣薯粉叫親雞絲都係會成碗都係雞絲質感有少少乾但夾埋個湯底一齊食超級過癮吸收曬湯嘅味道薯粉係粗身有咬口嘅類型食曬成碗真係超級飽肚而且湯底有好多辣肉碎風味十足越南春卷有某啲餐廳食春卷已經唔會比呢隻泰式甜辣醬🥺食開越南春卷加泰式甜辣醬嘅我真係覺得唔可以用其他配搭春卷每次都係新鮮炸起熱辣辣，而且外皮超級脆口可以見到個兜全部都係油🤣不過叫得春卷都唔會介意呢啲啦

8點幾去到 咁岩唔使排隊 舖面比較細 坐得會逼少少 🍜酸辣小鍋米線（豬軟骨、蘿蔔、腩肉、墨魚頭）微辣🌶️一黎到 已經見到好大碗 份量超多 先講湯底 真係好岩Sa妹口味 係我想要嘅酸辣呀 夠酸夠辣 雖然微辣 但都食到出曬汗 成兜野有好多酸菜同肉碎 岩曬Sa妹D重口味人士 豬軟骨幾出色 燜到入味軟淋 完全唔會柴 相比之下腩肉就較為遜色 肉質偏硬 墨魚頭粒粒都大舊有咬口 蘿蔔香甜而且無渣 🍜酸辣小鍋米線（豬頸肉、竹笙、蘿蔔）微辣🌶️豬頸肉切到薄身 不會好多肥膏 但味道唔算好出色 不過不失 竹笙就吸收曬湯底嘅酸辣 食落過癮

喺米線group成日見有人話好好食，琴日去淘大行街就順便試下，本身以為星期六一定要排隊，點知去到可以直入，仲覺得好好彩😂叫咗酸辣小鍋米線B B辣，配料要腐竹，豬大腸同豬軟骨。落單等咗十分鐘左右就有得食，夾起第一啖米線連湯一放入口就心諗大鑊，真係好咸，係死咸嗰種，冇乜其他香味。再試下豬大腸，豬大腸係ok，洗得乾淨冇乜臭味同都幾淋，可能湯底太咸，顯得個豬大腸好清淡😂之後到豬軟骨，又係咸到痴線，仲咸過湯底😂食咗半碗頂唔順喇，放棄🥹冇下次👋🏼

塔塔子係米線愛好者，一個月都會食幾次米線！聽聞呢間肥仔米線之前喺荃灣有唔少街坊支持，而家就黎到九龍灣開鋪。位於得寶商場，唔熟呢頭嘅朋友可能會有啲難搵。今次我叫左酸辣中辣，配料揀左豬大腸，墨魚頭。一上枱嘅時候見到紅紅嘅湯就已經好興奮！一試味，辣中帶酸，非常出色，唔會只有死辣死咸，湯底唔錯米線唔會太淋，滑身，份量亦好多。配料份量都唔少，豬大腸係斜形厚切，可惜太韌，煮得太熟好難咬。而墨魚頭軟硬適中，但奈何冇乜味道。其實乜係墨魚頭呢？但係又有墨魚腳嘅？米線，湯底呢兩位主角都好出色，可式今日兩位配角有失水準，希望下次唔會啦！

🔹九龍灣// 肥仔雲南小窩米線🔹人均約$55🔹▫️豬大腸螺旋藻小窩米線 $50我自己嗌咗唔辣嘅都好夠味，湯底係偏少少甜，同埋好重口味米線食落好入味！🫶🏻我自己都勁鍾意食！螺旋藻都好好食，係海帶咁既野，配埋個湯底好夾好好食😻豬大腸就不過不失唔算好特別🤣🐖🔹好飽評語自己食過好多次，都覺得好好食😻😻喺環境方面有少少熱，加埋杯凍飲嘅話都算忍受得到，但係米線真係幾高質好食過雲貴香嗰啲連鎖米線！💕🧠回頭指數：🔟🧏🏻‍♀️打卡港女：3️⃣🌬冷氣溫度：5️⃣🚽廁所評價：⏹🧾性價比呢：9️⃣

鋪位細，但有兩部中央冷氣，你以為入到去會係涼或者有風。出面溫度36度，但係入面都係開一部！後尾坐滿人終於開第二部，但都係冇分別！問店員可唔可以開大啲或者調較風吹，佢地不可一世咁話轉唔到。‼️冷氣改唔到但佢有把風扇點都識郁啦卦？問佢 佢話 盡左架啦！郁唔到！好笑 掛牆風扇冇得轉？你轉唔到去每個位但係佢keep住轉既話，成間野都唔會焗過出面啦！要咁慳既一係專做外賣，咁咪唔使開冷氣囉！你地自己都識搵個風口位企啦！你地試下唔吹睇下係咪都係盡左？！‼️如果係想出身汗既建議你黎食！包你一路食一路流汗，消耗卡路里一流！如果你唔想中暑既就❌❌❌幾好食都冇用啦，更何況唔係話特別好食😊

肥仔米線🍜係我頭三位喜愛既米線想當年一直係荃灣 平均一星期都要食2次❤️後來被無良業主加租加到頂唔住要搬去九龍灣 當時都引起左一段唔捨得嘅風波🥲去到九龍灣質素依然無變☺️一定要食炸吉列豬扒🐷平民式嘅吉烈豬扒，但係唔會有雪味，炸粉亦都10分平均👌🏻💯米線🍜湯底係精緻我食肥仔係唔會揀腩肉同炸醬嘅推薦好彈牙嘅墨魚頭我☺️同埋入晒味嘅紫菜平時好鍾意食辣嘅我，喺肥仔都係叫小辣🤣好多人講話肥仔個湯底太甜或者什麼，我只係覺得佢係一個好特別嘅湯底我唔會拎佢哋同其他米線譜對比同埋係有一份人情味喺度☺️

認識我的人都知我鍾意食雲南米線，一直都不斷尋找出名的米線小店，睇下邊一間係成為世一之選，今日襯早起身，專登黎到九龍灣食人氣米線店- 肥仔雲南小鍋米線。因為經常見到人介紹，去到又見到人龍，所以都滿心期待。今次叫左腩肉炸醬冬菇麻辣中辣，其實都係主打食物。雲南米線、甚至湯麵類，肯定係先試湯底，湯底係靈魂所在，唔掂的話，D餸幾好食都救唔番。肥仔的湯底濃中帶甜，雖然叫麻辣，但都加左酸菜，所以變左酸辣。我覺得唔算好驚喜，正常發揮，同埋覺得𠴱種甜味有少少格格不入。之後試試腩肉，由於小弟本身麻麻地肥肉（除左梅菜扣肉𠴱隻），所以呢度的腩肉我都岩心水，又夠入味，幾滿意。然後冬菇，比想像中失望，因為佢揀肉厚的冬菇，所以唔算好入味。佢應該用無咁厚的冬菇，同埋預先餣定先就夠晒入味。最後炸醬先出事，首先佢唔係正宗雲南炸醬，其實係肉碎，不過都唔緊要，融入香港風味都Ok，但大獲係超鹹，我本身都係重口味，我都話過鹹就真係好_鹹。因為本身雲南米線湯底都好夠味，個炸醬仲要鹹過佢，就算撈埋米線都係攪唔掂，所以最後唯有忍痛放棄。

🐔麻辣小鍋紅薯粉+螺旋藻 $34小鍋湯底基本配料有肉碎 芽菜 酸菜 韮菜 食湯麵我習慣第一啖飲個湯底麻辣小辣湯底首先係好香辣椒香料味 飲到第二啖會feel到嘴唇有啲麻痹 都幾有層次但同“老闆娘”比較就無咁濃郁 感覺比較住家🤣螺旋草屬於佢哋其中一款招牌之一份量都幾多 堆成一座小山咁口感有咬口唔會霉霉爛爛而且出面都比較少食到呢款配料紅薯粉就似係平時酸辣粉嗰種麵 偏粗身圓身 Q彈得嚟帶點煙韌最緊要係份量超級多 女仔可以中午飽到夜晚

最鍾意食米線嘅我，見有人推介九龍灣肥仔米線，當然要試下啦！入到去，位置唔算多，只有五至六張枱。大約6點鐘到達，門外已經有唔少人等位同外賣。我地2個人各叫一碗米線，一份炸魷魚鬚同飲杯凍檸茶。一碗係牛展海藻酸辣米線微辣，另一碗豬紅腩肉酸辣米線小辣。呢到既辣度好過癮，唔係得死咸既個種，偏甜，一開始食係好爽，但後尾唔知點解好似越食越油膩咁。米線係我中意既口感，偏淋，配料嘅份量係好足夠，肉夠入味。令我有都幾有驚喜嘅係呢度嘅小食炸魷魚鬚，夠脆，因為好怕食到一啲淋曬，外皮一啲都唔脆既魷魚鬚，影響晒個質感。

肥仔雲南小鍋米線呢間米線bookmark 咗一段時間之前見到米線關注組極力推薦經過九龍灣就順便黎試下啦麻辣小鍋米線 HK$57呢個小鍋米線叫咗小辣 湯底超濃其實一上枱見到佢呢個顏色就有啲淆 睇落好辣 食第一啖好快就比佢啲辣味攻落喉嚨 之後係咁咳好彩老板好好人 比咗碗豬骨湯我地自己溝湯底嘅辣度即刻啱啱好 豬骨味亦都好濃 好食~炸醬嘅份量好夠 而豬頸肉嘅味道就冇咩特別 酸辣小鍋米線 HK$54另外呢碗小鍋米線叫咗微辣對比起麻辣 佢嘅酸辣米線更加出色辣度啱啱好之餘 酸味唔會好搶 豬骨湯味濃 而且我地仲叫咗佢嘅招牌腩肉腩肉醃得好入味 又唔會好韌 而響鈴放咗落去呢個酸辣湯到浸 索咗呢個酸辣湯嘅味 好食~ 呢個米線絕對會再encore

好多人都話肥仔米線好出名，所以今日專程去試吓。星期六嘅中午一點半，店內仍然full house，店外排隊等堂食同等外賣嘅人依然不絕。始終因為係小店，座位有限，所以喺門外排隊等咗大半個鐘先可以入座。雖然餐廳出名，但價錢合理夠平民，欣賞！一於試吓肥仔推介嘅豬軟骨，豬軟骨夠淋，夠入味，份量又剛好，所以都值得推介！至於食酸辣米線好多都都會點腩肉，肥仔嘅腩肉唔係譚仔嘅五花腩片，反而係似豬肉片，份量還好但有啲乾同鞋，所以唔太推介。2碗米線只點一個餸就係因為想試吓佢嘅酥炸排骨。即叫即炸，需時至少15-20分鐘！熱焫焫上碟，排骨所用嘅脆漿好特別，但嫌佢太大件，如果可以細件少少會較方便進食。而且排骨炸到根本睇唔到邊度係肉，邊度係肥膏，邊度係骨，所以整體感覺一般，無想像中出色。總括成餐肥仔米線，老實說肥仔酸辣米線嘅湯底係偏甜，即使只點小辣，酸味不足，反而食到好甜，所以有啲失望。加上可能點錯餸(?)，覺得佢啲餸唔算出色，炸排骨亦太大舊又唔多用。所以如果想食米線，應該唔會再返嚟排隊食。(滿分為🤤x5)好味指數: 🤤🤤抵食指數: 🤤🤤🤤回頭指數: 🤤🤤

🌈🐭今次又係米線關注系列🤪荃灣馳名肥仔雲南米線改咗去九龍灣重開，對於港島米線控既🐭泥講，絕對係好消息🤣終於唔使去咁遠😂九龍灣店舖雖然比較隱世，聽聞呢間米線平日都會大排長龍，🐭而家就為大家介紹🫶🏻📍肥仔雲南小鍋米線 九龍灣牛頭角道3號得寶商場地下🔥墨魚頭腩肉酸辣米線(微辣) $34兩個餸都係王牌推介，真係冇失望👏🏻😆墨魚頭(+$13)每條都幾粗，夠爽脆彈牙，唔會好韌，有淡淡墨魚鮮味，一碗都有八九條，份量都算多。🔥腩肉(+10)醃得好入味，五香麻油夠香，肉比較薄但又唔會太肥，🐭覺得啱啱好，值得一試啊！不得不讚佢嘅湯底唔會係食完勁有罪惡感勁Heavy個種重口味湯底，反而係清清地但係神奇地好夠香辣味，酸菜夠晒酸，🐭好鍾意❤️，完全將碗米線昇華。 米線口感正常，但份量真係多到嚇死人，不論係米線同埋配料，都好足料，細食女仔絕對食唔晒🤣🦑炸魷魚鬚 $36王牌小食之一，一上菜已經聞到勁香嘅酥炸味，佢唔會係好厚粉嗰種炸皮，每條魷魚鬚沾上一層薄薄的炸粉，口感好酥脆剛剛好，但又唔會太熱氣嘅感覺，出邊好少地方食到呢一種口感，好食到停唔到，正🔥🧄蒜泥白肉 $36同譚仔小食唔一樣，呢度嘅蒜泥白肉冇咁重口味，感覺

近排好想食酸辣米線特登去食呢間, 估唔到星期日兩點幾都要排隊, 等左半個鐘左右入座入座後都要等10分鐘倒先有野食不過勝在即叫即整, 黎到時非常之夠熱辣辣！ 👉🏻腩肉 墨魚頭 豬軟骨 麻辣薯粉(bb辣）腩肉係偏瘦個隻, 少少辣, 少少乾墨魚頭好爽同埋彈牙, 豬軟骨調味同肉質唔錯個湯都夠麻～ 見其他食評話呢度既辣比出面辣所以bb辣就岩哂我地啦 薯粉少少粗, 好有咬口, 食到牙骹有啲攰😂 👉🏻墨丸 魚腐 酸辣薯粉(bb辣)鍾意酸辣嘅比例, 勁多酸菜夠酸又有少少辣, 好開胃好正 墨丸x3 唔錯, 魚腐x3 唔係我想要個種, 呢隻唔吸湯同埋口感似魚片👉🏻炭燒豬頸肉呢個都幾失望..見menu係推介, 但炭燒味欠奉, 好薄片無乜口感, 肉質一般, 個醬偏甜, 如果配泰式酸辣醬會夾好多 總括配料方面 我地一致覺得墨丸最好食 酸辣/麻辣都好惹味, 但食完都幾口渴 下次會叫米線, 食得無咁攰🤣 同埋會叫少粉, 因為真係好好好大碗, 連男仔都話食完係8-9成飽….