肥哥車仔麵

营业中

休息中

態度唔係幾好 然後野食等好耐 有曾經試過一次係外賣自取 等左半個鐘左右 個老闆仲要同啲伙記講係客搵我地 唔係我地搵客 所以我嗰次一等就等左半個鐘 雖然有學生餐 但一啲都唔抵食 真係經過左嗰次之後 唔會再試

下午三時正去到該店鋪滿心歡喜可以一嚐久未食過嘅車仔麵點知去到，無河粉無油麵無米粉無豬紅無牛腩簡直浪費我一小時時間去到呢間熱辣辣但乜都無嘅鋪頭以後都唔會再去又大牌又無禮貌難道該鋪頭只做早市生意好似酒樓咁？尋日甚至大前日都唔係打風點可以連車仔麵最重要嘅麵都無乜都準備唔好學咩人開鋪

今日同個老友去試下，真系一試難忙，我叫左個油麵底($8)，餸就有豬腸($12)、鳳爪($12)、罗白($8)、豬红($12)、介蘭菜($8)，首先碗麵黎到，得2隻鳳爪要$12仲要硬個鬼咬都咬唔到，D豬腸又大舊又韌又得個3粒，到D罗白，真係吊得3舊，全部都好似浸左幾十年咁，淋淋淋。我唔係食神上身，但真系好似車仔麵基本料都攪唔掂，唔信大家可以去試下。

肥哥車仔面🍴先講肥哥車仔面之我終於食到佢😭睇啲旅人blogger 介紹香港美食有佢☺️叫左個必食既蘿白同鳳瓜 ！湯底叫左微辣😚佢啲蘿白真係冇渣！好林身好入味～佢啲鳳爪又係😍好肥美😋雞翼都好好食架✔️全部都浸到好入味✔️不湯底叫左微辣都食到我出晒汗😅我太屎了😂但又幾過癮！（如果食唔到辣既各位要嗌bbbbbb辣）😅但係充滿香港味道～唔怪得啲遊客咁中意啦☺️值得一試既車仔面～位置都幾方便～值得去試

ok, not bad. Not excited at all seriously. Rather taste ordinary, I can cook better than he does. The only gimmick is the boss is full of himself, thought he is someone of the "star" in the 車仔面 industry, which is very funny. Okay flavor though, and I am really concerned about the hygiene. I hv been to lots of local food stall, but they are well kept n clean... not this one though.

有無人想用五十幾蚊食碗垃圾麵，基本車仔麵需要嘅味道都冇！魷魚無味，辣汁得死辣，態度又惡劣，叫一碗車仔麵，要等四五個字，同區大把車仔麵好食過佢，我覺得無謂食佢囉！

若想吃一碗令人稱心滿意的車仔麵的話，我這個老牧童一定會遙指到石硤尾肥哥那處.... 來這裡那麼多次，這竟是我第一趟看到這個graffiti招牌，真是失敬失敬....肥哥依然是那樣好火氣；食物依然是那般的美味；價錢依然是那樣便宜抵食.... 麵底依舊是我最喜歡的油麵，口感滑溜；鳳爪是我每次來必食的 ---- 炆煑得入味至極之餘肉又不會太散爛；豬手同樣超入味肉非常爽彈 (特別好吃是那層皮，骨膠原超豐富的)；蘿蔔夠淰沒筋非常多汁；韭菜很幸運地沒見有太多渣，色水亦十分翠綠.... 最後添上肥哥特製刺激度高的辣醬.....真的讓人有"wow"的感覺呢....

路過見好多人排隊，豬事的我們又去排埋一份。幸運地等一陣就有位，但坐低後等落order同等麵的時間要較長。現在食個車仔麵動輒已過40大元，貪心的我也不例外，輕鬆的揀5個餸就已盛惠$49!落單付款，不怕呦數。我點了蘿蔔牛腩支竹冬菇獅子狗小辣油麵。相中未有出現蘿蔔，因我吃到最後才發現少了蘿蔔這主腳，同阿姐姐講佢又信我wo, 話俾相佢為証佢都話唔洗，因為常有發生唔怕你呃，哈哈！街坊生意的親切感滿載！講返個麵，湯很濃，油麵彈牙，牛腩好淋但太小塊有點散修修的感覺，冬菇意外地厚身，但唔夠淋同入味，支竹獅子狗無特別。遲來的蘿蔔無渣，煮到淋哂入哂味，但無蘿蔔甜味，不致最好吃也不差！雖然我只點了小辣，但見到辣椒粒時已覺不對路，真係幾辣，自調的辣油就是不一樣！辣油中還加了蒜跟洋蔥等材料，好吃！朋友說豬大腸也好爽口，不錯。其實真的不會分車仔麵怎樣先叫好吃，應該是湯，麵還是料？我看是吃完沒有需要瘋狂飲水，所以算味精不多，又有味，已加分。

高水準既車仔麵 係全港最好食既車仔麵之一! 長期都有好多學生街坊幫襯~佢地既餸都幾多選擇 而且好好食 特別係牛腩、豬手、鳳爪、雞翼、豬頸肉! 全部都好惹味好入味~ 仲有小編特別推介既蘿蔔 每次必食 又冧又入味又冇渣！比起車仔麵餸 佢地既秘製勁辣辣油其實更加出名 真係用指天椒自家製 辣勁好強但好香 令成個麵生色不少 不過微辣已經食到小編流唒汗 建議唔食得辣既朋友唔好輕易挑戰 食得辣都唔好一叫就叫大辣 會辣到食唔到

車仔麵👅影完南山邨就黎左呢間車仔麵食lunch啦😆😆之前見到有個post比較多區既車仔麵，而呢間係贏左既😝咁就好有期望咁試下係米真係咁威威啦😎呢到既麵同餸都係唔同價咁逐樣嗌🤔呢兩碗加埋$66都算平喎！！啲湯係賣點！話係加左指天椒、乾椒、咖哩粉、沙嗲...🌶我叫左小辣，厭佢唔夠辣😕個湯既咖哩味重過辣椒味🙃🙃但整體黎講個湯唔算濃🙁有啲失望～豬手同鳳爪就唔錯😋豬手好骨膠原😆咬起黎唔係肥膩，而係偏實正👍🏻豬手同鳳爪都整得幾入味🙂🙂豬腸都入味，但中間夾住哂啲肥膏🙁我呢排食親既都有清乾淨嫁😗😗我覺得呢間一般般🤔唔明點解比咁高分😂中意食辣既可以食元朗間合興😋中意食腩汁湯既就要去我最愛既銅鑼灣榮記😍😍

香港區想食辣車仔麵會去銅鑼灣，九龍區....多數會來這家。每次來也必叫雞翼尖、豬手及鳳爪再視乎肌餓程度加其他配料。豬手屬於入味得來咬落是爽脆型，去毛去得非常乾淨！最重是有肉而不是皮包骨的豬腳。鳳爪及翼尖也是非常入味及軟腍！幾款有骨的食物也值得推薦。牛腩反而一般肉質雖不韌但太瘦！辣汁通常會揀中辣，有少許咖喱香得來辣度足，不用吃至滿頭大汗。大辣都接受得到不過就會出晒汗囉！價錢絕對合理，試試去銅鑼灣同樣吃辣出名的新記叫五餸看看幾多錢?

肥哥已經食左好多次,次次想食車仔面就會諗起佢,而每次去到都好多人,哈哈,好多FANS.......呢度招牌有豬手,下就左右就會沽清,米線亦都好快賣晒,雖然肥哥CLOSING TIME係19:30,但下就5點幾就好多樣都會無架啦!佢嘅湯底食得出落足料,見得出有八角添,鐘意SPICY嘅你一定要黎,我次次都飲晒佢D湯,好過癮架

今日同老公慕名而來，終於嚟到肥哥車仔麵品嚐一下。 我自己點咗蘿蔔、鳳爪同響鈴卷，而老公就點咗蘿蔔、魷魚、豬皮同豬手。我同老公都覺得最正係蘿蔔! 蘿蔔一啲渣都冇,醃得好入味,每舊都大大舊,食落口感一流, 超級出色! 其次就係豬手,豬手同樣醃得好入味，好lum身，食豬手就係想食到咁嘅質地，真係極度好味! 而鳳爪都係一樣好味，不過我就略嫌佢鹹咗少少，但可接受。不過響鈴卷味道就一般啦，冇乜驚喜，不過都好少食車仔麵時可以有呢個餸。而最一般嘅係魷魚，冇乜味道。我特別想讚嘅係個湯底!我自己點咗中辣（中辣已好夠辣）。個辣汁配埋個湯底真係一流，好濃味。裏面有好多辣椒碎、薑同蒜頭，如果鍾意濃味嘅朋友一定會好愛呢個湯底!呢個車仔麵係我食咁多車仔麵之中最好食嘅其中一碗， 我一定會encore再encore!by the way，其實本身我想點雞翼，不過下午兩點幾雞翼已經賣曬，應該有d料到，所以下次一定會點。

住石硤尾一向覺得附近冇咩好食最近睇連登見到有人推介肥哥車仔麵話鍾意食辣既一流睇埋openrice d圖 決定一戰結果好有驚喜我叫左蘿蔔 豬紅同豬手我妹叫左魚旦同雞翼另加腐乳通菜D蘿蔔完全勁入味 睇d色變哂就知唔似出面d車仔麵檔淨烚蘿蔔咁淡仲有d豬手 都係完全入味 冇毛小辣就夠 本身怕唔夠辣 但愈食愈辣 所以小辣就夠！真心好值得推介既平價高質車仔麵

行去賽馬會創意藝術中心途中見到這間好多人食的車仔麵，即使天氣咁熱，氣溫三十幾度，連室外既座位都被坐滿。逛完藝術中心，我地見室內有位，所以決定試下。可惜因為生意太好，好多麵款同餸都售罄了。 三餸麵: 山根，響鈴，牛腩，粗麵 二餸麵: 魷魚，牛腩，粗麵味道真的不錯，湯底夠濃。牛腩夠淋，而且並不是牛腩碎。